Prezidente federasaun siklizmu hatete katak tuir lolos Rui Costa maka manán iha Tour

Prezidente hosi Federasaun Portugeza Siklizmu (FPC),  Delmino Pereira, horisehik konsidera katak Rui Costa "lakonsege atinji ninia objetivu boot" hosi temporada ne’e, hafoin dezisténsia iha Volta a França.

 


Iha rohan hosi asinatura protokolu kooperasaun entre federasaun siklizmu Portugál ho Timor-Leste, Delmino Pereira lamenta dezisténsia prova hosi parte Rui Costa nian, durante  Tour etapa 11, ne’ebé liga Pau ba Cauterets, afirma katak prestasaun koredór portagés nian, iha servisu ekipa italiana Lampre-Merida, tuir lolos nia maka manán.


"Ha’u lamenta rezultadu ne’ebé nia propoin atu atinji durante Volta a França realiza. Ha’u sente hanesan ema ne’ebé ladun halo ema seluk iha esperansa no Rui Costa rasik hatene katak lakonsege atinji nia objetivu boot iha époka desportiva", nia afirma.


Delmino Pereira komenta partisipasaun hosi portugés sira seluk iha prova, konsidera katak "halo bebeik papél aseitável", hatudu katak ha’u hakarak atu koredór ida manan etapa ida.


"Koredór portugés sira seluk iha volta a França, iha kazu Tiago Machado, Nélson Oliveira no José Mendes, halo bebeik papél aseitável, lahanesan liu ho ida ne’ebé maka ami hakarak. Ami hakarak atu sira manan etapa ida no bandeira Portugál nian mosu bebeik iha grafizmu Volta a França, maibé laakontese", nia hakotu.


SAPO TL ho Lusa