Terça-feira, 13.09.16

Timor-Leste partisipa iha Kampeonatu AFF Futebol sub-19 iha Hanoi, Vietnam

Selesaun timoroan futebol sub-19 nian partisipa iha Kampeonatu AFF Futebol sub-19 iha Hanoi, Vietnam. Kampeonatu hala'o entre loron sira 11-24 Setembru 2016. 

 

Imajen hosi jogu entre Timor-Leste ho Vietnam iha loron 13 Setembru 2016

 

Selesaun timoroan sub-19 hala'o jogu dahuluk ne'ebé di'ak, iha loron abertura nian, bainhira manán selesaun filipinu ho 2-1. Golu sira hosi selesaun timoroan nian marka hosi Gaudêncio Armindo Monteiro (iha minutu 10) no hosi Henrique Wilson da Cruz Martins (iha minutu 37). Golu úniku hosi selesaun filipinu nian marka hosi Jordan Blair Daydora Jarvis (hosi minutu 75).

 

Iha loron 13 Setembru, Timor-Leste lakon hasoru Vietnam ho 4-1. Jogu sira seluk hosi Timor-Leste nian sei hala'o iha loron 17 Setembru (hasoru Malázia) no iha loron 19 Setembru (hasoru Singapura).

 

@SAPO Timor-Leste

Quinta-feira, 02.06.16

Timor-Leste tuun pozisaun rua iha ranking hosi selesaun sira

Selesaun timoroan okupa agora fatin 177 iha lista ne'ebé lidera hosi Arjentina. 

 

Foto: Valentino de Sousa/AFP

 

Selesaun hosi Timor-Leste tuun pozisaun rua iha atualizasaun ikus hosi "ranking" FIFA nian, okupa agora pozisaun 177 iha tabela ne'ebé lidera nafatin hosi Arjentina.

 

Béljika ho Kolómbia kompletu pozisaun dahuluk hosi lista, no Kolómbia hanesan novidade iha pozisaun tolu dahuluk nian. Portugal mantén pozisaun daualuk iha ranking hafoin Brazil iha pozisaun dahitu.

 

Kona-bá nasaun sira seluk lian portugés nian, Cabo Verde okupa fatin 49 bainhira Guiné Ekuatorial - nasaun foun ba PALOP sira - tama iha pozisaun 76. Mosambike okupa fatin 97, Guiné-Bissau iha pozisaun 115 no tuir Angola iha postu 123 ho pontu hanesan ho Libéria. São Tomé & Prínsipe iha postu 152.

 

Konfira top 10 no klasifikasaun sira hosi nasaun sira lian portugés nian:

 

1. Arjentina
2. Béljika
3. Kolómbia
4. Alemaña
5. Xile
6. España
7. Brazil
8. Portugal
9. Uruguai
10. Áustria
(...)
49. Cabo Verde
(...)
76. Guiné Ekuatorial
(...)
97. Mosambike
(...)
115. Guiné-Bissau
(...)
123. Angola
(...)
152. São Tomé & Príncipe
(...)
177. Timor-Leste

 

@SAPO Desporto

Quinta-feira, 07.04.16

Portugal tuun iha "ranking" FIFA nian, Arjentina halakon Béljika

Timor-Leste iha pozisaun 175 no selesaun portugeza okupa fatin daualuk. 

 

EPA@ STR


Kolómbia halakon selesaun portugeza futeból nian no tuun ba pozisaun daualuk hosi "ranking" FIFA nian ne'ebé fó sai iha loron-kinta ne'e, Arjentina fila fali ba pozisaun dahuluk.

 

Hahú hosi atualizasaun ba hierarkia iha loron 03 Marsu, ekipa "quinas" lakon hasoru Bulgária (1-0) no mana'an Béljika (2-1), iha jogu partikular sira, justifika mós lakon pozisaun ida.

 

Tanba ne'e mós, selesaun belga, ne'ebé hahú fulan-Novembru 2015 lidera "ranking" lakon hasoru visi-kampeaun mundu nian Arjentina, ne'ebé fila fali ba lideransa ne'ebé nia okupa iha fulan-Outubru.

 

Xile, ne'ebé sa'e hosi pozisaun dalima ba pozisaun datoluk, no Kolómbia, sa'e hosi pozisaun daualuk ba dahaat, halakon Alemaña ne'ebé hanesan kampeaun mundu nian, no España ne'ebé hanesan kampeaun Europa nian no sira asumi protagonizmu hosi atualizasaun foun hosi lista ne'ebé rejista mós Uruguai ne'ebé tama fali iha top "top-10", ho troka ho Áustria, adversáriu Portugal nian iha Euro2016 mosu iha pozisaun 11.

 

Selesaun adversáriu sira hosi selesaun luzu nian iha Grupu F iha Euro2016, hanesan Hungria no Islándia, sa'e ba pozisaun 18 no 35.

 

Entre nasaun sira ho lian ofisial portugés, Cabo Verde kontinua nafatin hanesan ekipa ho klasifikasaun di'ak liu, iha pozisaun 47, maski lakon pozisaun 16, lakn de'it ho selesaun iranianu, iha pozisaun 42, ne'ebé treina hosi portugés Carlos Queiroz.

 

Hosi nasaun sira ne'e, Guiné-Bissau maka sa'e liu, hosi pozisaun 147 ba pozisaun 102, tuir São Tomé & Prínsipe hosi pozisaun 174 ba 150, Angola tuun hosi pozisaun 109 ba 121 no Mosambike tuun de'it pozisaun ida ba fatin 101.

 

Timor-Leste tuun fatin lima ba pozisaun 175 no Burkina Faso ho Gabaun, ne'ebé iha treinadór portugés sira Paulo Duarte ho Jorge Costa, mantén iha postu 100 dahuluk klasifikadu sira, maka pozisaun 75 no 88.

 

- ‘Ranking’ hosi FIFA, loron 7 fulan-Abril:

 

1. (2) Arjentina, 1.532.

2. (1) Béljika, 1.352.

3. (5) Xile, 1.348.

4. (8) Kolómbia, 1.337.

5. (4) Alemaña, 1.309.

6. (3) España, 1.277.

7. (6) Brazil, 1.251.

8. (7) Portugal, 1.184.

9. (11) Uruguai, 1.158.

10. (9) Inglatera, 1.069.

(...)

47. (31) Cabo Verde, 789.

75. (86) Burkina Faso, 392.

88. (83) Gabaun, 412.

101. (100) Mosambike, 337.

102. (147) Guiné-Bissau, 207.

121. (109) Angola, 306.

150. (174) São Tomé & Prínsipe, 117.

175. (170) Timor-Leste, 127.

 

@SAPO Desporto

Segunda-feira, 19.10.15

Palestina halo protestu iha FIFA hasoru brazileiru sira nebe joga iha selesaun Timor-Leste nian

Ema palestinianu sira entende katak Timor-Leste viola regra sira hosi FIFA bainhira joga ho jogadór brazileiru na'in hitu nebe laiha ligasaun ruma ho nasaun ne'e.

 

 

Federasaun palestinianu futeból nian la aseita uzu ba jogadór brazileiru na'in hitu nebe "naturalizadu" iha selesaun Timor-Leste nian iha empate 1-1 iha eliminatóriu ba Mundiál 2018 iha Rúsia, no halo ona protestu iha FIFA ba situasaun ne'e.

Hafoin empate 1-1 ho selesaun Timor-Leste, Palestina iha situasaun ida komplikadu hodi bele kontinua luta ba fatin ida iha Mundiál 2018, no faktu ida tanba sira joga hasoru jogadór brazileiru na'in hitu hosi Timor-Leste iha jogu ida ne'e hodi halo responsável sira hosi ekipa palestinianu halo protestu tanba tuir sira nia hanoin ne'e viola regra sira hosi FIFA, tanba laiha jogadór brazileiru "naturalizadu" hodi sai timoroan iha atividade tinan lima iha nasaun luzófonu ne'e, ka sira nia aman-inan ka avó sira la'ós timoroan.

Kona-bá tema ne'e, selesionadór Timor-Leste Fernando Alcântara, nebe hanesan mós brazileiru, lakohi halo komentáriu.

@SAPO Desporto

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo