Quarta-feira, 21.06.17

Ronaldo sei selu millaun 14 ba fisku hanesan dalan preventivu

Imprensa española avansa katak jogador hakarak hamenus potensial kastigu ida. 

 

 

Cristiano Ronaldo sei selu euro millaun 14,7 ne'ebé fisku españól hatete katak seidauk selu. Tuir rádiu española Cadena Cope, asaun hosi jogador Real Madrid nian sei hanesan modu preventivu hodi, bainhira iha kondenasaun, bele iha posibilidade hodi hamenus kastigu ida.

 

Tuir komunikasaun española, Ronaldo nia asaun hanesan dalan ida hodi evita tan krimi iha posibilidade ba kondenasaun ida. Bainhira selu folin ida ne'ebé fisku españól hatete, jogador luzu evita tama iha krimi tolu tanba la hetan akordu ida ho autoridade españól sira.

 

Maski intensaun hodi selu euro millaun 14 resin, Ronaldo sei ba tribunal. Prezensa hosi jogador luzu ne'e marka ona ba loron 31 Jullu oinmai iha Tribunal Pozuelo de Alarcón, iha Madrid.

 

Cristiano Ronaldo hetan akuzasaun hosi fisku españól tanba deskonfia la selu impostu no halo fraude fiskal. La selu impostu ba fisku ne'ebé maka portugés ne'e karik halo iha folin euro millaun 14,7. Ronaldo la'ós hanesan úniku ne'ebé maka halo parte iha akuzasaun ne'e maibé fisku iha mós atensaun ba naran oioin iha España. José Mourinho mós hetan akuzasuan hosi fisku.

 

Tanba situasaun ne'e, Ronaldo tenki hanoin mós nia kontinuasaun iha Madrid maski desizaun ne'e sei hanoin fila fali. Jogador, tuir jornal A Bola, lakohi kontinua iha España no hanoin hela transferénsia ida ba klube seluk tanba klube merengue la "defende" nian. Maibé, komunikasaun sosial española fó nafatin boatu hosi posibilidade ida hosi pagamentu ne'ebé Real Madrid halo ba Ronaldo nia tusan maibé notísia ne'e seidauk iha konfirmasaun.

 

@SAPO Desporto

Quarta-feira, 12.10.16

España garante playoff, kampeaun Suécia iha ona Euro

Portugál moos garante ona prezensa iha Kampeonatu Europa.


Foto: MICHAL CIZEK

 

España, prezensa abituál iha  faze finál Europeu sub-21, forma ho Áustria, Noruega no Sérvia kuartetu selesaun ne’ebé sei liu hosi  'play-off' atu asesu ba edisaun 2017.

 

Kampeaun europeia sub-21 iha 2001 no 2013, España termina  ninia kampaña iha  Grupu 6 ho vitória ida hasoru Estónia (5-0), maibé hela pontu  ida hosi Suécia, detentora títulu nian, ne’ebé halakon  Croácia (4-2) no segura pozisaun dahuluk.

 

Españól, austríaku, noruegés no sérviu sai hanesan  segundu klassifikasaun di’ak liu  hosi  grupu sira(konta deit rezultadu ho primeiru, terseiru, kuartu no kintu) no iha oportunidade ikus ba apuramentu, liuhosi eliminatória ne’ebé hala’o dala rua (07 no 15 novembru), ho ninia sorteiu sei realiza sesta-feira ne’e.

 

Portugál, vise-kampeaun, Alemaña, Dinamarka, Eslovákia, Inglaterra, Itália, Macedónia, República Checa no Suécia, vensedór sira iha grupu, hanesan  selesaun ne’ebé kualifikadu ona hamutuk ho Polónia, anfitriã iha faze finál, entre 16 no 30 juñu 2017. Fransa sai hanesan úniku selesaun  aas  ne’ebé sai tiha ona.

 

SAPO TL ho SAPO Desportu

Quinta-feira, 01.09.16

Garay konfirmadu iha Valéncia

Defeza arjentinu assina to’o  2020 ho emblema espanhol.


 

Sentrál arjentinu Ezequiel Garay, antigu jogadór hosi Benfica, hetan ona akordu iha kalan ne’e ba ninia mudansa hosi Zenit S. Petersburgo ba Valéncia.

 

'Klube ché' fó sai ona liuhosi komunikadu ofisiál iha sira nia site hodi ofisializa transferénsia ne’e, hatudu assinatura iha kontratu ‘epoka haat( to’o  2020) ho jogadór tinan  29 ne’e.

 

Ho nune’e  hapara ona ipóteze defeza ne’e atu fila ba Luz, hanesan informasaun ne’ebé  sirkula iha semana hirak ikus ne’e iha  imprensa desportiva.

 

SAPO TL ho SAPO Desportu

Terça-feira, 23.06.15

Daniel Wass hametin Celta de Vigo

Médiu ne’ebé iha Benfica maibé nunka halo jogu.

 

 

Daniel Wass

Celta de Vigo, horisehik fó sai katak halo ona akordu atu kontrata internasionál dinamarka ne’ebé ho tinan 26.

 

Jogadór ne’ebé to’o hosi Évian, klube ne’ebé tun iha époka ida ne’e ba segunda divizaun hosi kampeonatu fransés, no hodi ba joga iha temporada haat ikus ninian.

 

Valór negósiu nian la fó sai, imprensa española ne’ebé hetan kona-ba negósiu besik euro millaun tolu.

 

Daniel Wass ne’ebé kntrata iha 2011 hosi Benfica ba Brondby, maibé lahalo kualkér jogu hosi formasaun encarnada, hodi ba Evian.

 

SAPO TL ho SAPO Desporto

Terça-feira, 16.06.15

Neymar konkorda ona hodi renova kontratu to’o 2020

Avansadu brazileiru sei joga nafatin iha Barcelona iha tinan sira oin mai.



 

Foto: EPA

Anúnsiu ofisiál sei halo iha tempu badak.

 

Imprensa española garante horisehik katak Neymar halo ona akordu ho Barcelona hodi renova ninia kontratu to’o 2020.

 

Tuir Sport, brazileiru sei simu anualmente euro millaun 12, ka, sei hetan valór dobru hosi valór uluk ninian. Iha Barça, Messi de’it maka simu barak liu.

 

Tuir fonte ne’ebé fó sai, akordu ne’e halo tiha molok Neymar atu ba joga iha Kopa Amérika no iha tempu badak sei fó sai kona-ba akordu ne’e.

 

SAPO TL ho SAPO Desporto

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo