Sexta-feira, 21.04.17

Liga Europa: Manchester hosi Mourinho hasoru españól sira Celta de Vigo

Jogu dahuluk marka ona ba loron-kinta, 04 Maiu, no jogu daruak akontese iha semana oinmai. 

 


Sorteiu iha loron-sesta, halo iha Nyon, Suisa, hatudu ona kuadru hosi semi final hosi Liga Europa, Ajax hasoru Lyon, no Manchester United, ne'ebé orientadu hosi José Mourinho, sukar forsa ho españól sira hosi Celta de Vigo iha jogu dahuluk.

 

Jogu dahuluk sira ajenda ba loron-kinta, 04 Maiu, ho konfrontu sira hosi Celta de Vigo-Manchester United no Ajax-Lyon, no jogu daruak sira hala'o iha semana oinmai.

 

Portugés sira José Mourinho ho Anthony Lopes, guarda-rede Lyon nian, hahú eliminatóriu iha estranjeiru.

 

Final sei halo iha loron-kuarta, 24 Maiu, iha Friends Arena, iha Solna, Estokolmo.

 

@SAPO Desporto

Sexta-feira, 10.03.17

Mourinho: "Imposível ami joga di’ak "

Treinadór portugés elojia atitude ninia jogadór sira relasiona ba difikuldade iha terrenu.


Foto: DR

 

José Mourinho senti  satisfeitu ho empate Manchester United  nian iha terrenu Rostov, iha jogu ne’ebé konta ba parte dahuluk oitavus finál Liga Europa nian, relasiona ba kondisaun kontráriu iha terrenu.

 

" Ezibisaun ida ne’ebé di’ak tebes avalia hosi kondisaun. Imposível ami joga ho di’ak, Ami hala’o tuir buat ne’ebé jogu  ezije no di’ak hela. Ami komete deit sala iha defensivu", hatete  tékniku ne’e ba BT Sport, hafoin jogu remata.

 

Tékniku ne’e fó ezemplu jogu balun ne’ebé assiste iha Portugál: " Ha’u lembra  bainhira sei kiik assiste jogu balun iha Portugál, iha  kampu ekipa amadoras. Ha’u haree ha’u nia jogadór sira lidera ho ida ne’e no hatudu umildade iha  luta ba bola halo ha’u  satisfeitu", nia hatutan.

 

"Buat hotu sei nakloke iha jogu daruak, ho vantajen kiik-oan ida ba ami", hatete  Mourinho, no nota moos katak " laiha lezaun".

 

SAPO TL ho  SAPO Desportu

Sexta-feira, 24.02.17

Besiktas Quaresma nian hakat ba oitavu finál

Aboubakar, avansadu emprestadu hosi FC Porto, aponta golu ida.


 

Besitas manán, kinta-feira ne’e hasoru Hapoel Beer Sheva, ho 2-1, iha jogu daruak ba 16 avus Liga Europa. Aboubakar no Tosun halo golu rua ba ekipa turk. Nwakaeme hamenus ba Hapoel. (64).

 

Ho vitória ne’e, ekipa ne’ebé joga hosi portugés ne’e garante ba apuramentu ba oitavu finál.

 

SAPO TL ho SAPO Desportu

Sexta-feira, 17.02.17

José Mourinho: "Eliminatóriu seidauk hotu"

Tékniku portugés senti satisfeitu ba vitória ho 3-0 hasoru Saint-Étienne.


Foto: SAPO Desporto

 

Manchester United manán iha kinta-feira ne’e hasoru fransés hosi Saint-Étienne ho 3-0, iha  jogu ne’ebé  konta ba parte dahuluk  16 finál Liga Europa nian, no  fó pasu ida importante iha  apuramentu ba faze tuir mai. Tanba ne’e, José Mourinho lakonsidera eliminatóriu ne’e hotu ona hasoru emblema istóriku fransés, maibé admite katak vantajen importante ida ba iha jogu parte daruak.

 

"Konsentrasaun lahetan iha tempu dahuluk. Ami komesa halo sala perigozu iha zona defensivu,Ami neineik liu konstrui jogu no laiha movimentu iha atake", afirma treinadór Manchester United hafoin remata  jogu.

 

"Iha tempu daruak istória seluk fali. Ami lalais liu. Laós jogu ida perfeitu tanba  dalabarak ami lakon bola, maibé di’ak. Eliminatóriu seidauk hotu, maibé ne’e rezultadu di’ak", hatutan  tékniku portages ne’e.

 

"Ami kria oportunidade di’ak. Importante liu konsege hetan  vitória di’ak iha uma-rasik no  lori ba jogu parte daruak. Ne’e jogu ida kapás, maibé ha’u hanoin katak ami bele halo di’ak liu tan", haktuir  treinadór Manchester United.

 

SAPO TL ho SAPO Desportu

Sexta-feira, 09.12.16

Braga elimina hosi Liga Europa

Ekipa minhota sai  dependente ba rezultadu iha Turkia no golu hosi Gent iha tempu prolongamentu  elimina SC Braga.


Foto: Lusa

 

Sporting Braga elimina hosi futeból Liga Europa, ne’ebé halakon hosi Shakthar Donetsk (4-2) no haree  Gent  joga iha uma  Konyaspor (1-0), iha daneen  no jornada ikus Grupu H nian.

 

Tama iha ona, ekipa Paulo Fonseca laiklui  titular barak  , maibé ikus mai manán ho golu hosi Kryvtsov ( minutu 22 no 62)  no Taison (39 no 66), kabe ba Stoiljkovic (43) no Vukcevic (89) reduz ba brakarense, ne’ebé bainhira  remata ninia enkontru tama  tiha ona, maibé iha minutu 90+4 Gent marka golu ida iha uma Konyaspor nian, ultrapassa portugés sira iha pozisaun daruak.

 

Ho nune’e, Shakhtar manán iha grupu pontu 18, rezultadu hosi  vitória dalaneen  iha  enkontru sira seluk  no  Gent termina ho pontu  8, liu rua duké Sporting Braga  ho hitu duké Konyaspor.

 

SAPO TL ho SAPO Desportu

Sexta-feira, 04.11.16

Mourinho: "Ami hanesan joga fali iha veraun partikulár"

Manchester United hosi José Mourinho lakon ho Fenerbahce 2-1, iha jogu 4.ª jornada Liga Europa nian.

Foto: Lusa

 

José Mourinho kritika hikas atuasaun hosi ninia ekipa, hafoin Manchester United lakon. Jogadór ´red devils` lakon iha Turkia, ho Fenerbahce 2-1 no ninia ekipa tun ba pozisaun tolu hosi grupu Liga Europa nian.

 

"Sira hanesan joga iha fali finál hosi Liga Campeões no ami iha époka veraun ne’ebé partikulár...", Mourinho ko’alia halo komik.

 

Maski tuun ba pozisaun tolu hosi Grupu A ho menus ida hois líder, maibé tékniku ne’e fi’ar ba kualifikasaun refere, hodi hakat ba faze tuir mai.

"Kualifikasaun ne’e depende baa mi. Karik ami manan iha jogu rua tuir mai (Feyenoord iha ami-nia kampo no Zorya iha estádio seluk), maka ami kualifika duni ami-aan" nia dehan.

 

´Red devils` lakon lideransa hosi Grupo A no tuun ba pozisaun tolu, tuir Fenerbahce ho Feyenoord, formasaun ne’ebé soma pontu hitu.

 

SAPO TL ho Desportu

Sexta-feira, 21.10.16

Mourinho: "Iha loron rua liubá Pogba piór, agora ne’e fenomenál"

Treinadór portugés ne'e lansa krítika ba sira ne'ebé kestiona kona-ba ezibisaun fransés nian.


Foto: PAUL ELLIS / AFP

 

Hafoin  vitória ho  4-1 hasoru  Fenerbahçe, ne’ebé  konta ho golu 'rua' hosi Paul Pogba, José Mourinho aproveita  hodi haruka  mensajen ba sira ne’ebé  kritika ezibisaun médiu fransés ne’e.

 

"Loron rua liubá  nia ne’e  jogadór piór iha Premier League, hafoin 48 nia fenomenál. Imi rona, nia  presiza tempu", haktuir  tékniku Manchester United iha  deklarasaun ba BT Sport.

 

"Ha’u iha Itália, Ha’u servisu ona iha Itália. Ha’u koñese di’ak velosidade, intensidade, karakterístika Liga nian ho di’ak. Iha  Itália tinan haat ka lima no fila ba Premier League laós fásil. Ha’u lahein katak nia atu adapta hanesan prega botaun ida ho liman. Maski jogadór topu sira moos  presiza tempu", nia hatutan.

 

SAPO TL ho SAPO Desportu

Quinta-feira, 19.05.16

Unai Emery: "kompetisaun ne’e fó barak liu ba Sevilha"

Treinadór Sevilha lembra ona katak iha domingu ne’e nia ekipa sei iha tan finál ida ne’ebé hein hela iha oin.


 

Unai Emery hanesan  treinadór ida sente satisfeitu ba ninia konkista  Liga Europa badala tolu tutuir malu, dalalima iha istória Sevilha nian, hafoin manán iha kalan ne’e iha  finál hasoru Liverpool, ho 3-1, iha Basileia.

 

"Hanesan  satisfasaun ida  úniku tebes. Ami kontente, ho laran, maibé hatene katak iha domingu  ne’e ami sei iha finál ida tan kontra Barcelona [Taça do Rei]. Maibé agora ita festeja lai tamba Sevilha, adeptu, jogadór  sira merese duni. Tuir lia-fuan ne’ebé nia koa’lia iha intervalu? Hodi hanoin ona saida maka sei joga iha Sanchez-Pizjuan", afirma tékniku ekipa andaluza nian hafoin dezafiu ne’e, no haktuir tan katak: "Kompetisaun ne’e fó barak liu ba Sevilha iha tinan sira ikus ne’e , no ita tenki fahe ida ne’e."

 

Vantajen 'reds' iha  intervalu hanesan reflexu ida hosi  poderiu inglés ba Unai Emery, maibé treinadór   tinan 44 esplika katak ambisaun Sevilha nian maka boot liu. " Liverpool iha ekipa ida di’ak  no hatene katak ami labale halo sala. Maibé ami hakarak tebes atu manán no ami aplika ho máximu", nia hatete.

 

SAPO TL ho SAPO Desportu

Sexta-feira, 29.04.16

Adrián Lopez oferese vitória ba Villarreal hasoru Liverpool (1-0)

Jogadór ne’ebé empresta hosi  FC Porto marka  úniku golu iha enkontru ne’e.


 

Villarreal manán, iha kinta-feira ne’e, hasoru Liverpool ho 1-0 iha enkontru ba dahuluk  meias-finais Liga Europa nian. Úniku golu iha jogu ne’e  marka hosi Adrián Lopez, iha tempu kompensasaun.

 

Avansadu ne’ebé hetan empresta hosi FC Porto, tama iha minutu 74, iha aproveita tempu ne’e hodi garante vitória ba ekipa españól.

Villarreal agora iha ona vantajen golu ida ba iha segundu enkontru iha Anfield.

 

SAPO TL SAPO Desportu

Sexta-feira, 08.04.16

Klopp: "Ema barak hanoin katak ami bele lakon ho 3 ka 4"

Tékniku ne’e koa’lia kona-ba ninia fila ba iha estádiu ida ne’ebé uluk halo nia kontente.


Foto: KIRILL KUDRYAVTSEV / AFP

 

Jurgen Klopp analisa empate Liverpool nian hasoru  Dortmund (1-1), iha  1ª maun kuartu finál Liga Europa nian. Tékniku ne’e aproveita halo komentáriu ninia fila ba uma ne’ebé maka uluk moos ninian.

 

Komportamentu ekipa nian

 

"Kontra ekipa ida hanesan Dortmund ami tenki ka’er bola barak no defende tuir buat ne’ebé ami iha no ne’e maka ami halo".

 

Origi, autór iha golu reds nian

 

"Origi joga di’ak tebes iha jogu ne’e, konsege segura bola ho di’ak tuir ninia fízikune’ebé di’ak".

 

Rezultadu  

 

"Ema barak hanoin katak ami bele lakon ho ho golu tolu ka haat ".

 

Simu?

 

"Kapás tebes, ema barak espekula oinsa akontese, maibé  ne’e maka bele akontese duni".

 

SAPO TL ho SAPO Desportu

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
12
14
15
16
17
19
20
21
22
23
24
25
26
27
28
29
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo