Segunda-feira, 21.11.16

Chelsea sai lideransa iha Premier League

Golu solitáriu hosi Diego Costa fó  vitória ba Chelsea no lideransa iha Liga Ingleza.


Foto: EPA/Nigel Roddis

 

Golu solitáriu ida hosi  internasionál españól Diego Costa iha ohin fó votória ba Chelsea iha uma Middlesbrough (1-0) no ‘lori’ londrinu sira sai  lideransa izoladu iha futeból Liga Ingleza nian.

 

Tama deit ba  parte finál tempu dahuluk nian, iha minutu 41, ne’ebé maka  avansadu ne’e aproveita konfuzaun ida iha área kontráriu, liuhosi kantu, konsege  dezvia bola ho sesesu  ba baliza Victor Valdés.

 

Ne’e sufisiente ona ba  Chelsea sai ho  vitória iha Riverside Stadium, maski Middlesbrough lafó ameasa ba defeza no tenta halo jogu ho‘blues’, ne’ebé nunka bele deskansa iha rezultadu nia ‘leten’ to’o  apitu finál.

 

Vitória ne’e halo Chelsea okupa iha dahuluk kampeonatu nian, ho pontu 28, liu ida  duké Liverpool no Manchester City, enkuantu iha pozisaun haat  maka Arsenal, ho 25, no iha lima Tottenham, ho 24. Manchester United, José Mourinho nian, iha neen, ho pontu 19 hanesan  duké Everton.

 

Ba  lideransa Chelsea moos kontribuiu hosi  ‘nulu’ ne’ebé Liverpool lakonsege halo iha sábadu, iha vizita ba Southampton, ekipa ne’ebé  joga  portugés sira hanesan José Fonte no Cédric Soares sai titular.

 

Ho nune’e, iha jornada 12.ª  ‘kandidatu sira’  hetan sorte lahanesan, ho vitória ba Chelsea, Manchester City no Tottenham, enkuantu Liverpool, Arsenal no Manchester United hetan empata, ne’e ikus entre sira.

 

Ba  kampeaun Leicester, adversáriu FC Porto iha Liga Campeões, okupa iha 14.º, hafoin lakon iha uma Watford nian ho (2-1).

 

SAPO TL ho SAPO Desportu

Terça-feira, 18.10.16

De Gea asegura nulu iha Anfield Road

Manchester United empata hasoru Liverpool, iha jogu intensu maibé laiha golu.


Foto: EPA/Peter Powell

 

Liverpool no Manchester United hala’o jogu ida ho intensu iha ohin, maibé sein golu, iha enserramentu ba jornada daualu 'Premier League', kampeonatu futeból inglés nian.

 

Ekipa hosi klube istóriku boot rua iha Inglaterra luta maka’as liu iha kampo klaran, iha jogu ne’ebé  defeza sira konsidera forte liu  duké atake, hodi halo na’in rua hetan 'kastigu' ho 'nulu'ida  ne’ebé halo  atraza liu ba na’in rua iha prova.

 

Liverpool, ne’ebé  bele  alkansa iha ba lideransa  Manchester City no Arsenal ho pontu 19, ikus mai tenki mantein nafatin iha klasifikasaun dahaat, ho 17. Kuantu ba Manchester United, nafatin okupa iha sétimu, ho 14, hela pontu lima hosi lideransa prova nian.

 

Figura di’ak liu  United nian, klube ne’ebé  treinadu  iha  époka ne’e hosi  José Mourinho, maka guarda-rede De Gea, evita golu hosi  remate Emre Can, iha minutu  58, no Philippe Coutinho, iha  71.

 

Ezibisaun  De Gea kontráriu ho Zlatan Ibrahimovic ne’ebé lamosu, dala ida ne’e nia lakonsege 'salva' formasaun Manchester, ne’ebé  Wayne Rooney atua  iha minutu  balun ikus nian.

 

SAPO TL ho SAPO Desportu

Sábado, 01.10.16

Rashford: "Ronaldo hanesan ezemplu ida"

Avansadu inglés ho tinan 18 konsidera Cristiano Ronaldo hanesan ezemplu boot liu iha profissionalizmu no dedikasaun ba modalidade ne’e.


Foto: AFP or licensors

 

Cristiano Ronaldo sai tiha ona hosi Manchester United tinan barak ona, maibé ninia influénsia ba joven jogadór sira iha Old Trafford kontinua sei sente, liliu ba Marcus Rashford ne’ebé  haree internasionál portugés  ne’e hanesan ' ezemplu' atu bele halo tuir iha karreira.

 

"Ronaldo sai ona ezempliu ida  iha tinan  hirak ikus ne’e. ne’ebé maka nia joga, kauza impaktu no adversáriu tauk nia. No ida ne’e maka ha’u tenki  dezenvolve: halo ameasa hela deit", afirma Marcus Rashford iha deklarasaun ba Sky Sports.

 

"Rooney no Ronaldo konbinasaun ida real. Iha 2007/08 hanesan  parseria ida inkrível, jogadór sira kapás liu ne’ebé ha’u observa hodi  tenta hadi’a ha’u nia performanse", rekorda jogadór tinan 18 ne’e.

 

SAPO TO ho SAPO Desportu

Terça-feira, 27.09.16

Burnley manán Watford no 'sai' hosi klasifikasaun ikus

Golu ba vitória  ne’e aponta hosi Hendrik no Keane.


Foto: EPA/FACUNDO ARRIZABALAGA

 

Burnley simu no manán Watford ho 2-0, iha jogu ne’ebé  enserra jornada daneen liga ingleza, sa’e ba klasifikasaun 13.º, iha pontu hanesan ho adversáriu iha ohin  ne’ebé okupa iha 11º.

 

Golu Burnley  nian marka iha minutu 38, hosi médiu irlandés Jeff Hendrik, no iha 50, hosi defeza-sentrál Michael Keane.

 

Ho vitória ne’e, Burnley sa’e ba okupa iha 13.º, ho  pontu hitu, enkuantu Watford mantein iha pazisaun 11.ª, ho pontu hanesan, iha kampeonatu ne’ebé lidera hosi Manchester City, ho pontu  18, tuir  Tottenham ho 14, no Arsenal, Liverpool no Everton, hotu iha pontu 13, no ba Manchester United, ne’ebé orienta hosi  José Mourinho, ho pontu  12.

 

SAPO TL ho SAPO Desportu

Quarta-feira, 31.08.16

Jack Wilshere ligadu ba Sporting no Benfica

Sentrukampista lakon fatin iha emblema londrinu.


Foto: JULIEN WARNAND / EPA

 

Imprensa ingleza fó sai katak Jack Wilshere bele sai hosi  Arsenal, Sporting no Benfica entre klube sira ne’ebé iha interesse.

 

Tuir  Sky Sports, aléinde klube boot rua hosi Lisboa, Crystal Palace, Bournemouth no Watford moos  hakarak  garante médiu ne’e ba époka oin.

 

Jogadór  ne’e lahola parte ona iha planu Wenger nian no prefere  sai hodi  joga ho regular liu. Iha époka kotuk  nia realiza deit jogu tolu ho gunners, maibé inklui hotu iha Kampeonatu Europa reprezenta  servisu selesaun ingleza.

 

SAPO TL ho SAPO Desportu

Terça-feira, 16.08.16

Diego Costa oferese vitória ba Chelsea

Manchester City, hosi Pep Guardiola, manán ona Sunderland liuhosi  tanjensiál  2-1, benefisia hosi autogolu ida iha minutu ikus hodi konsege pontu tolu.


Foto: epa05487935

 

Chelsea manán ohin iha uma  West Ham nian, ho 2-1, grasa ba golu Diego Costa, iha minutu 89, ne’ebé ‘salva’ estreia treinadór italianu Antonio Conte nian iha enserramentu ba jornada dahuluk futeból Liga ingleza nian.

 

Vitória difísil ‘blues’ nian hahú dezeñadu iha minutu 46, ho golu ida hosi internasionál belga Eden Hazard, liuhosi penalidade, tamba  kastigu iha falta lateral direitu ida ne’ebé komete hosi Michail Antonio.

 

West Ham demora liu halo reajen, maibé, joga liu iha meiu-kampu kontráriu, konsege halo empata iha sekuénsia kantu diretu ida iha direita ne’ebé maka monu ba  remate serteiru defeza galés James Collins, iha minutu 77.

 

Lanse ne’e  halo tarde tebes  Chelsea, maski nune’e, fila  lidera fali ho golu Diego Costa – Collins fó liu fatin ba nia atu remata, tama iha  área – festeja ho emosaun, iha estreia ba treinadór Antonio Conte.

 

Iha  primeira jornada ne’e, Manchester United, hosi José Mourinho, manán ho 3-1 iha  uma Bournemouth, enkuantu iha jogu boot Liverpool nian konsege manán ho 4-3 iha uma  Arsenal nian.

 

SAPO TL  ho SAPO Desportu

Terça-feira, 24.05.16

Manchester United ofisializa saída Van Gaal

Klube inglés agradese ba servisu ne’ebé dezenvolve hosi tékniku olandés no garante katak  naran susessór  nian lakleur tan sei fó sai.


Foto: Lusa

 

Manchester United komunika iha segunda-feira ne’e saída  ba treinadór olandés Louis Van Gaal hosi komando tékniku ekipa futeból.

 

Iha  komunikadu  badak ne’ebé fó sai iha  portal ofisiál emblema inglés nian, Vise-prezidente ezekutivu, Ed Woodward, agradese ba esforsu no dedikasaun tomak  hosi  treinadór olandés no profissionalizmu Van Gaal nian iha tinan rua hamutuk ho 'red devils'.

 

"Ha’u hakarak  agradese ba Louis (Van Gaal) no nia staff  hotu  ba servisu di’ak ne’ebé  dezenvolve durante tinan rua no taka ho konkista Taça  Inglaterra 12ª  ba klube ( ne’ebé halo nia hetan títulu iha nasaun haat lahanesan). Nia  komporta ho profissionalizmu no dignidade durante nia tempu iha ne’e. Nia husik mai ita jogadór foin sa’e  ho konfiansa ne’ebé hatudu ninia kapasidade iha nível ida aas. Ema hotu iha klube ne’e dezeja ba nian susesu iha futuru", afirma Ed Woodward.

 

Emblema inglés ne’e moos garante katak  desizaun ba susesór Louis van Gaal lakleur tan sei fó.  Pratiku liu katak  José Mourinho maka  sei assume kargu treinadór Manchester United nian.

 

SAPO TL ho SAPO Desportu

Quarta-feira, 20.04.16

Manchester City empata ho Newcastle no hetan risku iha pozisaun datoluk

Manchester City, ne’ebé hela  pontu  12 hosi líder Leicester, bele ultrapassa hosi Arsenal ba  pozisaun tolu.


Foto: Lusa

 

Manchester City hetan empata iha ohin ho golu ida iha uma Newcastle nian, iha jogu ba jornada 27.ª Liga ingleza ne’ebé  atrazu, ho okupa nafatin iha pozisaun datoluk maibé iha risku nia- laran.

 

Arjentinu Sergio Aguero koloka vantajen dahuluk  ba‘citizens’ iha  minutu 14, ho lanse ida ne’ebé ho pozisaun irregular, no halo ninia  golu ba 100.º iha ‘Premier Leegue’, hanesan ema daruak ne’ebé lalais liu halo marka ida ne’e, durante  enkontru 147–Alan Shearer deit maka sei liu.

 

Maski  nune’e , olandés Vurnon Anita halo igualdade iha  minutu 31, fó pontu importante ida ba Newcastle,  ne’ebé okupa iha 19.º no iha penúltimu klassifikadu, ho pontu 29, hosi zona manutensaun rua.

 

Manchester City,  hela ona pontu  12 hosi  líder Leicester, bele  ultrapassa ba fatin terseiru – ne’ebé iha  asesu diretu ba faze grupu Champions League nian – hosi Arsenal, ne’ebé  menus pontu ida no iha atrazu ba jogu ida.

 

SAPO TL ho SAPO Desportu

Segunda-feira, 11.04.16

Tottenham manán United no reforsa pozisaun daruak

Londrinus komandadu hosi Mauricio Pochettino hetan dalan atu hetan vitória iha minutu 20 ikus nian.

 

Foto: GLYN KIRK / AFP

 

Tottenham manán Manchester United iha ohin ho 3-0, jogu ba jornada 33.ª futeból liga ingleza nian, mantein ho desvantajen pontu hitu hosi líder Leicester, maibé  aumenta nia  distánsia ho Arsenal, iha pozisaun datoluk.

 

Ekipa orientadu hosi argentino Mauricio Pochettino só halo golu iha minutu 20 ikus, hosi intermédiu Dele Ali, iha minutu 70, ho Toby Alderweireld (74) no Erik Lamela (76) maka estabelese  rezultadu finál.

 

Formasaun londrina agora iha pontu 65, menus hitu ho líder no liu ne’e duké  Arsenal, iha terseiru, ne’ebé iha sábadu empata golu tolu ho West Ham.

Manchester United ne’ebé lakon, tuir iha klassifikasaun lima, ho  pontu 53, garante ona ba Leicester nia prezensa iha Liga dos Campeões edisaun oin mai, kompetisaun ida ne’ebé  liga ingleza iha vaga haat (direta tolu no ida ba‘play-off’).

 

Liverpool manán iha uma rasik hasoru Stoke City, ho 4-1, ho‘bis’ Divock Origi ida, iha minutu 50 no 65, iha momentu ida ne’ebé ekipa ukun hela ho  2-1. Formasaun ne’ebé orientadu hosi alemaun Jürgen Klopp hetan  primeiru golu iha minutu ualu, hosi Alberto Moreno, maibé  Bojan halo empata iha minutu 22. Daniel Sturridge koloka fila fali  Liverpool ba vantajen, iha  minutu 32. Rezultadu ne’e  permite ba ‘reds’, ne’ebé iha jogu atrazu rua, sa’e ba okupa iha pozisaun ualu liga ingleza nian, ho pontu 48, hodi troka pozisaun adversáriu nian iha ohin, ne’ebé agora okupa iha klasifikasaun sia, ho 47.

 

Molok nain rua hasoru malu, Leicester manán Sunderland ho 2-0 iha ohin, rezultadu ida ne’ebé husik  ekipa orientadu hosi Claudio Ranieri hetan  vitória ba dala- tolu hodi konsege inéditu títulu ida kampeaun inglés nian.

 

SAPO TL ho SAPO Desportu

Terça-feira, 22.03.16

Lee Sharpe: "lakohi Mourinho iha Manchester United"

Antigu jogadór selesaun ingleza no Manchester United ne’e fiar katak solusaun di’ak liu  ba ekipa iha tiha ona  Old Trafford.


Foto: DR

 

Iha  Inglaterra laós ema hotu hakarak simu José Mourinho ba  Manchester United. Portugés ne’e  aponta hanesan di’ak liu "red devils" iha époka oin mai maibé nia lakohi haree iha  Old Trafford.

"Ha’u lakohi  José Mourinho hanesan  treinadór Manchester United. Tamba   atu diverte  no nia bele maibé  nia  estilu laadekua ho Manchester United. Ekipa Mourinho joga atu destroi, laós tama iha  kampu atu manán no jogadór sira laiha liberdade", afirma iha deklarasaun ba ´talkSPORT`.

Antigu jogadór selesaun ingleza no Manchester United  ne’e  fiar katak solusaun di’ak liu ba  ekipa iha ona Old Trafford.

"Giggs perfeitu liu atu okupa fatin ne’e. Manchester United presiza ema ida ne’ebé  koñese  di’ak klube ne’e hosi  laran hodi bele  promove espíritu amizade iha ekipa ", hatete  Lee Sharpe.

 

SAPO TL ho SAPO Desportu

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo