Segunda-feira, 11.04.16

"Ranking" hosi saláriu: Cristiano Ronaldo hakbesik ona Messi

Jogadór portugés rejista ona iha 2015 aumentu ida iha nia rendimentu, to'o euro millaun 67,4. 

 

Foto: Alejandro Garcia / EPA

 

Iha tinan 2015 portugés Cristiano Ronaldo rejista ona aumentu maka'as iha nia rendimentu, to'o euro millaun 67,4, folin ne'ebé mantén futebolista iha pozisaun daruak ba futebolista ne'ebé ema selu di'ak liu, fatin dahuluk okupa hosi Lionel Messi hosi FC Barcelona.

 

Iha lista ne'ebé sei fó sai iha loron-tersa hosi revista France Football no adianta iha loron-segunda ne'e hosi AFP, jogadór Real Madrid hetan kresimentu ida ho euro millaun 13,4, hakbesik ba líder, Messi, ho euro millaun 74, ne'ebé nia reseita aumenta ona ba euro millaun sia.

 

"Top-3" mantén nafatin ba époka tolu konsekutivu, ho brazileiru Neymar (FC Barcelona) aumenta hosi euro millaun 36,5 ba millaun 43,5, no iha fatin treinadór sira, José Mourinho kontinua iha pozisaun dahuluk ho euro millaun 24, tuir iha pozisaun daruak españól Pep Guardiola (Bayern Munique) no italianu Fabio Capello ne'ebé agora daudaun la treinu iha klube ida hafoin husi tiha selesaun rusu.

 

Avaliasaun komprende remunerasaun bruto sira (antes impostu no taxa sosiál sira), prémiu sira hosi jogu no asinatura no kontratu sira publisidade nian, marka iha époka ne'e hosi domíniu fransés ida ho futebolista na'in 14 maka tama iha "top-20".

 

Paris Saint-Germain "kontribui" maka'as ba lista, ho arjentinu Ángel Di María tama kedas ba lideransa iha Fransa, ho euro millaun 24, liu millaun ida duké sueku Zlatan Ibrahimovic no brazileiru Thiago Silva.

 

@SAPO Desporto

Quinta-feira, 07.04.16

Portugal tuun iha "ranking" FIFA nian, Arjentina halakon Béljika

Timor-Leste iha pozisaun 175 no selesaun portugeza okupa fatin daualuk. 

 

EPA@ STR


Kolómbia halakon selesaun portugeza futeból nian no tuun ba pozisaun daualuk hosi "ranking" FIFA nian ne'ebé fó sai iha loron-kinta ne'e, Arjentina fila fali ba pozisaun dahuluk.

 

Hahú hosi atualizasaun ba hierarkia iha loron 03 Marsu, ekipa "quinas" lakon hasoru Bulgária (1-0) no mana'an Béljika (2-1), iha jogu partikular sira, justifika mós lakon pozisaun ida.

 

Tanba ne'e mós, selesaun belga, ne'ebé hahú fulan-Novembru 2015 lidera "ranking" lakon hasoru visi-kampeaun mundu nian Arjentina, ne'ebé fila fali ba lideransa ne'ebé nia okupa iha fulan-Outubru.

 

Xile, ne'ebé sa'e hosi pozisaun dalima ba pozisaun datoluk, no Kolómbia, sa'e hosi pozisaun daualuk ba dahaat, halakon Alemaña ne'ebé hanesan kampeaun mundu nian, no España ne'ebé hanesan kampeaun Europa nian no sira asumi protagonizmu hosi atualizasaun foun hosi lista ne'ebé rejista mós Uruguai ne'ebé tama fali iha top "top-10", ho troka ho Áustria, adversáriu Portugal nian iha Euro2016 mosu iha pozisaun 11.

 

Selesaun adversáriu sira hosi selesaun luzu nian iha Grupu F iha Euro2016, hanesan Hungria no Islándia, sa'e ba pozisaun 18 no 35.

 

Entre nasaun sira ho lian ofisial portugés, Cabo Verde kontinua nafatin hanesan ekipa ho klasifikasaun di'ak liu, iha pozisaun 47, maski lakon pozisaun 16, lakn de'it ho selesaun iranianu, iha pozisaun 42, ne'ebé treina hosi portugés Carlos Queiroz.

 

Hosi nasaun sira ne'e, Guiné-Bissau maka sa'e liu, hosi pozisaun 147 ba pozisaun 102, tuir São Tomé & Prínsipe hosi pozisaun 174 ba 150, Angola tuun hosi pozisaun 109 ba 121 no Mosambike tuun de'it pozisaun ida ba fatin 101.

 

Timor-Leste tuun fatin lima ba pozisaun 175 no Burkina Faso ho Gabaun, ne'ebé iha treinadór portugés sira Paulo Duarte ho Jorge Costa, mantén iha postu 100 dahuluk klasifikadu sira, maka pozisaun 75 no 88.

 

- ‘Ranking’ hosi FIFA, loron 7 fulan-Abril:

 

1. (2) Arjentina, 1.532.

2. (1) Béljika, 1.352.

3. (5) Xile, 1.348.

4. (8) Kolómbia, 1.337.

5. (4) Alemaña, 1.309.

6. (3) España, 1.277.

7. (6) Brazil, 1.251.

8. (7) Portugal, 1.184.

9. (11) Uruguai, 1.158.

10. (9) Inglatera, 1.069.

(...)

47. (31) Cabo Verde, 789.

75. (86) Burkina Faso, 392.

88. (83) Gabaun, 412.

101. (100) Mosambike, 337.

102. (147) Guiné-Bissau, 207.

121. (109) Angola, 306.

150. (174) São Tomé & Prínsipe, 117.

175. (170) Timor-Leste, 127.

 

@SAPO Desporto

Sábado, 02.04.16

Gao Hongbo konfirma nu'udar treinador ba selesaun futebol xineza

Hosi solusau temporáriu agora sai hanesan selesionador ba prazu naruk. 

 


Gao Hongbo ne'ebé asumi, iha fulan-Fevereiru, interinu ba komandu tékniku hosi selesaun Xina nian, liutiha semana haat hafoin hasai tiha fransés Alain Perrin, agora konfirma ona hanesan treinadór, fó sai hosi Federasaun Xineza Futebol nian iha loron-sábadu ne'e.

 

"Durante períudu interinu Gao nian, espíritu hosi ekipa muda ba pozitivu no habilidade hosi treinadór hamosu konfiansa no hetan elojiu hosi jogadór sira", hatete hosi federasaun xineza liuhosi komunikadu bainhira fó hatene kona-bá kontratasaun ba títulu definitivu.

 

Iha fulan-Fevereiru, organizmu federativu afirma ona katak Gao Hongbo hanesan solusaun temporáriu ida no sei buka nafatin selesionadór ida ne'ebé bele kaer funsaun iha perspetivu hodi dezenvolve futebol xinés iha tempu naruk.

 

Gao Hongbo, ne'ebé sai ona selesionadór Xina nian entre 2009 no 2011, konsege ona apuramentu ida hosi selesau ba iha ronda ikus hosi klasifikasaun ba Mundial2018, ne'ebé sei hala'o iha Rúsia, asaun ida ne'ebé Xina la hetan hahú hosi 2002, ba vitória ida ho 2-0 hasoru Qatar iha loron-tersa.

 

Iha ronda datoluk no ikus hosi eliminatóriu aziátiku, ne'ebé Xina konsege tama ona, ekipa 12 hosi kontinente sei joga hasoru malu, fahe iha grupu rua ho ekipa neen, hodi bele hetan fatin haat ba asesu diretu ba Mundial2018.

 

@SAPO Desporto

Terça-feira, 08.03.16

Selesaun feto afegaun nian ho kamizola ne'ebé integra véu islámiku

Selesaun feto hosi Afeganistaun aprezenta kamizola ne'ebé integra véu islámiku. 


Foto: Hummel


Federasaun Futeból hosi Afeganistaun aprezenta iha loron-tersa ne'e, iha ámbitu Loron Internasionál Feto nian, kamizola ida hosi selesaun feto nian ne'ebé integra "hijab" ida ka véu islámiku nian.

 

Ekipamentu, ne'ebé sei lansa hamutuk ho ekipamentu mane nian, inklui "hijab" ho objetivu permiti ba feto sira prátiku desportivu, aleinde ajuda kompete iha igualdade iha palku internasionál sira, refere hosi marka responsável.

 

"Ba nasaun ida hanesan Afeganistaun, hatais kamizola selesaun nian hanesan poder ida, dalan ida hodi hametin feto nia konfiansa. Halo nia senti poderozu", hatete hosi eis-kapitã hosi selesaun feto nian Khadila Popal.

 

Antiga futebolista ne'e joga ona iha jogu 20 resin hosi Afeganistaun, nia para joga tanba lezaun ida iha ai-tuur.

 

"Hanesan onra ida sai kapitaun hosi ekipa ha'u nia nasaun nian maibé hanesan mós onra ida hodi bele sai hanesan modelu hodi ema bele tuir, inspirasaun ida ba labarik-feto no joven-feto millaun resin iha Afeganistaun", nia hatutan.

 

@SAPO Desporto

Sábado, 27.02.16

Gianni Infantino maka prezidente foun FIFA nian

Sekretáriu-jerál UEFA maka troka Joseph Blatter. 

 

 

Gianni Infantino maka manán eleisaun sira hosi FIFA no troka Joseph Blatter iha prezidénsia hosi organizmu ne'ebé kaer futeból mundiál, ho mandatu válidu to'o tinan 2019.

 

Kandidatu italo-suisu ne'e hetan votu 115 no halakon konkorénsia hosi sheikh Salman Al Khalifa (votu 88), hosi prínsipe jordanu Ali bin al Hussein (4) no hosi fransés Jérôme Champagne (0), konsege nune'e preferénsia hosi maioria federasaun hamutuk 207 ne'ebé maka bele vota.

 

Prezidente foun FIFA nia naran hetan de'it iha volta daruak, hasoru rezultadu hosi ronda dahuluk ne'ebé akontese iha kongresu hosi organizmu nian iha Zurike. Kandidatu na'in tolu tama iha turnu daruak: Gianni Infantino, sekretáriu-jerál hosi UEFA,ne'ebé hetan votu 88, Salman Al Khalifa, prezidente Konfederasaun Aziátiku nian ne'ebé hetan votu 85 no prínsipe Ali Bin Al-Hussein, visi-prezidente FIFA nian ne'ebé hetan votu 27. Fransés Jerome Champagne, eis-sekretáriu-jerál adjuntu FIFA nian, hetan de'it votu hitu no lakon tiha. Antes, Tokyo Sexwale dezisti tiha hosi kandidatura.

 

Hodi hametin eleisaun ba ronda dahuluk kandidatu ida tenki rejista maioria hosi votu 2/3 votu sira. Maibé tanba laiha, tenki halo volta daruak ne'ebé maka maioria simples (ho votu 104) to'o ona hodi determina prezidente foun.

 

Kongresu estraordináriu FIFA nian hala'o tiha ona iha loron-sesta ne'e iha Zurike (Suisa).

 

@SAPO Desporto

Quinta-feira, 18.02.16

Rio Haryanto asina ho Manor no sai hanesan indonéziu dahuluk iha F1

Pilotu Rio Haryanto sei sai hanesan indonéziu dahuluk ne'ebé maka kompete iha Kampeonatu Mundu ba Fórmula 1 nian, bainhira asina kontratu ba tinan ida ho Manor Racing, fó sai iha loron-kinta ne'e hosi proprietáriu britániku ne'e. 

 

 

Haryanto, ho tinan 23, sei estreia iha kategoria liurai-feto nian hosi desportu automóvel nian iha loron 20 fulan-Marsu, iha Australian Grand Prix, prova nakloke ba Mundiál 2016, forma pilotu duplu hosi Manor ho jermániku Pascal Wehrlein, ne'ebé manán Kampeonatu Alemaun hosi Karreta sira Turizmu nian (DTM).

 

"Ha'u la fiar katak ne'e akontese daudaun. Hanesan notísia fantástiku sira no ha'u sei halo buat ne'ebé di'ak hodi ha'u bele sai hanesan pilotu ida Fórmula 1 nian", hatete hosi pilotu indonéziu ne'e no diretór desportivu hosi Manor, Dave Ryan, konsidera nia hanesan "talentu boot ida".

 

Anúnsiu hosi kontratasaun Haryanto nian ne'e hakotu espetativu sira hosi norte-amerikanu Alexander Rossi no hosi inglés Will Stevens hodi okupa fatin nu'udar pilotu daruak hosi Manor.

 

ho Lusa

Rio Haryanto assina pela Manor e torna-se o primeiro indonésio na F1

O piloto Rio Haryanto vai tornar-se o primeiro indonésio a competir no Campeonato do Mundo de Fórmula 1, ao assinar contrato por um ano com a Manor Racing, anunciou a escuderia britânica nesta quinta-feira. 

 

 

Haryanto, de 23 anos, vai estrear-se na categoria rainha do desporto automóvel a 20 de março, no Grande Prémio da Austrália, prova de abertura do Mundial de 2016, formando a dupla de piloto da Manor com o germânico Pascal Wehrlein, vencedor do Campeonato Alemão de Carros de Turismo (DTM).

 

"Ainda não acredito que isto aconteceu. São notícias fantásticas e darei o meu melhor para me tornar num piloto de Fórmula 1", disse o indonésio, considerado "um grande talento" pelo diretor desportivo da Manor, Dave Ryan.

 

O anúncio da contratação de Haryanto pôs fim às expectativas do norte-americano Alexander Rossi e do inglês Will Stevens de ocuparem o lugar de segundo piloto da Manor.

 

com Lusa

Sexta-feira, 12.02.16

Messi eleitu ba dala uluk nu'udar Jogadór Fulan nian iha España

Cristiano Ronaldo sai hanesan Jogadór Fulan nian ba dala rua.

 

 

Lionel Messi sai eleitu ba Jogadór Di'ak Liu iha fulan-Janeiru, nune'e manán troféu ba dala uluk iha nia kareia. Ne'e la'ós bosok.  

 

Nunka akontese jogadór ida hosi Barcelona, hili dala lima hanesan Di'ak Liu iha mundu, no ho rekord barak golu nian iha España, sai hanesan Jogadór Fulan nian. Tenki refere katak eleisaun ba Jogadór Fulan nian hahú halo hosi époka 2013/2014.

 

Golu neen ne'ebé marka iha jogu lima iha fulan-Janeiru sai hanesan importante ba eleisaun hosi avansadu "culé" ne'e.

 

Messi hanesan de'it jogadór daruak hosi Barcelona ne'ebé maka simu prémiu ne'e. Ida seluk maka NEymar, iha fulan-Novembru tinan liubá.

 

Cristiano Ronaldo sai hanesan Jogadór Fulan nian ba dala rua.

 

@SAPO Desporto

Quarta-feira, 20.01.16

Messi sai embaixadór hosi ONU hodi halakon kiak

Jogadór arjentinu halo parte iha embaixadór na'in 17 hosi programa mundiál. 

 

 

Futebolista arjentinu Lionel Messi, ne'ebé foin lalais simu Bola Osan-Mean dalima iha nia kareira, sai hanesan embaixadór ida hosi embaixadór na'in 17 hosi programa mundiál hodi halakon kiak, fó sai hosi ONU iha loron-tersa ne'e.

 

"Embaixadór sira sei promove ho apoia, ho nia knaar iha sosiedade mundiál, programa hosi dezenvolvimentu sustentadu", refere hosi ONU iha komunikadu.

Tuir ONU, objetivu boot hosi programa ne'e maka halakon kiak to'o tinan 2030, kombate alterasaun klimátiku sira no promosaun ba direitu universál ba edukasaun no ba saúde.

 

Iha grupu hosi figura koñesidu na'in 17, diriji hosi prezidente Gana nian John Dramani Mahama no hosi primeira-ministra noruegeza Erna Solberg, iha mós personalidade sira seluk hanesan kantora kolombiana Shakira, atór norte-amerikanu Forest Whitaker ka prémiu Nobel Dame nian Muhamad Yunus, hosi Bangladesh.

 

@SAPO Desporto

Segunda-feira, 18.01.16

BBC hatete katak tenista na'in 16 koñesidu envolvidu iha jogu kombinadu sira

Kanál televizaun britániku avansa katak tenista na'in ualu hosi tenista na'in 16 ne'ebé sinalizadu tanba investigasaun sei tuir Open Austrália.

 

(Foto: Narendra Shrestha/EPA)


BBC fó sai ohin katak tenista na'in 16 ne'ebé tama iha "top 50" mundu nian iha dékada ikus ne'e, inklui sira ne'ebé manán torneiu sira hosi "Grand Slam", envolvidu iha jogu sira ho rezultadu kombinadu sira.

"Iha dékada ikus ne'e, jogadór klasifikadu na'in 16 iha jogu 50 dahuluk sira hetan beibeik sinál hosi Unidade Integridade Ténis (TIU) nian tanba iha suspeitu katak sira kombina rezultadu sira jogu nian. Tenista sira hotu, inklui sira ne'ebé manán ona "Grand Slam sira" hetan ona autorizasaun hodi kontinua kompetisaun", hatete hosi investigasaun hamutuk hosi BBC no site Internet BuzzFeed News.

Kanál televizaun britániku sustenta alegasaun sira ne'e ho asesu ba fixeiru sekretu sira, ne'ebé inklui investigasaun ida ne'ebé hahú hosi aTP iha tinan 2007.

"Iha relatóriu konfidensiál ida ba autoridade tenístiku sira, iha 2008, ekipa investigasaun defende ona katak tenki halo investigasaun ba atleta na'in 28, maibé indikasaun sira ne'e la halo tuir ida", hatutan hosi BBC no indika katak enkontru tolu ne'ebé kombinadu akontese iha torneiu Wimbledon.

ATP hatam ona kódigu foun ida antikorupsaun nian iha tinan 2009 no, hafoin buka tiha akonsellamentu legál, simu informasaun katak violasaun antigu sira labele hamosu prosesu sira. Maibé, dokumentu sira ne'ebé kanál televizaun britániku hetan asesu hatudu ona katak TIU simu beibeik alerta iha tinan hirak tuirmai kona-bá jogadór balun ne'ebé referensiadu tiha ona ne'ebé la hetan kastigu ruma.

Reportajen hatudu mós katak tenista na'in ualu hosi tenista na'in 16 ne'ebé sinalizadu sei tuir Open Austrália, ne'ebé hanesan "major" hosi dahuluk temporada nian ne'ebé aranka ona iha loron-segunda ne'e.

@SAPO Desporto

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo