Terça-feira, 15.11.16

Cristiano Ronaldo ho Messi hanesan futebolista ne'ebé iha saláriu di'ak liu iha mundu

Manchester United lidera top10 ho futebolista na'in tolu. 

 

 

Jogadór di'ak liu na'in rua iha mundu iha saláriu hanesan ho euro millaun 21,9 tinan-tinan, fó sai hosi jornal inglés Daily Mail iha loron-tersa ne'e.

 

Tuir informasaun ne'ebé fó sai hosi diáriu britániku ne'e, Cristiano Ronaldo ho Lionel Messi maka hanesan futebolista sira ne'ebé iha saláriu di'ak liu iha mundu ho saláriu ida anual hamutuk euro millaun 21,9, liu euro rihun 800 duké Gareth Bale, internasional galés ne'ebé joga iha Real Madrid no okupa pozisaun datoluk.

 

Iha lista ne'ebé fó sai, destaka mós ba prezensa hosi futebolista na'in tolu hosi Manchester United no Hulk, eis-jogador FC Porto nian ne'ebé agora okupa pozisaun haat hosi jogador sira futebol nian ho saláriu di'ak liu iha mundu.

 

Lista hosi jogador sira ne'ebé iha saláriu di'ak liu

 

1.º C. Ronaldo (Real Madrid), tinan-tinan iha euro millaun 21,9
Lionel Messi (Barcelona), tinan-tinan iha euro millaun 21,9

3.º Gareth Bale (Real Madrid), tinan-tinan iha euro millaun 21,1
4.º Hulk (Shanghai SIPG), tinan-tinan iha euro millaun 19,2
5.º Paul Pogba (Man. United), tinan-tinan iha euro millaun 17,5
6.º Graziano Pellè (S. Luneng), tinan-tinan iha euro millaun 16,5
7.º Lavezzi (Hebei Fortune), tinan-tinan iha euro millaun 15,6
8.º W. Rooney (Man. United), tinan-tinan iha euro millaun 15,6
9.º Neymar (Barcelona), tinan-tinan iha euro millaun 15,5
10.º Ibrahimovic (Man. United), tinan-tinan iha euro millaun 15,1

 

@SAPO Desporto

Segunda-feira, 11.04.16

"Ranking" hosi saláriu: Cristiano Ronaldo hakbesik ona Messi

Jogadór portugés rejista ona iha 2015 aumentu ida iha nia rendimentu, to'o euro millaun 67,4. 

 

Foto: Alejandro Garcia / EPA

 

Iha tinan 2015 portugés Cristiano Ronaldo rejista ona aumentu maka'as iha nia rendimentu, to'o euro millaun 67,4, folin ne'ebé mantén futebolista iha pozisaun daruak ba futebolista ne'ebé ema selu di'ak liu, fatin dahuluk okupa hosi Lionel Messi hosi FC Barcelona.

 

Iha lista ne'ebé sei fó sai iha loron-tersa hosi revista France Football no adianta iha loron-segunda ne'e hosi AFP, jogadór Real Madrid hetan kresimentu ida ho euro millaun 13,4, hakbesik ba líder, Messi, ho euro millaun 74, ne'ebé nia reseita aumenta ona ba euro millaun sia.

 

"Top-3" mantén nafatin ba époka tolu konsekutivu, ho brazileiru Neymar (FC Barcelona) aumenta hosi euro millaun 36,5 ba millaun 43,5, no iha fatin treinadór sira, José Mourinho kontinua iha pozisaun dahuluk ho euro millaun 24, tuir iha pozisaun daruak españól Pep Guardiola (Bayern Munique) no italianu Fabio Capello ne'ebé agora daudaun la treinu iha klube ida hafoin husi tiha selesaun rusu.

 

Avaliasaun komprende remunerasaun bruto sira (antes impostu no taxa sosiál sira), prémiu sira hosi jogu no asinatura no kontratu sira publisidade nian, marka iha époka ne'e hosi domíniu fransés ida ho futebolista na'in 14 maka tama iha "top-20".

 

Paris Saint-Germain "kontribui" maka'as ba lista, ho arjentinu Ángel Di María tama kedas ba lideransa iha Fransa, ho euro millaun 24, liu millaun ida duké sueku Zlatan Ibrahimovic no brazileiru Thiago Silva.

 

@SAPO Desporto

Sexta-feira, 06.11.15

Federasaun no asosiasaun hetan akordu saláriu nian iha Austrália

Dirijente klasifika ona akordu hanesan "limiti ida" nebe sei permiti atu "futeból australianu avansa iha profisionalizmu".


Jogadór futeból hosi selesaun Austrália nian, Tim Cahill, iha AFC Asian Cup 2015. EPA@ Dean Lewins

 

Federasaun Futeból Austrália nian (FFA) fó sai iha loron-sesta katak asina tiha ona ho Asosiasaun hosi Jogadór Profisionál sira (PFA) akordu salariál ida, nebe hakotu polémiku nebe dura iha fulan barak nia laran.

 

Adam Vivian, xefe-ezekutivu hosi PFA, klasifika ona akordu hanesan "limiti ida" nebe sei permiti atu "futeból australianu avansa iha profisionalizmu, proteje kareira hosi futebolista sira nian iha kompetisaun aas".

 

Akordu ne'e vale ba futebolista sira hosi kompetisaun sira klube nian no hosi selesaun maskulinu no femininu nian no hakotu ona polémiku ida nebe halo selesaun femininu kansela tiha, iha fulan-Setembru nia klaran, digresaun ida iha Estadus Unidus, tanba konflitu saláriu nian.

 

Akordu foun hatete katak futebolista sira hosi selesaun prinsipál, "Matildas", simu tinan-tinan dolar 41.000.

 

Relasionadu ho A-League, kampeonatu australianu futeból nian, akordu aumenta saláriu mínimu hosi dolar australianu 51.000 ba 55.000 no estabelese limiti saláriu tinan-tinan ida ho máximu dolár australianu millaun 2,6.

 

@SAPO Desporto

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo