Terça-feira, 21.06.16

Austrália hakarak aumenta seguransa hafoin agresaun ba atleta paralímpiku

Atleta no fizioterapeuta hetan asaltu iha loron-domingu bainhira pasiar ho bisikleta iha parke ida iha Rio de Janeiro. 

 

 

Komité Paralímpiku hosi Austrália husu ona iha loron-tersa ne'e ba organizadór sira hosi Jogu sira Rio2016 hodi aumenta seguransa, hafoin atleta ida no fizioterapeuta ida hetan asaltu iha loron-domingu bainhira sira pasiar ho bisikleta iha parke ida iha Rio de Janeiro.

 

Liesl Tesch, kampeaun paralímpiku vela nian iha Londres2012 no jogadora basket iha kadeira roda, relata ona katak ema agresor sira husu osan ba nia no ida aponta ba nia arma ida.

 

Xefe misaun paralímpiku australianu nian, Kate McLoughlin, garanti ona katak Liesl Tesch ho nia fizioterapeuta, ne'ebé asaltante sira naok sira nia bisikleta, la hetan kanek ida, maibé senti "xokadu no preokupadu".

 

"Ami senti la hakmatek, organizadór sira tenki haree nível seguransa ne'ebé aas, lalais, antes mosu tan situasaun sira perigu nian. Ami hakerek ona ba sira hodi husu", afirma hosi Kate McLoughlin.

 

Iha semana rua liubá, atiradora brazileira hetan tiru iha ulun iha tentativa ida asaltu nian iha Rio de Janeiru, bainhira lori kareta iha zona norte sidade nian, ne'ebé hanesan fatin halo Jogu Olímpiku sira no Paralímpiku sira.

 

Atake ba Anna Paula Cotta, ne'ebé iha hela ospital ho estadu todan, hanesan akontesimentu ida ne'ebé akontese hafoin asaltu ho arma ne'ebé halo hasoru elementu sira hosi ekipa olímpiku españól vela nian, iha fulan-Maiu.

 

Rio de Janeiro sei hanesan palku hosi Jogu Olímpiku sira entre loron 05 to'o 21 Agostu no simu Jogu Paralímpiku sira entre loron sira 07 - 18 Setembru.

 

@SAPO Desporto

Segunda-feira, 06.06.16

Paris hametin seguransa ho efetivu 3000 resin

Xefe polísia, Michel Cadot, saliente ba "períudu tensaun no ezijénsia maka'as" iha seguransa iha Fransa. 

 

 

Euro2016 futeból nian sei iha reforsu ida iha rejiaun Paris hosi polísia 3000 resin, ne'ebé sei halibur hamutuk ho 10.000 ne'ebé dezignadu ba seguransa iha kompetisaun, fó sai hosi xefe polísia Paris nian, Michel Cadot, iha loron-segunda ne'e.

 

"Ami iha efetivu 3.000 resin iha inísiu Europeu nian, númeru ida sei aumenta hahú hosi fulan-Juñu nia klaran", hatutan hosi responsável kona-bá zona seguransa ne'ebé maka polísia sei hatán.

 

Polísia Paris nian iha responsabilidade sira seguransa nian iha Estádiu Fransa nian (Saint-Denis) no Parke Prínsipe sira nian, zona hosi adeptu sira hosi Champ-de-Mars no hosi Saint-Denis, kampu ida estájiu nian, hotel haat hosi jogador sira nian, rua hosi UEFA no sentru komunikasaun sira nian. "Ba dala uluk ami hametin ona efetivu 10.000 ne'ebé planea ona ho unidade movel sira forsa nian (ema na'in 1.500) no ami sei iha guarda dame nian iha eskola sira ne'ebé koresponde ba na'in 750, misaun kontrolu nian", nia hatutan.

 

Estádiu FRansa sei iha pontu ualu hosi pré-kontrolu sira no neen entrada nian, iha perímetru ida ho ajente privadu seguransa nian hamutuk 1,267, voluntáriu na'in 375 no efetivu hosi na'in 375 to'o 1.100 hosi forsa sira orden nian, ne'ebé sei akontese mós iha Parke Prínsipe sira nian (zona pré-kontrolu 25, pontu entrada lima).

 

Iha zona sira adeptu nian sei iha mós seguransa metin, karik sei iha prezensa hosi ema 50.000 to'o 90.000 iha Champ-de-Mars, ne'ebé sei iha posibilidade atu la ezisti, iha karta ida ne'ebé haruka ba ministru Interior, Bernard Cazeneuve.

 

"Ha'u seidauk bele hatete ba imi katak klima hanesan serenidade, ami iha períudu ida tensaun no ezijénsia ida maka'as iha nível seguransa nian. Ha'u hanoin katak dalan ne'ebé fó mai ami, dispozitivu ne'ebé hala'o iha prátika, buat hotu hodi hatán ba laran ne'ebé la hakmatek ne'ebé maka ha'u hatudu", justifika hosi xefe polísia ne'e.

 

Europeu futebol hala'o iha Fransa iha loron 10 Juñu to'o loron 10 Jullu, iha kompetisaun ida ne'ebé Portugal integra iha grupu F hamutuk ho Islándia, Áustria ho Hungria.

 

@SAPO Desporto

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo