Quarta-feira, 04.01.17

Mourinho garanti katak senti apaixonadu ba Manchester United

Treinador portugés realsa importánsia hosi adeptu sira 'red devils' nian. 

 

 

José Mourinho afirma ona katak senti apaixonadu ba Manchester United. Iha deklarasaun ida ba televizaun klube nian, tékniku fó sai motivu sira ne'ebé halo nia senti di'ak iha sidade ingleza nian.

 

"Saida maka halo ha'u senti apaixonadu ba klube maka ema sira. Ema sira hanesan adeput loloos Manchester United nian: sira ne'ebé iha memória ne'ebé espetakular iha pasadu, maibé ne'ebé hatene realidade prezente nian. Sira ne'ebé iha espetativa aas, maibé sira hatene katak estrada hodi to'o iha ne'ebá hanesan susar no sira ne'ebé apoia ekipa, to'o momentu aat sira".

 

Iha tempu ida ne'ebé ko'alia iha posibilidade ba reforsu ba nia ekipa, Mourinho afirma ona katak senti kontente ho jogador sira ne'ebé iha nia dispozisaun.

 

"Ha'u gosta tebes ha'u nia jogador sira. La'ós hanesan de'it futebolista sira maibé nu'udar ema sira. Ha'u gosta tebes serbisu ho sira".

 

José Mourinho hasoru daudaun faze di'ak dezde nia to'o iha Old Trafford ho vitória neen konsekutivu iha Premier League. Iha Inglatera ko'alia ona katak treinador konkista tiha ona adeptu sira 'red devils' nian.

 

@SAPO Desporto

Quarta-feira, 21.12.16

Manchester United admiti prolonga Mourinho nia kontratu

'Red devils' nia administrasaun kontinua fiar iha tékniku portugés nia serbisu. 

 

 

Maski hahú époka ne'ebé ladún konvinsente, José Mourinho karik agora konsege orienta ona Manchester United iha dalan loos no administrasaun klube nian konfiante iha tékniku portugés nia susesu iha 'red devils' nia komando.

 

Jornal The Guardian hakerek katak administrasaun klube nian hosi Manchester hanoin daudaun atu halo naruk Mourinho nia kontratu, hanesan dalan hodi hatudu fiar iha tékniku luzu nia kapasidade.

 

Mourinho agora iha kontratu válidu to'o 2020 maibé hatudu ona katak nia hakarak hela iha Manchester kleur.

 

'Red devils' la lakon iha jogu sanulu maibé okupa fatin daneen iha tabela iha Inglatera.

 

@SAPO Desporto

Quarta-feira, 10.02.16

Mourinho fiar: parajen tuirmai maka Old Trafford

Mourinho fiar: parajen tuirmai maka Old Trafford 




Tékniku portugés karik sei troka Louis van Gaal iha komandu 'red devils' nian.

 

José Mourinho fiar katak sei troka duni Louis van Gaal iha komando tékniku Manchester United nian, haktuir hosi imprensa ingleza abrak iha loron-kuarta ne'e.

 

Tuir Daily Mail, Mourinho informa ona belun sira katak nia mudansa ba Old Trafford hanesan "negósiu metin". Telegraph haktuir fonte ida ne'ebé besik ho tékniku katak asegura mós Mourinho besik ona "red devils".

 

Louis van Gaal, ne'ebé treina daudaun Manchester United, hetan beibeik krítika hosi adeptu sira no karik sei husik klube ida tinan ida antes hakotu kontratu.

 

@SAPO Desporto

Quarta-feira, 23.12.15

Mourinho hakarak Sneijder iha United

Informasaun ne’e fó sai hosi site goal.com


 

Karik fó sai nu’udar treinadór foun hosi Manchester United, maka José Mourinho hakarak kontrata médio Galatasaray Wesley Sneijder.

 

Jogadór ne’ebé ho tinan 31 serbisu ona ho tékniku portugés bainhira Mourinho ba Inter hosi tinan 2008 to’o 2010.

 

Sneijder hanesan pesa fulkrál ba iha ekipa kapitál turka nian.

 

SAPO TL ho SAPO Desportu

"Mourinho iha United? Ita seidauk hatene iha futuru"

Treinadór portugés demite iha kinta-feira liubá hosi komandu Chelsea nian.


 

Foto : PATRICIA DE MELO MOREIRA/ AFP

 

Jorge Mendes lakohi halo  espekulasaun konabá akordu ruma entre José Mourinho no  Manchester United.

 

Iha deklarasaun ne’ebé sita hosi site Globoesporte, emprezáriu hosi eis-tékniku  Chelsea ne’e hato’o katak  nia seidauk simu  proposta ruma hosi rivál Old Trafford nian. "seidauk iha buat ida. Ladauk  hatene saida maka sei akontese  iha futuru, maibé ba agora dadaun, seidauk iha akordu ruma. Nein proposta ofisiál ida", nia afirma.

 

Imprenza ingleza fó sai ona konabá demisaun  Louis Van Gaal hosi komandu  'red devils', maski  saída ba treinadór holandés ne’e seidauk publika ofisialialmente hosi klube.

 

SAPO TL ho SAPO Desportu

Quarta-feira, 21.10.15

Mourinho: "Ha’u sente presaun iha Benfica"

Treinadór portugés dehan katak lasente ona presaun atu manan hanesan saida maka akontese bainhira hahú ninia kareira iha Benfica no FC Porto.


José Mourinho kontinua konfia-an ho ninia kapasidade. Treinadór ne’e dehan katak lasente ona presaun atu manan, hanesan saida maka akontese bainhira hahú ninia kareira iha Benfica nomós FC Porto.

 

"Bainhira hahú ha’u-nia kareira iha Benfica, hanesan buat ne’ebé naturál katak mosu dúvida balun kona-ba ha’u-nia valór, nune’e mos bainhira tama ba FC Porto, molok manan ha’u-nia títulu dahuluk. Mosu dúvida ba sira ne’ebé lahatene, nomós presaun balun”, dehan Mourinho no sita hosi ´Irish Times`.

 

Treinadór Chelsea ne’e dehan katak nia maka fó presaun ba nia-an no dehan katak la’os atu hamosu pergunta ba ninia kapasidade.

 

"Oras ne’e daudaun, presaun ne’ebé ha’u sente maka iha ha’u-aan rasik. Ha’u koñese mundu no koñese mundu futeból, ema hotu hein kona-ba momentu negativu, los duni sira maka faan. Maibé, ha’u dehan klaru katak, molok ne’e ha’u lasente presaun nune’e. Agora ha’u iha istória, istória bot ida. Ha’u lasimu bainhira kria problema tanba de’it haree ba ha’u-nia kbi’it nu’udar treinadór, no fó rezultadu ne’ebé ladi’ak”, hatutan.

 

SAPO TL ho SAPO Desportu

Sexta-feira, 04.09.15

José Mourinho tama iha livru rekord Guinness nian

Buat hotu iha relasaun ho rekord sira nebe treinadór ne'e hetan.


EPA@ Peter Powell

 

Treinadór portugés José Mourinho, ho tinan 52, iha loron-sesta ne'e tama iha livru Guinness nian, tanba simu ona sertifikadu sira hosi rekord nian nebe estabelese durante nia kareira.

 

"Di'ak tebes tanba sira fó ona mai hau prémiu sira hodi bele tau iha ha'u nia eskritóriu. Hanesan buat ida nebe divertidu [simu distinsaun ne'e]. Bainhira ha'u sei ki'ik ha'u labele hanoin katak sei tama iha livru Guiness nian", hatete hosi treinadór Chelsea nian, nebe haktuir hosi klube londrinu ne'e.

Mourinho sei tama iha livru rekord tinan 2016 hafoin liuona rejistu lima.

 

Aleinde sai hanesan treinadór dahuluk nebe maka mana'an Champions League ho ekipa rua nebe la hanesan, "special one" sai hanesan treinadór ida nebe hetan liu pontu iha Liga ingleza (95), sai hanesan treinadór ida nebe mana'an beibeik iha "Premier League" (77), sai hanesan tékniku joven liu nebe maka hetan jogu 100 iha Liga ingleza no konsege mantén iha époka sia konsekutivu mana'an nafatin iha jogu nebe halo iha klube nia estádiu.

 

"Imi koñese di'ak hau. Prémiu sira ne'e hetan tanba buat nebe ha'u halo nebe hanesan di'ak. Maibé ba ha'u, importante liu maka buat nebe ha'u bele halo iha futuru", treinadór hosi kampeaun inglés sira nian hatete.

 

José Mourinho ho nia Chelsea hahú ladún di'ak iha temporada foun ne'e. Iha jornada dahaat Liga ingleza nian, Chelsea okupa fatin 13, ho de'it pontu haat nebe sira hetan.


@SAPO Desporto

Sexta-feira, 22.05.15

Hazard ho Mourinho maka di'ak liu iha Inglaterra

Treinadór portugés mana'an prémiu ne'e ba dala tolu.



Foto: Lusa/EPA

 

Iha nia pasajen daruak iha Chelsea, José Mourinho eleitu ona iha loron-sesta ne'e nu'udar treinadór di'ak liu iha Liga Ingleza, konkista hamutuk ho "blues" sira títulu kampeaun hanesan faktu importante ida. Ne'e hanesan ba dala tolu maka portugés mana'an prémiu ne'e.

Tékniku substitui Tony Pulis (Crystal Palace) nebe mana'an prémiu ne'e iha épola 2013/2014.

Títulu ba jogadór di'ak liu hosi Premier League fó ba Eden Hazard. Ema belga ho tinan 24 tama iha destake iha époka nia laran tanba tama iha jogu hamutuk 51, to'o agora, no apontadu ho golu 19.

Hazard mana'an ona prémiu ne'e hosi konkorénsia maka'as: Sergio Aguero (Manchester City), John Terry (Chelsea), Fabregas (Chelsea), Matic (Chelsea), Harry Kane (Tottenham), De Gea (Manchester United) ho Alexis Sanchez (Arsenal).

@SAPO Desporto

Quinta-feira, 29.01.15

"Figo nia kandidatura hanesan notísia di'ak ida ba futeból" - José Mourinho

Mourinho serbisu ona hamutuk ho Luís Figo iha Inter, Barcelona ho Sporting.


EPA@ Nigel Roddis


Treinadór Chelsea nian, portugés José Mourinho, fó sai ohin nia apoiu ba Luís Figo iha kandidatura ba prezidénsia FIFA nian, nia konsidera katak antigu futebolista ne'e hametin futur di'ak ida ba organizmu ne'e.

"Ha'u hanoin katak Luís Figo nia kandidatura hanesan notísia di'ak ida ba futeból. Nia kareira iha futeból hanesan garantia ida ba FIFA nia futuru", tékniku "blues" nian hatete iha deklarasaun sira ba ajénsia Lusa.

Mourinho treina ona Figo iha Inter Milaun, iha tinan 2008/09, hafoin hetan malu iha FC Barcelona, entre tinan 1996 to'o 2000, bainhira tékniku ne'e sai ko-adjuntu Louis van Gaal ho Bobby Robson nian iha katalaun, no iha Sporting entre tinan 1992 n0 1994 nune'e mós sai hanesan adjuntu inglés nian.

"Ha'u hatene nia hahalok, determinasaun no nia paixaun ba futeból. Nia sei sai prezidente ida nebe haree liu ba futeból, hanoin iha jogu no iha buat hotu nebe bele hadi'a no prezidente ida nebe besik ba federasaun sira", Mourinho hakotu.

SAPO Desporto/ Lusa

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
12
14
15
16
17
19
20
21
22
23
24
25
26
27
28
29
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo