Segunda-feira, 15.08.16

Usain Bolt admiti katak sei bele sai "imortal"

Velosista bele halo istória karik manán medalla osan-mean iha metru 200 no iha metru 4x100 ba Jamaika. 

 

Foto: Bernd Thissen / EPA

 

Jamaikanu Usain Bolt, ne'ebé iha loron-segunda ne'e sai hanesan trikampeaun olímpiku dahuluk iha istória iha metru 100, iha Rio2016, admiti katak bele sai "imortal".

 

"Ema ida hatete katak ha'u bele sai imortal. Ho tan medalla rua no ha'u bele asina iha kraik: Imortal", hatete hosi Bolt ne'ebé ho tinan 29 buka mos "tri" iha metru 200 no iha 4x100 metru ba Jamaika.

 

Kampeaun iha Pekin2008 no Londres2012, Bolt halai iha final ho segundu 9,81, bainhira norte-amerikanu Justin Gatlin ho 9,89 hetan medalla osan-mutin, hafoin sai hanesan datoluk iha tinan haat liubá. Medalla bronze hetan hosi kanadianu Andre de Grasse ho 9,91.

 

"Hanesan brillante. Ha'u la'ós lalais liu (hanesan rekord mundial 9,58) maibé ha'u senti haksolok tanba manán. Ha'u hatete ba imi katak ha'u sei bele", nia hatutan.

 

Kampeaun iha Atenas2004, Justin Gatlin, ne'ebé hakarak sai nu'udar kampeaun olímpiku iha metru 100 ne'ebé katuas liu, senti satisfeitu ho buat ne'ebé nia hetan.

 

"Ami serbisu loron 365 tinan ida nia laran hodi bele to'o iha ne'e iha segundu sia nia laran. Ho tinan 34, halai hasoru joven sira ne'e no nune'e tama iha pozisaun dahuluk sira hanesan sensasaun di'ak ida. Medalla ne'e hanesan ba ha'u nia oan-mane. Karik nia hadeer hela hodi haree, ha'u hadomi ó, ha'u nia oan-mane", nia hatete.

 

Gatlin, ne'ebé suspensu dala rua tanba kestaun doping nian, bainhira tama iha pista ba final ema hakfuik hasoru nia.

 

@SAPO Desporto

Anita Wlodarczyk halo rekord mundial foun iha hammer throw

Polaka lansa ona martelu ho metru 82,29. 

 

Foto: Franck Fife / EPA


Polaka Anita Wlodarczyk konkista ona iha loron-segunda ne'e medalla osan-mean iha prova hammer throw iha Jogu Olímpiku Rio2016, no halo ona rekord foun mundu nian.

 

Wlodarczyk, ne'ebé kaer ona rekord mundu, ho 81,08, hadi'a ona metru ida resin marka nian, bainhira hala'o metru 82,29 iha lansamentu datoluk, hodi konkista títulu ida ne'ebé nia la hetan iha Londres2012 no hetan hosi Tatyana Lysenko, ne'ebé la tuir iha edisaun ne'e tanba pozitivu iha doping.

 

Medalla osan-mutin hetan hosi xineza Zhang Wenxiu, ho metru 76,75, no medalla bronze hetan hosi británika Spohie Hitchon ho metru 74,54.

 

@SAPO Desporto

Sábado, 13.08.16

Tanba ne'e maka Simone Biles konsideradu hanesan jinasta di'ak liu

Norte-amerikana ho tinan 19 hatudu tiha ona nia klase iha tapete hodi Mundu tomak haree, antes to'o iha Rio. 

 

 

Simone Biles sai hanesan destake maka'as iha Jogu Olímpiku sira Rio de Janeiro nian. Jinasta norte-amerikanu manán ona osan-mean iha ekipa sira no iha singular "all-around". Bele hetan tan medalla osan-mean tolu iha Rio2016: iha bara fiksu ho salto de cavalo.

 

Norte-amerikana ho tinan 19 hatudu tiha ona nia klase iha tapete hodi Mundu tomak haree, antes to'o iha Rio. Sai ona iha trikampeaun dahuluk hosi Mundu iha istória jinástika nian, no man+an ona medalla hamutuk 14 iha tinan tolu ikus ne'e, medalla sanulu hanesan osan-mean (ne'e akontese antes to'o iha Jogu Olímpiku sira).

 

Simone Biles hatudu ona iha kampeonatu norte-amerikanu sira jinástika nian nia habilidade tomak iha prestasaun magnífiku ida. Nia bele sai hanesan jinasta ida ne'ebé di'ak liu iha tempu tomak.

 

No vídeo hosi nia atuasaun iha kampeonatu norte-amerikanu sira nian bele hanesan prova.

 

 

@SAPO Desporto

Sexta-feira, 12.08.16

Illa Fiji konkista medalla dahuluk iha nia istória

No medalla dahuluk ne'e maka medalla osan-mean. 

 

Foto: Yoan Valat / EPA

 

Ekipa rugby ho jogadór na'in hitu hosi Illa Fiji fó iha loron-sesta ne'e ba nia nasaun medalla dahuluk iha Jogu Olímpiku sira, bainhira manán osan-mean iha torneiu Rio2016 hodi halakon Grã-Bretaña ho 43-7.

 

Arkipélagu hosi Pasífiku súl aproveita ona introdusaun hosi vertente rugby nian iha programa olímpiku hodi to'o ba dala uluk iha fatin dahuluk hafoin haruka tiha nia delegasaun dahuluk iha Jogu sira iha Melbourne.

 

Iha jogu ba medalla bronze, Áfrika-Súl lakon ho Japaun ho 54-14.

 

@SAPO Desporto

Quinta-feira, 11.08.16

Kampeã olímpiku brazileira ko'alia hasoru rasizmu no diskriminasaun

Judoka Rafaela Silva manán ona medalla osan-mean iha loron-segunda. 

 

 Foto: Facundo Arrizabalaga / EPA

 

Judoka Rafaela Silva, ne'ebé iha loron-segunda manán ona medalla osan-mean iha -57 kg, kategoria ne'ebé Telma Monteiro hetan bronze, ko'alia iha loron-kuarta ne'e hasoru rasizmu no diskriminasaun.

 

Atleta brazileira, feto metan ida, lésbika no mai hosi favela ida, sai hanesan personajen iha kampaña ida hasoru rasizmu iha desportu.

 

"Ha'u senti haksolok tebes tanba realiza ha'u nia mehi, hatudu ba ema sira ne'ebé kritika ha'u iha Londres [2012], ne'ebé hatete ona katak ha'u hanesan moe ida ba ha'u nia família, katak fatin ba lekirauk ida maka iha jaula ida no la'ós iha Jogu Olímpiku sira", afirma hosi judoka iha aprezentasaun ba kampaña.

 

Rafaela hanoin infánsia hanesan "labarik-feto ida ne'ebé la gosta estuda no nunka hanoin atu sai hosi favela" no insentiva joven sira hodi buka motivasaun no aproveita oportunidade sira, hodi fó ezemplu ba medalla osan-mean ne'ebé agora nia hatudu no ne'ebé inspira joven no adolesente sira iha zona marjinal sira, la'ós de'it iha Brazil maibé iha mundu tomak.

 

"Lekirauk ne'ebé tenki iha jaula ida iha Londres, sai ona hosi nia luhan no sai nu'udar kampeã olímpiku iha ne'e iha Rio de Janeiro", hatutan hosi atleta brazileira.

 

Rafaela fó hanoin mós katak manán rezisténsia sira ho kondisaun hosi feto ida iha modalidade ida hanesan judo la'ós fásil, maibé selesaun femininu brazileiru nian fó hakat boot ida no iha ona medalla olímpiku osan-mean no medalla lima iha kampeonatu mundial sira.

 

Atleta asumi mós hanesan feminista ida: "Ami konsege konkista ami nia fatin no ami tenki aproveita duni, tanba iha tempu barak ema haluha ami no ha'u hein katak feto sira seluk bele iha inisiativu, kontinua legadu no atu feminizmu iha Brazil bele aumenta".

 

Ba sekretáriu brazileira hosi Polítika sira Promosaun ba Igualdade Rasial (SEPPIR), Luislinda Valois, populasaun metan sira nia asaun hanesan rezultadu hosi "luta maka'as, sakrifísiu barak, mate barak no terus", nasaun ida ne'ebé iha 52% hosi nia populasaun hanesan ema metan.

 

Jogu Olímpiku sira hanesan "lalenok boot" ida no "oportunidade estraordináriu ida", hatete hosi Valois.

 

Rafaela Silva hatutan mós: "Dalabarak, bainhira sai tema ida kona-ba rasa metan hanesan hodi ko'alia de'it kona-ba ema metan ida asalta ema ruma. Agora la'ós metan ida maka asalta ema seluk maibé metan ida ne'ebé fó ksolok ba povu brazileiru".

 

@SAPO Desporto

Quarta-feira, 10.08.16

Fehaid Al-Deehani maka atleta independente dahuluk ne'ebé manán osan-mean

Atleta hosi Kuwait ho tinan 49 kompete iha Rio ho estatutu atleta independente. 

 

 AFP Photo


Kuwaitianu Fehaid Al-Deehani, ne'ebé kompete iha Rio de Janeiro hanesan atleta independente, konkista iha loron-kuarta ne'e medalla olímpika osan-mean iha duplu foso olímpiku, no Marco Innocenti hetan medalla prata no britániku Steven Scott hetan bronze.

 

Atirador, ho tinan 49, ne'ebé konkista ona medalla bronze iha Sydney2000 ho Londres2012, fó entaun ba Kuwait sira nia medalla dahuluk olímpiku nian.

 

Tinan ne'e, Komité Olímpiku Internasional la permiti prezensa hosi Kuwait, tanba interferénsia hosi poder polítiku iha movimentu desportivu, maibé al-Deehani rekore ona no hetan autorizasaun hodi kompete, hodi tama iha grupu hosi atleta independente sira (AOI).

 

Konvidadu hodi lori bandeira hosi delegasaun independente, nia rekuza tiha ona no invoka estatutu militar hodi justifika katak bele lori de'it bandeira hosi nia nasaun.

 

Al-Deehani nia medalla maka hanesan ba dala uluk ne'ebé maka hetan hosi atleta independente ida iha Jogu Olímpiku sira.

 

@SAPO Desporto

Segunda-feira, 08.08.16

Vitória Arjentina koloka Portugál ba ´kuartus` iha torneiu olímpico

Ka, Portugál presiza hetan deit empate hodi garante lideransa grupu nian.


Foto: AFP

 

Portugál tama ona ba kuartu finál iha torneiu futeból olímpico. Formasaun luza manán hasoru Honduras ho  2-0, hodi nune’e soma ona ninia triunfu ba badaruak hosi jogu rua iha  faze grupu nian.

 

Portugál presiza deit Arjentina manán Argélia hodi bele karimba passaporte ba kuartu finál. No realidade ida ne’e maka akontese. Selesaun sub-23 hosi ´Pampas` halakon afrikanu ho 2-1, rezultadu ne’ebé kualifika ona Portugál.

 

Formasaun ne’ebé orienta hosi Rui Jorge hetan pontu neen, karik mosu piór ipóteze, bele hetan pontu hanesan ho  Arjentina ka hosi Honduras. Agora formasaun rua sei tau forsa atu hasoru malu iha  derradeiru ronda faze grupu nian, tamba só na’in rua ida (ka la’e, kazu mosu empate) Portugál bele alkansa, maski luzu sira lakon ho Argélia.

 

Ka, Portugál presiza hetan deit empate hodi garante lideransa grupu nian.

 

SAPO TL ho SAPO Desportu

Domingo, 07.08.16

Osan-mean belga, rekord ida mundu nian no Vietnam istóriku

Rezultadu dia'k tebes pertense ba nadador britániku Adam Peaty ne'ebé maka halakon rasik nia rekord mundu nian iha 100 metru iha modelu hirus-matan. 

 

 Títulu olímpiku hosi siklizmu estrada nian ne'ebé hetan hosi belga Greg van Avermaet iha loron 06 Agostu 2016. Foto: Yoan Valat /EPA

 

Títulu olímpiku hosi siklizmu estrada nian hosi belga Greg van Avermaet to'o agora sai hanesan destake iha loron dahuluk hosi Jogu Olímpiku sira nian ne'ebé rekord dahuluk mundu nian lakon ona hosi nadador Adam Peaty.

 

Greg van Avermaer kumpri ona kilómetru 237,5 hosi dalan sira durante oras 6:10.05 nia laran, halakon "sprint" dinamarkés Jakob Fuglsang, bainhira polaku Rafal Majka, ne'ebé besik hakotu meta, tenki fó fatin ba sira seluk iha luta no hetan medalla bronze.

 

Kampeaun mundu tinan 2013 nian, Rui Costa tama iha pozisaun 10, hafoin hosi pozisaun 13 iha Londres2012, iha prova ida ne'ebé marka ho balun monu no Nelson Oliveira sai tiha, ne'ebé sei sai hanesan reprezentante portugés iha kontrarelójiu: André Cardoso iha pozisaun 36 ho 12.18 no José Mendes iha 53, minutu 20 hosi van Avermaet.

 

Bainhira iha siklizmu maka medalla mediátiku liu, rezultadu boot liu pertense ona ba nadador britániku Adam Peaty ne'ebé halakon nia rekord rasik mundu nian hosi metru 100 modelu hirus-matan nian, hodi agora fiksa iha 57,55.

 

Kampeaun mundu iha títulu hosi distánsia ne'e, ho tinan 21, iha rejista internasional di'ak iha 57,92 hahú hosi tinan 2015.

 

Medalla osan-mean dahuluk hosi Jogu Olímpiku sira maka hetan hosi norte-amerikanu Virginia Thrasher, ne'ebé manán prova tiru karabina nian ho metru 10.

 

Thrasher, ho de'it tinan 19, halakon kampeã olímpiku iha Atenas2004, xineza Du Li, ne'ebé hetan medalla prata, no mós ba xineza Yi Siling, ne'ebé defende ona títulu olímpiku ne'ebé nia hetan iha Londres2012 no hetan medalla bronze.

 

Atiradór Hoang Xuan Vinh konkista ona ba Vietnam medalla osan-mean dahuluk iha istória nasaun ne'e nian iha prova pistola ár naruk iha metru 10, ho pontu 202,5.

 

Halakon brazileiru Felipe Almeida Wu (202,1) no xinés Pang Wei (180,4), iha prova ida ne'ebé súl-koreanu Jin Jong-oh, kampeaun olímpiku iha Londres2012, tama iha pozisaun dalima no portugés João Costa, ne'ebé kumpri olimpíada dalima, iha pozisaun 11, falla final hosi ualu: iha loron-kinta kompete iha pistola ba metru 50.

 

Alexis Santos halakon ona rekord nasional ho estilu metru 400, fiksa iha minutu 4.15,84, hasai sentézimu 46 hosi segundu iha máximu ne'ebé uluk nia kaer, hahú tinan 2013, marka ne'ebé fó ba nia fatin 14 iha final.

 

Iha prova hanesan, Victoria Kaminskaya tama iha pozisaun 28 bainhira kumpri eliminatóriu sira iha minutu 3.46,03, falla rekord pesoal (4.42,53) ne'ebé halo nia hetan fatin ida iha Rio2016.

 

Tenista portugés Gastão Elias (númeru 61 hosi jogador mundial) tama ba ronda daruak bainhira halakon australianu Thanasi Kokkinakis (númeru 452 iha ATP) ho parsial 7-6 (7-4) e 7-6 (7-3): tuir ida ne'ebé maka manán iha jogu entre Darian King, hosi Barbados, no norte-amerikanu Steve Johnson.

 

Ohin sei kompete Shao Jieni, ne'ebé estreia iha ronda dahuluk ténis meza nian.

 

@SAPO Desporto

Sexta-feira, 05.08.16

Governu apoia ekipa olímpika Timor-Leste nian iha Rio2016

Governu senti orgullu hodi apoia partisipasaun Timor-Leste nian iha Jogu sira ne'e, ho Francelina Marques Cabral kompete iha siklizmu XCO (“cross-country”), Nélia Martins iha metru 1500 feto nian no Augusto Ramos Soares iha metru 1500 mane nian. 

 

 Foto: Sergei Ilnitsky / EPA

 

Atleta timoroan Francelina Marques Cabral sei kompete iha Sentru Mountain Bike, perkursu ida ho metru 5.400 ne'ebé inseridu iha Parte Radikal no ne'ebé aproveita topografia hosi rejiaun nian hodi dezafia partisipante sira, ho kalendáriu ne'ebé sei haree hanesan loron sira kompetisaun nian loron 20 no 21 Agostu.

 

Primeiru-ministru, Rui Maria de Araújo, felisita ona ekipa no konsidera ona katak nia partisipasaun sei hametin konsiénsia internasional kona-ba Timor-Leste, aprezenta hanesan oportunidade úniku ida hodi reprezenta nasaun entre membru sira seluk ne'ebé agora daudaun iha Rio. Governu selu ona viajen sira hosi atleta sira nian ba Rio de Janeiro, apoia ona partisipasaun sira iha asaun sira preparasaun no dezenvolve ona, iha Timor-Leste, infraestrutura sira ba preparasaun fíziku no humanu iha modalidade sira ne'ebé sira reprezenta.

 

Hahú hosi loron 29 Jullu, bainhira sira to'o iha Rio de Janeiro, ekipa Timor-Leste treina nafatin no adapta ba kondisaun lokal sira. Eventu sira atletizmu, ba Nélia Martins no Augusto Ramos Soares, hala'o iha loron 12 Agostu no siklizmu XCO hosi Francelina Marques Cabral sei hala'o iha loron 20 Agostu.

 

Porta-Vós hosi Governu Konstitusional ba dala VI, Ministru Estadu Agio Pereira, afirma ona: "Hodi Governu nia naran, ami felisita atleta olímpiku sira Timor-Leste tanba nia serbisu maka'as no empeñu. Nia eselénsia iha desportu lori ba oportunidade hodi partisipa iha Jogu Olímpiku sira Rio nian no, ho orgullu, sira reprezenta ami nia nasaun. Ami dezeja ba sira ézitu maka'as".

 

Partisipasaun sira Timor-Leste iha edisaun anteriór sira halo liuhosi konviti sira, ho delegasaun istóriku - dahuluk - kompete iha tinan 2000 iha Jogu Olímpiku sira Sydney, ne'ebé destaka ona maratonista Águeda Amaral ne'ebé konsege hakotu prova.

 

@SAPO Timor-Leste & Portal do Governo de Timor-Leste

Governo apoia equipa olímpica de Timor-Leste no Rio2016

O Governo orgulha-se de apoiar a participação de Timor-Leste nestes Jogos, com Francelina Marques Cabral a competir em ciclismo XCO (“cross-country”), Nélia Martins nos 1500 metros femininos e Augusto Ramos Soares nos 1500 metros masculinos. 

 

 Foto: Sergei Ilnitsky / EPA

 

A atleta timorense Francelina Marques Cabral vai competir no Centro de Mountain Bike, um percurso de 5.400 metros inserido no Parte Radical e que aproveita a topografia da região para desafiar os participantes, com o calendário a prever como dias de competição 20 e 21 de agosto.

 

O Primeiro-Ministro, Rui Maria de Araújo, felicitou a equipa e considerou que a sua participação reforçará a consciência internacional relativamente a Timor-Leste, apresentando-se como uma oportunidade única para representar a nação por entre os outros membros que se encontram no Rio. O Governo financiou as viagens dos atletas ao Rio de Janeiro, apoiou a participação nas ações de preparação e desenvolveu, em Timor-Leste, as infraestruturas de preparação física e humana nas modalidades que representam.

 

Desde a sua chegada ao Rio de Janeiro, a 29 de julho, a equipa de Timor-Leste tem estado a treinar e a adaptar-se às condições locais. Os eventos de atletismo, para Nélia Martins e Augusto Ramos Soares, decorrem no dia 12 de agosto e a corrida de ciclismo XCO de Francelina Marques Cabral, no dia 20 de agosto.

 

O Porta-Voz do VI Governo Constitucional, Ministro de Estado Agio Pereira, afirmou: "Em nome do Governo, felicitamos os atletas olímpicos de Timor-Leste pelo seu árduo trabalho e empenho. A sua excelência no desporto levou a esta oportunidade de participar nos Jogos Olímpicos do Rio e, orgulhosamente, representarem a nossa nação. Desejamos-lhes os maiores êxitos."

 

As participações de Timor-Leste nas edições anteriores têm sido sempre por convites, com a delegação histórica - a primeira - a competir em 2000 nos Jogos Olímpicos de Sydney, onde se destacou a maratonista Águeda Amaral que conseguiu acabar a prova.

 

@SAPO Timor-Leste & Portal do Governo de Timor-Leste

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo