Quinta-feira, 04.06.15

Eis-visi prezidente FIFA nian hatete katak iha prova hasoru Blatter

"Dezastre ida nebe sei mosu", afirma hosi Jack Warner, eis-dirijente ida hosi FIFA nebe iha semana liubá indikadu no agora hatete katak iha dokumentu inkriminatóriu sira nebe la'ós envolve de'it Joseph Blatter.

 

Kréditu: AFP

 

Antigu visi-prezidente FIFA nian, Jack Warner, hatete katak iha prova sira nebe inkrimina responsável sira hosi organizasaun, entre sira maka prezidente demisionáriu Joseph Blatter, iha votasaun sira nebe hala'o hodi hili Áfrika-Súl nu'udar nasaun nebe simu Mundiál Futeból iha tinan 2010.

 

"Mate labele hapara dezastre ida nebe sei mosu mai", Warner afirma iha deklarasaun ida ba televizaun, iha tempu ida nebe selu propaganda polítiku, transmiti iha Trinidad & Tobago, illa iha Amérika-Norte nebe hanesan nia hela fatin. Adianta mós katak nia tauk ba nia moris.

 

Warner hanesan antigu responsável importante hosi FIFA nebe iha semana liubá indikadu, maibé konsege hetan libertasaun tanba kausaun, maibé ko'alia nafatin kona-bá nia tanba nia tau iha internet vídeo ida nebe hatudu notísia satíriku ida (nebe karik sai hanesan verídiku) hodi justifika investigasaun hosi prokuradór norte-amerikanu sira nian ho resentimentu hosi EUA tanba la sai hanesan anfitriaun ba Mundiál.

 

Estadus Unidus hakarak atu Warner hetan estradisaun no, nune'e, Interpol tau nia naran iha lista ba ema sira nebe Interpol buka liu.

 

Antes, Jack Warner deklara tiha ona inosente no la envolve iha prosesu ilegál ruma, maibé agora hatudu versaun foun ida. "Ha'u sei la subar segredu sira hosi ema sira nebe sei buka nafatin estraga nasaun", nia afirma.

 

Deklarasaun sira iha televizaun transmiti ona iha Trinidad & Tobago iha loron-kuarta, oras balun hafoin sai públiku transkrisaun ba deklarasaun sira nebe Chuck Blazer admiti katak nia no membru sira seluk hosi komité ezekutivu FIFA nian hetan subornadu hodi vota ba Áfrika-Súl hodi organiza Mundiál tinan 2010 nian.

 

ho Expresso

Quinta-feira, 28.05.15

Platini husu demisaun Blatter nian

Prezidente UEFA fó sai nia konversa nebe halo ho nia homólogu FIFA nian.


 

Michel Platini fó sai iha loron-kinta ne'e katak ko'alia ho Joseph Blatter no husu atu nia aprezenta pedidu demisaun hosi prezidénsia FIFA nian, tanba eskándalu korupsaun nebe rebenta ona iha loron-kuarta ne'e.

 

"Ha'u husu ba nia atu demiti: to'o ona, Sepp. Nia rona ha'u, maibé nia hatete mai ha'u katak tarde ona", Michel Platini fó sai no hatutan: "Ha'u konta buat sira ne'e ho matan-been. Ha'u la gosta atu akontese hanesan ne'e. Hanesan eskándalu nebe barak tebes".

 

Responsável husu organizmu europeu hatudu "inkomodadu ho lakon fiar" ho eskándalu korupsaun nian nebe envolve FIFA no garanti ona katak "asosiasaun barak" hosi UEFA "sei vota iha Ali [bin Al-Hussein]”, Blatter nia adversáriu iha eleisaun loron-sesta nian.

 

Nune'e, prezidente UEFA nian husu ona ba federasaun sira nebe asosiadu ho konfederasaun kontinentál sira hodi vota iha Ali bin Al-Hussein iha loron-sesta. "Antes hosi akontesimentu sira iha semana ne'e, ka la'e, maibé agora ho buat nebe akontese, ha'u hanoin katak Blatter bele lakon", Michel Platini hatete.

 

Tuir AFP, líder UEFA nian, organizmu nebe sei la impede hahalok eleitorál FIFA nian iha kongresu loron-sesta ne'e, tauk katak polémiku nebe lansa hosi investigasaun sira justisa norte-amerikanu no suisu nian bele estraga reputasaun futeból nian.

 

@SAPO Desporto

pesquisar

 

Dezembro 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo