Segunda-feira, 06.03.17

Atlético Madrid hetan fila fali vitória ho 'sotake' fransés

'Colchoneros' pratikamente dook hosi luta ba títulu. Griezmann no Gameiro marka golu sira.


Foto: Lusa

 

Atlético Madrid ohin hetan fila fali vitória iha liga española no koloka provizóriu pontu neen hosi Sevilha iha fatin dahaat, hafoin hasoru no halakon Valéncia, ho 3-0, iha jornada 26.ª.

 

Iha  Estádiu Vicente Calderón, hafoin  jogu rua lamanán, ‘colchoneros’ hetan fila fali  vitória   hosi golu fransés sira: Griezmann halo golu rua, iha minutu 10 no  83, no Gameiro moos  marka, iha  48.

 

Tiago, ne’ebé hasoru parajen kleur tanba lezaun, latama iha Atlético Madrid, enkuantu iha  Valéncia João Cancelo sai  titular no Nani, ho problema fíziku, lautiliza.

 

Realidade dook ona hosi  luta ba títulu ( iha pontu 11 hosi líder FC Barcelona), emblema kapitál española kontinua iha fatin dahaat, maibé agora ho pontu neen hosi Sevilha, ne’ebé sei hasoru segunda-feira ne’e iha kampo Alavés.

 

Iha parte seluk, Valéncia okupa iha fatin 13.º, pontu 10 hosi  zona dezpromosaun nia leten.

 

Jogu dahuluk ohin loron nian, Deportivo Corunha manán 1-0 iha fatin Sporting Gijon, penúltimu klasifikadu, no kria dalan ida importante ba manutensaun.

 

Ho  Luisinho iha  ekipa titular ( hetan substitusaun iha minutu 85), Mosquera halo  úniku golu ba jogu ne’e, iha minutu 45+1,  no halo  Corunha pontu tolu hosi zona despromosaun.

 

SAPO TL ho SAPO Desportu

Quinta-feira, 02.03.17

Real Madrid estabelese rekorde foun iha jogu tutuir-malu sempre marka

Cristiano Ronaldo hanesan markadór di’ak liu hosi série ne’e, ho golu 29. Portugés tuir fali  Karim Benzema ho 14 no Álvaro Morata ho 12.


Foto: AFP

 

Real Madrid fixa rekorde foun ida iha futeból españól, halo marka iha jogu  45.º tutuir -malu iha  kuarta-feira ne’e, iha empate ho Las Palmas (3-3), supera ho nune’e  marka ne’ebé  pertense ba FC Barcelona dezde 1944.

 

Treinadór fransés Zinedine Zidane kontinua pinta nia naran iha rejistu istóriku futeból españól, bainhira ninia ekipa sai dahuluk  halo markasaun  iha jogu 45 tutuir-malu, liuhosi série ne’ebé inisia iha 30 abril 2016, hasoru Real Sociedad.

 

Real Madrid, ne’ebé iha époka ne’e  konvertidu iha  ekipa española ho série boot liu iha jogu inviktu (40), hanesan ho  marka istória ne’ebé pertense ba FC Barcelona durante tinan  73 iha  jornada liubá, iha vizita ba Villarreal.

 

Zidane atinje rejistu dahuluk di’ak liu iha klube ‘blanco’, nian ho jogu 41, supera tékniku  tolu ne’ebé konsege ona: Juan Antonio Ipiña, Leo Beenhakker no José Mourinho.

 

Ikus liu  Real Madrid lamarka golu iha jogu dahuluk meias-finais Liga Campeões hasoru  Manchester City, ne’ebé  realiza 26 abril tinan kotuk, iha Etihad Stadium, Manchester.

 

Dezde iha ne’ebá, klube soma vitória 31, empate 11 no lakon tolu, ho golu 121 ba sira no kontra 53.

 

Cristiano Ronaldo hanesan markadór di’ak liu hosi série ne’e, ho golu 29. Portugés tuir fali  Karim Benzema ho 14 no Álvaro Morata ho 12.

 

SAPO TL ho SAPO Desportu

Segunda-feira, 16.01.17

Ronaldo halo rekorde hanesan ho Messi

Sevilla halakon Real Madrid, ho 2-1, no lansa fila fali futeból liga españól, ne’ebé  halo ekipa tolu separa deit ho pontu rua iha lideransa.


Foto: AFP

 

Real Madrid lakon hasoru Sevilla ho 2-1 no hakotu ona série invensível ne’ebé la’o ona durante jogu 40.

 

Cristiano Ronaldo marka golu úniku merenge nian no hanesan ho rekorde ida hosi  Lionel Messi: sai, hanesan ho arjentinu, hanesan  jogadór  ne’ebé  marka golu barak liu ba Sevilla iha Liga Española. Krake na’in rua ne’ebé domina  prémiu individuál sira iha futeból mundiál tinan hirak ikus ne’e halo ona golu 21 kada ba klube andaluz iha liga prinsipál española.

 

Sevilla halakon Real Madrid, ho 2-1, no lansa fila fali  futeból liga española, ne’ebé halo ekipa tolu separa deit ho pontu rua iha tabela.  Real iha menus jogu ida, kontra Valência, maibé haree  Sevilla hela deit pontu ida - 40 ba 39 - no FC Barcelona besik nafatin ho - iha 38, hafoin manán iha sábadu hasoru Las Palmas (5-0), ba jornada 18.ª ne’e.

 

SAPO TL ho SAPO Desportu

Sexta-feira, 23.09.16

Valência sofre molok hetan pontu dahuluk

Hetan penalidade besik  jogu remata permite Dani Parejo halo  2-1 vitoriozu  boot  ba Valência.

Foto: EPA/MIGUEL ANGEL POLO

 

Valência iha  kinta-feira ne’e hetan, pontu tolu dahuluk nian iha  liga española hafoin manán Alavés ho 2-1 iha jogu ne’ebé konta ba jornada dalima.

 

Hafoin lakon tutuir-malu ba dahaat, klube 'che' iha  obrigasaun  atu manán  klube  promosaun Alavés. ho Nani, Enzo Pérez no Rodrigo inklui iha 11 inisiál, Valência buka marka uluk  hasoru adversáriu  ne’ebé  iha époka ne’e hetan ona pontu tolu  iha Camp Nou hasoru Barcelona.

 

Maski  iha difikuldade ne’ebé  mosu atu adianta markadór, Valénsia ikus mai hetan benefisiu hosi autu-golu Victor Laguardia  iha minutu  28  hodi halo 1-0. Maski  iha desvantajen, Alavés nunka atu  rende no molok intervalu Toquero hamosu igualdade.

 

Iha  segundu tempu, Valência tenta halo presaun atu labele iha igualdade, maibé rezultadu 1-1 mantein nafatin no parese bele fahe pontu deit sai hanesan realidade hafoin apitu finál.

 

Maibé  árbitru hatudu penalidade iha minutu 87 no  Dani Parejo konsege halo ezekusaun ho susesu  iha minutu 88 hamosu  esplozaun kontente iha bankada.

 

Ho rezultadu ne’e, Valência agora iha pontu tolu liga española nian ne’ebé maka  okupa iha  pozisan 18ª. Ba  Alavés hetan  derrota dahuluk iha époka ne’e no okupa iha  klasifikasaun 12º prova nian.

 

SAPO TL ho SAPO Desportu

Segunda-feira, 22.08.16

Real Madrid manán Real Sociedad (3-0) ho Bale iha destake

Ronaldo no Pepe kontinua lainklui.


 

Iha aranka jornada dahuluk Liga Española nian, Real manán domingu ne’e hasoru Real Sociedad ho 3-0, ho golu rua hosi Gareth Bale no ida hosi  Asensio.

 

Sein Ronaldo no Pepe, klube merengue hetan  vantajen iha kedas  primeiru minuto, liuhosi kabeseamentu gales nian, hafoin hetan kruzamentu.

 

Besik tama ba intervalu, Asensio ho  lanse inspirasaun ida, ne’ebé finaliza liuhosi ba  segundu golu Real.

 

Bainhira jogu besik remata, iha minutu 90, Gareth Bale taka rezultadu ne’e ho 3-0.

 

SAPO TL ho SAPO Desportu

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo