Quinta-feira, 09.02.17

AC Milan halakon Bolonha no hakotu jogu ho na'in 9

Pasalic aponta úniku golu iha jogu ne’e.


 

AC Milan segura iha  fatin dahitu kampeonatu italianu nian, manán (1-0) Bolonha, iha jogu atrazu hosi jornada 18.ᵃ ne’ebé  milaneze ikus mai  reduz  to’o  sia.

 

Golu AC Milan hetan to’o  iha minutu 89, hosi  intermédiu kroata Mario Pasalic.

 

Jogu ne’e marka ho espulsaun ba jogadór na’in rua – Gabriel Paletta no Juraj Kucka -  hosi  ekipa komanda hosi  Vicenzo Montella, na’in rua ho akumulasaun ba kartaun kinur.

 

 Ho vitória ne’e halo AC Milan okupa iha fatin dahitu,  ho pontu 40, enkuantu Bolonha monu ba  14.°, ho pontu  27.

 

SAPO TL ho SAPO Desportu

Sexta-feira, 28.10.16

Udinese manán Palermo no sa’e ba pozisaun 12º

Kampeonatu ne’e lidera hosi Juventus, ho pontu  24, liu rua duké AS Roma, no haat duké Nápoles no lima duké AC Milan.


Foto: MARCO BERTORELLO / AFP

 

Golu rua hosi médiu fransés Seko Fofana halo diferensa iha vitória ho 3-1 Udinese nian iha terrenu Palermo , iha jogu ne’ebé taka jornada 10ª Liga italianu nian.

 

Jogu ne’e tama ba intervalu ho empate golu ida, vantajen dahuluk ba Palermo, hafoin minutu 10, hosi  avansadu masedónio Ilija Nestorovksi, liuhosi lanse kontra-atake, no tuir mai ba Udinese hosi dianteiru fransés Cyril Thereau, iha 36.

 

Sé maka halo  diferensa maka ninia kompatriota Seko Fofana, autór hosi golu rua iha parte daruak, dahuluk  lanse hosi inspirasaun  individuál, ho remate metro 25 hosi baliza ne’ebé halo bola tama iha kantu aas liu baliza sicialiana, no tuir mai  konklui lanse ida liuhosi kontra-atake iha momentu ne’ebé  Palermo tenta halo buat hotu atu hetan empate.

 

Ho vitória ne’e, Udinese okupa iha klasifikasaun  12.º,  ho pontu 13, enkuantu Palermo nafatin  fatin penúltimu, ho pontu neen.

 

Kampeonatu ne’e lidera hosi Juventus, ho pontu  24, liu rua duké AS Roma, no haat duké Nápoles no lima duké AC Milan.

 

SAPO TL ho SAPO Desportu

Quarta-feira, 26.10.16

Milan lakon ho Génova hosi Miguel Veloso hafoin halakon Juventus

Jornada 10.ª hala’o  iha kuarta-feira ne’e, ho  realizasaun ba jogu sia, no konklui iha loron tuir mai, ho enkontru ida.


 

Loron tolu hafoin halakon  kampeaun  líder Juventus, AC Milan iha ohin hetan  derrota ho 3-0 iha  terrenu Génova nian, ne’ebé okupa ho provizóriu pozisaun hitu  kampeonatu futebol italianu, ba jornada  10.ª.

 

Ho  Miguel Veloso inklui iha inisiál ‘sanulu-resin-ida’, genoves hahú konstrui vitória hasoru  klassifikadu datoluk kampeonatu iha minutu 11, ho golu ida hosi médiu sérvio Nikola Ninkovic.

 

Iha minutu 80, eslovaku  hosi  AC Milan Juraj Kucka trai Gianluigi Donnarumma, ho autogolu ida  no loke  tan vantajen ba Génova, molok Leonardo Pavoletti estabelese rezultadu finál  iha minutu  86.

 

Juventus, ne’ebé iha sábadu monu hasoru AC Milan (1-0),  iha jogu jornada dasia nian, iha kuarta-feira ne’e sei hasoru Sampdoria, lidera liga, ho pontu 21, liu rua duké Roma no ‘rossoneri’, ne’ebé bele liu hosi Nápoles.

 

Jornada 10.ª  hala’o iha kuarta-feira ne’e, ho realizasaun ba  jogu sia, no konklu iha loron tuir mai, ho enkontru ida.

 

SAPO TL ho SAPO Desportu

Segunda-feira, 26.09.16

Paulo Sousa kritika arbitrajen iha jogu ho AC Milan

Tékniku hosi formasaun 'viola' lagosta ho kritériu  hosi arbitrajen iha jogu kontra AC Milan.


 

Fiorentina no AC Milan empata ohin ho 0-0 iha jogu ba jornada daneen futebol Liga italiana  nian, ne’ebé hala’o iha Florença, ho anfitriaun laaproveita oportunidade liuhosi penalidade.

 

Médiu eslovenu Josip Ilicic, iha minutu  24, hetan kaer hodi hamonu  nia tenki kastigu máximu, ne’ebé bele fó vantajen ba formasaun  komandadu hosi  Paulo Sousa.

 

Hafoin jogu remata, Paulo Sousa sente lasatisfeitu ho arbitrajen no konsidera maski iha  tratamentu lahanesan.

 

" Árbitru tenta atu halo buat di’ak hotu, sala hirak ne’e  akontese  iha jogu hotu. Ha’u iha Itália ho tempu sufisiente no hatene  importánsia ne’ebé fó ba  ekipa balun kompara ho  seluk.  Kazu  balun ne’ebé akontese iha área Fiorentina nian trata ho forma diferente...", haktuir Paulo Sousa ba Sky Sports italiana.

 

"Josip Ilicic hahú ho di’ak iha  époka ne’e no sai hanesan jogadór ida importante ba ekipa. supera ida ne’e (falla iha penalidade). Ha’u haree iha determinasaun barak atu manán iha jogu no ida ne’e maka  atitude ne’ebé ha’u hakarak. Ha’u nia ekipa merese vitória no halo buat hotu atu konsege. Ami tenki mantein jogu sira  ho  forma hanesan", afirma Paulo Sousa.

 

Ho igualdade ne’e, AC Milan akupa iha klasifikasaun daualu, ho pontu 10, hanesan ho Roma, Lazio, Chievo no Bolonha, hela pontu lima hosi líder Juventus, enkuantu Fiorentina okupa iha klasifikasaun 12.º, ho pontu ualu hanesan ho Torino no Génova.

 

SAPO TL ho SAPO Desportu

Quarta-feira, 21.09.16

AC Milan hanesan ho Juventus iha klasifikasaun daruak Serie A nian

Hafoin vitória ne’ebé hetan iha San Siro hasoru Lazio ho  2-0.


Foto: EPA/DANIEL DAL ZENNARO

 

AC Milan iha ohin iha pontu hanesan ho  Juventus iha klasifikasaun daruak  kampeonatu futebol italianu, hafoin simu no manán  Lazio, ho 2-0,  ba inísiu jornada dalima prova nian.

 

Iha San Siro, kolombianu Carlos Bacca loke uluk golu, iha minutu 37, no fransés Niang, iha 74, liuhosi penalidade, konfirma vitória ba formasaun uma-na’in.

 

Ho  rezultadu ne’e, AC Milan soma pontu sia no koloka-an iha klasifikasaun daruak ho Juventus, ne’ebé sei simu Cagliari iha kuarta-feira ne'e , klube ida ne’ebé atua hosi  internasionál portugés Bruno Alves.

 

Nápoles, líder Serie A nian ho pontu 10  no adversáriu Benfica iha Liga dos Campeões, iha kuarta-feira ne’e sei desloka ba kampo Génova nian, ne’ebé maka seidauk bele konta ho Miguel Veloso tamba  sei iha kastigu.

 

SAPO TL ho SAPO Desportu

Segunda-feira, 19.09.16

Fiorentina hosi Paulo Sousa impede Roma atu sai lideransa

Fiorentina, ne’ebé orienta hosi treinadór portugés Paulo Sousa, sa’e ba klasifikasaun sia, ho pontu neen.


 

Roma iha ohin laaproveita oportunidade atu sai  lideransa iha futebol Liga italiana, hanesan ho Nápoles, lakon hasoru Fiorentina ho 1-0, iha  jogu ne’ebé taka  jornada dahaat nian.

 

Golu ne’ebé  deside iha jogu ne’e  akontese iha minutu 82, hosi médiu kroata Milan Badelj, ho remate ida maka’as, liuhosi rai no dook hosi área, kolaka bola ba baliza parte loos nian ne'ebé defende hosi  polako Wojciech Szczesny.

 

Ba  ekipa romana, lakonvoka laterál eskerda portugés Mário Rui, tamba sei iha  rekuperasaun ba lezaun.

 

Nápoles (3-1 ba Bolonha, iha sábadu)  hanesan  líder izoladu, ho pontu 10, tuir Juventus - ne’ebé lakon iha San Siro ho Inter 2-1 -, ho pontu sia no kuartetu ne’ebé forma hosi  Roma, Lazio, Chievo no Inter, hotu iha pontu hitu.

 

Fiorentina, ne’ebé orienta hosi treinadór portugés Paulo Sousa, sa’e ba klasifikasaun sia, ho pontu neen.

 

SAPO TL ho SAPO Desportu

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo