Sexta-feira, 29.01.16

Shaquille O'Neal sei hetan estátua iha Los Angeles

Antigu basketebolista sei tau  sentru   sidade nian, besik  estátua hosi  atleta seluk, hanesan Wayne Gretzky no Oscar de la Hoya.


 

Antigu basketebolista Shaquille O'Neal sei hetan homenajen hosi Los Angeles Lakers hodi harii estátua ida iha resintu desportivu ekipa norte-amerikanu nian, tuir anunsia hosi klube.

 

Ho nune’e ‘Shaq’ hamutuk, ho personalidade modalidade seluk ne’ebé lori Lakers ba  momentu ne’ebé di’ak liu iha nia istória, hanesan Jerry West, Kareem Abdul-Jabbar no Earvin ‘Magic’ Johnson.

 

Estátua ne’e sei besik Wayne Gretzky (hóquei no gelo), Oscar De La Hoya (boxe), ne’ebé maka iha duni sentru Los Angeles nian.

 

Shaquille O'Neal hamutuk ho Lakers iha 1996, hafoin hahú nia karreira iha Orlando Magic, no konkista títulu NBA iha 2000 ba 2002, ne’ebé maka konsidera hanesan jogadór valiozu liu iha prova hafoin nia époka dahuluk iha Los Angeles.

 

SAPO TL  ho sapo Desportu

Sexta-feira, 22.01.16

Kobe Bryant: antes adeus, fila ba jogu hosi koñesidu sira nian

Iha tinan "reforma" nian, jogadór hosi Los Angeles Lakers sai eleitu ba dala 18 ba jogu ‘All Stars’ hosi NBA. 

 

 Foto: Ezra Shaw / EPA 


Norte-amerikanu Kobe Bryant, ne'ebé sei husik kareira nu'udar jogadór basket nian iha époka ne'e nia rohan, sai eleitu iha loron-kinta, ba dala 18, ba jogu "All Stars" hosi Liga Norte-amerikanu Basket nian (NBA).

 

Ho tinan 37, jogadór koñesidu hosi Los Angeles Lakers domina ona votasaun entre adeptu sira, ho votu hamutuk 1.891.614.

 

Bryan sei tama iha títular lima hosi ekipa Konferénsia Oeste, hamutuk ho Kevin Durant (Oklahoma City), Kawhi Leonard (San Antonio Spurs), ho Stephen Curry, ne'ebé valiozu liu iha époka ikus (MVP) no kampeaun hosi Golden State Warriors, nune'e mós hanesan Russell Westbrook (Oklahoma City).

 

Maski sai hanesan "veteranu" ida iha jogu ne'ebé sei halibur, tinan-tinan, jogadór di'ak liu sira hosi NBA, Bryant sei fila ba "All Stars" hafoin tinan rua auzénsia nian tanba lezionadu iha tinan 2014 no 2015.

 

Rekordista hosi selesaun sira ba jogu "All Star" ho "xamada" 19, kontinua Kareem Abdul-Jabbar, figura koñesidu ida hosi Lakers entre dékada sira tinan 1970 no 1980.

 

Ekipa hosi Este sei lidera hosi, lahó supreza sira, hosi LeBron James (Cleveland Cavaliers), eleitu ba dala 12 konsekutivu no, hanesan mós Bryant, hetan votu liu millaun ida (1.089.206).

 

Hamutuk ho James iha inisiál lima hosi Este maka Paul George (Indiana Pacers), Carmelo Anthony (New York Knicks), Dwyane Wade (Miami Heat) ho Kyle Lowry (Toronto Raptors).

 

Jogu "All Stars" iha temporada ne'e sei hala'o iha loron 14 Janeiru, iha Toronto, Kanadá.

 

@SAPO Desporto

Sexta-feira, 11.12.15

Mate ona Dolph Schayes, kampeaun hosi NBA iha 1955

Schayes uluk hanesan figura koñesidu ida hosi hiladelphia 76ers.


Foto: Paulo Cunha

 

Antigu jogadór basket Dolph Schayes, hanesan figura koñesidu ida hosi Philadelphia 76ers, hosi Liga norte-amerikanu Basket nian (NBA), iha dékada 1950, mate ona iha loron-sesta ne'e ho tinan 87.

 

Tuir antigu extremu/poste hosi Sixers nia oan-mane, Danny Schayes, eis-jogadór basket ne'e mate tanba infesaun jeneralizadu ida ne'ebé nia hetan iha loron hirak ikus ne'e.

 

Dolph Schayes moris iha Bronx, iha loron 19 Maiu 1928, nia joga de'it ho kamizola hosi Philadelphia 76ers, formasaun ida ne'ebé nia hahú bolu Syracuse Nationals, sai kampeaun hosi NBA iha tinan 1955.

 

Schayes uluk hanesan jogadór profisionál entre tinan 1948 no 1964. Iha tinan rua ikus ne'e nia akumula funsaun sira nu'udar treinadór.

 

Hafoin husik Sixers, iha tinan 1966, Doplh Schayes fó treinu ba Buffalo Braves, ne'ebé agora naran Angeles Clippers, entre tinan 1970 no 1972.

 

Iha rejistu istóriku sira hosi kompetisaun basket mundiál ne'ebé importante, Schayes, membru hosi "Hall of Fame" no eleitu dala 12 ba "All Star", sai hanesan jogadór dahuluk ne'ebé maka konsege hetan pontu 15.000 iha NBA no iha "fatin kativu" iha lista hosi jogadór na'in 50 di'ak liu iha kampeonatu.

 

Nia oan-mane, Danny Schayes, tuir nia aman nia dalan no joga ona iha NBA entre tinan 1981 no 1999, liuhosi klube sira hanesan Utah Jazz, Denver Nuggets, Milwaukee Bucks, Los Angeles Lakers, Phoenix Suns, Miami Heat ho Orlando Magic.

 

@SAPO Desporto

Quarta-feira, 18.03.15

Mate ona Jack Haley, kampeun hosi Chicago Bulls iha tinan 1996

Iha kareira iha NBA, Haley tuir jogu hamutuk 341 iha époka regulár no jogu 14 hosi ‘playoff’.



 

Jack Haley, elementu ida hosi ekipa Chicago Bulls nebe sei kaer rekord ba vitória sira iha époka regulár hosi Liha norte-amerikanu Basketebol (NBA) nian, mate ona iha loron-segunda, tanba problema fuan nian, fó sai iha loron-kuarta ne'e hosi família.

 

Iha époka 1995/1996, Chicago Bullss konkista ona títulu haat hosi títulu neen kampeaun nian nebe rai iha kuríkulu, hafoin halo lakon Seattle SuperSonics.

 

Ho "batuta" hosi Michael Jordan, konsideradu hanesan jogadór basket di'ak liu iha tempu tomak nian, Chicago Bulls mana'an ona jogu 72 hosi jogu 82 iha époka regulár nian, persentajen ida besik 88%.

 

Iha Bulls, Jack Haley joga ona hamutuk ho jogadór koñesidu hanesan Jordan, Scottie Pippen, Dennis Rodman, Ron Harper, Steve Kerr ho Luc Longley.

 

Iha temporada sia iha NBA, Jack Haley, nebe mate iha loron-kuarta ho tinan 51, reprezenta mós New Jersey Nets, Los Angeles Lakers ho San Antonio Spurs.

 

@SAPO Desporto

 

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo