Domingo, 26.03.17

Liverpool hakarak konta ho James Rodriguez

Ekipa ingleza iha interese iha jogador Real Madrid nian. 

 

 

Liverpool iha interese hodi kontrata James Rodriguez hosi Real Madrid. Tuir jornal inglés The Mirror, emblema britániku hakarak "hasai" kolombianu ne'ebé ikus ne'e Zidane ladún hili iha ekipa madrilenu.

 

Transferénsia ba Liverpool la'ós fásil, tanba Real Madrid husu, iha mínimu, euro millaun 80 hodi hahú negósiu hodi extremu eis-FC Porto nian bele sai. Maibé "red" sira presiza hetan fatin europeu ida hodi nune'e James aprova nia saída hosi Real Madrid.

 

Maibé, vontade jogador nian la'ós hanesan problema ida. Ho minutu balun hosi jogu, James Rodriguez haree ho di'ak saída ba ekipa ida ne'ebé bele hetan beibeik opsaun. Maibé, kolombianu lakohi lakon saláriu ne'ebé nia iha no hakarak joga iha Champions League.

 

Iha temporada ne'e, médiu kolombianu halo de'it jogu 24 no marka golu lima hamutuk ho Real Madrid. Titularidade sai hanesan kestaun ida ne'ebé la mosu iha prezente kolombianu nian.

 

@SAPO Desporto

Quinta-feira, 23.02.17

Lallana hanaruk kontratu to’o 2020

Internasionál inglés, elementu xave ba tékniku alemaun Jirgen Klopp, hala’o ona jogu  80 iha Premier League ho kamizola Liverpool no marka ona golu 16.


 

Internasionál inglés Adam Lallana, futebolista hosi Liverpool, hanaruk kontratu ho klube ba époka tolu tan, to’o 2020, ho opsaun seluk, anunsia iha ohin hosi 'reds'.

 

Médiu ofensivu ho tinan 28, ne’ebé  tama ba Liverpool iha 2014, maihosi Southampton ho libra millaun  25 ( euro millaun 29,5), no hetan saláriu libra rihun  110 ( euro rihun 130)  kada semana, no  sai hanesan jogadór iha plantel ne’ebé  hanarun kontratu, hafoin  brazileiru Philippe Coutinho hanaruk iha loron  25 fulan- janeiru liubá, to’o 2022.

 

"Ha’u sente  orgullu tebes no sente onradu ba konfiansa ne’ebé klube no treinadór  hatudu mai ha’u. Ha’u sei lahanoin ba klube ida di’ak  liu  hodi  kompromete kona-ba ha’u nia futuru. Ha’u nia momentu di’ak liu sei mai", afirma Lallana iha deklarasaun ba sítiu Liverpool iha internet.

 

SAPO TL ho SAPO Desportu

Quarta-feira, 01.02.17

Liverpool no Chelsea empata golu ida iha Anfield

'Blues' kuaze manán, maibé ekipa Jurgen Klopp halo empata iha tempu daruak.


 

Enkontru entre Liverpool no Chelsea termina ho empata 1-1 iha jornada 22ª Premier League nian.

 

Iha duelu antesipadu liu ba ronda Liga Ingleza, ekipa Antonio Conte hahú ho forte liu iha Anfield Road no hatudu motivu ba iha pozisaun dahuluk. Maski nune’e, joga iha uma rasik, Liverpool la fó fatin. Iha minutu 24, David Luiz loke markadór liuhosi markasaun livre ida ho forma ezemplar. Defeza sentrál ne’ebé pasa liuhosi Benfica lafó ipótese ba guarda-rede, Mignolet.

 

Ho pozisaun lakon, 'reds' buka halo empate, maibé to’o ba intervalu, rezultadu mantein ho vantajen ba Chelsea. Iha minutu 45 parte daruak, Liverpool tama ho forte liu no ikus mai bele halo empate iha minutu 57 bainhira Wijnalaldum marka golu hafoin lanse konfuzu ida iha área laran.

 

Golu olandés ne’e taka markadór iha enkontru ho 'tentativa' oioin, maibé laiha oportunidade perigozu barak ba parte rua. Ho empate ne’e laiha alterasaun ba klasifikasaun Premier League nian ho Chelsea mantein izoladu iha lideransa kampeonatu nian. Ba Liverpool, kontinua iha fatin dahaat Liga Ingleza nian.

 

SAPO TL ho SAPO Desportu

Segunda-feira, 05.12.16

Klopp no derrota: "dalaruma ami presiza lakon"

Chelsea okupa mesak iha lideransa ho pontu 34, liutolu duké Arsenal, haat duké Liverpool  no Manchester City.


Foto: EPA/PETER POWELL

 

Jürgen Klopp hatudu  desportivizmu boot hodi  assume katak Bournemouth merese manán Liverpool, iha jogu ba jornada 14.ª Liga Ingleza nian. ´Reds` ukun ho 3-1 to’o  minutu 64 maibé adversáriu fila fali  rezultadu. Tékniku Liverpool ne’e elojia reasaun hosi adversáriu.

 

"Hanesan vitória ida ne’ebé  merese hosi parte Bournemouth. Parabéns ba sira nia ezibisaun. Ha’u hakarak  ami sai  ekipa ida di’ak liu hosi parte barak liu iha jogu, maibé iha momentu desizivu ami  husik buat hotu lakon. Ami loke oda-matan no Bournemouth aproveita ho máximu. Sita mantein nafatin iha jogu no marka  golu fantástiku,  tanba ne’e sira merese", haktuir  tékniku ba ´Sky Sports`.

 

Alemaun ne’e  hatutan tan katak derrota  laestraga Liverpool husik ninia dalan  maibé serve hanesan  alerta ba jogadór sira.

 

"Iha buat barak maka atu  aprende. Esperiénsia ida ne’ebé laiha ema ida hakarak liu, maibé dalaruma tenki presiza. Iha deit pontu tolu, laliu duké ida ne’e. Labele sai kampeaun iha dezembru, nein tuun hosi divizaun. Kria deit  baze ida no sei di’ak hela ", nia afirma.

 

Chelsea okupa mesak ona  iha lideransa ho pontu 34, liutolu duké Arsenal, haat duké Liverpool  no Manchester City.

 

 

SAPO TL ho SAPO Desportu

Sexta-feira, 08.04.16

Klopp: "Ema barak hanoin katak ami bele lakon ho 3 ka 4"

Tékniku ne’e koa’lia kona-ba ninia fila ba iha estádiu ida ne’ebé uluk halo nia kontente.


Foto: KIRILL KUDRYAVTSEV / AFP

 

Jurgen Klopp analisa empate Liverpool nian hasoru  Dortmund (1-1), iha  1ª maun kuartu finál Liga Europa nian. Tékniku ne’e aproveita halo komentáriu ninia fila ba uma ne’ebé maka uluk moos ninian.

 

Komportamentu ekipa nian

 

"Kontra ekipa ida hanesan Dortmund ami tenki ka’er bola barak no defende tuir buat ne’ebé ami iha no ne’e maka ami halo".

 

Origi, autór iha golu reds nian

 

"Origi joga di’ak tebes iha jogu ne’e, konsege segura bola ho di’ak tuir ninia fízikune’ebé di’ak".

 

Rezultadu  

 

"Ema barak hanoin katak ami bele lakon ho ho golu tolu ka haat ".

 

Simu?

 

"Kapás tebes, ema barak espekula oinsa akontese, maibé  ne’e maka bele akontese duni".

 

SAPO TL ho SAPO Desportu

Sexta-feira, 18.03.16

Liverpool empata iha Old Trafford no hakat ba 'kuartu'finál

Philippe Coutinho marka golu  empate nian molok intervalu.


Foto: EPA/Peter Powell 

 

Liverpool tama ba kuartu-de-finál Liga Europa nian hafoin empata iha kinta-feira ne’e iha Old Trafford hasoru Manchester United ho 1-1.

 

'Reds' sira ba iha Manchester hodi  kumpre  jogu ba segunda mão 'oitavu' finál nian ho vantajen 2-0 ne’ebé hetan iha jogu primeira mão iha Anfield Road, no konsege tama ba 'kuartu' finál kompetisaun ne’e ho empate ne’ebé hetan iha primeiru tempu.

 

Iha Old Trafford, ekipa Louis van Gaal marka uluk golu iha minutu 32 liuhosi markasaun penalidade ho susesu hosi Martial. Manchester United konsege reduz desvantajen iha eliminatória ne’e, no hela deit golu ida atu halo empate.

 

Maibé, molok   intervalu ekipa Jurgen Klopp halo empate hosi intermédiu Philippe Coutinho no  koloka fila fali vantajen ba nia ekipa iha eliminatóriu ne’e.

 

Louis van Gaal hatama tan Antonio Valencia iha segunda parte, Darmian no Schweinsteiger, maibé jogu nafatin  empata ho 1-1. Ho rezultadu ne’e, Manchester United tenki sai hosi Liga Europa, enkuantu Liverpool hakat ba kuartu finál kompetisaun ne’e hosi  nia 'rivál' inglés.

 

SAPO TL  ho SAPO Desportu

Sexta-feira, 11.03.16

Klopp: "Buat ida seidauk garante"

Liverpool manán iha, kinta-feira ne’e , hasoru Manchester United ho 2-0 iha Anfield.


Foto: KIRILL KUDRYAVTSEV / AFP

 

Kona-ba vitória ho  United (2-0), Jurgen Klopp elojiu ezibisaun hosi nia ekipa. Hatete katak só falta deit  golu atu  halo Liverpool bele deskansa iha faze eliminatóriu ne’e.

 

"Atu koalia lolos katak laós buat hotu la’o ladi’ak. Ami hahú jogu ho di’ak dezde minutu primeiru, falta deit atu halo golu tan. Antes iha jogu haú sente  satisfeitu ho vitória 2-0 ne’e, iha finál ha’u sente katak ha’u hatene oituan. Buat hotu seidauk deside, ami sei iha tan segundu jogu iha Manchester", nia hatete.

 

Tékniku ne’e sei iha tan lia-fuan ida atu hato’o ba adeptu sira ne’ebé apoiu “reds”.

 

"Ambiente ida ne’ebé inakreditável, ha’u hakarak agradese ba sira hotu ne’ebé partisipa iha kalan fantástiku ida ne’e. Ne’e maka  Liverpool ne’ebé ita koñese.", nia hakotu.

 

SAPO TL ho SAPO Desportu

Quarta-feira, 27.01.16

Liverpool iha finál “Taça Liga inglesa”

Pasajen  ne’e   akontese hafoin tinan haat.


 

Foto : PETER POWELL/EPA

 

Liverpool kualifika iha tersa-feira ne’e ba  iha finál  “Taça  futeból  Liga inglesa”, ne’ebé maka  hasai Stoke liu hosi markasaun  penalidade, hafoin lakon 1-0 iha ronde daruak meias-finais.

 

 Manán tiha iha ronde dahuluk  ho 1-0, ‘reds’ labele defende nia rezultadu  hodi Stoke halo empate iha jogu eliminatóriu ne’e ne’ebé marka hosi austríaku Marko Arnautovic, iha minutu 45+1, hafoin hetan pase ida hosi español Bojan Krkic.

 

Rezultadu ne’e  mantén to’o iha minutu 120,  guarda-rede belga Simon Mignolet maka sai herói iha  jogu ne’e, nia konsege salva  penalidade boot rua hodi  garante triunfu ho 6-5.

 

 ‘Reds’  hakat fali ba iha  finál  “Taça  Liga”  nian hafoin  tinan haat sai kampeaun iha  kompetisaun ne’e, sira sei hein adversáriu ne’ebé maka sei define hosi konfrontu entre Manchester City e Everton, hanesan ho Liverpool sira ne’ebé defende nia vantajen ho 2-1.

 

SAPO TL ho SAPO Desportu

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo