Quinta-feira, 13.07.17

Ibrahimovich nia futuru? "Besik ona", nia hatete

Iha hela rekuperasaun hosi lezaun, avansadu trata hela nia futuru ho Mino Raiola. 

 

Foto@ Will Oliver/EPA

 

Zlatan Ibrahimovich hatete katak sei iha revelasaun sira iha tempu badak kona-ba nia futuru. Iha deklarasaun ba imprensa ingleza, avansadu sueku hatete ona katak sei hatete iha tempu badak kona-ba nia kareira.

 

Halo hela rekuperasaun todan ba lezaun ida iha ain-tuur, avansadu husik Manchester United no iha boatu katak bele asina fila fali ho klube inglés, maibé Lukako ne'ebé foin to'o halo susar atake ‘red devils’ nian.

 

Jogador ne'e sai hosi restaurante ida iha Manchester no akompaña hosi nia emprezáriu Mino Raiola.

 

@SAPO Desporto

Segunda-feira, 08.05.17

Manchester United favoritu hodi kontrata James Rodríguez

José Mourinho nia klube iha fatin dahuluk hodi kontrata médiu kolombianu, James Rodríguez, ne'ebé karik sai hosi Real Madrid. 



Foto@ Kiko Huesca /EPA


James Rodríguez bele troka España ho Inglatera iha époka tuirmai. Manchester United iha fatin dahuluk ba kontratasaun hosi médiu kolombianu nian.

 

Tuir jornalista Guillem Balauge, iha nia krónika semanal iha kanal inglés Sky Sports, James Rodríguez bele troka Madrid ho Manchester.

 

"Ekipa barak iha Europa tuir hela James no, ba ha'u, Manchester United hanesan favoritu ba nia kontratasaun. Nia ajente maka Jorge Mendes, ne'ebé besik tebes José Mourinho. Nia hanesan jogador ida ne'ebé, la'ós ba klube ida ne'ebé garanti atu manán kampeonatu iha époka tuirmai, maibé hakarak atu tulun ekipa ida hodi sai boot, no Manchester Uniter, ho investimentu ne'ebé sei halo iha veraun ne'e, sira sei sai hanesan kandidatu hodi manán buat hotu. Maski sai kandidatu la hanesan ho ida ne'ebé manán", refere hosi jornalista.

 

James Rodríguez, tinan 25, to'o iha Real Madrid iha 2014/2015, hafoin liuhosi Envigado, Banfield, FC Porto no Mónaco. Temporada ne'e konta ho prezensa hamutuk 31 no golu 11 ne'ebé marka iha serbisu "merengue" nian.

 

@SAPO Desporto

Sexta-feira, 24.03.17

Griezmann sai nafatin objetivu hosi Manchester United

Hanoin ona katak avansadu fransés hanesan susbtitutu ideal Wayne Rooney nian. 

 

 

Antoine Griezmann kontinua aponta nafatin ba Manchester United hosi José Mourinho nian. Tuir imprensa ingleza, negosiasaun sira entre klube rua ne'e iha nafatin meza leten no internasional gaulés karik bele duni ba Inglatera iha temporada oinmai.

 

Iha meza leten iha proposta ida ho euro millaun 100, folin hosi kláuzula anulasaun nian, hodi garanti atu "prínsipe ki'ik Paris nian" bele to'o. Tuir Manchester Evening, hametin frente atake nian hanesan área esforsu prinsipal ba époka oinmai.

 

Ko'alia nafatin katak Wayne Rooney sei sai hosi ‘red devils’ bainhira kontrata Griezmann ne'ebé sei sai hanesan substitutu hosi avansadu inglés ne'e nian.

 

@SAPO Desporto

Sexta-feira, 10.03.17

Mourinho: "Imposível ami joga di’ak "

Treinadór portugés elojia atitude ninia jogadór sira relasiona ba difikuldade iha terrenu.


Foto: DR

 

José Mourinho senti  satisfeitu ho empate Manchester United  nian iha terrenu Rostov, iha jogu ne’ebé konta ba parte dahuluk oitavus finál Liga Europa nian, relasiona ba kondisaun kontráriu iha terrenu.

 

" Ezibisaun ida ne’ebé di’ak tebes avalia hosi kondisaun. Imposível ami joga ho di’ak, Ami hala’o tuir buat ne’ebé jogu  ezije no di’ak hela. Ami komete deit sala iha defensivu", hatete  tékniku ne’e ba BT Sport, hafoin jogu remata.

 

Tékniku ne’e fó ezemplu jogu balun ne’ebé assiste iha Portugál: " Ha’u lembra  bainhira sei kiik assiste jogu balun iha Portugál, iha  kampu ekipa amadoras. Ha’u haree ha’u nia jogadór sira lidera ho ida ne’e no hatudu umildade iha  luta ba bola halo ha’u  satisfeitu", nia hatutan.

 

"Buat hotu sei nakloke iha jogu daruak, ho vantajen kiik-oan ida ba ami", hatete  Mourinho, no nota moos katak " laiha lezaun".

 

SAPO TL ho  SAPO Desportu

Sexta-feira, 17.02.17

José Mourinho: "Eliminatóriu seidauk hotu"

Tékniku portugés senti satisfeitu ba vitória ho 3-0 hasoru Saint-Étienne.


Foto: SAPO Desporto

 

Manchester United manán iha kinta-feira ne’e hasoru fransés hosi Saint-Étienne ho 3-0, iha  jogu ne’ebé  konta ba parte dahuluk  16 finál Liga Europa nian, no  fó pasu ida importante iha  apuramentu ba faze tuir mai. Tanba ne’e, José Mourinho lakonsidera eliminatóriu ne’e hotu ona hasoru emblema istóriku fransés, maibé admite katak vantajen importante ida ba iha jogu parte daruak.

 

"Konsentrasaun lahetan iha tempu dahuluk. Ami komesa halo sala perigozu iha zona defensivu,Ami neineik liu konstrui jogu no laiha movimentu iha atake", afirma treinadór Manchester United hafoin remata  jogu.

 

"Iha tempu daruak istória seluk fali. Ami lalais liu. Laós jogu ida perfeitu tanba  dalabarak ami lakon bola, maibé di’ak. Eliminatóriu seidauk hotu, maibé ne’e rezultadu di’ak", hatutan  tékniku portages ne’e.

 

"Ami kria oportunidade di’ak. Importante liu konsege hetan  vitória di’ak iha uma-rasik no  lori ba jogu parte daruak. Ne’e jogu ida kapás, maibé ha’u hanoin katak ami bele halo di’ak liu tan", haktuir  treinadór Manchester United.

 

SAPO TL ho SAPO Desportu

Segunda-feira, 06.02.17

Mourinho halakon kampeaun

 Manchester United manán Leicester ho 3-0, ho golu hosi Mkhitaryan, Ibrahimovic no Mata.


Foto: TIM KEETON / EPA

 

Manchester United, ne’ebé treina hosi  José Mourinho, iha  domingu ba joga iha uma kampeaun inglés Leicester manán  ho  3-0, ho golu sira hosi  Mkhitaryan, Ibrahimovic no Mata.

 

Golu dahuluk iha jogu ne’e mosu iha minutu 41, ho autoria hosi  arméniu Mkhitaryan, no Ibrahimovic, hafoin minutu rua, dezvia kruzamentu  ida hosi  Valencia  no halo ba  2-0.

 

Españól Mata halo ba  3-0  molok  intervalu iha sekuénsia kombinasaun ida ho Mkhitaryan.

 

Manchester United soma pontu 45  no hela pontu ida hosi Liverpool, Ekipa ikus ba zona kualifikasaun kompetisaun europeia nian. Leicester okupa iha  klasifikasaun 16º, ho menus deit pontu rua duké klasifikasaun ikus, Crystal Palace no Sunderland, no liu ida  duké Hull City, ne’ebé treina hosi  Marco Silva.

 

SAPO TL ho SAPO DEsportu

Quarta-feira, 04.01.17

Mourinho garanti katak senti apaixonadu ba Manchester United

Treinador portugés realsa importánsia hosi adeptu sira 'red devils' nian. 

 

 

José Mourinho afirma ona katak senti apaixonadu ba Manchester United. Iha deklarasaun ida ba televizaun klube nian, tékniku fó sai motivu sira ne'ebé halo nia senti di'ak iha sidade ingleza nian.

 

"Saida maka halo ha'u senti apaixonadu ba klube maka ema sira. Ema sira hanesan adeput loloos Manchester United nian: sira ne'ebé iha memória ne'ebé espetakular iha pasadu, maibé ne'ebé hatene realidade prezente nian. Sira ne'ebé iha espetativa aas, maibé sira hatene katak estrada hodi to'o iha ne'ebá hanesan susar no sira ne'ebé apoia ekipa, to'o momentu aat sira".

 

Iha tempu ida ne'ebé ko'alia iha posibilidade ba reforsu ba nia ekipa, Mourinho afirma ona katak senti kontente ho jogador sira ne'ebé iha nia dispozisaun.

 

"Ha'u gosta tebes ha'u nia jogador sira. La'ós hanesan de'it futebolista sira maibé nu'udar ema sira. Ha'u gosta tebes serbisu ho sira".

 

José Mourinho hasoru daudaun faze di'ak dezde nia to'o iha Old Trafford ho vitória neen konsekutivu iha Premier League. Iha Inglatera ko'alia ona katak treinador konkista tiha ona adeptu sira 'red devils' nian.

 

@SAPO Desporto

Terça-feira, 03.01.17

Mourinho: "Benefisiadu? Ami maka kampeaun hosi desizaun sala árbitru nian"

Tékniku lian nian afia hafoin  vitória red devils.


Foto: SAPO Desporto

 

Hafoin vitória United hasoru West Ham (2-0) no hafoin  atuasaun ne’ebé sai  polémika hosi  árbitru Mike Dean, José Mourinho konsidera katak ninia ekipa laós benefisia hosi arbitrajen.

 

"Karik ita koa’lia kona-ba arbitrajen, Manchester United maka kampeaun hosi desizaun sala árbitru sira. Sé ami nia desizaun hodi  lansa Mata no Rashford, ne’e, obrigadu barak», nia afirma. Mata no Rashford halo golu dahuluk hosi  United iha  parte daruak.

 

"Bainhira ami joga iha uma-rasik no asesu ba jogu ho lalais hasoru Middlesbrough, Ha’u hatene kedas katak golu Ibrahimovic nian sala anula no iha  penalte ida  atu  marka kona-ba Rashford. Iha jogu sai  ha’u laiha asesu ba ida ne’e ho forma imediatu, hafoin ha’u labele halo komentáriu ", nia hatutan.

 

SAPO TL ho SAPO Desportu

Terça-feira, 27.12.16

Mourinho: "Ha’u haree Ibrahimovic lalais liu duké joven balun"

José Mourinho senti kontente ho prestasaun Zlatan Ibrahimovic nian iha vitória Manchester United hasoru Sunderland ho 3-1.


Foto: DR

 

José Mourinho hatudu ninia laran-kontente  ho prestasaun hosi Zlatan Ibrahimovic iha vitória Manchester United hasoru Sunderland ho 3-1.

 

"[Ibrahimovic] bele marka liu! depende ba golu, ninia serbisu fantástiku. Haree ninia sprint hasoru Kone no Papy Djilobodji, jogadór joven sira, maibé Ibrahimovic lalais liu no forte liu duké sira ", haktuir  téknike ne’e, iha konferénsia imprensa. Rekorda katak  sueko ne’e ho tinan e 35 inklui iha golu tolu ne’e hotu: marka ida  no halo assisténsia rua.

 

Kona-ba  jogu, Special One afirma katak gosta iha tempu daruak hosi ´red devils`.

 

"Ha’u gosta tebes parte daruak maibé laós ida dahuluk. Hetan 1-0 taba ba intervalu no mosu  m penálti ida klaru ba ami. Maski nune’e, ha’u hanoin katak ami lamerese manán pontu tolu. Iha parte daruak ami bele marka golu lima ka neen. Maka pontu tolu, pontu 12 iha jogu haat. Ami di’ak kleur ona maibé saida maka presiza agora maka  pontu sira", afirma  Mourinho, ne’ebé saima maka nia hatete ba jogadór sira iha intervalu.

 

"Ha’u nia mensajen jogu la’o iha diresaun ne’ebé  ita kontrola, maibé kontrolu ida apátiku no lahatene.Ita teki aselera jogu, pressiona maka’as liu tan.

 

Ami halo ida ne’e hahú kedas iha minutu dahuluk parte daruak nian no ho Mkhitaryan no Martial, ami iha  intensidade liu no marka golu daruak no datoluk ", nia afirma.

 

SAPO TL ho SAPO Desportu

Quarta-feira, 21.12.16

Manchester United admiti prolonga Mourinho nia kontratu

'Red devils' nia administrasaun kontinua fiar iha tékniku portugés nia serbisu. 

 

 

Maski hahú époka ne'ebé ladún konvinsente, José Mourinho karik agora konsege orienta ona Manchester United iha dalan loos no administrasaun klube nian konfiante iha tékniku portugés nia susesu iha 'red devils' nia komando.

 

Jornal The Guardian hakerek katak administrasaun klube nian hosi Manchester hanoin daudaun atu halo naruk Mourinho nia kontratu, hanesan dalan hodi hatudu fiar iha tékniku luzu nia kapasidade.

 

Mourinho agora iha kontratu válidu to'o 2020 maibé hatudu ona katak nia hakarak hela iha Manchester kleur.

 

'Red devils' la lakon iha jogu sanulu maibé okupa fatin daneen iha tabela iha Inglatera.

 

@SAPO Desporto

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo