Sábado, 14.01.17

Mourinho entre treinadór di'ak sira ba nafatin hosi UEFA

Mourinho treina ona U. Leiria, FC Porto, Chelsea, Inter Milão ho Real Madrid. 

 

 

UEFA fó sai ona lista hosi tékniku na'in sanulu ne'ebé iha impaktu boot iha futebol europeu hahú hosi kriasaun organizmu ne'e nian, iha tinan 1954. Iha lista, fó sai iha loron-sesta ne'e, iha José Mourinho nia naran, úniku portugés maka tama iha top-10 ne'e.

 

Aleinde tékniku hosi Manchester United nian, UEFA hili mós Brian Clough, Johan Cruyff, Vicente del Bosque, Sir Alex Ferguson, Helenio Herrera, Udo Lattek, Valeri Lobanovsky, Rinus Michels ho Arrigo Sacchi.

 

Mourinho hanesan treinador úniku ne'ebé maka sei halo atividade, tanba agora daudaun Vicente Del Bosque laiha serbisu.

 

Lista laiha orden espesífiku ida, tanba ne'e seidauk hatene pozisaun hosi Special One nian.

 

Mourinho treina ona U. Leiria, FC Porto, Chelsea, Inter Milão ho Real Madrid. Agora daudaun treina Manchester United. Manán ona títulu oioin, entre sira maka Champions League ho FC Porto no Inter Milan, Tasa UEFA ho mós FC Porto no títulu oioin kampeaun nian iha Portugal, Itália, España ho Inglatera.

 

@SAPO Desporto

Sexta-feira, 27.05.16

Manchester United aprezenta Mourinho nu'udar treinador

Agora hanesan ofisial, Manchester United konfirma José Mourinho nu'udar treinador foun. 

 

Foto: Site oficial Manchester United

 

José Mourinho sei kaer kargu nu'udar treinador Manchester United nian hahú hosi temporada 2016/17, hodi asina kontratu ida ba tinan tolu, ho opsaun ida hodi hela iha klube to'o pelumenus tinan 2020.

 

Bainhira fó sai kona-bá kontratasaun, visi-prezidente Manchester United nian, Ed Woodward, fó elojiu maka'as ba treinadór portugés.

 

"José hanesan treinadór di'ak liu iha futebol modernu. Nia manán ona troféu oioin no inspira ona jogadór di'ak sira hosi Europa. No loos duni, nia koñese di'ak Premier League, manán ona títulu tolu iha-ne'e.

 

"Ha'u hakarak aproveita oportuniade ne'e hodi simu nia iha-ne'e iha Manchester United. Nia istória susesu nian hanesan ideal hodi lori klube la'o ba oin".

 

José, ho tinan 53, konkista tiha ona kampeonatu oioin no Tasa sira iha nasaun haat (Portugal, Inglatera, Itália ho España), nune'e mós iha Champions League dala rua - iha tinan 2004 ho FC Porto no iha 2010 ho Inter Milan.

 

@SAPO Desporto

Terça-feira, 24.05.16

Mourinho sei iha saláriu anuál euro millaun 15

Treinadór portugés asina, iha loron-tersa ne'e, ho Red Devils, maibé sei aprezenta de'it iha loron-kuarta. 

 

Foto: Peter Powell / EPA

 

José Mourinho halo nafatin osan maka'as, maski serbisu ka la'e. Treinadór portugés prepara daudaun hodi simu osan euro millaun 15 ba époka ida bainhira asina ho Manchester United. Kontratu ho Red Devils sei vale ba tinan tolu, no nune'e sei halo euro millaun 45.

 

Aleinde ne'e, Manchester United hakarak "oferese" euro millaun 350 ba José Mourinho hodi "gasta" ba reforsu sira ba temporada foun.

 

Fó hanoin katak iha kontratu daruak ho Chelsea, Mourinho hetan lukru hamutuk euro millaun 13,5 no, maski klube demiti Mourinho iha fulan-Dezembru liubá, tékniku hosi Setubal ne'e simu nafatin hosi Blues folin ida ne'ebé hanesan indemnizasaun maski nia la serbisu.

 

@SAPO Desporto

 

Terça-feira, 10.05.16

Ministru Desportu hosi Indonézia hakarak kontrata Mourinho ba selesaun

Imam Nahrawi hakarak lori tékniku portugés ba Indonézia. 

 

EPA@ Andy Rain

 

Ministru Juventude ho Desportu Indonézia nian, Imam Nahrawi, fó sai iha loron-tersa ne'e iha konversasaun ida ne'ebé hakarak halo kontratu ho portugés José Mourinho hodi treinu selesaun futeból hosi nasaun aziátiku ne'e.

 

Haktuir hosi ajénsia notísia Antara, Imam Nahrawi fó sai katak nia ko'alia tiha ona ho Prezidente Indonézia nian, Joko Widodo, no líder hosi komité olímpiku nasaun nian, Erick Thohir, maski nia admiti katak "la'ós asuntu ida ne'ebé fásil".

 

Tuir ministru, obstákulu boot ida hodi bele konkretiza negósiu ne'e maka Mourinho nia saláriu, ne'ebé "limiti" fiksa iha euro millaun 15 tinan-tinan.

 

Hanesan "planu B", Imam Nahrawi aponta ba holandés Guus Hiddink, ne'ebé troka ona Mourinho iha Chelsea bainhira klube londrinu hasai portugés iha fulan-Dezembru, tinan liubá, nia klaran.

 

Federasaun Indonézia Futeból nian hetan suspensa hela hosi FIFA tanba intromisaun hosi Governu, kastigu ida ne'ebé impede selesaun hodi partisipa iha faze sira apuramentu ba Mundial 2018 no ba Tasa Aziátiku 2019 nian.

 

@SAPO Desporto

 

Sexta-feira, 06.05.16

United sei husu ba Mourinho atu hein to’o 2017

Klube inglés ne’e hakarak atu tékniku portugés bele substitui Van Gaal bainhira kontratu olandés ne’e remata.


Foto: JOSÉ COELHO / LUSA

 

Manchester United sei husu  ba José Mourinho atu hein tan tinan ida no komprometidu ho klube iha 2017. Informasaun  ne’e fó sai iha oras ikus hosi jornál The Sun, ne’ebé bele haree hanesan inesperada ida kontráriu ba iha tékniku portugés.

 

Hafoin fó sai katak sei fila fali ba  banku suplente iha  époka 2016/17, José Mourinho agora bele sai  frustradu iha ninia vontade atu kontinua iha Inglaterra.

Diáriu britâniku ne’e  refere katak  Ed Woodward, vise-prezidente Man. United, deside ona atu respeita kontratu ho olandés Louis Van Gaal, ne’ebé sei  termina deit iha 2017, maski hamosu tristeza boot  iha Old Trafford époka ida ne’e.

 

Iha notísia ne’e haktuir katak  Ed Woodward konfiante atu Mourinho bele aseita esperiénsia époka ida iha liga milionáriu  xinesa molok fila mai United hodi substitui Van Gaal.

 

Rekorda katak  imprensa desportiva nasionál no internasionál fó sai ona katak  Mourinho halo dadauk ona servisu atu harii plantel 'red devils' ba iha époka oin mai.

 

SAPO TL ho SAPO Desportu

Quinta-feira, 07.04.16

Henry: "Mourinho signifika vitória, di'ak tebes ba United"

 

Antigu avansadu fransés fó elojiu maka'as ba tékniku luzu. 

 

Foto: Hannah McKay/EPA

 

Thierry Henry, antigu avansadu fransés, defende katak José Mourinho hanesan opsaun di'ak ida ba Manchester United ba temporada oinmai.

 

"Ha'u admira tebes José Mourinho no ha'u senti katak nia hanesan treinadór di'ak tebes iha istória. Nia kuaze mana'an buat hotu no halo buat ne'ebé oinseluk iha ekipa sira, hanesan iha FC Porto ho Inter. Hafoin ne'e nia to'o iha Liga Española ho Real Madrid kontra ekipa di'ak tebes iha tempu tomak, Barcelona", Henry hatete ba Diário de Notícias.

 

"Manchester United tenki halo fali buat boot no iha treinadór ida ho perfil vitória nian. Laiha ema ida maka bele ko'alia kona-bá saida maka Van Gaal halo iha futeból, maibé karik mensajen ne'e la to'o ba grupu. José Mourinho hanesan fantástiku no bele hanesan solusaun di'ak ida ba klube, nia siginifika vitória, maski buat balun la'o ladi'ak hanesan bainhira hahú temporada ne'e iha Chelsea", nia hatutan.

 

@SAPO Desporto

Terça-feira, 22.03.16

Lee Sharpe: "lakohi Mourinho iha Manchester United"

Antigu jogadór selesaun ingleza no Manchester United ne’e fiar katak solusaun di’ak liu  ba ekipa iha tiha ona  Old Trafford.


Foto: DR

 

Iha  Inglaterra laós ema hotu hakarak simu José Mourinho ba  Manchester United. Portugés ne’e  aponta hanesan di’ak liu "red devils" iha époka oin mai maibé nia lakohi haree iha  Old Trafford.

"Ha’u lakohi  José Mourinho hanesan  treinadór Manchester United. Tamba   atu diverte  no nia bele maibé  nia  estilu laadekua ho Manchester United. Ekipa Mourinho joga atu destroi, laós tama iha  kampu atu manán no jogadór sira laiha liberdade", afirma iha deklarasaun ba ´talkSPORT`.

Antigu jogadór selesaun ingleza no Manchester United  ne’e  fiar katak solusaun di’ak liu ba  ekipa iha ona Old Trafford.

"Giggs perfeitu liu atu okupa fatin ne’e. Manchester United presiza ema ida ne’ebé  koñese  di’ak klube ne’e hosi  laran hodi bele  promove espíritu amizade iha ekipa ", hatete  Lee Sharpe.

 

SAPO TL ho SAPO Desportu

Terça-feira, 05.01.16

Calderón: "Bainhira Zidane laiha susesu, Mourinho sei tuur iha banku iha Juñu"

José Mourinho sai hosi Chelsea iha fulan-Dezembru liubá.


 

Antigu prezidente Real Madrid nian fó sai katak Florentino Pérez hakarak atu José Mourinho fila ba klube maski promove tiha ona fransés Zidane. 

 

"Ha'u hein katak buat hotu bele la'o di'ak ba Zidane, maibé ha'u hatene katak nia sei hasoru dezafiu boot ida. Nia la'ós Florentino Pérez nia eskolla dahuluk.

 

Nia tenta ona kontrata Mourinho no nia lakohi Zidane. Ne'e loos. Ha'u la hatene katak Zidane sei iha susesu ka la'e, maibé karik nia falla Mourinho sei tuur iha banku iha fulan-Juñu", afirma ona Ramon Calderón, iha deklarasaun sira ba BBC 5 Live.

 

José Mourinho, sai hosi Chelsea iha fulan-Dezembru liubá, sai hanesan naran ida ne'ebé hanoin iha Santiago Bernabéu.

 

@SAPO Desporto

Quinta-feira, 17.12.15

"Mourinho nunka presiza atu ema ida defende nia, nia maka di'ak liu iha mundu"

Emprezáriu portugés fó hanoin fali trajetu admirável hosi Mourinho hodi fó hanoin razaun tansá maka nia hanesan 'Special One'.


Foto: Jorge Monteiro/Lusa


José Mourinho sai hosi komandu tékniku Chelsea nian ba dala rua iha nia kareira la hasai "naroman" ba nia kareira naruk nu'udar treinadór futeból nian, konsidera hosi Jorge Mendes, 'Special One' nia emprezáriu, iha loron-kinta ne'e, ne'ebé bainhira halo deklarasaun ba diário "A Bola" hatete katak Mourinho sai nafatin hanesan "treinadór di'ak liu iha mundu" maski sai ona hosi Chelsea.

 

José Mourinho kontinua nafatin hanesan nia aan rasik no sai nafatin hanesan treinadór di'ak liu iha mundu maski sai ona hosi Chelsea", Jorge Mendes hahú hatete.

 

"Bainhira José Mourinho husik Chelsea ba dala uluk, nia hatán ona ba dezafiu boot ida no halo ona buat ida ne'ebé iha mundu futeból laiha ema ida maka fiar atu halo, nia lori Inter Milaun mana'an Champions League, kampeonatu italianu no Tasa Itália nian, akontesimentu ida admiradu tebes; hafoin ne'e nia ba Real Madrid husik konkista istóriku ida hosi Liga Española, halakon rekord sira hasoru Barcelona, no mós Tasa Rei nian", hatutan hosi emprezáriu portugés ne'ebé iha relasaun metin tebes ho treinadór hosi Setúbal ne'e.

 

"Ohin, José Mourinho hanesan treinadór kampeaun inglés nian iha títulu no tanba ne'e sei la presiza ema ida hodi defende nia tanba, ha'u repete, nia iha kareira maravilla ida ne'ebé ema sei ko'alia nafatin", hatutan hosi Jorge Mendes.

 

@SAPO Desporto

Mourinho nia despedimentu hanesan ofisiál

Chelsea okupa fatin 16 iha Liga Ingleza.



Klube londrinu ofisializa ona iha loron-kinta ne'e despedimentu hosi Mourinha. Chelsea avansa katak parte rua ne'e hetan ona akordu hodi hakotu kontratu ne'ebé liga sira to'o 2019.

 

Iha komunikadu, Chelsea husik klaru katak treinadór sai ho di'ak, no hanesan akordu hosi parte rua maka to'o konkluzaun ba akordu katak di'ak liu ba klube hodi tuir dalan diferente.

 

Blues refere mós katak José Mourinho sei mantén nu'udar "figura importante tebes ida hosi Chelsea", la haluha katak nia sei kontinua hanesan "treinadór ida ho susesu maka'as iha istória durante tinan 110 nia laran".

 

"Chelsea agradese ba José ba nia kontribuisaun maka'as dezde nia fila hanesan treinadór iha veraun 2013".

 

Nia títulu tolu kampeaun, Tasa Inglatera nian, Supertasa no Tasa tolu hosi Liga hafoin pasajen rua halo nia hanesan treinadór ne'ebé iha susesu maka'as iha tinan 110 hosi ami nia istória. Maibé diresaun no José konkorda ona katak laiha rezultadu di'ak sira no nune'e, iha interese hosi parte rua ne'e di'ak liu mosu separasaun ne'e.

 

Klube hakarak husik klaru katak José husik nia knaar ho di'ak no sei mantén akariñadu, respeitadu no hanesan figura importante tebes ida hosi Chelsea nian. Nia legadu iha Stamford Bridge no iha Inglatera sei rekorda nafatin no sei simu nafatin nia iha Stamford Brigde", hakerek iha komunikadu.

 

@SAPO Desporto

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo