Quarta-feira, 04.10.17

Iha kandidatura tripartida ida ba Mundial 2030

Arjentina, Paraguai ho Uruguai aprezenta ona, iha loron-kuarta ne'e, kandidatura hamutuk hodi hala'o Mundial 2030 nian, tinan ne'ebé sei selebra sentenáriu hosi edisaun dahuluk prova nian. 

 

 

Prezidente sira hosi nasaun tolu súl-amerikanu nian, Mauricio Macri (Arjentina), Horacio Cartes (Paraguai) ho Tabaré Vázquez (Uruguai), marka prezensa iha serimónia aprezentasaun ne'ebé maka hala'o iha Buenos Aires.

 

Prezidente FIFA nian, Gianni Infantino, ne'ebé halo vizita iha kapital arjentina hodi halo reuniaun oioin ne'ebé importante ho xefe Estadu balun, marka mós prezensa iha kandidatura ne'e.

 

Edisaun dahuluk hosi Mundial Futebol ida nian halo iha Uruguai, iha tinan 1930, ne'ebé selesaun organizadora sai kampeaun, hafoin halakon tiha viziñu Arjentina iha final, ho 4-2.

 

Fonte: SAPO Desporto

 

Há uma candidatura tripartida para o Mundial de 2030

Argentina, Paraguai e Uruguai apresentaram, esta quarta-feira, a candidatura conjunta para realizar o Mundial de 2030, ano em que se assinalará o centenário da primeira edição da prova. 

 


Os presidentes dos três países sul-americanos, Mauricio Macri (Argentina), Horacio Cartes (Paraguai) e Tabaré Vázquez (Uruguai), marcaram presença na cerimónia de apresentação, que se realizou em Buenos Aires.

 

Também o presidente da FIFA, Gianni Infantino, que está na capital argentina em várias reuniões ao mais alto nível com os diversos chefes de estado, esteve presente nesta candidatura.

 

Recorde-se que a primeira edição de um Mundial de Futebol foi no Uruguai, em 1930, onde a seleção organizadora sagrou-se campeã, depois de ter batido a vizinha Argentina na final, por 4-2.

 

Fonte: SAPO Desporto

Segunda-feira, 12.06.17

Mundial 2030 iha Ázia inklui Koreia-Norte?

Prezidente Koreia-Súl sujere ona kriasaun hosi bloku ida hosi nasaun sira hosi nordeste aziátiku, inklui Koreia-Norte, hodi simu hamutuk Mundial 2030 nian. 

 

 

Prezidente Koreia-Súl nian, Moon Jae-in, sujere iha loron-segunda ne'e kriasaun hosi bloku rejional ida hosi nasaun sira hosi nordeste aziátiku, inklui Koreia-Norte, hodi simu hamutuk Mundial futeból tinan 2030.

 

Moon lansa ona nia proposta durante enkontru ida ho prezidente FIFA nian, suisu Gianni Infantino, ne'ebé to'o iha semana liubá iha Koreia-Súl hodi asisti ba final Mundial sub-20, ne'ebé konkista hosi Inglatera, haktuir hosi ajénsia notísia súl-koreanu Yonhap.

 

"Ha'u hanoin katak sei ajuda promove dame iha rejiaun bainhira nasaun sira hosi nordeste aziátiku, inklui Koreia-Súl no Koreia-Norte, bele organiza hamutuk Mundial ida futebol nian", hatete hosi prezidente súl-koreanu nian, iha deklarasaun sira ne'ebé haktuir hosi nia porta-vós, Park Soo-hyun.

 

Infantino, tuir Yonhap, afirma ona katak asaun ne'e sei hamosu "susar sira" maibé nia adianta katak ideia ne'e "bele sai hanesan mensajen ida ne'ebé poderozu tebes".

 

Maski nune'e, líder FIFA nian oferese ona hodi ko'alia posibilidade ho líder sira seluk hosi nordeste aziátiku, hahú hosi xinés, ne'ebé maka nia hanoin hodi hasoru malu iha semana ne'e.

 

Iha tinan 2002, Koreia-Súl no Japaun organiza hamutuk Mundial, ne'ebé konkista hosi Brazil, hosi Ronaldo, no ne'ebé Portugal sai iha faze grupu sira nian, hasoru Estadus Unidus (2-3), Polónia (4-0) no Koreia-Súl (0-1).

 

Iha inísiu tinan ne'e, Arjentina no Uruguai hato'o mós hodi organiza hamutuk Mundial 2030, liutiha sékulu ida hafoin edisaun dahuluk prova nian, ne'ebé hala'o iha Uruguai iha tinan 1930.

 

@SAPO Desporto

Quarta-feira, 30.03.16

Uruguai iha interese hodi halo Mundial 2030 ho Arjentina

Iha konferénsia imprensa, xefe Estadu uruguaiu fó hanoin katak mundiál dahuluk iha istória halo ona iha Uruguai iha tinan 1930, ne'ebé Arjentina maka manán ho 4-2. 

 

 

Prezidente Uruguai nian, Tabaré Vasquez, transmiti ona iha loron-kinta ne'e ba prezidente FIFA nian, Gianni Infantino, dezeju hosi nasaun hodi organiza hamutuk ho Arjentina Mundiál Futebol 2030.

 

Iha okaziaun, prezidente FIFA ne'ebé foin eleitu - ne'ebé halo hela viajen iha nasaun oioin súl-amerikanu nian - indika ona katak organizasaun agora daudaun foka hela ba prosesu atribuisaun ba Mundial 2026 nian.

 

"Iha FIFA, prioridade agora maka ba 2026. Maibé ne'e hanesan pozitivu tanba iha interese hosi parte nasaun rua ne'ebé hakerek ona istória futebol nian", nia hatete.

 

Uruguai ho Arjentina fó sai ona iha inísiu fulan-Janeiru intensaun hodi aprezenta kandidatura hamutuk ida ba organizasaun hosi Kampeonatu Mundu 2030 futebol nian.

 

"Ami desidi katak laiha oportunidade di'ak ida hodi ami kompromete organiza kompetisaun ne'e duké tinan 2030, bainhira hanoin hikas loron ida importante tebes hanesan tinan 100 bainhira hahú Kampeonatu Mundu dahuluk nian. Sede hosi Mundial ne'e tenki halo iha-ne'e", afirma hosi prezidente arjentinu, Maurício Macri, iha deklarasaun ida ne'ebé halo iha Kolónia, iha súl Uruguai nian.

 

Hamutuk ho prezidente Uruguai, Macri asumi mós katak "falta tinan barak" ba Kampeonatu Mundu ne'e no nia esplika katak desizaun ne'e foti agora hodi "buat hotu bele perfeitu no la'o ho di'ak".

 

"Iha pasadu, iha ami nia istória, hodi improviza no tanba ami la preparadu ba situasaun balun, ami liu tiha ona hosi problema balun. Ami hakarak prepara buat hotu ho di'ak no bainhira hahú sedu di'ak liu", refere hosi líder antigu Boca Juniors nian entre tinan 1996 no 2008.

 

@SAPO Desporto

Sexta-feira, 08.01.16

Uruguai ho Arjentina hakarak organiza Mundial tinan 2030

Iha tinan 2030 selebra tinan 100 hosi Mundiál Futeból ba dala uluk.

 


Uruguai ho Arjentina sei aprezenta kandidatura hamutuk ida ba organizasaun hosi Kampeonatu Mundu tinan 2030 futeból nian, hodi marka tinan 100 ba Mundiál dahuluk ne'ebé hala'o ona iha Uruguai, fó sai hosi prezidente sira hosi nasaun rua ne'e iha loron-sesta ne'e.

"Ami desidi katak laiha oportunidade di'ak ida hodi ami bele kompromete hodi hala'o kompetisaun duké iha tinan 2030, bainhira marka loron importante ida hanesan tinan 100 dezde Kampeonatu Mundu ba dala uluk. Sede hosi Mundiál ne'e tenki halo iha ne'e", afirma ona hosi prezidente arjentinu, Maurício Macri, iha deklarasaun ida ne'ebé hala'o iha Colónia, iha súl Uruguai nian.

Ho prezidente Uruguai, Tabaré Vasquez, iha nia sorin, Macri asumi ona katak "falta tinan barak" ba Kampeonatu Mundu ne'e no nia esplika ona katak desizaun ne'e foti agora hodi nune'e "buat hotu bele la'o ho di'ak".

"Iha tempu uluk, iha ami nia istória, tanba tenki improviza no la preparadu ba situasaun balun, ami hetan ona problema sira. Ami hakarak prepara buat hotu ho di'ak no bainhira hahú sedu, di'ak liután", refere hosi líder antigu hosi Boca Juniors entre tinan 1996 no 2008.

Uruguai organiza ona, iha tinan 1930, Kampeonatu Mundu dahuluk iha istória, iha kompetisaun ida ne'ebé partisipa de'it ekipa 13 no hotu ho vitória hosi selesaun "seleste" ne'ebé halakon Arjentina iha finál ho 4-2.

@SAPO Desporto

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
12
14
15
16
17
19
20
21
22
23
24
25
26
27
28
29
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo