Gianni Infantino hetan apoiu hosi Mourinho no Figo

Sekretáriu-jerál UEFA hetan apoiu moos hosi naran koñesidu seluk iha futeból mundiál nian.


Foto : Lusa

 

Italu-suíço Gianni Infantino, hanesan  kandidatu ida hosi nain lima seluk ba prezidénsia FIFA, afirma iha ohin katak hakarak “ lori futeból ba fatin ne’ebé  merese”, iha enkontru ne’ebé konta  ho apoiu hosi portagés oan sira  José Mourinho no Luís Figo.

 

Konferénsia imprensa, ne’ebé hala’o  iha fatin  Estádiu Wembley, iha Londres, hanesan atuál sekretáriu-jerál UEFA fó-sai ninia “planu asaun” iha primeiru loron 90, se karik eleitu, sei aprezenta apoiu seluk ‘luxu’ nian, hanesan treinadór Fabio Capello no eis-jogadór sira maka Fernando Hierro, Roberto Carlos, Diego Forlán, no  Clarence Seedorf.

 

“ Presiza atu mudar no foti  desizaun ida adekuadu”, hatete kandidatu,  tinan 45 ne’e , ba se deit “futeból tenki sai hanesan sentru FIFA nian”.

Tuir dirijente ne’e, “ iha  [FIFA] reputasaun agora la’o ladi’ak no  atu  rekupera fali  se karik ita haka’as-an servisu liu por sentu rihun ida, atu respira no hamoris futeból”.

 

Durante iha deklarasaun ninia intensaun, Infantino afirma katak hakrak  “ Sekretáriu-jerál ida forte” iha organizmu nia laran, fó-sai  katak nia hakarak dirijente hosi ema afrikanu .

 

Aleinde Infantino, sei kompete iha eleisuan FIFA nian, ba loron 26 fevereiru, prínsipe jordanu Ali Bin Al Hussein,xeke Bahrein Salman Bin Ebrahim Al Khalifa,  fransés Jerôme Champagne no sul-afrikanu Tokyo Sexwale.

 

SAPO TL ho SAPO Desportu