Sexta-feira, 28.04.17

Hafoin Casillas, karik Terry bele to'o iha FC Porto

Defeza inglés besik sai hosi Chelsea no média inglés sira hatete katak "dragaun" sira karik bele sai hanesan destinu foun hosi jogador veteranu ne'e. 

 


Bainhira kontratasaun hosi Iker Casillas halo ema barak hakfodak, saida maka bele ko'alia bainhira John Terry iha FC Porto? Defeza inglés hosi Chelsea besik sai no bele duni hametin FC Porto.

 

Tuir avansa hosi jornal "O Jogo", ne'ebé haktuir kanal inglés Sky Sports, jogador veteranu, ho tinan 36, karik besik ona hatais azul iha temporada oinmai.

 

Foto ida ne'ebé jogador fahe iha rede sosial sira, ne'ebé hatudu katak nia aprende hela portugés, fó forsa ba deskonfiansa katak sentral britániku bele troka Inglatera ho Portugal.

 

John Terry fó sai ona katak sei la kontinua joga iha serbisu klube londrinu nian, maibé ne'e la'ós hanesan nia final hosi kareira.

 

António Conte ladún hili nia iha jogu sira, Terry halo de'it jogu hamutuk 11 iha époka ne'e iha Chelsea, la marka golu ida.

 

@SAPO Desporto

Quinta-feira, 16.03.17

Cristiano Ronaldo: "Salva labarik sira iha Síria"

Avansadu internasional portugés hatudu fali nia preokupasaun sira ho situasaun iha Síria. 

 

Foto: Instagram Cristiano Ronaldo

 

Jogador portugés kontinua atentu ba situasaun funu nian iha Síria, hatudu preokupadu tebes ho labarik sira iha nasaun ne'e.

 

"Ohin loron ha'u hanoin iha labarik sira iha Síria, hanesan Omar, ne'ebé pinta ona nia mehi hodi sai nu'udar barbeiru ida. Salva labarik sira iha Síria", Cristiano Ronaldo hakerek iha rede sosial sira, akompaña ho fotografia ida ho nia oan-mane.

 

@SAPO Desporto

Quarta-feira, 15.03.17

11 ideal hosi Aubameyang laiha Ronaldo no Messi, maibé iha Aubameyang


Avansadu hosi Dortmund halo hakfodak bainhira la inklui jogador portugés no jogador arjentinu iha nia ekipa eleisaun nian. 

 

Foto@ DR


Pierre Emerick Aubameyang, jogador hosi Borussia Dortmund, fó sai, tuir nia opiniaun, jogador na'in 11 ne'ebé di'ak liu iha atualidade.

 

Hanesan Mesut Ozil, ne'ebé foin lalais fó sai nia ekipa eleisaun nian, avansadu gabunés ne'e hili nia aan rasik iha frente atake nian, hamutuk ho Reus ho Hazard.

 

Maibé, nia suprende tanba la hatama jogador sira hanesan Cristiano Ronaldo ho Lionel Messi, ne'ebé iha tinan hirak ikus ne'e luta ba títulu hodi sai nu'udar jogador di'ak liu iha mundu.

 

Ida ne'e maka Aubameyang nia jogador ideial na'in 11: Zouma, Sokratis Varane; Verratti, Pogba, Payet, Mkhitaryan; Hazard, Aubameyang ho Reus.

 

@SAPO Desporto

Terça-feira, 14.03.17

Essien fila fali hodi joga iha liga indonéziu nian

Médiu estreia ona nu'udar profisional iha tinan 2000. 

 

Foto@ Pierre-Philippe Marcou/AFP

 

Médiu ganés Michael Essien, laiha klube dezde nia husik klube gregu Panathinaikos iha époka 2015-2016 nia rohan, asina ona kontratu ba tinan ida, ho opsaun seluk, ho Persib Bandung, hosi liga indonéziu futebol nian.

 

Essien, veteranu ida ho tinan 34, ne'ebé liu ona hosi klube boot sira iha Europa hanesan Chelsea, Real Madrid ho AC Milan, rekuza ona iha fulan-Setembru oferta ida hosi klube australianu Melbourne Victory no ne'ebé treina ona ho ekipa rezerva sira hosi Chelsea, klube ne'ebé ho nia konkista ona kampeonatu inglés rua no Champions League ida.

 

Médiu estreia nu'udar profisional iha tinan 2000, ho Bastia, reprezenta mós iha Fransa Lyon, hafoin ne'e transfere ba Chelsea iha tinan 2005 tanba pedidu hosi treinador portugés José Mourinho iha tempu ne'ebá.

 

Iha nia kuríkulu, Essien konta mós ho internasionalizasaun hamutuk 58, husik selesaun Gana iha tinan 2014, hafoin marka tiha golu sira ho ekipa hosi nia nasaun.

 

Entre final hosi dékada 70 no 90, futebol indonéziu konsege ona hetan atensaun hosi jogador mundial sira, hanesan arjentinu Mario Kempes no kamaronés Roger Milla.

 

@SAPO Desporto

Sexta-feira, 10.03.17

Xabi Alonso loke odamatan hodi sai treinador

Médiu españól fó sai ona katak nia sei la joga tan iha final temporada. 

 

Foto: Peter Kneffel/EPA

 

Xabi Alonso afirma ona katak hanoin hela kona-ba sei kontinua iha ligasaun ho futebol nu'udar treinador. Iha entrevista ba Bayern TV, husu ona ba jogador españól kestaun ida kona-ba sai treinador, maibé nia la kompromete ho resposta ida.

 

"Ha'u labele hatete katak ha'u sei fó treinu, maibé sé maka hatene... Tenki hanoin ho di'ak no tenki preparadu ho di'ak. Kontrola balneáriu no iha relasionamentu di'ak ida ho jogador sira hanesan susar".

 

Xabi Alonso liu ona hosi kampeonatu oioin antes desidi hakotu nia kareira iha Alemaña, iha Bayern Munique. Kona-ba pasajen iha "bávaru sira", internasional españól admiti ona katak nia aprende ona buat hotu ne'ebé nia konsege ona.

 

"Ha'u hakarak aprende buat hotu. Lian, kultura no oinsá Bayern hanesan boot no importante. Ha'u sei hanoin pasajen liuhosi klube ne'e. Ha'u gosta utebol no admira nafatin klube sira hosi aristokrasia futebol nian hanesan Bayern Munique.

 

@SAPO Desporto

Segunda-feira, 06.03.17

"Japaun ne'e ba ema katuas sira". Jogador ho tinan 50 partisipa iha jogu

Kazuyoshi Miura hanesan jogador katuas liu ne'ebé maka joga futebol japunés. 

 

 

Japunés, Kazuyoshi Miura, hosi Yokohama FC, Liga II hosi futebol japunés, iha loron-domingu ne'e, halakn ona rejistu hosi inglés Stanley Matthews, bainhira halo jogu daruak nu'udar profisional ho tinan 50.

 

Kazuyoshi Miura, koñesidu ho naran "Kazu", moris iha loron 26 Fevereiru 1967 no halakon ona rekord hosi Stanley Matthews, estabelese iha jogu entre Stoke City ho Fulham, iha tinan 1965, bainhira halo jogu iha empate ho V-Varen Nagasaki, ho tinan 50 no loron hitu, katuas liu inglés loron rua.

 

"Ha'u la senti katak ha'u halakon ona lenda ida hanesan Stanley Matthews. Ha'u halakon de'it iha parte tinan naruk nian maibé ha'u nunka bele rekord hanesan ho nia estatístika no kareira", admiti hosi avansadu japunés Kazuyoshi Miura.

 

Futebolista halakon ona rekord hosi Stanley Matthews, bainhira joga durante minutu 54 hasoru V-Varen Nagasaki, liutiha semana ida partisipa iha jogu liu oras ida iha vitória Yokohama FC nian ho 1-0 hasoru rival Matsumoto Yamaga.

 

Miura hakarak joga to'o tinan 60 no sai ona hanesan ezemplu hodi hatudu futebol japunés ba mundu iha dékada 90, bainhira transfere ba klube italianu Génova.

 

Matthews iha ona kareira naruk tinan 33 nian, bainhira joga hosi Stoke City no Blackpool, ne'ebé nia manán ona títulu hamutuk 84 iha Inglatera, iha jogu hamutuk 701, marka golu hamutuk 71. Hatais kamizola selesaun nian dala 54.

 

Stanley Matthews, mate iha loron 23 Fevereiru 2000, ho tinan 85, sai mós hanesan futebolista dahuluk ne'ebé maka hetan títulu Kavaleiru hosi Impériu Britániku.

 

@SAPO Desporto

Quinta-feira, 02.02.17

Lampard hakotu nia kareira ho tinan 38

Jogador inglés fó sai katak hakotu nia kareira futebol profisional iha rede sosial. 

 

 

Frank Lampard fó sai ona iha loron-kinta ne'e katak sei hakotu nia kareira futebolista. Médiu inglés, ho tinan 38, fó sai nia desizaun iha loron-kinta ne'e, liuhosi publikasaun sentidu ida iha rede sosial sira.

 

"Hafoin tinan 21 inkrivel nia laran ha'u desidi katak to'o ona oras hodi hakotu ha'u nia kareira nu'udar jogador profisional", Lampard hakerek iha Instagram, akompaña ho vídeo ida ne'ebé hatudu nia hatais kamizola Chelsea nian.

 

Antigu internasional inglés hanoin hikas emosaun espesial ba pasajen hosi klube londrinu, ne'ebé nia reprezenta ona durante tinan 13 nia laran no ne'ebé nia konkista dala tolu Premier League, aleinde Champions League no Liga Europa.

 

"Parte barak hosi ha'u nia fuan pertense ba Chelsea ne'ebé fó mai ha'u memória di'ak sira", nia afirma.

 

Frank Lampard despede hosi futebol internasional hafoin joga tiha iha époka liubá iha Estadus Unidus, iha New York City FC.

 

Hanoin hikas Frank Lampard nia golu sira iha vídeo tuirmai ne'e:

 

 

@SAPO Desporto

Quarta-feira, 01.02.17

Juventus sei hanoin iha André Gomes

Klube Turim nian konsidera atu fila fali ba kontratasaun hosi médiu portugés iha veraun. 

 

Foto@ Alejandro Garcia /EPA

 

Juventus la dezisti hosi André Gomes. Maski ultrapasa tiha ona hosi Barcelona iha veraun, emblema Turim kontinua ho interese maka'as iha kontratasaun hosi internasional portugés no bele fila fali ba negosiasaun iha époka nia rohan.

 

Tuir Mundo Deportivo, Juventus konsidera katak fatin ne'ebé husik hosi Paul Pogba bainhira ba Manchester United tenki prenxe, no fiar katak internasional portugés hanesan kandidatu adekuadu tebes.

 

Aleinde ne'e, Luis Enrique nia futuru iha Camp Nou sei iha importánsia espesial iha André Gomes nia futuru, tanba jogador hanesan aposta pesoal hosi treinador. Karik labele kontrata médiu ho tinan 23 ne'e, kampeaun italianu bele avansa ba Rakitic, ne'ebé joga mós iha Barcelona.

 

Internasional portugés iha kontratu ho Barcelona to'o 2021.

 

@SAPO Desporto

Terça-feira, 25.10.16

Liga futeból EUA hanesan liga daneen ne'ebé ho asisténsia barak iha mundu

Iha nível internasional, MLS hanesan ida kampeonatu futebol daneen ho asisténsia maka'as iha estádiu sira, iha pozisaun sira ne'ebé okupa dahuluk hosi Alemaña, Inglatera, España, Méxiku ho Xina. 

 

 

Liga norte-amerikanu futebol nian (MLS) hanesan kampeonatu daneen ne'ebé maka ema haree liu iha mundu, hetan rekord ida ho espetador millaun 7,4 durante temporada regular, iha 2016, haktuir hosi informasaun hosi kompetisaun nian ne'ebé haktuir hosi ESPN iha loron-tersa ne'e.

 

Faze regular tinan ne'e hosi MLS to'o ona rekord asisténsia ida iha estádiu norte-amerikanu sira nian, ho média ida ba espetador hamutuk 21.692 iha jogu ida, liu na'in 118 duké époka liubá.

 

Iha 2015, númeru hosi espetadór sira maka millaun 7,3, halo média ida ba 21.574 tuir jogu ida.

 

Iha nível internasional, MLS hanesan ida kampeonatu futebol daneen ho asisténsia maka'as iha estádiu sira, iha pozisaun sira ne'ebé okupa dahuluk hosi Alemaña, Inglatera, España, Méxiku ho Xina.

 

Iha informasaun sira, liga norte-amerikanu la kontabiliza asisténsia sira hosi "play-off" ne'ebé maka hahú iha loron-kuarta.

 

@SAPO Desporto

 

Sexta-feira, 22.04.16

Blatter hatete katak nia inosente: "Sofre, maibé lasofre liu"

Blatter, tinan 79, no Michel Platini, prezidente UEFA, hetan kastigu  iha loron 21 dezembru nian tamba pagamentu ida hosi parte primeiru ba iha segundu.

Foto: Lusa

 

Eis-prezidente FIFA Joseph Blatter  informa iha ohin katak ninia“konsiénsia hakmatek” no seidauk komete “delitu ruma” bainhira sai  responsável prinsipál iha  organizmu máximu futeból mundiál, ne’ebé  prezide iha1998 to’o 2015.

 

“Ha’u lakomete delitu ruma. Durante ne’e ha’u moris ho ida ne’e tamba ne’e  ha’u sente hakmatek”, nia afirma, iha aprezentasaun ba nia biografia, intituladu ‘Sepp Blatter. Missaun no paixaun ba iha futeból’.

 

Joseph Blatter hetan  suspensu iha lideransa FIFA nian hosi  Komité  Étika organizasaun iha  outubru tinan kotuk, kona-ba  sekuénsia eskándalu korrupsaun ne’ebé  hasoru hosi instituisaun ne’e, hafoin hetan suspensu ba tinan ne’e hosi  atividade hotu ne’ebé iha ligasaun ba futeból hosi Tribunál Arbitrál Desportu (TAD), sansaun nia  hetan hela.

 

Blatter, tinan 79, no Michel Platini, prezidente UEFA, hetan kastigu iha loron 21 dezembru nian tamba  pagamentu ida hosi parte primeiru ba segundu ho euro millaun 1,8  hosi alegadu servisu konselleiru ida iha 2002, maibé laiha kontratu eskritu.

 

FIFA hatene katak  akordu ne’ebé halo entre dirijente nain rua ne’e“laiha baze legál” no hetan sansaun  tamba ne’e sira nain rua ho medida hanesan.

“Sofre, maibé lasofre liu”, afirma Blatter, hodi komenta katak “paixaun Cristo nian moos maka sofrimentu”.

 

SAPO TL ho SAPO Desportu

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo