Quinta-feira, 09.03.17

Luis Enrique: "Laiha ema ida maka fiar "

Barcelona manán PSG ho  6-1 no hakat ba kuartu finál Liga dos Campeões.


Foto: LUSA

 

Treinadór Barcelona reflete perfeisaun ba ilusaun ekipa katalaun, ne’ebé  konsege rekupera desvantajen 4-0 hosi jogu dahuluk  ‘oitavu’, finál nian ne’ebé halo buat hotu iha kalan ne’e hasoru  PSG ho 6-1.

 

"Ha’u hanoin katak ema ida lafiar. Ekipa impressionante tebes. Ami tenta maka’as no vale duni. Hanesan  finál ne’ebé dala barak akontese iha futebál  no ohin ami nian fali", haktuir Luis Enrique.

 

"Xave ne’e maka efikásia. Golu daneen bele marka hosi adeptu ne’ebé iha fatin seluk mundu nian. Klaru katak ami nia  prezensa iha  kuartu finál ladun di’ak ba  ekipa seluk. Ekipa ualu iha posibilidade saun kampeaun. Husik hela ha’u nia  menisku iha Camp Nou. Hakarak  hatete katak ami iha konfiansa dezde loron ne’ebé ami lakon ho 4-0. Dedikadu ba sira tanba ne’ebé laós Globetrotters, ne’e futebál”, refere treinadór katalaun.

 

FC Barcelona hakat ba kuartu finál Liga dos Campeões, hafoin manán Paris Saint-Germain ho  6-1, rekupera desvantajen 4-0 iha  jogu jogu dahuluk  ‘oitavu’finál nian.

 

SAPO TL ho SAPO Desportu

Quarta-feira, 08.03.17

Sergio Ramos: "Semana liubá kuaze hamate ha’u…"

Sentrál españól marka golu rua Real Madrid nian iha Nápoles.


Foto: RAUL CARO/EPA

 

Iha kalan ne’ebé Sergio Ramos selebra ninia jogu númeru 100 ho Real Madrid, sentrál españól marka golu rua ba vitória ekipa merenge nian.

 

“Maneira ida ne’ebé kapás atu selebra ha’u nia jogu 100 duké marka golu rua! Semana liubá kuaze hamate ha’u, laós liuhosi golu maka atu bele sai erói”, afirma Sergio Ramos.

 

“Karik ami hatene fórmula atu joga di’ak bele sai fásil. Iha parte dahuluk sira hetan oportunidade barak ba golu, Ita tenki reflete. Dala barak buat balun latuir ita nia serbisu, maibé atitude ne’e sempre di’ak”, realsa Sergio Ramos.

 

Real Madrid iha ohin hakat ba kuartu final Liga Campeões hafoin manán iha uma Nápoles, ho 3-1, reforsa vitória (3-1) ne’ebé hetan iha jogu dahuluk, iha kapitál española.

 

SAPO TL ho SAPO Desportu

Quarta-feira, 22.02.17

Guardiola: "Ne’e tratadu ida iha futeból"

Hanesan jogu ida di’ak moos iha Liga Campeões époka ne’e. Hasoru buat hotu ho: polémika, desizaun difísil hosi árbitru sira, penálte falladu, ´frango` hosi guarda-rede, golasu hosi parte ba parte iha duelu ba treinadór moda na’in rua.


Foto: SAPO Desporto

 

Hafoin  jogu  fantástiku entre City  no Mónaco, Guardiola elojia ekipa ne’ebé orienta hosi  Leonardo Jardim.

 

"Jogu ida ne’ebé akontese buat barak, ne’e  tratadu ida iha futeból ba sira maka mai iha estádiu no ba sira ne’ebé haree iha uma. Mónaco konfirma katak ekipa ida di’ak. Impossível joga di’ak durante minutu 90, liliu ladun iha  esperiénsia iha kompetisaun ne’e no  iha nível ne’e. Mónaco tama ona iha finál 2004 no ami  só joga iha Liga Campeões dezde tinan  5 ka 6 ", afirma tékniku ne’e.

 

SAPO TL ho SAPO Desportu

Quinta-feira, 16.02.17

Zidane: "Eliminatória seidauk deside"

Real Madrid manán Nápoles ho reviravolta ba rezultadu.


Foto: Lusa

 

Real Madrid iha ohin manán Nápoles ho 3-1, iha  enkontru ba dahuluk  oitavu finál Liga Campeões, ne'ebé hala’o iha Santiago Bernabéu, Madrid.

 

Italianu Lorenzo Insigne marka uluk ba vizitante, iha minutu ualu, ho ekipa Zinedine Zidane fó volta  rezultadu liuhosi  golu fransés Karim Benzema (19), hosi  alemaun Toni Kroos (49), ida ne’e ho asssiténsia hosi  Criatiano Ronaldo, no  brazileiru eis-FC Porto Casemiro (54).

 

Aléinde Cristiano Ronnaldo, ba jogu ne’e konta moos portugés seluk, Pepe, ne’ebé  tama ba Real Madrid iha minutu 71.

 

"Futeból ne’e nune’e. Só penas kona-ba forma oinsa joga dezde inísiu, ho intensidade ne’e, ami  sofre golu ida. Ami reaje, marka no tama foun fila iha jogu. Rezultadu ida ne’ebé ami hein, maibé lasufisiente.Iha jogu tuir mai kontinua ho pursentu 50  ba kada parte. Ha’u hatene katak  ami sei hasoru difikuldade boot. Buat ida ne’ebé ha’u gosta tebes maka lebele sofre golu, tanba hanesan ne’e  eliminatória seidauk deside", afirma treinadór Real Madrid, Zinedine Zidane, hafoin  jogu remata.

 

Jogu ba parte daruak marka ba 07  fulan-marsu, iha San Paolo, iha Nápoles (Itália).

 

SAPO TL ho SAPO Desportu

Quarta-feira, 15.02.17

Paris Saint-Germain manán Barcelona iha Parque dos Príncipes

Dí Maria halo ezibisaun ida luzu tebes iha ninia loron aniversáriu ho aponta golu rua hasoru 'catalães'.


Foto: LIONEL BONAVENTURE / AFP

 

Paris Saint-Germain manán iha tersa-feira ne’e hasoru Barcelona ho 4-0, iha jogu ne’ebé konta ba parte dahuluk oitavu finál Liga Campeões nian, no garante forma ne’e ho vantajen ida konfortável iha deslokasaun ba Camp Nou ba enkontru ba parte daruak nian.

 

Simu Barcelona, formasaun parisiense laintimida ho estatu 'catalães'nian iha Europa no tenta dezde hahú tuir sira nia ritmu iha Parque dos Príncipes. Iha minutu18, Di María hetan oportunidade halo markasaun livre diretu ida ba baliza Barcelona, ho remate ida perfeitu tebes halo 1-0 ho klasse aas.

 

Barcelona ho André Gomes no Iniesta iha klaran tenta halo reajen ba desvantajen ne’e, maibé dezatensaun ida ladun abituál hosi Lionel Messi permite ba Paris Saint-Germain rekupera bola iha zona proibida no hanaruk tan vantajen hosi intermédiu Draxler iha minutu 40.

 

Iha tempu daruak pratikamente hahú ho golu antologia ida hosi Angél Di María iha minutu 55. Internasionál arjentinu ne’e konsege arranja fatin tama iha área Barcelona ho simulasaun liuhosi remate ida ho ángulo haluan tan markadór ba 3-0.

 

Lakon ho 3-0, Luis Enrique hasai André Gomes hosi jogu no hatama Rafinha. Paris Saint-Germain kontrola jogu, no iha minutu 71 Cavani fixa rezultadu finál ba 4-0.

 

Ho rezultadu ne’e, Barcelona iha tarefa ida komplikadu tebes ba jogu tuir mai iha Campo Nou. Ba Paris Saint-Germain konfirma ona momentu di’ak iha Liga Campeões no garante vitória istórika ida iha prova ne’e.

 

SAPO TL ho SAPO Desportu

Quinta-feira, 24.11.16

'Golu rua' hosi Messi asegura fatin dahuluk ba Barça, City empata iha Alemaña

Barcelona halakon Celtic ho 2-0 no Manchester City empata  ho bola ida hasoru  Monchengladbach.


Foto: AFP

 

Barcelona joga kuarta-feira ne’e iha terrenu Celtic  manán ho 2-0, ho golu rua hosi Lionel Messi, no  garante ona prezensa iha oitavu finál Liga Campeões no okupa iha klasifikasaun dahuluk  grupu C nian.

 

Arjentinu ne’e inaugura markadór  iha minutu 24, finaliza hasoru Gordon hafoin  lanse kapás ida hosi  Neymar. Ba daruak  tentativa mosu iha 55', liuhosi  penálte ida ne’ebé ezekuta ho di’ak hosi Messi.

 

Iha minutu ikus, Suárez  kuaze haluan tan  ba 3-0, maibé kona deit baliza.

 

Iha  jogu seluk grupu C nian, Monchengladbach no Manchester City empata ho  bola ida. Raffael marka ba alemaun iha 23' no David Silva halo empata besik ba  intervalu. 'Citizens' hakat ba faze tuir mai  iha fatin daruak.

 

SAPO TL ho SAPO Desportu

Quarta-feira, 23.11.16

Sporting perde com Real Madrid e fica fora da corrida aos 'oitavos' da 'Champions'

O Sporting ficou hoje definitivamente de fora da corrida aos oitavos de final da Liga dos Campeões de futebol, ao perder 2-1 na receção ao Real Madrid, em jogo da quinta jornada do grupo F.


 

Obrigados a vencer para manterem acesa a esperança de seguirem em frente, os 'leões' ainda sonharam quando conseguiram igualar 1-1 através de Adrien, na conversão de uma grande penalidade, respondendo a um golo de Varane, aos 29, mas Benzema, aos 87, recolocou os 'merengues' na frente.

 

Com este triunfo, o Real Madrid, que hoje contou com Cristiano Ronaldo e Fábio Coentrão, entrou no decorrer da segunda parte, garantiu a presença nos oitavos de final, juntamente com o já apurado Borussia Dortmund, que hoje goleou (8-4) o Legia Varsóvia. O Sporting terá agora de ir pontuar a Varsóvia na última ronda para assegurar a presença nos 16 avos de final da Liga Europa.

 

@Lusa

Sporting lakon ho Real Madrid no sai ona hosi korrida ba 'oitavu' 'Champions'nian

Sporting iha ohin hela ho definitivamente sai hosi  korrida ba oitavu finál futeból Liga Campeões, ho lakon ho 2-1 bainhira simu Real Madrid, iha jogu kinta jornada grupu F nian.


 

Iha   obrigasaun atu manán hodi mantein nafatin esperansa atu hakat ba oin, 'leões' sei iha mehi  bainhira  konsege halo empate ho 1-1 liuhosi Adrien, iha konversaun ba penalidade ida, resposta ba golu ida hosi Varane, iha 29, maibé Benzema, iha 87, koloka fila fali 'merengues' iha oin.

 

Ho vitória ne’e, Real Madrid, ne’ebé ohin konta ho Cristiano Ronaldo no Fábio Coentrão, okupa iha klasifikasaun daruak, garante ona prezensa iha oitavu finál, hamutuk ho ida ne’ebé tama tiha ona Borussia Dortmund, ne’ebé maka ohin  manán (8-4) hasoru Legia Varsóvia. Sporting agora tenki hetan pontu hasoru Varsóvia iha ronda ikus atu asegura prezensa iha 16 finál Liga Europa nian.

 

SAPO TL ho Lusa

Quinta-feira, 20.10.16

Guardiola: "To’o iha espulsaun ba Bravo jogu ne’e ekilibradu"

Tékniku katalaun lamenta ho espulsaun Bravo nian iha derrota hasoru  Barcelona ho 4-0.


Foto: EPA/ALBERTO ESTEVEZ

 

Treinadór Manchester City lamenta ho derrota boot hosi nia ekipa iha  deslokasaun ba Camp Nou, no afirma katak  espulsaun Claudio Bravo iha parte daruak jogu nian maka hamosu akontesimentu hirak ne’e no kontribui ba rezultadu volumozu 4-0.

 

"To’o iha  espulsaun ba Bravo jogu ne’e ekilibradu, ami iha adversáriu ne’ebé kontroladu. Maibé ne’e di’ak. Ami sei iha  outubru, laós  oitavus nein kuartu finál no iha semana  rua nia-laran ami sei hasoru malu fila fali adversáriu ne’e. Ami tenki halo analiza saida maka ami seidauk halo di’ak hodi hadia iha jogu ne’ebé falta. Ami Joga ho personalidade maibé ho menus jogadór ida halo buat hotu sai  difísil", konsidera treinadór katalaun hosi Manchester City.

 

"Karik ida ne’e maka  ha’u nia  derrota dahuluk hanesan treinadór? La’e, maka kontra Real Madrid bainhira  iha Bayern. Ne’e, ha’u foti desizaun lalós", haktuir  Pep Guardiola kona-ba derrota hasoru  Barcelona ho 4-0.

 

SAPO TL ho SAPO Desportu

Quarta-feira, 19.10.16

Pepe: "Ami hakarak marka golu barak"

Defeza sentrál portugés sai  titular  iha vitória  Real Madrid nian hasoru  Légia de Varsóvia.


Foto: PIERRE-PHILIPPE MARCOU / AFP

 

Real Madrid marka golu barak iha tersa-feira ne’e  hasoru  Légia de Varsóvia ho 5-1, iha  jogu ne’ebé  konta ba jornada datoluk faze grupu Liga dos Campeões, no  fó hakat ida  importante ba  apuramentu  nian ho pontu hitu  iha jogu tolu.

 

Iha jogu remata ne’ebé hala’o iha Estádio Santiago Bernabéu, Pepe elojia postura ofensiva formasaun 'merengue'nian no desvaloriza polémika kona-ba ninia renovasaun iha kontratu.

 

"Ami Joga di’ak. Treinadór hakarak atu ami halo presaun maka’as no ami tenta kumpri intensaun ne’e no sempre respeita adversáriu sira. Ami hakarak marka golu barak. Ami iha plantel ida ho  kualidade di’ak. Sira ne’ebé tama iha kampo ajuda malu  no  ida ne’e  importante. Ami iha jogadór sira  ho vontade di’ak , afirma internasionál portages ne’e.

 

"Ha’u  sempre ajuda Real Madrid, klube ne’ebé ha’u gosta tebes. Negosiasaun sira kona-ba  renovasaun  to’o ona tempu. Ha’u hakarak tebes atu klube bolu ha’u  hodi  koa’lia kona-ba ida ne’e  maibé ha’u sente hakamatek. Dirijente Real sira hatene katak  ne’e ha’u nia uma", haktuir  Pepe.

 

SAPO TL ho SAPO Desportu

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo