Quinta-feira, 28.01.16

Luís Figo asisti ona iha Xina torneiu hosi akademia ne'ebé ho nia naran

Espansaun lalais hosi Winning League akontese hamutuk ho interese maka'as hosi Governu xinés ba futeból no aumentu hosi kbiit finanseiru hosi klubu prinsipál lokál sira nian. 

 

 

Antigu kapitaun hosi selesaun portugés futeból nian, Luís Figo, asisti iha loron-kinta ne'e iha Chengdu, sudueste Xina nian, torneiu datoluk hosi akademia xineza hosi modalidade, ne'ebé uza nia naran, Winning League/Figo Football Academy.

 

Luís Figo to'o iha kapitál provínsia Sichuan hafoin asina tiha iha loron-kuarta iha Hohhot, iha norte Xina nian, akordu ida parseria estratéjiku nian ho klube lokál, Nei Mongol Zhongyou F.C.

 

Portugés sai hanesan prezidente honoráriu hosi konjuntu ne'ebé kompete iha liga daruak xineza nian no nia jestaun sei kaer hosi Winning League.

 

Lansa ona iha Pekin iha primavera tinan 2014, ho diresaun hosi tékniku portugés Joaquim Preto, akademia ne'e implantadu ona iha sidade 14 iha Xina.

 

Hamutuk, ho alunu na'in 4000 resin, entre tinan haat to'o tinan 13, fó ona serbisu ba treinadór portugés na'in 60 no treinadór sira ne'e iha diploma hosi Federasaun Portugés Futeból nian no hosi UEFA.

 

Espansaun lalais hosi Winning League akontese hamutuk ho interese maka'as hosi Governu xinés ba futeból no aumentu hosi kbiit finanseiru hosi klubu prinsipál lokál sira nian.

 

Tuir relatóriu ida hosi FIFA ne'ebé fó sai iha loron hirak liubá, iha tinan 2015 Superliga xineza sai hanesan merkadu boot daneen ba transferénsia nian, lakon de'it hasoru kampeonatu prinsipál europeu sira nian.

 

Klube xinés sira gasta ona euro millaun 155 resin iha kontratasaun sira, aumentu ida ba 68% hasoru tinan 2014 no karik sei aumenta tan iha tinan ne'e.

Iha loron-kuarta, Jiangsu Suning ofisializa ona kontratasaun hosi médiu internasionál brazileiru Ramires, eis-Benfica ne'ebé joga iha Chelsea, ho negósiu ida ne'ebé imprensa britániku avalia iha euro millaun 27 resin.

 

Iha loron hanesan, Shanghai Greenland sosa ona eis-jogadór FC Porto nian Fredy Guarin, hosi Inter Milaun ho millaun 13.

 

Superliga xineza kompete mós ho naran koñesidu seluk hosi adeptu portugés sira nian: médiu internasionál Ruben Micael, ne'ebé aliña ba Shijiazhuang Everbrigh.

 

Apoia hosi lideransa iha Xine, "mehi xinés" ba futeból liuhosi etapa tolu: kualifika ba faze finál Mundiál nian, hala'o Mundiál ida ba dala uluk no loron ida sei manán Mundiál ne'ebé nasaun aziátiku ida seidauk hetan.

 

Semana ne'e, multinasionál xineza Ledman fó sai ona katak klube sanulu di'ak liu hosi Liga Portugés II futeból nian sei simu, tinan-tinan, jogadór xinés ida.

 

Folin hosi patrosíniu ne'e, agora daudaun, hanesan "segredu" ida, hatete hosi prezidente firma nian, Martin Lee, iha Pekin.

 

@SAPO Desporto

Quinta-feira, 19.02.15

FIFA bele ko'alia fali portugés

Bainhira Luís Figo eleitu, nia sei sai prezidente daruak nebe ko'alia lian Camões nian, hafoin brazileiru João Havelange.


 

Luís Figo bele troka Sepp Blatter, suisu nebe diriji destinu sira futeból mundiál nian hahú iha tinan 1998, iha prezidénsia FIFA nian. FIFA nunka iha prezidente portugés ida, maibé bele ko'alia fali lian Camões nian hafoin brazileiru João Havelange prezidi tiha organizmu ne'e entre tinan 1994-1998.

Hahú tinan harii FIFA, iha fulan-Maiu 1904, FIFA iha ona prezidente ema inglés na'in tolu (Daniel Burley Woolfall, Arthur Drewry ho Stanley Rous), ema fransés na'in rua (Robert Guérin ho Jules Rimet) ho ema belga na'in ida (Rodolphe Seeldrayers), aleinde Blatter ho Havelange.

Jules Rimet sai hanesan dirijente nebe kleur liu iha kargu ne'e, ho tinan 33 nia laran, no koñesidu tanba diriji organizasaun nebe iha sede iha Zurike, iha Suisa, iha períudu nebe hala'o Kampeonatu dahuluk Mundu nian, iha tinan 1930.

Luís Figo agora bele kaer projetu foun hafoin sai tiha nu'udar jogadór futeból ida no diretór ba relasaun internasionál sira iha Inter Milaun no lori fali lian portugés ba FIFA.

Tanba ne'e tenki hasoru konkorénsia ho Sepp Blatter, prínsipe Jordánia nian Ali bin Al Hussein ho Michel van Praag, prezidente Federasaun Holandeza Futeból nian.

@SAPO Desporto

Quinta-feira, 29.01.15

"Figo nia kandidatura hanesan notísia di'ak ida ba futeból" - José Mourinho

Mourinho serbisu ona hamutuk ho Luís Figo iha Inter, Barcelona ho Sporting.


EPA@ Nigel Roddis


Treinadór Chelsea nian, portugés José Mourinho, fó sai ohin nia apoiu ba Luís Figo iha kandidatura ba prezidénsia FIFA nian, nia konsidera katak antigu futebolista ne'e hametin futur di'ak ida ba organizmu ne'e.

"Ha'u hanoin katak Luís Figo nia kandidatura hanesan notísia di'ak ida ba futeból. Nia kareira iha futeból hanesan garantia ida ba FIFA nia futuru", tékniku "blues" nian hatete iha deklarasaun sira ba ajénsia Lusa.

Mourinho treina ona Figo iha Inter Milaun, iha tinan 2008/09, hafoin hetan malu iha FC Barcelona, entre tinan 1996 to'o 2000, bainhira tékniku ne'e sai ko-adjuntu Louis van Gaal ho Bobby Robson nian iha katalaun, no iha Sporting entre tinan 1992 n0 1994 nune'e mós sai hanesan adjuntu inglés nian.

"Ha'u hatene nia hahalok, determinasaun no nia paixaun ba futeból. Nia sei sai prezidente ida nebe haree liu ba futeból, hanoin iha jogu no iha buat hotu nebe bele hadi'a no prezidente ida nebe besik ba federasaun sira", Mourinho hakotu.

SAPO Desporto/ Lusa

Figo é candidato a presidente da FIFA

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo