Segunda-feira, 27.03.17

Danny Blind demite hosi kargu selesionadór Olanda

Selesionadór Olanda, Danny Blind, iha ohin hetan demite, loron ida hafoin lakon hasoru Bulgária, ho 2-0, ne’ebé  komplika 'konta' apuramentu  ba Mundial2018, anunsia Federasaun Futeból Holandesa (FHF).


 

Blind, tinan  55, assume kargu ne’e iha jullu 2015, troka Guus Hiddink.

 

Tuir  federasaun olandeza, orientasaun 'selesaun laranja' iha tersa-feira, ba  jogu partikular ho Itália, iha  Amesterdaun, kargu ne’e husik fila fali ba Fred Grim, adjuntu Blind nian.

 

Iha inísiu loron ohin, FHF notisia reuniaun ida ho Danny Blind hodi  diskute derrota ne’ebé sofre iha Bulgária, iha  jogu grupu A zona europeia kualifikasaun Mundial2018.

 

Ho  jornada lima ne’ebé liuona, Olanda okupa iha fatin dahaat  grupu A nian, ho deit pontu hitu, ekivalente ba vitória rua, empate dala ida no lakon dalarua.

 

Fransa, ne’ebé ba Luxemburgo, iha sábadu moos, manán 3-1, lidera agrupamentu, ho pontu 13, tuir  Suécia, ho sanulu, no Bulgária, ho sia.

 

SAPO TL ho Lusa

Sexta-feira, 30.12.16

Messi eleitu organizadór jogu di’ak liu iha Mundu

Krake arjentinu laiha ipóteze ba konkorrénsia.


 

Lionel Messi eleitu, kinta-feira ne’e, hanesan organizadár jogu di’ak liu mundu nian ba daruak  hosi Federação Internacional de História e Estatística (IFFHS).

 

Arjentinu Barcelona ne’e sai  lideransa izoladu ba votasaun ne’e, soma pontu 172, liu Andrés Iniesta (Barcelona), ho pontu 66, no alemaun Tony Kroos (Real Madrid), pontu 45.

 

1 – Lionel Messi (Argentina/Barcelona), pontu 172
2 – Andres Iniesta (Espanha/Barcelona), 66
3 – Tony Kroos (Alemanha/Real Madrid), 45
4 – Mesut Özil (Alemanha/Arsenal), 39
5 – Riyad Mahrez (Argélia/Leicester), 36
5 – Luka Modric (Croácia/Real Madrid), 36
7 – Kevin De Bruyne (Bélgica/Manchester City), 31
8 – Paul Pogba (França/Juventus/Manchester United), 26
9 – Eden Hazard (Bélgica/Chelsea), 14
10- Dimitri Payet (França/West Ham), 8
11- David Silva (Espanha/Manchester City), 5
12- Neymar (Brasil/Barcelona), 3
12- Marek Hamsik (Eslováquia/Nápoles), 3
14-Thiago Alcantara (Espanha/Bayern), 1
14-Javier Pastore (Argentina/PSG), 1

 

SAPO TL ho SAPO Desportu

Segunda-feira, 19.12.16

Buffon hakarak joga to'o "tinan 65"

Guarda-rede sira Juventus nian hakarak kontinua joga to'o tinan 65. 

 


Internasional italianu, Gianluigi Buffon hakarak lori tinan naruk iha futebol ba nível foun ida. Tuir guarda-rede Juventus nian ho tinaan 38. segredu hosi tinan naruk iha futebol maka iha mehi sira no objetivu sira hosi jogador ida-idak, no tanba ne'e senti katak bele joga to'o "tinan 65".

 

"Agora daudaun, ha'u senti katak ha'u bele joga to'o tinan 65. Iha moris laiha buat ida maka la posivel. Mehi sira tenki mosu no hanesan buat ne'ebé furak liu iha mundu, dezde ita sai honestu ba aan rasik no ita tau paixaun no hakarak iha buat hotu ne'ebé ita halo", afirma hosi Gianluigi Buffon.

 

"Ho tinan 31 ha'u iha operasaun delikadu ida no ema barak hatete katak sei la joga fali. Liutiha ona tinan ualu no ha'u iha ne'e, ha'u iha dezeju no pasiénsia hodi halo supreza buat hotu no ema tomak, até ba ha'u", hatutan hosi internasional italianu.

 

@SAPO Desporto

Suárez: "Hanesan Messi ha'u haree de'it Playstation"

Avansadu uruguaiu konsidera katak agora daudaun laiha jogador ida iha nível duké Lionel Messi halo iha kampu. 

 

Foto@ Miguel Angel Molina /EPA

 

Luis Suárez hahú hetan susar hodi hili liafuan sira hodi defini Lionel Messi nia matenek, no iha loron-domingu ne'e, hafoin hatudu espetákulu ida luxu nian hosi parte númeru 10 arjentinu nian hasoru Espanhol, avansadu uruguaiu la subar nia admirasaun ba jogador ida ne'ebé espetakular tebes.

 

Iha deklarasaun sira ba MoviStar Plus, Luis Suárez hatudu admirasaun maka'as ba Messi nia talentu hafoin vitória iha dérbi ho Espanhol iha Camp Nou ho 4-1.

 

"Ha'u prefere atu Messi maka hakotu lanse hosi ha'u nia golu daruak. Buat ne'ebé nia halo hanesan loloos obra arte nian, buat ne'ebé ita bele haree de'it iha Playstation. Hanesan jogadór úniku ida", Suárez hatete.

 

@SAPO Desporto

Sexta-feira, 16.12.16

"Ronaldo maka jogadór di'ak liu iha Real Madrid nia istória" - Vicente del Bosque

Portugés manán ona, foin lalais ne'e, nia Ballon d'Or ba dala haat. 

 

 

Vicente del Bosque halo ona parte barak hosi nia kareira nu'udar jogador no treinador Real Madrid nian no, hanesan ema ida ne'ebé hatene klube nia istória, nia konsidera ona Cristiano Ronaldo hanesan jogadór di'ak liu ne'ebé maka joga ona iha Real Madrid.

 

"Hanesan jogadór di'ak liu iha Real Madrid nian istória hosi rejistu sira ne'ebé iha, maibé la valoriza mós jogador sira seluk", nia destaka.

 

Cristiano Ronaldo, tinan 31, hahú hosi tinan 2009/10 joga iha Real Madrid, no iha kontratu ho madrilento sira to'o fulan-Juñu 2021.

 

@SAPO Desporto

Quarta-feira, 14.12.16

Zidane: "Cristiano hanesan di'ak liu iha istória Real nian"

Cristiano Ronaldo manán ona nia Ballon d'Or ba dala haat. 

 

 

Real Madrid nia treinador, Zidane, fó elojiu nafatin ba jogador portugés iha konferénsia imprensa ida.

 

Fransés konsidera avansadu hanesan jogadór di'ak liu iha istória Real Madrid nian, no asumi katak "laiha ema ida maka sei konsege buat ne'ebé maka nia konsege".

 

"Hanesan ezajeradu konsidera nia nu'udar di'ak liu iha Real nia istória? La'e. Cristiano maka di'ak liu. Bele mosu ema ruma, maibé laiha ema ida maka konsege buat ne'ebé nia konsege daudaun", treinador deklara iha konferénsia imprensa ida hosi antevizaun hosi jogu ho América do México, relasionadu ho meia-final ba Mundial sira Klube nian.

 

Zidane hatutan mós katak Ronaldo "bele duni manán fali" Ballon d'Or ida seluk.

 

"Iha motivasaun ida maka'as, hakarak manán buat hotu, até jogu amigável sira", nia hakotu.

 

Real Madrid sei joga iha loron-kinta ne'e, hahú tuku 10h30, hasoru Amérika, iha Estádiu Yokohama, iha Japaun.

 

@SAPO Desporto

Terça-feira, 13.12.16

"Ha'u hatene katak ha'u la halo sala ruma" - Cristiano Ronaldo

Portugés nega katak nia la selu impostu sira iha España. 

 

 

Iha momentu konsagrasaun ba Ballon d'Or hosi revista franseza France Football, Cristiano Ronaldo hasoru ho notísia sira ne'ebé mosu daudaun kona-ba la selu impostu sira.

 

"Loos duni katak ne'e afeta, hanesan bosok bainhira ha'u hatete katak ne'e la afeta. Ha'u la'ós bosok-teen: halo ha'u senti ladi'ak. Prosesu tomak afeta ema hotu ne'ebé besik ha'u. Ha'u tenta halo buat hotu ho di'ak no transparente. Ha'u laiha razaun sira hodi bosok", nia afirma ba France Football.

 

Avansadu hosi Real Madrid nega katak nia la halo buat ruma sala. "Iha ema inosente barak iha kadeia: ha'u senti nune'e. Ha'u senti katak ha'u la halo sala ruma no sira hatete katak ha'u halo buat ne'ebé la loos. Laiha ema ida maka senti haksolok bainhira akontese hanesan ne'e".

 

@SAPO Desporto

Segunda-feira, 12.12.16

Ofisial: Cristiano Ronaldo maka manán Ballon d'Or 2016

Hafoin vitória iha 2008, 2013 ho 2014, "kapitaun" hosi selesaun luzu aumenta prémiu haat no prémiu datolu iha tinan haat nia laran.  

 

 

Hafoin manán iha 2008, 2013 ho 2014, kapitaun" hosi selesaun luzu aumenta prémiu haat no prémiu datolu iha tinan haat nia laran, halakon arjentinu Lionel Messi, ne'ebé hetan ona troféu iha okaziaun lima, no fransés Antoine Griezmann, finalista seluk.

 

Portugés manán ona ho pontu 745, liu Lionel Messi, ne'ebé tama iha fatin daruak ho de'it pontu 316. Griezmann, iha fatin datoluk iha lista, hetan pontu 198.

 

Vitória sira iha Euro2016 futebol nian, ho selesaun luzu, no iha Champions League ho Real Madrid, ho golu hamutuk 51 iha jogu 55 ne'ebé halo iha tinan 2016, konvense ona jornalista sira ne'ebé hili jogadór di'ak liu iha mundu ba revista franseza. Konkista ne'e permiti CR7 izola iha fatin daruak hosi "ranking" prémiu nian.

 

Maski Messi iha liu golu no asisténsia sira, títulu sira halo lakon balansa ba portugés nia fatin, ne'ebé la mosu iha jogu boot sira, liuliu iha final sira, no iha Europeu sai lezionadu sedu tebes.

 

Maski ladún halo buat barak duké nia adversáriu hosi Barcelona, Cristiano Ronaldo sai "liurai-mane" hosi markadór sira edisaun 2015/16 hosi Champions League, ne'ebé iha dékada ida liubá, "determina", tina hafoin tinan, vensedór hosi prémiu ba jogadór di'ak liu tinan nian.

 

Liu duké nia númeru sira, ne'ebé aumenta nafatin no fó ba nia estatutu ida nu'udar markador di'ak liu iha istória Real Madrid nian, Portugal nian no iha Champions League, hanesan títulu sira ne'ebé halo diferensa iha 2016.

 

Portugal ho Real Madrid la sai hanesan evidente, maibé ksolk lori nia ba títulu sira, liuliu dezempate iha penalidade sira, ne'ebé permiti ba ekipa luzu halakon Polónia, iha "kuartu-final" Europeu nian, no ba "merengue sira" halakon viziñu Atletico Madrid iha final ‘Champions’.

 

Iha fatin seluk, Lionel Messi, ne'ebé ho Luis Suárez ho Neymar nia ajuda, lori FC Barcelona hetan títulu españól, ba Tasa Rei no ba Supertasa España nian, lakon fali ho penálti sira hanesan, iha final Kopa Amérika Sentenáriu, lakon hasoru Xile.

 

Vensedór Ballon d'Or 2016 fó sai iha loron-segunda loraik hosi revista ´France Football`, ne'ebé la halo parseria hamutuk ho FIFA ne'ebé antes akontese dezde 2010.

 

Iha fulan-Janeiru, portugés bele simu fali prémiu Jogadór Di'ak Liu iha mundu, liuhosi FIFA.

 

@SAPO Desporto

Dortmund hasoru Benfica iha oitavu-final. FC Porto kontra Juventus

Benfica ho FC Porto hatene ona sira nia adversáriu iha oitavu-final hosi Champions League. 

 

 

Sorteiu hosi Champions League hatudu ona katak Benfica sei hasoru Borussia Dortmund iha oitavu-final no FC Porto sei sukat forsa sira ho Juventus.

 

Sorte ladún barak ba ekipa portugeza sira ne'ebé sei iha misaun ida susar tebes hodi to'o iha kuartu-final Champions nian. Favoritu monu ba kampeaun italianu no klube alemaun, ne'ebé hasoru ona Sporting iha faze grupu sira nian iha Champions League iha temporada ne'e.

 

Atu to'o iha oitavu-final, Benfica sai hanesan klasifikadu daruak iha grupu B, bainhira hetan pontu ualu iha jogu neen.

 

FC porto tama mós hanesan klasifikadu daruak iha grupu B, iha fatin dahuluk maka okupa hosi Leicester.

 

Iha oitavu-final edisaun 16/17 Champions League nian, Benfica ho FC Porto sei joga uluk iha sira nia estádiu, iha loron 14, 15, 21 ka 22 Fevereiru 2017, no jogo daruak sei halo iha estranjeiru iha loron 7,8, 14, ka 15 Marsu.

 

Haree iha ne'e jogu sira hosi oitavu-final Champions League nian:

 

  • Manchester City - Mónako
  • Real Madrid - Nápoles
  • Benfica - Borussia Dortmund
  • Bayern - Arsenal
  • FC Porto - Juventus
  • Leverkusen - Atlético Madrid
  • PSG - Barcelona
  • Sevilha Leicester

 

@ SAPO Desporto

Sexta-feira, 09.12.16

Chapecoense aseita konviti hosi "Barça" no ba torneiu Joan Gamper

Formasaun katalaun konvida ona Chapecoense ba jogu amigável ida iha Troféu Joan Gamper ne'ebé koñesidu. 

 

 

Prezidente ne'ebé hala'o daudaun funsaun iha Chapecoense, Iván Tozzo, konfirma ona iha loron-sesta ne'e ba rádiu katalaun ida katak klube brazileiru futebol nian aseita ona konviti hosi FC Barcelona hodi halo jogu ida hosi prova koñesidu Troféu Joan Gamper, iha 2017.

 

"Hanesan ksolok boot ida mai ami no ami agradese ba FC Barcelona ne'ebé konvida ona ami. Sei hanesan priviléjiu ida no ksolok boot hodi joga iha Europa", Tozzo hatete iha entrevista ba emisora RAC1.

 

Intensaun hosi klube katalaun ne'e maka halo homenajen ba ema na'in 71 ne'ebé mate, iha loron 29 Novembru, bainhira aviaun hosi kompañia aéreu Lamia monu, iha kilómetru 17 hosi aeroportu Medellín, iha Kolómbia, ho ema na'in 77 iha aviaun laran, entre sira maka komitiva hosi Chapecoense, ne'ebé atu halo jogu dahuluk iha final hosi Tasa Súl-Amerikanu iha sidade kolombianu ne'e.

 

Entre vítima sira ne'ebé mate iha asidente, iha jogadór na'in 19 hosi jogadór na'in 22 hosi klube brazileiru ne'e, nune'e mós dirijente sira, ekipa tékniku, konvidadu sira ho jornalista sira, aleinde tripulasaun. Ema na'in neen sobrevive iha asidente, jogadór na'in tolu, tripulante na'in tolu no jornalista na'in ida.

 

Iha loron 05 Dezembru, konfederasaun súl-amerikanu futebol nian (CONMEBOL) deklara ona Chapecoense nu'udar kampeaun hosi Tasa Súl-Amerikanu, hanesan homenajen hafoin asidente.

 

@SAPO Desporto

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo