Sexta-feira, 24.03.17

Kolómbia manán Bolívia ho golu James nian no haksoit hosi fatin 6.º ba 3.º

Iha  zona sul-amerikana, klasifikasaun haat dahuluk  kualifika diretamente ba faze finál Mundial2018.


Foto: RAUL ARBOLEDA / AFP

 

Kolómbia mantein firme kinta-feira iha korrida ba futeból Mundial 2018, hafoin manán, ho sofre, 1-0 hasoru Bolívia, iha  abertura ba jornada 13.ª zona sul-amerikanu kualifikasaun nian.

 

 ‘Kapitaun’ James Rodríguez deside jogu ida ne’e ho sentidu úniku, halo golu, iha minutu 83, liuhosi  penalidade ne’ebé nia rasik falla no Carlos Lampe defende, maibé, azar ba nia, ba fila fali iha jogador Real Madrid.

 

Formasaun ne’ebé  komanda hosi  arjentinu Jose Pekerman domina enkontru ne’e ho kompletu no bele hetan golu uluk liu, liliu remate Luis Muriel nian(minutu ualu) no Yerry Mina (65) kona barra baliza bolivianu.

 

Iha minutu  80, Christian Coimbra joga bola ho liman iha  área no árbitru brazileiru Ricardo Marques lamarka, maibé, iha  81, marka alegada falta ida ba jogadór  hasoru Juan Cuadrado, ne’ebé sai hanesan orijen ba golu hosi  James.

 

‘Kafeteru’, ne’ebé soma vitória datolu iha liur, hamutuk pontu 21 no hakat hosi  fatin neen ba tolu, provizoriamente,hakat liu, Equador ( pontu 20), Xile (20) no Arjentina (19).

 

Iha  zona sul-amerikana, klasifikasaun haat dahuluk  kualifika diretamente ba faze finál Mundial2018, enkuantu lima  sei tama ba  ‘play-off’ interkontinental  hsoru vensedór Oseánia nian.

 

SAPO TL ho SAPO Desportu

Segunda-feira, 14.11.16

Pahars: "Quaresma halo diferensa boot"

Portugál manán  iha domingu ne’e hasoru Letónia ho 4-1, iha jogu kualifikasaun ba Mundial nian.


 

Marians Pahars, selesionadór  hosi Letónia, konsidera katak  Quaresma tama sai  momentu desizivu ikus ba vitória Portugál nian.

 

"Ha’u bele dehan katak saida maka ha’u sente  maibé ha’u labele halo análize ida ba jogu. Ne’e só ba loron hirak deit. Saida maka ha’u sente katak  diferensa entre ekipa rua klaru tebes iha rezultadu. Sira di’ak liu duké ami. To’o  Quaresma tama, laós fásil ba Portugál. Kontrola bola, maibé lakonsege kria perigu. Quaresma halo diferensa boot", afirma tékniku ne’e.

 

SAPO TL ho SAPO Desportu

Sexta-feira, 11.11.16

Kolómbia no Xile empata (0-0)

Jogu sein motivu ho interesse no ambisaun boot entre ekipa rua.


 

Kolómbia empata, kinta-feira ne’e, hasoru Xile ho 0-0 iha jogu ne’ebé konta ba kualifikasaun Mundiál 2018 iha Rússia.

 

 

Ho rezultadu ne’e, ekipa rua diferente deit  ho pontu ida  iha faze kualifikasaun nian. Kolombianu sira iha pozisaun  dahaat ( ho pontu 18) ho Xile iha dalima ( ho pontu 17).

 

SAPO TL ho SAPO Desportu

Terça-feira, 11.10.16

Fernando Santos: "Jogadór sira tuir planu ho atitude ne’ebé loos"

Selesionadór portugés komenta kona-ba goleadu ho 6-0  iha  Ilha Faroé.


 

Fernando Santos, selesionadór portugés, komenta kona-ba goleadu ho 6-0, iha Thorshavn, Ilha Faroé nian.

 

"Jogadór sira tuir  planu ne’ebé ami dezeña, nomós ho atitude ida loos. Ohin parese hanesan  jogu ida fásil, maibé ekipa hosi Illa Faroé hatudu tiha ona katak  sira iha kualidade. Ha’u ninia  jogadór sira kumpri ho forma fantástiku. Ami di’ak tebes iha nível ofensivu no defensivu", nia haktuir, iha deklarasaun ba RTP.

 

"'Hat-trick' hosi André Silva? "Ne’e relasiona ba servisu hamutuk iha ekipa. Jogadór sira moris  bainhira  ekipa la’o di’ak. Ekipa ne’e iha  jogadór di’ak barak, maibé bainhira laiha kompromissu ida kompletu buat hotu sei sai  komplikadu",nia hatutan.

 

"Ohin  hafoin  4-0 ritmu jogu tuun oituan, maibé ikus mai aselera fila fali ", nia refere, no hatutan: "Ami tenki  kontinua depende liu ba ami nia-an ".

 

SAPO TL ho SAPO Desportu

Segunda-feira, 10.10.16

País de Gales hetan empate iha uma-rasik hasoru Geórgia

Geórgia demostra ‘ruin ida ne’ebé toos liu atu tata’ duké hanesan espetativa sira.


Foto: SAPO Desporto

 

Selesaun País de Gales iha ohin hetan empate ida surpreendente (1-1) hasoru Geórgia, iha  Grupu D kualifikasaun ba Mundial futeból 2018, rezultadu  ne’ebé  ladun favorável ba ekipa británika.

 

Gareth Bale koloka uluk  gales iha vantajen hafoin liu deit minutu 10, reforsa favoritizmu ne’ebé  atribui ba sira, maibé Geórgia hatudu ‘ruin ne’ebé forte tebes atu tata’ duké espetativa sira.

 

Ekipa vizitante, ne’ebé  nunka hatudu  defensiva ida porfiada, joga iha  kampo hotu no, iha segunda parte, laós deit halo empate, iha minutu 57, hosi Tornike Okriashvili, kria moos oportunidade di’ak  atu hetan  segundu golu no ba vitória.

 

Kondisaun ne’e, halo País de Gales ne’ebé lidera Grupu D, ho deit pontu lima, liu ida duké Sérvia, Áustria no Repúblika Irlanda, ne'ebé sei menus jogu ida, enkuantu Geórgia iha deit  pontu ida iha jogu tolu, okupa iha postu lima, no Moldávia ho pontu zero, iha  númeru ho jogu hanesan.

 

Iha  Grupu G, hamosu surpreza oituan, ho vitória tanjensiál Israel nian hasoru  selesaun fraku Liechtenstein, ho 2-1, maibé hafoin  ‘hatama leaun’ israelita nian, ne’ebé halo golu rua Tomer Hemed, iha minutu tolu  no 16.

 

Ekipa hosi Prinsipadu hamenus iha minutu 19, hosi  Maximilan Goppel, no rezultadu ne’e lamuda tan.

 

Iha  Grupu I, Croácia konfirma ninia estatutu no manán  1-0  hasoru  Finlándia, rezultadu ne’ebé hatudu  difikuldade hosi  kroata hasoru  selesaun eskandinava.

 

Golu ida hosi avansadu  Mário Mandzukic, jogadór Juventus, Itália nian, garante vitórai ida presiozu ba kroata, hodi lidera grupu ne’e, ho pontu hitu, liu rua duké Ukránia, iha postu daruak ne’ebé simu no manán iha ohin hasoru  Kosovo ho 3-0.

 

SAPO TL ho SAPO Desportu

Sexta-feira, 07.10.16

Iraun, hosi Carlos Queiroz, maka líder iha Grupu

Selesaun ne’ebé  komanda hosi treinadór portugés Carlos Queiroz manán ohin  iha vizita ba Uzbekistaun  ho 1-0.


Foto: ATTA KENARE / AFP

 

Iraun, ne’ebé komanda hosi treinadór portugés Carlos Queiroz, manán iha ohin iha ninia  vizita ba Uzbequistaun (1-0) no assume lideransa Grupu  A nian iha  kualifikasaun zona aziátika ba Mundial2018.

 

Vitória ida importante iha uma rivál diretu ida, ho  agora iranianu konta ona pontu hitu hanesan Koreia do Sul, no liu ida  duké Uzbekistaun, ne’ebé monu liu ba pozisaun datoluk.

 

Vitória iranianu nian alkansa grasa ba golu ida hosi Jalal Hosseini, iha deit primeira parte, iha minutu  27.

 

Iha ohin moos, selesaun Koreia do Sul, ne’ebé lakon  ho 2-1, manán hasoru Qatar (3-2).

 

Iraun no Koreia do Sul sei hasoru malu iha tersa-feira ne’e,  jogu ne’ebé hala’o entre líder sira grupu nian.

 

SAPO TL ho SAPO Desportu

Quarta-feira, 07.09.16

Campeão Europeu Portugal estreia-se com derrota por 2-0 na Suíça

A seleção portuguesa de futebol, campeã europeia em título, perdeu hoje por 2-0 com a Suíça, em Basileia, no encontro de estreia no Grupo B europeu de qualificação para o Mundial de 2018.


 

No Estádio St. Jakob-Park, Breel Embolo, aos 23 minutos, e Admir Mehmedi, aos 30, apontaram os tentos que selaram o primeiro desaire de Portugal em jogos oficiais sob o comando de Fernando Santos.

 

Para o Mundial2018, que se realiza na Rússia, qualificam-se, na zona europeia, os primeiros classificados dos nove grupos de apuramento, mais os vencedores dos 'play-offs' entre os oito melhores segundos.

 

@Lusa

Kampeaun Europeu Portugál hahú jogu dahuluk ho derrota 2-0 iha Suíça

Selesaun futeból portugeza, kampeaun europeia ho títulu, lakon ho 2-0 ho Suíça, iha Basileia, ba enkontru dahuluk Grupo B europeu nian iha kualifikasaun Mundial 2018.


 

Iha  Estádio St. Jakob-Park, Breel Embolo, iha  minutu 23, no Admir Mehmedi, iha 30, aponta golu ne’ebé  loke primeiru dezaire Portugál nian iha jogu ofisiál ba komando Fernando Santos.

 

Ba  Mundial2018, ne’ebé sei  realiza iha Rússia, kualifika-an, iha zona europeia, primeiru klassifikadu iha grupu sia ba apuramentu nian, sai vensedór maka’as liuhosi 'play-offs' entre nasaun ualu ne’ebé di’ak liu.

 

SAPO TL ho Lusa

Terça-feira, 06.09.16

País de Gales no Áustria kumpre, Sérvia dezilude

Grupu D  hala’o iha segunda-feira ne’e ninia jornada dahuluk ho sériu kamiñada ba Mundial'2018.


Foto: Lusa

 

País de Gales no Áustria tama iha kalan ne’e ho forma di’ak iha faze apuramentu ba Mundial'2018, ne‘ebé sei realiza iha Rússia, manán hotu  kontra Moldávia no Geórgia iha grupu D nian. Maibe  Sérvia dezilude iha estreia ne’e, hafoin  hetan empate iha uma-rasik ho Repúblika Irlanda.

 

Iha  Cardiff, galesés lasente problema no hatudu sira nia favoritizmu ho forma esklaresidu, ho golu  4-0 ne’ebé aponta liuhosi Vokes, Allen no Gareth Bale (2).

 

Iha sorin seluk, Áustria konkista pontu tolu iha terrenu Geórgia nian, ho vitória  2-1, benefisia hosi golu Hinteregger no Janko, no Jeorjianu hamenus hosi intermédiu Ananidze.

 

Relasiona ba Sérvia, selesaun ne’ebé ho naran koñesidu sira hanesan Fejsa, Zivkovic, Markovic no Stojiljkovic – Sira hotu atua iha kampeonatu portugés – hetan igualdade liuhosi golu rua. Sérviu marka hosi Kostic no Tadic, enkuantu Irlanda konsege empate ho tentu hosi Hendrick no Murphy.

 

SAPO TL ho SAPO Desportu

Segunda-feira, 05.09.16

Lallana sai desizivu iha vitória Inglaterra nian

Golu  hosi Inglaterra hetan  iha minutu  95.

 

 

Inglaterra só ' agressivu' konsege manán  Eslovákia iha jogu dahuluk  faze kualifikasaun Mundial 2018. Adam Lallana sai autór ba golu úniku iha enkontru ne’e iha minutu 95.

 

Selesaun ingleza tenki tenta  ho kontinjénsia ida ne’ebé inesperadu ne’e, tamba durante iha oras balun nia laran ho menus jogadór ida, hafoin espulsaun Martin Skrtel.

 

Eslovako sira joga iha ora balun ikus nian, ho menus jogadór ida hafoin  espulsaun Skrtel, liuhosi  falta ida ne’ebé dura hasoru Harry Kane.

 

Besik ona atu hotu, ingléz sira foin hetan  vitória. Lallana korreponde ho maneira di’ak hafoin kruzamentu hosi Danny Rose.

 

SAPO TL ho SAPO Desportu

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo