Quinta-feira, 23.02.17

Lallana hanaruk kontratu to’o 2020

Internasionál inglés, elementu xave ba tékniku alemaun Jirgen Klopp, hala’o ona jogu  80 iha Premier League ho kamizola Liverpool no marka ona golu 16.


 

Internasionál inglés Adam Lallana, futebolista hosi Liverpool, hanaruk kontratu ho klube ba époka tolu tan, to’o 2020, ho opsaun seluk, anunsia iha ohin hosi 'reds'.

 

Médiu ofensivu ho tinan 28, ne’ebé  tama ba Liverpool iha 2014, maihosi Southampton ho libra millaun  25 ( euro millaun 29,5), no hetan saláriu libra rihun  110 ( euro rihun 130)  kada semana, no  sai hanesan jogadór iha plantel ne’ebé  hanarun kontratu, hafoin  brazileiru Philippe Coutinho hanaruk iha loron  25 fulan- janeiru liubá, to’o 2022.

 

"Ha’u sente  orgullu tebes no sente onradu ba konfiansa ne’ebé klube no treinadór  hatudu mai ha’u. Ha’u sei lahanoin ba klube ida di’ak  liu  hodi  kompromete kona-ba ha’u nia futuru. Ha’u nia momentu di’ak liu sei mai", afirma Lallana iha deklarasaun ba sítiu Liverpool iha internet.

 

SAPO TL ho SAPO Desportu

Segunda-feira, 28.11.16

Griezmann: "Hanesan susar manán Bola Osan-Mean hasoru Ronaldo ho Messi"

Internasional fransés konsidera katak CR7 hanesan prinsipal favoritu hodi manán Bola Osan-Mean. 

 

Foto@ Etienne Laurent / EPA

 

Antoine Griezmann rekoñese ona katak hanesan susar tebes manán Bola Osan-Mean, tanba haree ba konkorénsia entre Lionel Messi ho Cristiano Ronaldo.

 

"Sim, Bola Osan-Mean hanesan objetivu ida maibé sei komplikadu bainhira Ronaldo ho Messi halo parte iha lista. Ronaldo sei sai hanesan lenda ida iha desportu ne'e iha tinan 10 oinmai ne'e. Ha'u tenki kontinua serbisu hodi to'o iha nível Ronaldo nian", afirma hosi fransés ne'e ba kanal Telefoot.

 

Atakante ne'e hatete katak CR7 hanesan kandidatu prinsipal hodi manán troféu iha tinan ne'e.

 

"Ronaldo halo ona époka di'ak ida, manán Champions League no Euro 2016. Merese atu manán. Maibé tenki konsidera mós Messi. Tinan-tinan iha nível ida aas no hanesan kandidatu ida ne'ebé bele manán Bola Osan-Mean".

 

@SAPO Desporto

Terça-feira, 01.03.16

UEFA sei hili susesór Infantino iha sesta-feira ne’e

Gregu Theodore Theodoridis sai favoritu atu asume  kargu hanesan  sekretáriu-jerál UEFA nian.


Foto: DR

 

Komité Ezekutivu UEFA sei  reune iha sesta-feira ne’e atu deside sé maka sai sekretáriu-jerál foun no susesór Gianni Infantino, ne’ebé eleitu ona iha semana kotuk ba  prezidente FIFA, informa  fonte organizmu ne’e ba ajénsia AFP.

Tuir  imprensa lokál, gregu Theodore Theodoridis sai hanesan favoritu atu asume kargu ne’e, buat ne’ebé tenki halo duni hanesan interino to’o  rezolve situasaun prezidente Michel Platini nian.

Dirijente fransés hetan suspensu durante tinan neen tamba simu  ilegalmente millaun euro 1,8 hosi Joseph Blatter, antigu prezidente FIFA, iha 2011, hetan alegasaun iha trabalu konsultadoria realiza iha 2002.

Theodoridis ligasaun ho UEFA iha kedas 2008 no agora okupa kargu hanesan diretór federasaun nasionál. Antes tama  ba organizmu ne’e nia  kaer  ona futeból europeu, hanesan dirijente iha Federasaun Futeból Gregu nian (HFF).

 

SAPO TL ho SAPO Desportu

Segunda-feira, 01.02.16

Pep Guardiola konfirma nu'udar treinadór iha Manchester City

Tékniku españól sei troka Manuel Pellegrini. 

Foto:  Peter Steffen/EPA

 

Manchester City fó sai ona iha loron-segunda ne'e katak Pep Guardiola sei sai hanesan treinadór hosi emblema inglés ne'e hodi troka Manuel Pellegrini.

 

"Citizens" konfirma ona iha loron-segunda ne'e kontratasaun hosi Guardiola liuhosi rede sosiál sira hodi hakotu nune'e "espekulasaun ne'ebé mosu iha imprensa" no hatudu mós katak tékniku katalaun sei komanda ekipa hahú hosi temporada oinmai hafoin asina tiha kontratu válidu ba temporada tolu.

 

Emblema inglés adianta mós iha komunikadu katak atuál tékniku Manuel Pellegrini apoia ona desizaun hodi fó sai kontratasaun Guardiola nian ba públiku. Fonte referidu ne'e hatutan katak xilenu foka daudaun hodi hetan objetivu sira hosi klube ba iha temporada ne'e.

 

@SAPO Desporto

Quarta-feira, 20.01.16

Messi sai embaixadór hosi ONU hodi halakon kiak

Jogadór arjentinu halo parte iha embaixadór na'in 17 hosi programa mundiál. 

 

 

Futebolista arjentinu Lionel Messi, ne'ebé foin lalais simu Bola Osan-Mean dalima iha nia kareira, sai hanesan embaixadór ida hosi embaixadór na'in 17 hosi programa mundiál hodi halakon kiak, fó sai hosi ONU iha loron-tersa ne'e.

 

"Embaixadór sira sei promove ho apoia, ho nia knaar iha sosiedade mundiál, programa hosi dezenvolvimentu sustentadu", refere hosi ONU iha komunikadu.

Tuir ONU, objetivu boot hosi programa ne'e maka halakon kiak to'o tinan 2030, kombate alterasaun klimátiku sira no promosaun ba direitu universál ba edukasaun no ba saúde.

 

Iha grupu hosi figura koñesidu na'in 17, diriji hosi prezidente Gana nian John Dramani Mahama no hosi primeira-ministra noruegeza Erna Solberg, iha mós personalidade sira seluk hanesan kantora kolombiana Shakira, atór norte-amerikanu Forest Whitaker ka prémiu Nobel Dame nian Muhamad Yunus, hosi Bangladesh.

 

@SAPO Desporto

Sexta-feira, 08.01.16

Uruguai ho Arjentina hakarak organiza Mundial tinan 2030

Iha tinan 2030 selebra tinan 100 hosi Mundiál Futeból ba dala uluk.

 


Uruguai ho Arjentina sei aprezenta kandidatura hamutuk ida ba organizasaun hosi Kampeonatu Mundu tinan 2030 futeból nian, hodi marka tinan 100 ba Mundiál dahuluk ne'ebé hala'o ona iha Uruguai, fó sai hosi prezidente sira hosi nasaun rua ne'e iha loron-sesta ne'e.

"Ami desidi katak laiha oportunidade di'ak ida hodi ami bele kompromete hodi hala'o kompetisaun duké iha tinan 2030, bainhira marka loron importante ida hanesan tinan 100 dezde Kampeonatu Mundu ba dala uluk. Sede hosi Mundiál ne'e tenki halo iha ne'e", afirma ona hosi prezidente arjentinu, Maurício Macri, iha deklarasaun ida ne'ebé hala'o iha Colónia, iha súl Uruguai nian.

Ho prezidente Uruguai, Tabaré Vasquez, iha nia sorin, Macri asumi ona katak "falta tinan barak" ba Kampeonatu Mundu ne'e no nia esplika ona katak desizaun ne'e foti agora hodi nune'e "buat hotu bele la'o ho di'ak".

"Iha tempu uluk, iha ami nia istória, tanba tenki improviza no la preparadu ba situasaun balun, ami hetan ona problema sira. Ami hakarak prepara buat hotu ho di'ak no bainhira hahú sedu, di'ak liután", refere hosi líder antigu hosi Boca Juniors entre tinan 1996 no 2008.

Uruguai organiza ona, iha tinan 1930, Kampeonatu Mundu dahuluk iha istória, iha kompetisaun ida ne'ebé partisipa de'it ekipa 13 no hotu ho vitória hosi selesaun "seleste" ne'ebé halakon Arjentina iha finál ho 4-2.

@SAPO Desporto

Quarta-feira, 16.12.15

Zidane hetan forsa hodi troka Rafa Benitez

Antigu jogadór koñesidu fransés agora daudaun kaer ekipa hosi rezerva merengue sira nian.


AFP Photo@ Pedro Armestre

 

Fransés Zinedine Zidane hahú hetan forsa iha Real Madrid nia laran ba posibilidade ida hodi troka Rafa Benitez iha komando merengue sira nian.

 

Iha krizi ekipa nia laran ne'ebé lidera hosi treinadór españól, ne'ebé halo adeptu sira triste beibeik no ladún hatudu animasaun duké tinan liubá ho Carlo Ancelotti, diresaun hosi Real hanoin ona atu hasai Benitez.

 

Nune'e, tékniku atuál hosi Castilla, formasaun rezerva sira merengue nian, maka sai hanesan naran konsensuál no kualidade nian hodi kaer komando hosi ekipa ne'e no lalika presiza períudu naruk ba adaptasaun iha klube no ba presaun ne'ebé signifika katak komanda Real Madrid.

 

@SAPO Desporto

Segunda-feira, 14.12.15

Hatene jogu sira hosi oitavu finál sira nian

Jogu boot ualu iha Champions League. Benfica hasoru rusu sira hosi Zenit.


 

Hatene ona jogu boot ualu iha Champions League, hafoin hala'o ona sorteiu hosi oitavu finál ba prova ne'ebé hala'o iha loron-segunda dadeer iha Nyon, iha Suisa.

 

"Klube importante sira" sei joga ba dala uluk iha loron 16/17 ka 23/24 fulan-Fevereiru, hafoin ne'e sei joga ba dala rua iha loron 8/9 ka 15/16 fulan-Marsu.

 

Jogu sira ne'e maka tuirmai ne'e:

 

Gent - Wolfsburgo

AS Roma - Real Madrid

PSG - Chelsea

Arsenal - Barcelona

Juventus - Bayern de Munique

PSV Eindhoven - Atlético de Madrid

Benfica - Zenit

Dínamo de Kiev - Manchester City

 

@SAPO Desporto

Quinta-feira, 10.12.15

TAS fó sai iha loron-sesta desizaun kona-bá rekursu hosi Platini

TAS rona ona iha loron-tersa advogadu sira hosi eis-futebolista internasionál fransés no hosi FIFA nian.



Tribunál Arbitrál hosi Desportu (TAS) fó sai ohin katak sei fó sai iha loron-sesta desizaun kona-bá rekursu ne'ebé aprezenta hosi Michel Platini hosi suspensaun loron 90 ne'ebé Komité Étika FIFA nian fó ba nia.

 

"TAS karik sei fó sai desizaun iha tuku 10:00 (oras lokál) iha loron-sesta. Desizaun sei fó sai iha "site" ofisiál TAS nian no sei komunika ba imprensa", refere hosi nota ne'ebé fahe iha loron-kinta ne'e hosi organizmu ne'e.

 

Iha loron 08 Outubru, Michel Platini hetan suspensu ba loron 90 hosi Komité Étika FIFA nian ne'ebé investiga osan ne'ebé nia simu ho folin euro millaun 1,8 iha 2011 hosi Joseph Blatter hodi selu serbisu ida akonsellamentu ne'ebé halo iha 2002.

 

Platini apela ona ba suspensaun ne'ebé hadook nia hosi prezidénsia UEFA nian no mantén suspensu ba prosesu kandidatura ba eleisaun sira ba prezidénsia FIFA nian ne'ebé marka ona ba loron 26 Janeiru.

 

TAS rona ona iha loron-tersa advogadu sira hosi eis-futebolista internasionál fransés no hosi FIFA nian.

 

Aleinde Michel Platini, Komité Étika nia suspende mós iha loron 08 Outubru, tanba implikasaun iha eskándalu korupsaun nian ne'ebé akontese iha instituisaun, Joseph Blatter no sekretáriu-jerál FIFA nian fransés Jérôme Valcke.

 

@ SAPO Desporto

Quarta-feira, 09.12.15

Xinés hosi komérsiu eletróniku koñesidu sei patrosina Mundiál Klube sira nian

Kampeonatu hosi Mundiál Klube sira nian sei halibur mana'an-na'in anuál hosi tasa sira hosi konfederasaun kontinentál oioin futeból nian.



Xinés hosi komérsiu eletróniku boot Alibaba, liuhosi nia modelu automóvel Alibaba E-Auto, karreta ida ho ligasaun ba internet, ho lansamentu previstu ba 2016, sei patrosina Klube sira hosi FIFA to'o tinan 2022.

 

Tuir akordu ida ne'ebé halo ho FIFA, promosaun ofisiál hosi eventu maka "Kampeonatu Mundiál hosi Klube sira FIFA nian, aprezentadu hosi E-Auto", fó sai hosi empreza iha komunikadu.

 

Marka referidu, ne'ebé harii hosi grupu ne'ebé iha kontrolu ba 90% komérsiu eletróniku hosi Xina, dezenvolve hela hamutuk ho Korporasaun Industriál Automóvel Xangai nian (SAIC, ho sigla iha lian inglés).

 

"Iha desportu konkore área estratéjiku oioin ba Alibaba, hanesan saúde no moris di'ak, no ami hakerek akresenta folin ba konsumidór sira no setór desportivu sira", afirma ona hosi prezidente grupu ne'e, Zhang Yong.

 

Responsável hanesan hatutan katak ne'e "hanesan mós parte importante ida hosi estratéjia hosi globalizasaun grupu Alibaba nian hodi liga Xina ba fatin sira seluk iha mundu ne'e".

 

Iha fatin seluk, diretór "marketing" FIFA nian, Thierry Weil, hatete katak nia hein atu organizasaun "hetan benefísiu hosi inovasaun" grupu nian, pretende ba promosaun no difuzaun hosi eventu ne'e iha internet.

 

Akordu haree ba eleisaun hosi jogadór di'ak liu iha torneiu ne'e nune'e mós eleisaun ba ida-idak iha jogu ualu.

 

Kampeonatu Mundu nian ba Klube sira halibur mana'an-na'in anuál hosi tasa sira hosi konfederasaun kontinentál oioin futeból nian: UEFA (Europa), CONMEBOL (Amérika-Súl), CONCACAF (Amérika-Norte, Sentral no Karaíbas), CAF (Áfrika), AFC (Ázia) no OFC (Oseánia) no mana'an-na'in hosi kampeonate nasaun anfitriaun nian, o Japaun.

 

Grupu Alibaba hanesan proprietáriu hosi 50% hosi asaun sira hosi pentakampeaun xiná atuál hosi futeból nian no mana'an-na'in hosi Champions League hosi Ázia nian, Guangzhou Evergrande, ne'ebé orienta hosi antigu treinadór hosi selesaun portugés nian, brazileiru Luiz Felipe Scolari.

 

@SAPO Desporto

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo