Quinta-feira, 04.05.17

Thomas Muller: "Ronaldo iha kapasidade maka'as hodi halo kabeseamentu"

Avansadu alemaun fó elojiu maka'as ba kapasidade goleador sira hosi internasional portugés. 

 

 

Hafoin espetákulu di'ak ida hosi Cristiano Ronaldo, iha jogador barak maka rende ba nia talentu. Thomas Muller defende katak Cristiano Ronaldo hanesan jogador "extraordináriu ida" no ho kapasidade barak.

 

"Báziku, ita hotu hatene katak nia hanesan extraordináriu, iha nia aparénsia no nia espetákulu desportivu sira. Nune'e, nia hanesan ona fenómenu ida", afirma hosi avansadu alemaun ba imprensa hosi nia nasaun.

 

"Ó la konsege hetan beibeik númeru sira hosi golu sira iha tinan barak nia laran lahó serbisu maka'as", nia refere no hatutan katak nia kapasidade tomak, liuliu... bainhira uza ulun.

 

"Nia iha kualidade tékniku no fíziku maka'as [...] Maibé buat ne'ebé maka impresiona tebes ha'u maka nia kapasidade uza ulun. Ne'e dalabarak ema la hanoin. Nia iha téknika di'ak ida, maibé mós kapasidade di'ak tebes hodi halo kabeseamentu", afirma hosi jogador jermániku.

 

Thomas Muller konsidera mós katak Ronaldo ho Messi hanesan jogador sira ne'ebé labele kompara ho ema ida.

 

"Bainhira haree ba nia ka ba Lionel Messi, sira na'in rua iha nível ida aas liu sira seluk".

 

Thomas Muller hasoru ona Cristiano Ronaldo iha semifinal hosi Champions League, bainhira Real Madrid halakon Bayern Munique ho 6-3, iha rezultadu ida hosi jogu rua.

 

@SAPO Desporto

Quinta-feira, 19.01.17

Messi nia aman hatete katak "laiha perigu " atu jogador sai

Jogador arjentinu sei renova kontratu ne'ebé liga nia ho Barcelona. 

 

 

Atrazu sira iha renovasaun kontratu Lionel Messi nian halo mosu alerta oioin iha Barcelona, hamosu hipóteze hosi jogador arjentinu ne'e nia saída, maibé nia aman no emprezáriu senti hakmatek iha relasaun ba prosesu ne'e.

 

Jorge Messi ko'alia ba rádiu españól Cadena SER no hametin katak "laiha perigu ruma" atu avansadu ne'e husik klube katalaun. Negosiasaun sira hodi hanaruk kontratu ne'e, agora daudaun vale ba fulan 18, la'o di'ak hela.

 

Tuir imprensa española, Prezidente Barcelona nian, Josep María Bartomeu, fiar katak prosesu ne'e sei hotu tarde ka sedu.

 

@SAPO Desporto

Quarta-feira, 11.01.17

Razaun 10 ba Ronaldo hodi sai di'ak liu Messi

Gazzetta dello Sport esplika ona razaun sira. 

 

Foto@ Ennio Leanza /EPA

 

Jornal italianu Gazzetta dello Sport esplika ona liuhosi vídeo ida razaun sira ne'ebé halo CR7 sai di'ak liu Messi.

 

Liuhosi argumentu 10 ne'ebé simples, publikasaun selesiona ona fator sira hanesan kapasidade fíziu, ba troféu sira, liuhosi faktu katak jogador manán hanesan iha Inglatera no mós iha España.

 

Razaun 10 sira maka tuirmai ne'e:

 

1º Nia jogu hanesan kompletu liu. Uza parte loos no karuk no iha jogu aereu ne'ebé di'ak tebes

2º Iha fíziku ida ne'ebé perfeitu

3º Manán ona iha Inglatera no iha España

4º Manán mós ho Selesaun Nasional. Messi laiha troféu ruma iha nível selesaun sira nian

5º Iha liu golu 10 duké Messi iha Champions League (93 kontra 83)

6º Manán osan barak. Tuir Forbes nia simu millaun 77,6 iha tinan 2016 (Messi manán 71,7)

7º Hanesan desportista ne'ebé ativu liu iha área solidariedade

8º Hanesan úniku ho Botas Osan-Mean ba markador europeu di'ak liu. Messi iha tolu

9º Hanesan jogador ida ne'ebé halo liu "ibs" iha Champions League. Marka ona golu rua iha jogu 25

10º Hanesan jogador úniku ho golu 30 resin iha edisaun neen konsekutivu iha liga española

 

@SAPO Desporto

Sexta-feira, 30.12.16

Messi eleitu organizadór jogu di’ak liu iha Mundu

Krake arjentinu laiha ipóteze ba konkorrénsia.


 

Lionel Messi eleitu, kinta-feira ne’e, hanesan organizadár jogu di’ak liu mundu nian ba daruak  hosi Federação Internacional de História e Estatística (IFFHS).

 

Arjentinu Barcelona ne’e sai  lideransa izoladu ba votasaun ne’e, soma pontu 172, liu Andrés Iniesta (Barcelona), ho pontu 66, no alemaun Tony Kroos (Real Madrid), pontu 45.

 

1 – Lionel Messi (Argentina/Barcelona), pontu 172
2 – Andres Iniesta (Espanha/Barcelona), 66
3 – Tony Kroos (Alemanha/Real Madrid), 45
4 – Mesut Özil (Alemanha/Arsenal), 39
5 – Riyad Mahrez (Argélia/Leicester), 36
5 – Luka Modric (Croácia/Real Madrid), 36
7 – Kevin De Bruyne (Bélgica/Manchester City), 31
8 – Paul Pogba (França/Juventus/Manchester United), 26
9 – Eden Hazard (Bélgica/Chelsea), 14
10- Dimitri Payet (França/West Ham), 8
11- David Silva (Espanha/Manchester City), 5
12- Neymar (Brasil/Barcelona), 3
12- Marek Hamsik (Eslováquia/Nápoles), 3
14-Thiago Alcantara (Espanha/Bayern), 1
14-Javier Pastore (Argentina/PSG), 1

 

SAPO TL ho SAPO Desportu

Terça-feira, 15.11.16

Cristiano Ronaldo ho Messi hanesan futebolista ne'ebé iha saláriu di'ak liu iha mundu

Manchester United lidera top10 ho futebolista na'in tolu. 

 

 

Jogadór di'ak liu na'in rua iha mundu iha saláriu hanesan ho euro millaun 21,9 tinan-tinan, fó sai hosi jornal inglés Daily Mail iha loron-tersa ne'e.

 

Tuir informasaun ne'ebé fó sai hosi diáriu britániku ne'e, Cristiano Ronaldo ho Lionel Messi maka hanesan futebolista sira ne'ebé iha saláriu di'ak liu iha mundu ho saláriu ida anual hamutuk euro millaun 21,9, liu euro rihun 800 duké Gareth Bale, internasional galés ne'ebé joga iha Real Madrid no okupa pozisaun datoluk.

 

Iha lista ne'ebé fó sai, destaka mós ba prezensa hosi futebolista na'in tolu hosi Manchester United no Hulk, eis-jogador FC Porto nian ne'ebé agora okupa pozisaun haat hosi jogador sira futebol nian ho saláriu di'ak liu iha mundu.

 

Lista hosi jogador sira ne'ebé iha saláriu di'ak liu

 

1.º C. Ronaldo (Real Madrid), tinan-tinan iha euro millaun 21,9
Lionel Messi (Barcelona), tinan-tinan iha euro millaun 21,9

3.º Gareth Bale (Real Madrid), tinan-tinan iha euro millaun 21,1
4.º Hulk (Shanghai SIPG), tinan-tinan iha euro millaun 19,2
5.º Paul Pogba (Man. United), tinan-tinan iha euro millaun 17,5
6.º Graziano Pellè (S. Luneng), tinan-tinan iha euro millaun 16,5
7.º Lavezzi (Hebei Fortune), tinan-tinan iha euro millaun 15,6
8.º W. Rooney (Man. United), tinan-tinan iha euro millaun 15,6
9.º Neymar (Barcelona), tinan-tinan iha euro millaun 15,5
10.º Ibrahimovic (Man. United), tinan-tinan iha euro millaun 15,1

 

@SAPO Desporto

Segunda-feira, 14.11.16

Messi lakohi renova ho Barcelona

Jogador aponta ba Manchester City iha tinan 2018. 

 

Foto: D.R

 

Internasional arjentinu, Lionel Messi, rekuza ona renovasaun kontratu ho Barcelona iha fulan-Jullu liubá, avansa hosi jornal españól Marca iha loron-segunda ne'e.

 

Tuir informasaun ne'ebé fó sai hosi jornal Madrid nian, númeru 10 hosi Barcelona hakarak kumpri kontratu ho kalaun sira to'o loron 30 Jullu 2018, no hafoin ne'e maka desidi nia futuru, no rejeita tiha ona proposta ida hosi "culés" hodi renova iha fulan-Jullu.

 

Tuir hakerek hosi publikasaun ne'e, "Messi hatete ona ba Barça iha fulan-Jullu katak lakohi renova", bainhira nia iha férias iha Ibiza ho nia feen Antonella no nia oan sira, no husu ona ba nia aman no ema ida seluk (ne'ebé la identifika hosi jornal) hodi "transmiti nia desizaun ba prezidente Barcelona nian".

 

Prezidente Barcelona nian, Josep Maria Bartomeu, "rekomenda ona kalma" ba Messi no husu nia atu "hanoin dala rua", hodi fó hanoin mós nia kona-ba kláuzula hosi anulasaun ho folin euro millaun 250.

 

Jornal Marca hakerek mós katak bainhira Messi desidi sai hosi Barcelona iha veraun tinan 2018, Manchester City hanesan klube ho posibilidade maka'as hodi kontrata jogador arjentinu ne'e.

 

@SAPO Desporto

Terça-feira, 28.06.16

Maradona: "Messi tenki kontinua iha selesaun"

Diego Maradona husu ba Lionel Messi hodi kontinua iha selesaun arjentina nian. 

 

 

Eis-futebolista internasional arjentinu Diego Maradona husu ona, iha loron-segunda, ba Lionel Messi hodi kontinua joga iha selesaun.

 

"Messi tenki kontinua iha selesaun. Nia tenki kontinua tanba nia tenki to'o iha Rúsia iha kondisaun sira hodi sai kampeaun mundu nian" iha tinan 2018, afirma ona hosi Maradona iha deklarasaun sira ne'ebé haktuir hosi portal jornal arjentinu nian La Nacion.

 

Messi, ho tinan 29, fó sai ona iha loron-domingu, nia adeus ba formasaun ‘albi-celeste’ hafoin lakon final foun ida iha Copa Amérika Centenário hasoru Xile iha penalidade.

 

Jogar koñesidu arjentinu, ne'ebé tinan ne'e eleitu fali nu'udar jogadór di'ak liu iha mundu, konkista Bola Osan-Mean ba dala lima, esplika ona katak hanoin ona iha desizaun ne'e iha balneáriu no to'o ona oras hodi tau pontu ikus iha selesaun.

 

Maradona, ho tinan 55, atribui falta troféu hosi Arjentina iha tinan hirak ikus ne'e ba Asosiasaun Futeból nasaun nian (AFA), hodi akuza katak la apoia Messi no la husik nia asumi kulpa ba lakon iha loron-domingu hodi taka nia defisiénsia sira iha jestaun desportivu.

 

"Tenki apoia tan labarik-mane sira ne'ebé bele ajuda nia lori ekipa ba oin no hamenus sé maka hatete atu sai. Hadook sira ne'ebé la husik nia tanis!", nia afirma ona.

 

"Sira ne'ebé hatete katak tenki sai halo atu ita labele haree katak futeból arjentinu hanesan dezastre ida", eis-futebolista hatete nia krítika ba AFA.

 

AFA hasoru krizi institusional ida iha fulan barak nia laran, nune'e FIFA nomeia ona, iha loron-sesta liubá, komisaun regularizasaun ida ne'ebé sei administra nia atividade loron-loron no organiza eleisaun sira antes loron 30 Juñu 2017.

 

FIFA investiga AFA liuhosi supervizór judisiál na'in tolu hahú hosi fulan-Juñu 2015 tanba deskonfia iregularidade iha jestaun ba fundu públiku sira ne'ebé simu hosi parte Governu nian tanba direitu sira ba transmisaun jogu sira iha televizaun.

 

@SAPO Desporto

Segunda-feira, 27.06.16

Mexit: A queda de um ´Deus` maior

Aos 29 anos, Messi afirmou que não voltará a jogar pela sua seleção. 

 

Foto: Larry W. Smith/EPA

 

Lionel Messi abalou o mundo do futebol ao renunciar à seleção argentina. Depois de perder a final da Copa América, outra vez para o Chile, o capitão da Argentina não aguentou a frustração e anunciou que o melhor é a seleção seguir outro rumo enquanto ele se vai concentrar apenas no seu clube, o Barcelona.

 

O mundo de futebol espera que a decisão de Messi, tomada no calor do momento, no meio de tanta frustração, seja apenas temporária. Que o craque volte atrás, que reconsidere. Mesmo sendo dos jogadores mais criticados pelos adeptos na seleção ´albiceleste`, Messi está destinado a bater todos os recordes na seleção da Argentina.

 

Aos 29 anos, já é goleador máximo da Argentina, com 55 golos em 113 jogos. Na seleção albiceleste disputou três mundiais e quatro Copas Américas e conseguiu chegar a quatro finais, todas perdidas: Mundial2014 e Copa América 2007, 2015 e 2016.

 

Cinco vezes vencedor da Bola de Ouro (nenhum outro jogador tem tantos troféus de Melhor do Mundo), detentor de vários recordes no Barcelona e na Liga Espanhola (453 jogos pelos blaugrana e 312 na Liga), de vários títulos coletivos (Oito Ligas Espanholas, quatro Liga dos Campeões) e individuais (bateu o recorde de Gerd Muller como melhor marcador de sempre num ano civíl, 86 golos no ano de 2012), a verdade é que o craque continua sem vencer qualquer título pela sua seleção.

 

 

Fonte: SAPO Desporto

Messi dehan adeus ba selesaun arjentina

Jogadór arjentinu Lionel Messi, horisehik dehan adeus ba selesaun hafoin lakon tan iha Copa América hasoru Xili durante penalidade bot.


 

"Ba ha’u selesaun nasionál remata ona. Ha’u halo buat hotu ne’ebé ha’u bele, laran moras tanba lasai hanesan manan-na’in", dehan 'kapitaun' hosi formasaun 'albi-celeste', ho idade 29, ba jornalista sira hafoin ninia lakon ba dahaat iha finál bot bainhira halo parte iha ekipa Arjentina.

 

Xili maka sai hanesan vensedór iha Copa América hosi Sentenáriu ba jogu futeból, hafoin tinan ida, bainhira joga hasoru Arjentina liu hosi penalidade bot, hafoin minutu 120 ekipa rua lamarka golu.Hafoin manan iha tinan ida liu ba ho 4-1, jogadór xili nian sira manan tan 4-2, iha dezempate ne’ebé Lionel Messi falla, no ho ida ne’e selesaun arjentina lakon iha finál dahaat ona.

 

SAPO TL ho Lusa

Segunda-feira, 11.04.16

"Ranking" hosi saláriu: Cristiano Ronaldo hakbesik ona Messi

Jogadór portugés rejista ona iha 2015 aumentu ida iha nia rendimentu, to'o euro millaun 67,4. 

 

Foto: Alejandro Garcia / EPA

 

Iha tinan 2015 portugés Cristiano Ronaldo rejista ona aumentu maka'as iha nia rendimentu, to'o euro millaun 67,4, folin ne'ebé mantén futebolista iha pozisaun daruak ba futebolista ne'ebé ema selu di'ak liu, fatin dahuluk okupa hosi Lionel Messi hosi FC Barcelona.

 

Iha lista ne'ebé sei fó sai iha loron-tersa hosi revista France Football no adianta iha loron-segunda ne'e hosi AFP, jogadór Real Madrid hetan kresimentu ida ho euro millaun 13,4, hakbesik ba líder, Messi, ho euro millaun 74, ne'ebé nia reseita aumenta ona ba euro millaun sia.

 

"Top-3" mantén nafatin ba époka tolu konsekutivu, ho brazileiru Neymar (FC Barcelona) aumenta hosi euro millaun 36,5 ba millaun 43,5, no iha fatin treinadór sira, José Mourinho kontinua iha pozisaun dahuluk ho euro millaun 24, tuir iha pozisaun daruak españól Pep Guardiola (Bayern Munique) no italianu Fabio Capello ne'ebé agora daudaun la treinu iha klube ida hafoin husi tiha selesaun rusu.

 

Avaliasaun komprende remunerasaun bruto sira (antes impostu no taxa sosiál sira), prémiu sira hosi jogu no asinatura no kontratu sira publisidade nian, marka iha époka ne'e hosi domíniu fransés ida ho futebolista na'in 14 maka tama iha "top-20".

 

Paris Saint-Germain "kontribui" maka'as ba lista, ho arjentinu Ángel Di María tama kedas ba lideransa iha Fransa, ho euro millaun 24, liu millaun ida duké sueku Zlatan Ibrahimovic no brazileiru Thiago Silva.

 

@SAPO Desporto

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo