Domingo, 03.04.16

Ronaldo: "Manán hamutuk, selebra hamutuk"

Reaje Astro portugés kona-ba vitória ne'ebé hetan.


Foto: AFP or licensors

 

Hafoin  klássiko, Cristiano Ronaldo, autór iha golu ba vitória Real Madrid nian, reaje iha rede sosiál, hatudu ninia sentimentu niniakontente liuhosi rezultadu ne’ebé hetan.

 

CR7 hatete, katak, vitória ne’e méritu hotu-hotu nian.

 

"Jogu boot ida ba ekipa hotu. Manán hamutuk,selebra hamutuk. Real Madrid C.F. ‪#‎HalaMadrid ‪#‎RMClasico", hakerek Ronaldo iha Facebook.

 

SAPO TL ho SAPO Desportu

Quarta-feira, 24.02.16

Messi: " Eliminatória seidauk rezolve"

Arjentinu ne’e marka golu rua ba Arsenal.


Foto: Jaime Reina

 

Barcelona manán Arsenal ho 0-2 iha jogu dahuluk  oitavos de final Liga dos Campeões, maski nune’e, Lionel Messi  avizu katak seidauk rezolve buat ida.

 

“Eliminatória seidauk rezolve hotu. Ami Joga dala barak kontra ekipa ne’e  no hatene katak sira moos joga di’ak. Seidauk define buat ida. Rezultadu ne’ebé maka di’ak tamba  marka golu rua iha liur ne’e importante tebes maibé ami tenki luta tan atu bele manán iha jogu daruak”, hatete  avansadu arjentinu ne’e ba TV3 hafoin jogu remata.

Jogu ne’e moos hetan markasaun hosi Messi ne’ebé halo golu  ba guarda-rede Petr Cech nian.

 

“Eliminatória seidauk rezolve hotu. Ami Joga dala-barak kontra ekipa ne’e  no hatene katak sira moos joga di’ak. Seidauk define buat ida. Rezultadu ida ne’ebé di’ak tamba  marka golu rua iha liur ne’e importante tebes maibé ami tenki luta tan atu bele manán iha jogu daruak”, nia afirma.

 

SAPO TL ho SAPO Desportu

Quarta-feira, 17.02.16

Jonas: "Ami sei Lutá to’o hotu"

Benfica halakon Zenit iha tersa-feira ne’e  ho 1-0, iha jogu ba primeira-mão iha oitavu-de-final "Champions" nian.


Foto: Francisco Leong


Jonas, ne’ebé sai erói no autór úniku iha golu bainhira hasoru  Zenit, hato’o nia importánsia iha Vitória  ne’e hafoin lakon iha  clássico hasoru  FC Porto.

"Ami konsege halo golu iha finál. Ami iha forsa ne’ebé maka’as iha jogu ne’e, kria oportunidade barak no sei luta nafatin to’o hotu. Rezultadu ida importante tebes hodi lori   vantajen boot bainhira ba hala’o jogu iha  Rúsia", nia afirma.

 

Vitória ne’ebé lasofre golu

 

" Ami koa’lia tiha ona iha antes  jogu hahú katak iha etapa ba kompetisaun ida ne’e ami labele sofre golu, ami halo kontrolu ba fatin sira hotu tamba adversáriu iha kualidade." Vitória ne’ebé importante tebes, hafoin lakon hasoru FC Porto.

 

"Hafoin rezultadu negativu ida  sei sente di’ak bainhira hetan fali vitória."

 

SAPO TL ho SAPO Desportu

Terça-feira, 16.02.16

Barcelona hakarak jogu finál iha estádiu boot

Ekipa catalã sei hasoru Sevilha iha finál ba kompetisaun ne’e.


Foto: LLUIS GENE / AFP

 

Barcelona sei husu ba  Federação Espanhola de Futebol (RFEF) atu  finál Taça do Rei, ho Sevilha, se bele hala’o iha estádiu ho kapasidade boot no kampu moos bele iha  “kondisaun di’ak”.

 

Diresaun klube catalão deside iha ohin  rekizitu sira atu aprezenta ba tutela federativa ba iha jogu importante daruak iha kompetisaun española nian, ne’ebé iha posibilidade bele hala’o iha Camp Nou (jogu iha uma rasik) ka Santiago Bernabéu (rivál Real Madrid nian).

 

“Ami seidauk hanoin  atu determina loos sidade ida, maibé ami hakarak  tenki kumpre rekizitu sira hotu iha nível deslokasaun adeptu sira nian, lotasaun no kondisaun ba terrenu ne’ebé hala’o  jogu”, esplika portavóz diretiva katalã, Josep Vives, iha konferénsia imprensa iha Barcelona.

 

Kestionadu karik  klube, hanesan detentór troféu, ho kondisaun ida hanesan ne’e, ezije atu joga iha Santiago Bernabéu, Vives responde katak  ‘Barça’ latau “ iha prioridade”, maibé  aprezenta deit proposta, iha reuniaun ho  federasaun no Sevilha, ne’ebé “  favorese espetákulu hanesan finál ida ne’ebé boot”.

 

Tuir ajénsia notísia española EFE, estádiu rua ne’e deit maka bele reúne rekizitu sira ne’e hotu hanesan ‘Estádiu’ Barcelona nian ( ne’ebé realize iha  edisaun tinan uluk nian) no  estádiu rivál nian Real Madrid.

 

Maski nune’e , Barcelona labele koloka tan Nou Camp hanesan hipótese, tamba  Barcelona iha hela kustu judisiál hanesan konsekuénsia hosi assobiu nia adeptu sira iha momentu ne’ebé toka ino españól, iha époka kotuk.

 

SAPO TL ho SAPO Desportu

Sexta-feira, 12.02.16

Dragaun sira to’o ona iha Lizboa

Ekipa ne’ebé komanda  hosi  José Peseiro to’o ona iha ótel  hafoin  tuku 18h00 oras Lizboa no sei hein  to’o  aban  ba iha duelu ho Benfica.


Foto: Lusa

 

Jogadór sira ne’ebé lori hosi José Peseiro ba iha clássico ho Benfica to’o iha ona Lizboa, ba iha aban nian hodi  joga iha  Estádio da Luz  ba  jornada 22ª  Liga nian ne’ebé sei hahú iha 20h30.

 

Komitiva portista - lidera hosi Pinto da Costa - husik Invicta iha 15h00 no halo  viajen ho di’ak ne’ebé  laiha kualkér insidente, hetan deit akompaña hosi ajente polísia bainhira tama ona  iha portajen de entrada iha Lizboa.

 

Jogadór, ekipa tékniku no dirijente sira to’o iha fatin  unidade oteleira hafoin 18h00  ne’ebé sai fatin deskansa to’o iha aban, iha otél simu  hosi adeptu besik tolu-nulu. Entre futebolista sira, Maxi Pereira maka  hetan basa-liman maka’as liu hosi  adeptu azuis no brancos ne’ebé hein iha ótel ne’e.

 

SAPO TL ho SAPO Desportu

Terça-feira, 09.02.16

Termina ona époka ba Zouma

Defeza ne’e sei halo operasaun.


Foto: JACK GUEZ

 

Zouma sofre aleijadu iha semana ikus liu- bá  iha ain-tuur parte loos nian bainhira hasoru Manchester United. Iha  segunda-feira ne’e fó-sai ona katak nia tenki halo operasaun.

 

“Ha’u sei hala’o operasaun iha semana ida ne’e no fila bele forte liu tan”, hato’o  fransés ne’e hosi  twitter.

 

Fransés ne’e sei deskansa durante fulan neen nia laran, ho nune'e nia sei labele haforsa Chelsea  iha temporada  ida ne’e. Iha  époka ne’e, internasionál gaulés kumpre ona jogu 32 no hatama golu rua.

 

SAPO TL ho SAPO Desportu

Segunda-feira, 08.02.16

Layún: "Anula golu ida ne’ebé sente lejítimu"

Laterál  mexikanu sente katak  agora clássico ho  Benfica "bele sai desizivu".


 

Mexikanu Miguel Layún ajuda tan  FC Portu halo  asisténsia ida sai ba golu, maibé labele evita dragaun hosi derrota ho Arouca iha uma-rasik.

 

Iha deklarasaun ba flash-interviewa SportTV , laterál portista ne’e  kritika tebes nia ekipa, maski la haluhan lanse ida ne’ebé konsidera validu ba klube dragaun. "ami hatene katak  jogu ida ne’e sei difísil, prepara  durante semana ida no presiza liu maka atensaun. Arouca aprezenta rezultadu ida di’ak tebes  no aproveita deit ami nia dezatentu  ne’ebé maka halo ami  xatea tebes. Jogu ida ne’ebé ladi’ak no anulasaun ba golu ida ne’ebé lejítimu. Ami tenki analiza, kritika baa mi nia-an ba  saida maka ami halo seidauk loos. Ami sei labele lakon tan pontu se ami hakarak luta ba kampeonatu",  nia afirma.

 

Kona-ba  clássico iha sesta-feira hasoru Benfica, Miguel Layun laeskonde importánsia hosi jogu ne’e. " bele sai desizivu. Ami labele lolo ami nia liman no hatudu duni ida ne’e atu  labele hamonu ami nia  ambisaun", nia konklui.

 

SAPO TL ho SAPO Desportu

Quinta-feira, 04.02.16

Barcelona harahun Valência no rezerva ona fatin iha finál

Iha Golu ho 7-0 ba  formasaun 'ché' konstruí hosi Luis Suárez iha haat no hat-trick hosi Messi.


Foto: LLUIS GENE / AFP

 

Iha Realidade Barcelona  garante ona ohin ba finál Taça do Rei futeból España nian ne’ebé halakon  Valência ho ekspresivu tebes 7-0 iha  jogu dahuluk  meias-finais, ne’ebé dalaruma golu bele liu tan.

 

Ho  ‘póquer’ Luis Suárez (07, 12, 83 no 88) no ‘hat-trick’ Lionel Messi (29, 59 e 74) maka hatudu  rezultadu  iha jogu ne’ebé Neymar lahetan penalti maski hetan dada iha minutu (45+3), no ‘pulga’moos atira kona besi.

 

Mehi aat  Valência nian hahú ho lakon bola iha  meiu-kampu hosi portugés André Gomes (João Cancelo moos titular hotu no Ruben Vezo tama hafoin  intervalu), ho brazileiru Neymar ne’ebé lori bola iha metru balun no pasa ba uruguaiu Luis Suárez hodi halo markasaun, ne’ebé atira ho kruzadu, iha sensasaun ida katak  guarda-rede australianu Mathew Ryan bele halo salvasaun.

 

Liu minutu lima deit, Vidal kruza hosi kotuk bainhira hare Suárez halai-tama, lori  ba oin’ habosok nia  adversáriu atu labele duni  bola, nia tenta loke dalan ho jenialidade catalães nian konsege loke duni defeza sira.

 

Messi halo nia primeiru kombinasaun ho Iniesta hosi  kalkaña Neymar nian, hanesan moos nia  responsabilidade ba 4-0, iha okaziaun ida ne’e aproveita ‘boleia’ toke habilidozu Suárez nian habosok tiha defeza sira maka hafoin halo konta.

 

Ekipa Luis Enrique asegura ona ritmu iha etapa komplementar, ne’ebé maka  Valência joga deit ho nain 10 tamba sentrál alemaun Mustafi hetan  espulsaun iha penalti bainhira etapa primeiru besik remata, maibé  sira nunka lakon kontrolu totál hasoru dezafiu sira hotu ho nune’e iha  minutu (74) Messi rekupera bola iha áreia adversáriiu nian hodi halo golu.

 

Barcelona kontinua manas liu tan no hala’o jogu ho di’ak, ne’ebé iha minutu 83, Suárez moos halo terseiru golu, ho ulun, poste daruak, korresponde kruzamentu Adriano nian: iha minutu ne’ebé sei iha koko atu halo tan golu  liuhosi remate maibé laiha opozisaun.

 

Iha jogu ba daruak sei hala’o iha loron 10 fevereiru, no  meia-finál seluk Sevilla sei hasoru Celta de Vigo iha kinta-feira ne’e.

 

SAPO TL SAPO Desportu

Quarta-feira, 03.02.16

Maradona fiar Nápoles sai kampeaun

Antigu jogadór elojiu futeból hosi ekipa napolitana.

 

Foto: ANDREAS SOLARO

 

Diego Maradona, antigu astro ne’ebé iha tempu uluk sai estrela ho kamizola Nápoles nian, fiar katak ekipa ne’ebé  niia reprezenta ne’e bele sai  kampeaun iha tinan ida ne’e.

 

" Sin, tinan ida ne’e bele sai hanesan tinan ne’ebé Nápoles manán kampeonatu, tamba agora sira joga futeból ho di’ak tebes no Gonzalo Higuaín marka dadaun ona golu barak", hatete  Maradona iha Dubai, hafoin husik hela alerta ne’e.

 

"Agora… Nápoles hasoru problema ida ho naran Juventus. Sira  sempre manán no sei  kontinua manán nafatin, ho nune’e  sei difisil  bainhira hasoru 'azzurri'", nia hatutan.

 

Nápoles lidera Serie A ho pontu 50, liu pontu rua ho Juventus.

 

SAPO TL ho SAPO Desportu

Segunda-feira, 01.02.16

Cristiano Ronaldo: "Agora ami iha mentalidade pozitivu"

Real Madrid halakon Espanhol Barcelona  nian ho 6-0.


 

Avansadu portugés, ne’ebé marka golu tolu iha vitória Real Madrid nian domingu ne’e, sente  satisfeitu ho kualidade ne’ebé maka  ekipa hatudu.

 

“ Ekipa agora servisu ho di’ak, iha semana tolu ikus ne’e bele nota hosi rezultadu ohin loron.  hasoru Espanhol ami joga ho di’ak tebes no manán”,.

Cristiano Ronaldo hatete katak bainhira Zidane mai nia muda mentalidade iha ekipa.

 

“Ami tenki servisu di’ak liu tan, ba ha’u no ba ekipa tomak. Agora ami iha mentalidade ida pozitivu. Durante iha  pré-temporada la’o ladun di’ak,iha viajen barak liu. Zizou mai ho hanoin ida  diferente no tenki kontinua hanesan ne’e”, nia afirma.

 

Real Madrid okupa iha fatin datoluk  Liga nian ho pontu 47.

 

SAPO TL ho SAPO Desportu

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo