Terça-feira, 26.01.16

Federasaun hitu hosi futeból Amérika Sentrál apoia Infantino

Eleisaun ba iha FIFA realiza iha loron 26 fevereiru .


Foto: SAPO Desporto

 

UNCAF, asosiasaun hosi federasaun futeból Amérika Sentrál, anunsia iha ohin sira nia apoiu ba Kandidatura suísu Gianni Infantino ba iha prezidénsia FIFA.

Komunikadu ida hosi organizmu, ne’ebé  vale votu hitu no ba deit sira maka integra iha CONCACAF (Norte Amérika  , Sentru no Karaíbas), fó- sai katak sira sei apoia atuál sekretáriu-jerál FIFA nian.

 

Desizaun ne’e foti durante  reuniaun ida iha Panamá, nasaun ne’ebé  integra iha UNCAF, hamutuk ho  El Salvador, Kosta Rika, Honduras, Guatemala, Belize no Nikarágua.

 

SAPO TL ho SAPO Desportu

Quarta-feira, 20.01.16

Sampaoli kansela ho Xile

Tékniku ne’e prepara ona atu sai hosi selesaun nasaun.


Foto : Claudio Reyes/AFP

 

Jorge Sampaoli halo akordu ho Federasaun Xile nian atu kansela nia kontratu hanesan selesionadór.

 

Tuir imprensa española, Sampaoli hetan indemnizasaun hosi Federasaun xilena besik  euro millaun 1.2 atu husik nia servisu.

 

Razaun nia sai hosi selesaun iha relasaun ho informasaun ne’ebé divulga kona-bá kontratu hosi tékniku ne’ebé dura deit to’o 2018.

 

SAPO TL Ho SAPO Desportu

Segunda-feira, 28.12.15

Árbitru tanis iha kampu no hamaluk hosi jogadór sira

Situasaun ne’e  akontese iha Tunísia.


FOTO : DR

Durante iha jogu  ne’ebé hala’o entre  Bizerte no Marsa, relativu ba jornada  11.ª Liga Tunisina nian, maka akontese situasaun estraordináriu  ida ne’e.

 

Árbitru ne’ebé lidera jogu ne’e  laaguenta  ho insultu ne’ebé sai alvu hosi adeptu iha jogu ne’e,  sai to’o tanis. Iha momentu ne’e kedas  jogadór sira hosi ekipa rua  hakbesik ba nia hodi hamaluk.

 

SAPO TL ho SAPO Desportu

Terça-feira, 17.11.15

Atleta olímpiku ida ne’ebé katuas liu iha mundu mate ho tinan 103

Moris iha nordeste Xina nian, Guo Jie halo ona rekord nasionál iha lansamentu disku nian iha tinan 1935.


 

Atleta olímpika ne’ebé katuas liu iha mundu, Guo Jie, mate ona iha domingu foin daudaun ho tinan 103, tuir informasaun ne’ebé fó sai horisehik hosi Federasaun Internasionál Atletismu (IAAF) nomós hosi órgaun komunikasaun xinés.

 

“IAAF sentre triste bainhira hatene katak Guo Jie, ne’ebé reprezenta Xina iha [lansamentu] disco ba Jogu Olímpika tinan 1936 nian mate ona iha domingu foin daudaun ho tinan 103. Nia hanesan atleta olímpiku ida ne’ebé antigun liu maka sei moris iha tempu ne’ebá”, bele lee iha komunikadu ne’ebé fó sai hosi IAAF.

 

Hosi nordeste Xina, Guo Jie hetan rekorde nasionál ba iha lansamentu disco tinan 1935, hetan kualifikasaun ba Jogu iha Berlim iha fali tinan tuir mai, maibé lahetan kualifikasaun ba kompetisaun ikus.

 

Hafoin hakotu ninia kareira hanesan atleta, nia sai fali hanesan investigadór nomós treinadór atletismu, molok hasai nia iha 1987.

 

Guo Jie maka lori toxa olímpika ba iha sidade Xina laran, bainhira prepara ba Jogu Olímpika tinan 2008 nian iha Pekin.

 

SAPO TL ho Lusa

Quarta-feira, 16.09.15

Sampdoria manán Bolonha iha estreia Pedro Pereira nian

Defeza portugés ho tinan 17 estreia iha primeiru eskalaun futeból italianu.

 


Iha loron-segunda ne’e Sampdoria manán Bolonha iha nia uma, ho 2-0, iha jogu datoluk jornada liga italiana nian iha ne’ebé joven defeza portugés Pedro Pereira halo ninia estreia iha primeiru eskalsaun futeból italianu.

Hafoin komesa jogu iha banku suplente, Pedro Pereira, tinan 17, hetan bolu ba jogu iha minutu 21 hodi troka italianu Mattia Cassani, ne’ebé sai ho lezaun no rezultado sei zero.


Sampdoria ikus  mai benefisia hodi hasai médiu italianu Luca Rizzo no ho superioridade numérika ne’ebé, iha minutu 75, inaugura markadór, liuhosi ítalo-brazileiru Éder, hafoin liu tiha vantajen iha minutu haat ninian hosi italianu Roberto Soriano.


Ho pontu hitu iha jogu tolu, Sampdoria okupa pozisaun datoluk iha tabela, hanesan ho Chievo, Torino, Roma, Sassuolo no Palermo, no menus rua hosi líder Inter Milão, enkuantu Bolonha, lakon dala tolu, tuir iha 19.º.


SAPO TL ho SAPO Desportu

Sexta-feira, 11.09.15

James sei la joga fulan ida tanba lezaun

Avansadu kolombianu hetan lezaun iha ruin.

 


Foto: Jorge Guerrero / AFP


James Rodríguez, avansadu Real Madrid


James Rodríguez iha loron-kinta, hala’o ezame médiku oioin ne’ebé sira fó sai katak hetan problema iha ruin.
Tuir jornál españól ‘Marca’, antigu jogadór FC Porto sei afasta hosi relvadu sira durante fulan ida.


Lezaun ne’e James hetan iha loron-kuarta, bainhira halo jogu Kolómbia hasoru Peru.

 

SAPO TL ho SAPO Desportu

Quinta-feira, 10.09.15

Neymar no Hulk maka marka iha vitória Brazíl nian hasoru EUA

Golu onra hosi norte-amerikanu sira ne’ebé marka hosi Danny Williams ho remata forte hosi área liur.

 


Foto: AFP@Rob Carr
Hulk marka tan fali golu hosi selesaun Brazíl


Brazíl halakon EUA 4-1, iha jogu partikulár ne’ebé hala’o iha Gillette Stadium iha Foxborough, Estadus Unidus Amérika.

 

Jogu ne’ebé kontrola hosi selesaun Dunga maka marka iha minutu sia hosi Hulk, ho remata hosi área laran, hafoin hasai bola hosi adversáriu rua.

 

Golu sira seluk ne’ebé marka iha tempu daruak nian, ho Neymar hodi halo ninia golu dahuluk iha jogu, ho penalidade, iha minutu 51 no ninia golu daruak iha minutu 67. Molok Rafinha marka 4-0.

 

Rezultadu ne’ebé aat liu maka Klinsmann iha EUA repete fali. EUA lakon tiha ona ho Brazíl iha 2012 4-1 no iha 2014 ho Irlanda ho rezultadu hanesan.


SAPO TL ho SAPO Desportu

Quarta-feira, 09.09.15

Áustria foin 1ª vez hakat ba iha Europeu liuhosi kualifikasaun

Áustria horisehik sai hanesan kinta selesaun ne’ebé garante apuramentu diretu bainhira manán iha Suésia nia uma 4-1 hodi ba Europeu futeból 2016, ne’ebé sei hala’o iha Fransa.

 

 

Foto: DR
Áustria celebra vitória

 

Líder ne’ebé destaka ona iha grupu G, ekipa austríaka garante katak la’ós de’it apuramentu maibé mós ba vitória iha 'poule', ne’ebé horisehik 'brindadu' ba Suésia ho golu sira hosi Alaba, iha konversaun hosi penalidade boot, Martin Harnik (rua) no Marc Janko, enkuantu sueku sira marka hosi Zlatan Ibrahimovic, ne’ebé oras mós to’o ona minutu 90.

 

Ho nune’e maka, Áustria hamutuk ho Fransa, sai hanesan kualidade país organizadór, Islándia, hakat ba iha faze finál europeu, Inglaterra no República Checa iha faze finál Euro2016.


Áustria ninia prezensa daruak iha Europeu, primeira maka liuhosi kualifikasaun ne’ebé hala’o ona iha 2008 partisipa iha prova hanesan ko-organizadór.

 

SAPO TL ho SAPO Desportu

Terça-feira, 10.03.15

Atleta desportu fransés sira entre ema na'in 10 nebe mate iha asidente aéreu iha Arjentina

Grupu ida hosi atleta koñesidu fransés sira nebe partisipa iha programa entretenimentu entre vítima na'in sanulu nebe mate iha asidente aéreu nebe akontese iha loron-segunda ne'e iha Arjentina, haktuir hosi fonte ofisiál sira.


Nadadora olímpiku fransés Camille Muffat sai hanesan vítima nebe mate iha kolizaun entre helikópteru. EPA@ Patrick B. Kraemer 


 

Helikópteru rua xoke malu bainhira semo, iha foho sira iha zona turístiku La Rioja, iha noroeste Arjentina nain, durante filmajen ba "reality show" ida.

 

Velejadora Florence Arthaud, kampeã olímpiku natasaun Camille Muffat no pujilista olímpiku Alexis Vastine hanesan vítima sira nebe mate iha asidente ne'e.

 

"Karik, helikópteru rua ne'e xoke malu bainhira hala'o filmajen. Laiha sobrevivente ida", haktuir hosi porta-vós provinsiál Horacio Alarcon.

 

Haktuir hosi AFP, responsável hanesan afirma mós katak kondisaun klima nian di'ak, nune'e seidauk hatene kauza asidente entre aeronave nebe aluga hosi produsaun programa nian.

 

Fonte hosi polísia informa ona katak pilotu arjentinu na'in rua ho pasajeiru fransés na'in ualu mate - inklui Florence Arthaud, tinan 57, Camille Muffat, tinan 25, ho Alexis Vastine, tinan 28.

 

ho Lusa


pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo