Terça-feira, 21.03.17

Fernando Torres ho oportunidade hodi renova ho Atlético

'Colchonera' halo hela negosiasaun sira hodi prolonga kontratu ba avansadu españól. 

 

 

Atlético de Madrid hanoin hela hodi avansa ho renovasaun Fernando Torres nian iha Atlético de Madrid. Tuir Cadena Ser, emblema madrilenu nian hahú ona ko'alia no sei hanoin atu prolonga kontratu ba tinan ida ba avansadu españól ne'e.

 

Ho tinan 33, Torres sei joga to'o temporada nia rohan. Maibé, diresaun hosi klube hakarak mantén internasional españól ne'ebé hanesan jogador ida ne'ebé ema hadomi liu iha plantel.

 

Fila fali ba Madrid hafoin aventura ida iha Inglatera, Fernando Torres la'ós hanesan titular iha ekipa 'colchonera', maibé halo nafatin parte hosi Diego Simeone nia planu sira.

 

@SAPO Desporto

Quarta-feira, 08.03.17

Barcelona halo majia no Benfica hatete adeus ba Champions

Kalan nakonu ho golu iha loron-kuarta ne'e hosi Champions League. 

 

 

FC Barcelona tama iha loron-kuarta ne'e ba kuartu-final Champions League futebol nian, bainhira hatama golu 6-1 hasoru Paris Saint-Germain, rekupera hosi lakon ne'ebé hetan iha jogu dahuluk iha "oitavu" ho 4-0.

 

Iha Camp Nou, FC Barcelona sai hanesan ekipa dahuluk iha istória ne'ebé rekupera hosi desvantajen 4-0 iha jogu dahuluk, tanba golu sira hosi Luis Suárez, iha minutu tolu, hosi Lionel Messi, hosi penalidade (minutu 50), hosi Neymar (iha minutu 88 ho 90+1) no hosi Sergi Roberto (minutu 90+5), ne'ebé tau hamutuk ho autogolu hosi fransés Layvin Kurzawa (minutu 40). Edinson Cavani marka golu onra ba fransés sira iha minutu 62.

 

Ho golu marka iha minutu hitu ikus jogu ba dala rua nian, katalaun sira konkretiza ona "mehi" no tau ona "karimbu" hodi liu ba kuartu-final hosi Champions League.

 

Iha jogu seluk kalan nian, Benfica sai hosi Champions League futebol nian, lakon iha Alemaña ho Borussia Dortmund ho 4-0, iha jogu daruak hosi oitavu-final prova nian.

 

Hafoin manán tiha iha jogu dahuluk ho 1-0, Benfica haree sedu ekipa jermániku halakon desvantajen, bainhira Aubameyang loke markador iha kedas minutu haat, rezultadu ida ne'ebé mantén to'o intervalu.

 

Hahú parte daruak, Borussia "taka" eliminatóriu, ho golu sira ne'ebé akontese iha minutu rua nia laran, ida hosi Pulisic (minutu 59) no hafoin ne'e golu ida tan hosi Aubameyang (minutu 61), ne'ebé nia tenta fali iha minutu 85.

 

@SAPO Desporto

Segunda-feira, 06.03.17

Ofisial: Paulo Bento husik Olympiacos

Tékniku portugés husik ona kampeaun gregu. 

 


Iha loron-segunda ne'e, Olympiacos fó sai ona kona-ba Paulo Bento nia saída hosi komando tékniku ekipa nian.

 

Iha jogu tolu ikus ne'e, klube hosi kapital gregu lakon dala tolu konsekutivu iha kampeonatu, hasoru PAOL, Panionios ho AEK hosi Atenas.

 

 

Maibé, tékniku portugés husik Olympiacos iha fatin dahuluk klasifikasaun nian ho vantajen pontu hitu hasoru Panionios.

 

@SAPO Desporto

Terça-feira, 14.06.16

Ferdinand: "Ronaldo ninia forsa iha ain "

Antigu defeza hanesan kolega Ronaldo nian iha Manchester United.


Foto: LINDSEY PARNABY

 

Rio Ferdinand enumera karakterístika ne’ebé halo hosi  Cristiano Ronaldo hanesan  jogadór ida produtivu liu iha istória futeból mundiál.

 

"Ronaldo ne’e hanesan  forsa ida imparável. Nia  no Messi hanesan jogadór rua produtivu liu iha  istória futebol relasiona ba  golu kada jogu. Ronaldo iha  talentu ida supremu no forsa rua iha ninia ain, maibé nia servisu maka’as tebes hodi sai hanesan agora ", afirma antigu defeza ne’e iha entrevista ba revista Match of the Day.

 

Dezde tempu iha United  eis-kolega ne’e konsidera kedas katak Ronaldo bele atinje topu, tamba ne’e, jogadór portugés ne’e konsege supera espektativa antigu internasionál inglés ne’e.

 

"Ita hotu hatene katak  nia loron iha ida bele sai jogadór klasse mundiál, tamba ne’e evidente duni. Agora, ema ida laimajina katak nia bele  marka golu 50 kada  époka. Nia laós avansadu sentru ida. Ne’e espantozu.".

 

SAPO TL ho SAPO Desportu

Sexta-feira, 10.06.16

Silvio Berlusconi nia vida iha risku

Donu AC Milan, tinan 79, sei halo operasaun ba nia fuan iha semana oin, momentu ida ne’ebé médiku sira sei substitui nia ba válvula aórtika ida.


Foto: Tony Gentile / Reuters

 

Silvio Berlusconi, eis-primeiru-ministru Itália no antigu prezidente AC Milan sei "iha risku ba vida", hafoin sofre insufisiénsia kardíaka iha domingu kotuk.

Donu AC Milan, tinan 79 ne’e, sei halo operasaun ba fuan iha semana oin, momentu ida ne’ebé médiku sei  substitui nia ba válvula aórtika ida.

 

Antigu líder governu italianu iha pacemaker dezde 2006. Hafoin sofre insufisiénsia kardíaka, realiza ona teste iha klínika San Raffaele, iha Milaun, ne’ebé deteta ona katak nia sofre grave insufisiénsia aórtika, ne’ebé halo ran liu iha válvula fuan sirkula iha diresaun opostu  latuir dalan ne’ebé loos.

 

Hafoin  halo operasaun, proprietáriu AC Milan ne’e sei hetan kuidadu intensivu durante loron rua. Hafoin ne’e sei iha tan períodu reabilitasaun ida besik fulan ida.

 

SAPO TL ho SAPO Desportu

Sexta-feira, 11.12.15

Mate ona Dolph Schayes, kampeaun hosi NBA iha 1955

Schayes uluk hanesan figura koñesidu ida hosi hiladelphia 76ers.


Foto: Paulo Cunha

 

Antigu jogadór basket Dolph Schayes, hanesan figura koñesidu ida hosi Philadelphia 76ers, hosi Liga norte-amerikanu Basket nian (NBA), iha dékada 1950, mate ona iha loron-sesta ne'e ho tinan 87.

 

Tuir antigu extremu/poste hosi Sixers nia oan-mane, Danny Schayes, eis-jogadór basket ne'e mate tanba infesaun jeneralizadu ida ne'ebé nia hetan iha loron hirak ikus ne'e.

 

Dolph Schayes moris iha Bronx, iha loron 19 Maiu 1928, nia joga de'it ho kamizola hosi Philadelphia 76ers, formasaun ida ne'ebé nia hahú bolu Syracuse Nationals, sai kampeaun hosi NBA iha tinan 1955.

 

Schayes uluk hanesan jogadór profisionál entre tinan 1948 no 1964. Iha tinan rua ikus ne'e nia akumula funsaun sira nu'udar treinadór.

 

Hafoin husik Sixers, iha tinan 1966, Doplh Schayes fó treinu ba Buffalo Braves, ne'ebé agora naran Angeles Clippers, entre tinan 1970 no 1972.

 

Iha rejistu istóriku sira hosi kompetisaun basket mundiál ne'ebé importante, Schayes, membru hosi "Hall of Fame" no eleitu dala 12 ba "All Star", sai hanesan jogadór dahuluk ne'ebé maka konsege hetan pontu 15.000 iha NBA no iha "fatin kativu" iha lista hosi jogadór na'in 50 di'ak liu iha kampeonatu.

 

Nia oan-mane, Danny Schayes, tuir nia aman nia dalan no joga ona iha NBA entre tinan 1981 no 1999, liuhosi klube sira hanesan Utah Jazz, Denver Nuggets, Milwaukee Bucks, Los Angeles Lakers, Phoenix Suns, Miami Heat ho Orlando Magic.

 

@SAPO Desporto

Sexta-feira, 24.04.15

Barcelona-Bayern ho Juventus-Real Madrid hanesan jogu hosi "semi-final" Champions

Jogu sira ba dala uluk marka ona ba loron 05 no 06 fulan-Maiu no jogu daruak ajenda ona ba loron 12 no 13 fulan hanesan.



 

Real Madrid sei hasoru Juventus iha semi final Champions League, haktuir hosi sorteiu nebe halo iha Nyon, Suisa. Jogu dahuluk sei halo iha Itália. Ronaldo, Pepe ho Fábio Coentrão sei iha vantajen joga iha jogu daruak iha uma, nune'e mós akontese ona iha kuartu-finál, hasoru Atlético Madrid.

 

Iha semi finál seluk iha duelu titã sira, entre Barcelona ho Bayern Munique. Enkontru dahuluk sei halo iha España. Nune'e Guardiola sei fila ba Katalluña, iha duelu ida nebe sei ekilibradu, ho ekipa rua nebe iha priviléjiu no iha pasa bola maka'as.

 

Hamutuk, ekipa haat iha títulu 21 kampeaun europeu nian: Real Madrid (10), Barcelona (6), Bayern Munique (5) ho Juventus (2).

 

Iha kuartu-finál Bayern Munique halakon FC Porto, Real Madrid nebe defende títulu halakon Atlético Madrid. Juventus halakon Mónaco no Barcelona despaxa PSG.

 

Jogu sira dahuluk nian marka ona ba loron 05 no 06 fulan-Maiu no jogu daruak ajenda ona ba loron 12 no 13 fulan hanesan. Final kompetisaun nian marka ona ba loron 06 fulan-Juñu iha Estádiu Olímpiku Berlin nian.

 

@SAPO Desporto

Segunda-feira, 16.03.15

Adeptu mate no ema ida seluk kanek iha Arjentina

Buat hotu akontese iha jogu entre San Lorenzo ho Huracán.


 

Adeptu ida hosi San Lorenzo mate iha loron-dpomingu ne'e bainhira monu hosi tribuna Estádiu Nuevo Gasómetro nian.

 

Buat hotu akontese hafoin golu ida Mauro Matos nian iha jogu hasoru Huracán, nebe San Lorenzo mana'an ho 3-1. Adeptu arjentinu, bainhira halo festa, lakon ekilíbriu no monu hosi tribuna, pelumenus durante metru 40, hodi monu hasoru mane ida nebe tuur iha parte kraik ho nia oan-mane.

 

Pablo Giménez, nebe monu hosi tribuna, mate iha fatin. Adeptu na'in rua seluk lori ona ba ospitál. Aman iha estadu todan no nia oan-mane laiha perigu ida.

 

@SAPO Desporto

Quinta-feira, 12.03.15

Alemaña lidera no Portugal kontinua iha fatin dahitu iha "ranking" FIFA nian

Selesaun portugés futeból nian mantén iha fatin dahitu iha "ranking" FIFA nian, nebe fó sai iha loron-kinta ne'e, iha lista ida nebe lidera nafatin hosi Alemaña, kampeaun mundu nian.



Fulan lima hafoin tama fali iha "top-10", nebe la akontese dezde fulan-Jullu 2014, Portugal hanesan selesaun ida nebe treinu hosi Fernando Santos, mantém entre "elite" grupu sanulu nebe di'ak liu, nebe konta ho membru foun ida, Itália, nebe sa'e pozisaun rua hodi "hatún" España ba postu dasanuluk.

Alemaña lidera nafatin hierarkia, tuir Arjentina, visi-kampeaun mundiál nian, no Kolómbia, no Brazil okupa fatin daneen.

Cabo Verde, nebe treinu hosi portugés no antigu benfikista Rui Águas, no sei sai hanesan adversáriu ida Portugal nian, iha jogu partikulár nebe marka ona ba loron 31 fulan-Marsu, iha Estoril, tun hosi pozisaun 35 ba pozisaun 38.

Selesaun Iraun nian, nebe orienta mós hosi portugés Carlos Queiroz, nebe lakon hasoru Irake iha kaurtu-finál Tasa Ázia 2015, tun hosi pozisaun 41 ba pozisaun 42.

Gabaun, nebe nia selesionadór maka portugés Jorge Costa, sa'e pozisaun haat no agora iha fatin 54 no Angola mantén iha fatin 84.

Mosambike sa'e postu haat (hosi fatin 90 ba fatin 86) no Etiópia, nebe treina hosi portugés Mariano Barreto, nafatin iha pozisaun 102.

Guiné-Bissau sa'e "eskada" haat ba pozisaun 134, Saun Tomé no Prínsipe tun pozisaun lima ba 179, no Timor-Leste sa'e "eskada" rua iha pozisaun 185 iha loron ida nebe halakon Mongólia ho 4-1, iha jogu dahuluk ba kualifikasaun Mundial 2018 nebe sei halo iha Rúsia.

Klasifikasaun FIFA nian sei atualiza fali iha loron 09 fulan-Abril.

‘Ranking’ FIFA nian iha loron 12 fulan-Fevereiru:

1. (1) Alemaña, ho pontu 1.770

2. (2) Arjentina, ho pontu 1.577.

3. (3) Kolómbia, ho pontu 1.499.

4. (4) Béljika, ho pontu 1.471.

5. (5) Holanda, ho pontu 1.415.

6. (6) Brazil, ho pontu 1.348.

7. (7) Portugal, ho pontu 1.191.

8. (8) Fransa, ho pontu 1.168.

9. (9) Uruguai, ho pontu 1.180.

10.(12) Itália, ho pontu 1.146.

(...)

38. (35) Cabo Verde, ho pontu 762.

42. (41) Iraun, ho pontu 692.

54. (58) Gabaun, ho pontu 610.

84. (84) Angola, ho pontu 403.

86. (90) Mosambike, ho pontu 385.

102. (102) Etiópia, ho pontu 325.

134. (138) Guiné-Bissau,ho pontu 211.

179. (174) Saun Tomé ho Príncipe, ho pontu 78.

185. (187) Timor-Leste, ho pontu 51.

ho Lusa

Alemanha lidera e Portugal continua em sétimo no 'ranking' da FIFA

A seleção portuguesa de futebol manteve-se no sétimo lugar do 'ranking' da FIFA, divulgado hoje, numa lista que continua a ser liderada pela Alemanha, campeã do mundo.


 

 

Cinco meses depois de ter reentrado no 'top-10', o que não acontecia desde julho de 2014, Portugal, seleção orientada por Fernando Santos, mantém-se entre a 'elite' do grupo dos dez melhores, que passou a contar com um novo membro, a Itália, que subiu duas posições para ‘desalojar’ a Espanha do décimo posto.

A Alemanha continua a liderar a hierarquia, seguida da Argentina, vice-campeã mundial, e da Colômbia, enquanto o Brasil permanece no sexto posto.

Cabo Verde, treinada pelo português e antigo benfiqusita Rui Águas, e que será um dos próximos adversários de Portugal, num jogo particular marcado para 31 de março, no Estoril, desceu do 35.º para o 38.º lugar.

A seleção do Irão, orientada pelo também português Carlos Queiroz, que foi eliminada pelo Iraque nos quartos de final da Taça da Ásia de 2015, desceu uma posição na hierarquia, de 41.º para 42.º.

O Gabão, que tem o português Jorge Costa como selecionador, escalou quatro posições, agora para o 54.º lugar, enquanto Angola se manteve em 84.º.

Moçambique subiu quatro postos (de 90.º para 86.º) e a Etiópia, treinada pelo português Mariano Barreto, continuou no lugar 102.

A Guiné-Bissau subiu quatro ‘degraus’, para 134.ª, São Tomé e Príncipe ‘caiu’ cinco posições, para 179.º, e Timor-Leste ganhou dois lugares, fixando-se em 185.º, no dia em que goleou a Mongólia por 4-1, no primeiro jogo de qualificação para o Mundial2018, na Rússia.

A classificação da FIFA vai voltar a ser atualizada a 09 de abril.

‘Ranking’ da FIFA, a 12 de fevereiro:

1. (1) Alemanha, 1.770 pontos.

2. (2) Argentina, 1.577.

3. (3) Colômbia, 1.499.

4. (4) Bélgica, 1.471.

5. (5) Holanda, 1.415.

6. (6) Brasil, 1.348.

7. (7) Portugal, 1.191.

8. (8) França, 1.168.

9. (9) Uruguai, 1.180.

10.(12) Itália, 1.146.

(...)

38. (35) Cabo Verde, 762.

42. (41) Irão, 692.

54. (58) Gabão, 610.

84. (84) Angola, 403.

86. (90) Moçambique, 385.

102. (102) Etiópia, 325.

134. (138) Guiné-Bissau, 211.

179. (174) São Tomé e Príncipe, 78.

185. (187) Timor-Leste, 51.

com Lusa

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo