Segunda-feira, 23.01.17

Tókio 2020 sei ho temperatura manas tebes

Estudu ofisial ida kalkula temperatura aas tebes ba prátika desportivu. 

 

 

Estudu ofisial ida ne'ebé fó sai iha loron-segunda ne'e alerta ba temperatura sira ne'ebé aas tebes hodi halo atividade fíziku durante veraun iha zona sira ne'ebé sei simu prova sira hosiJogu Olímpiku sira no Paralímpiku sira Tókio2020 nian.

 

Entre fulan-Jullu ho fulan-Agostu tinan liubá, governu japunés hala'o ona estudu ida iha zona tolu ne'ebé sei simu kompetisaun sira: Tókio no sidade sekundáriu sira Fujisawa ho Kawagoe.

 

Durante loron barak nia laran, hetan ona temperatura 31 grau sentígradu no temperatura médiu entre tuku 09:00 no 16:00 - períudu ne'ebé sei halo maioria kompetisaun sira - maka 28 grau, hatete hosi kanal televizaun nipóniku NHK, ne'ebé haktuir estudu ne'e.

 

Jogu Olímpiku sira, ne'ebé halo entre 24 Jullu no 09 Agostu, no jogu paralímpiku sira halo entre 25 Agostu no 06 Setembru, akontese iha veraun, époka ne'ebé temperatura médiu karik iha entre 30 grau no humidade relativu to'o iha 71%.

 

Previzaun sira hosi Ajénsia Japuneza ba Meteorolojia hatudu posibilidade katak sei iha aumentu médiu ida hosi grau ida entre tinan 2016 no 2035, tanba akesimentu global.

 

Governu hanoin ona halo estudu ida ho eskala boot iha tinan ne'e, ne'ebé sei ajuda hodi desidi medida sira hodi proteje atleta sira no espetador sira.

 

Jogu Olímpiku sira organiza iha Tókio iha 1964 hala'o entre 10 no 24 Outubru, tanba temperatura médiu situa iha 19,6 grau.

 

@SAPO Desporto

Quinta-feira, 19.01.17

Empreza xineza Alibaba sei sai hanesan patrosinador ofisial Jogu Olímpiku nian

Empreza xineza hosi komérsiu eletróniku Alibaba, iha loron-kinta ne'e, sai hanesan patrosinador ofisial hosi Jogu Olímpiku sira nian, hafoin taka akordu ida ho Komité Olímpiku Internasional (COI). 

 

 

Empreza xineza informa ona, liuhosi komunikadu, katak patrosíniu sei dura to'o tinan 2028 no sei konverte iha distribuidor ofisial hosi serbisu sira armazenamentu dijital no komérsiu online, nune'e mós hanesan ko-fundador ida hosi Kanal Olímpiku.

 

Ho akordu ne'e, Alibaba sei halo parte hosi lista ki'ik hosi patrosinador sira ne'ebé halo parte iha The Olympic Program (TOP), ne'ebé reprezenta nível aas liu hosi kolaborasaun entre empreza sira ho movimentu olímpiku.

 

Akordu ne'e ko'alia mós iha Suisa hosi prezidente COI nian, Thomas Bach, no hosi diretór sira Alibaba nian, entre sira maka fundador no Grupu Alibaba nia na'in, Jack Ma.

 

"Hanesan aliansa revolusionáriu no inovadora ida no sei ajuda ami hodi impulsiona efisiénsia iha organizasaun ba Jogu Olímpiku sira to'o tinan 2028", esplika hosi prezidente COI nian.

 

Ba Alibaba nia fundador, ne'ebé hanesan mane ida ne'ebé riku liu iha Xina, kolaborasaun ne'e halo ho baze iha "valor sira" ne'ebé fahe no iha hanoin komun hodi "liga mundu no halo riku ema sira nia moris".

 

@SAPO Desporto

Quinta-feira, 04.08.16

Polísia sira halo greve iha kapital brazileiru tanba Jogu Olímpiku sira

Brazília funsiona hanesan subsede hosi Jogu Olímpiku sira Rio de Janeiro nian. 

 

Foto: Diego Azubel/EPA

 

Polísia sivil sira hosi Distritu Federal aprova ona, iha loron-kuarta ne'e, iha asembleia, paralizasaun jeral ida durante oras 48 nia laran entre loron-kinta no loron-sesta, períudu ne'ebé inklui jogu sira futebol nian iha Brazília iha ámbitu hosi Jogu Olímpiku sira Rio2016.

 

Estádiu Mané Garrincha, iha Brazília, sidade ne'ebé funsiona hanesan subsede hosi Jogu Olímpiku sira Rio de Janeiro nian, simu jogu futeból maskulinu rua loron-kinta loraik, iha estreia ba modalidade nian iha kompetisaun, liuliu jogu entre Irake ho Dinamarka no, ikus maka, jogu entre Brazil ho Áfrika-Súl.

 

Aleinde greve, grupu - ne'ebé hatudu daudaun iha semana hirak ikus ne'e -, aprova ona entrega hosi kargu sira xefia nain no desidi ona halo manifestasaun ida iha loron-kinta iha estádiu Mané Garrincha, durante jogu Brazil nian, haktuir hosi jornal Correio Braziliense.

 

Grupu defende ekipasaun hodi hadi'a saláriu kategoria nian ho reajuste hosi Polísia Federal.

 

Iha karta ne'ebé fó sai iha fulan-Jullu nia rohan, governadór Rodrigo Rollemberg komenta ona katak nia konsidera ekiparasaun salarial justu, maibé nia aviza ona katak negosiasaun salarial "tenki hanoin ba situasaun krizi maka'as" ne'ebé maka Brazil hasoru.

 

Portal G1 hakerek katak funsionamentu hosi eskuadra ida iha estádiu laran, ho arkibankada, bele hetan mós suspensu.

 

Maibé, iha deklarasaun sira ba jornalista sira iha semana liubá, sekretáriu Seguransa Públiku nian hosi Distritu Federal, Márcia de Alencar, la hatudu preokupasaun ho seguransa, afirma katak plantaun sira ba Jogu sira "sei reforsa no garanti maski iha sirkunstánsia sira hosi adezaun ba greve".

 

"Operasaun [iha Jogu Olímpiku sira] halo liuliu iha polisiamentu iha estrada no iha operasaun sira salvamentu nian, halo hosi Polísia Militar no hosi bombeiru sira", nia refere.

 

Jogu Olímpiku sira akontese iha tempu ne'ebé Brazil hasoru resesaun ekonómiku naruk ida no aumentu hosi ema dezempregu sira.

 

Jogu sira hamosu mós preokupasaun maka'as ho seguransa, la'ós de'it tanba istorial hosi kriminalidade violentu iha nasaun, maibé mós tanba fenómenu foun hosi terorizmu "jihadista" ne'ebé akontese iha mundu.

 

@SAPO Desporto

Segunda-feira, 29.02.16

Karta kondusaun estranjeiru sira aseita iha Brazil durante Rio'2016

Autorizasaun vale ba semestre daruak tinan ne'e. 




Governu brazileiru fó sai iha loron-segunda ne'e katak karta sira kondusaun estranjeiru nian vale iha nasaun durante jogu olímpiku sira no Paralímpiku sira Rio de Janeiro nian.

 

Desizaun ne'e publika iha loron-segunda ne'e hosi Konsellu Nasionál Tránzitu nian (Contran) iha Diário Ofisiál Uniaun nian no estabelese katak karta sira kondusaun hosi nasaun 102 ne'ebé signatáriu hosi Konvensaun kona-bá Tránzitu Viáriu aseita iha nasaun ne'e.

 

Testu hatete katak sé maka hakarak lori karreta iha Brazil durante eventu desportivu sira ne'e sei tuir lei brazileiru sira no karta kondusaun ne'e tenki iha validade iha nasaun orijen.

 

Autorizasaun vale ba períudu entre loron sira 01 Jullu no 31 Setembru.

 

Konvensaun kona-bá Tránzitu Viáriu estabelese norma obrigatóriu sira ba kondutór sira bainhira lori karreta sira iha estranjeiru.

 

@SAPO Desporto

Terça-feira, 15.12.15

Eis-prezidente kámara Pekin nian nomeadu hodi lidera organizasaun ba Jogu sira 2022 nian

Guo Jinlong prezidi ona kámara Pekin nian entre tinan 2008 no 2012, husik prezidénsia hodi kaer knaar nu'udar reprezentante hosi Partidu Komunista iha kapitál xineza.


 

Governu xinés nomeia ona iha loron-tersa ne'e Guo Jinlong, prezidente kámara Pekin nian durante Jogu Olímpiku sira tinan 2008 nian, ne'ebé halo ona iha kapitál xineza, hodi lidera komité organizadór ba Jogu sira Invernu tinan 2022 nian.

 

Eleitu iha fulan-Jullu hosi Komité Olímpiku Internasionál (COI), Pekin sei sai hanesan sidade dahuluk hosi istória maka simu Jogu sira Veraun (iha tinan 2008) no Jogu sira Invernu nian (iha tinan 2022).

 

Iha tinan 2008, nia kaer mós prezidénsia hosi komité organizadu sira ba Jogu sira Pekin 2008 nian, maski preparativu sira barak liu, entre tinan 2003 no 2007, kaer hosi Wang Qishan, líder atuál hosi komisaun anti korupsaun hosi Partidu Komunista xinés nian.

 

@SAPO Desporto

Sexta-feira, 31.07.15

Prezidente xinés promete "fantástiku" jogu invernu iha 2022

Prezidente xinés, Xi Jinping, ohin agradese ba Komité Olímpiku Internasionál hodi hili Pequim no Zhangjiakou hodi akolla jogu sira invernu nian iha 2022, promete katak Xina sei organiza kompetisaun ida "fantástiku, estraordinária no di'ak tebes".

 

AFP@ Manan Vatsyayana


"Lori governu nia naran no povu Xinés sira, permite atu hau hato'o ba Komité Olímpiku Internasionál (KOI) katak ita nia folin ba ninia konfiansa no apoiu forte durante tinan hirak ne'e", hakerek Xi Jingping iha karta ida ba prezidente COI, Thomas Bach.

Iha votasaun ne'ebé realiza ona iha Kuala Lumpur hosi membru Komité Olímpiku Internasionál (KOI), Pequim ho Zhangjiakou, sidade ne'ebé situa besik kilómetru 150 hosi kapitál Xina nian, kandidatu úniku ba organizasaun jogu sira, Almaty, no Kazakistaun.

"Ami kumpre ami nia kumprimisu sira no hamutuk ho povu sira hosi nasaun sira seluk no Komité Olímipiku Internasionál, ami testemuña adventu ho faze foun iha dezenvolvimentu desportu olímpiku iha ivernu no espíritu olímpiku", afirma karta prezidente xinés.

Pequim sei sai sidade dahuluk hodi akolla jogu tipu rua, hafoin hetan organizadu iha 2008 Jogu Olímpiku veraun nian.

Ema barak mak konsentra iha Zhangjiahou no iha Pequim ho ksolok ba KOI nia eskolla, fó sai tuku 18h00, ora lokál, iha serimónia ida ne'ebé transmite diretu hosi televizaun xineza.

@SAPO Desporto

Pekin simu Jogu Olímpiku sira ba invernu tinan 2022

Anúnsiu ne'e fó sai hosi prezidente Komité Olímpiku Internasionál.

 

AFP@ Manan Vatsyayana


Pekin sei organiza Jogu Olímpiku sira ba invernu tinan 2022, haktuir iha votasaun hosi membru sira Komité Olímpiku Internasionál (COI), fó sai iha loron-sesta ne'e hosi prezidente organizmu nian, Thomas Bach, iha Kuala Lumpur.

Kapitál xineza sei sai hanesan sidade dahuluk nebe organiza Jogu Olímpiku sira verão, iha tinan 2008 liubá, no ba invernu, hafoin eleitu tiha iha detrimentu kapitál Kazakistaun nian, Almaty, hosi membru votante barak COI nian.

Hafoin Sochi, iha Rúsia, simu tiha kompetisaun iha tinan 2014, edisaun tuirmai hosi Jogu Olímpiku sira invernu nian sei halo iha Pyeongchang, iha tinan 2018, antes hosi organizasaun xineza.

@SAPO Desporto

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo