Sexta-feira, 27.01.17

Xavi renova ba tinan ida ho Al-Sadd Jesualdo Ferreira nian

Futebolista españól Xavi Hernández, eis-kapitaun FC Barcelona, renova tan kontratu ba tinan ida ho Al-Sadd, ne’ebé treinu hosi  portugés Jesualdo Ferreira, anunsia ohin hosi komunikadu klube Qatar.


Foto: Lusa

 

Klube fó sai katak médiu españól, ne’ebé maka inklui iha faze susesu boot liu desportivu selesaun  española, hola parte iha  konkista kampeonatu Europa 2008 no 2012 no Mundiál 2010, sei  joga iha  liga Qatar to’o  2018.

 

"Xavi muda ba ekipa iha époka  2015/16 ho kontratu tinan rua, ho estensaun ne’e, n9ia hela tinan tolu iha klube", tuir  komunikadu.

 

Al-Sadd okupa iha klassifisaun daruak kampeonatu, ho  menus pontu tolu  duké líder, Lekhwiya, hela  jogu sira ba finál époka nian.

 

Tuir notisia jornál lokál sira iha tempu ne’ebá, kontratu inisiál ne’ebé simu hosi  jogadór euro millaun 10 kada tinan.

 

SAPO  TL ho SAPO Desportu

Quarta-feira, 25.01.17

Real Madrid, Barcelona no Juventus inklui iha kampaña kontra diskriminasaun

Florentino Pérez defende katak "Importante tebes atu futeból mantein unidu no firme, tanba  desportu laiha fatin ba radisál no ulun-toos".


 

Foto: GERARD JULIEN / AFP

 

Real Madrid,  FC Barcelona no Juventus iha ohin hamutuk iha UNESCO hodi  apoia  kampaña kontra diskriminasaun  iha futeból "Sein respeitu laiha jogu".

Iha  ámbitu kampaña, ne’ebé  sei termina iha finál kampeonatu españól, hahú ho realiza palestra edukativu, iha fevereiru, ba labarik sira liu  10.000 entre tinan  10 to’o  12, ba eskola 200 España nian.

 

Kampaña  ne’e  aprezenta hosi prezidente klube tolu, Florentino Pérez, Real Madrid, Josep María Bartomeu, FC Barcelona no Andrea Agnelli, hosi  Juventus no subdiretora jerál Ciências Sociais e Humanas UNESCO, Nada Al-Nashif.

 

Objetivu atu "eduka labarik sira hodi  aborda ba futeból tuir dalan, pozitivu no respeitadora ba sira seluk", tuir esplikasaun prezidente klube italianu, Agnelli.

 

Bartomeu define " atitude xenófoba  ka  omofóbika" hanesan"konstrusaun mental, kultural no polítika" ne’ebé klube barak  preokupa, ho responsabilidade , tuir prezidente ‘Barça’, "Serbisu no kolabora atu ajuda hodi  aseite katak  kada jogadór  iha ninia  kualidade rasik no laharee ba kór kulit ".

 

Prezidente Real Madrid, Florentino Pérez, defende katak "Importante atu kompreende futeból mantein unidu no firme, tanba iha desportu laiha fatin ba radisál no ulun-tos ".

 

"Desportu iha poder ba luta kontra diskriminasaun  no desigualdade no promove toleránsia", sublinhou Nada Al-Nashif.

 

SAPO TL ho SAPO Desportu

Quinta-feira, 19.01.17

Empreza xineza Alibaba sei sai hanesan patrosinador ofisial Jogu Olímpiku nian

Empreza xineza hosi komérsiu eletróniku Alibaba, iha loron-kinta ne'e, sai hanesan patrosinador ofisial hosi Jogu Olímpiku sira nian, hafoin taka akordu ida ho Komité Olímpiku Internasional (COI). 

 

 

Empreza xineza informa ona, liuhosi komunikadu, katak patrosíniu sei dura to'o tinan 2028 no sei konverte iha distribuidor ofisial hosi serbisu sira armazenamentu dijital no komérsiu online, nune'e mós hanesan ko-fundador ida hosi Kanal Olímpiku.

 

Ho akordu ne'e, Alibaba sei halo parte hosi lista ki'ik hosi patrosinador sira ne'ebé halo parte iha The Olympic Program (TOP), ne'ebé reprezenta nível aas liu hosi kolaborasaun entre empreza sira ho movimentu olímpiku.

 

Akordu ne'e ko'alia mós iha Suisa hosi prezidente COI nian, Thomas Bach, no hosi diretór sira Alibaba nian, entre sira maka fundador no Grupu Alibaba nia na'in, Jack Ma.

 

"Hanesan aliansa revolusionáriu no inovadora ida no sei ajuda ami hodi impulsiona efisiénsia iha organizasaun ba Jogu Olímpiku sira to'o tinan 2028", esplika hosi prezidente COI nian.

 

Ba Alibaba nia fundador, ne'ebé hanesan mane ida ne'ebé riku liu iha Xina, kolaborasaun ne'e halo ho baze iha "valor sira" ne'ebé fahe no iha hanoin komun hodi "liga mundu no halo riku ema sira nia moris".

 

@SAPO Desporto

Son Goku maka embaixador ba Jogu Olímpiku sira Tókio nian

Protagonista hosi série animadu Dragon Ball fahe estatutu ho personajen sira hanesan Naruto ka Shin Chan. 

 

Foto@ Tókio2020

 

Son Goku, protagonista koñesidu hosi série animadu Dragon Ball, sei sai hanesan embaixadór ofisial ida ba Jogu Olímpiku sira tinan 2020, ne'ebé sei hala'o iha Tókio, Japaun.

 

Funu-na'in sei fahe estatutu ho personajen sira hanesan Naruto, Oliver Atom, Monkey D. Luffy, Shin Chan ka heroina sira hosi Sailor Moon. Sira hotu sei halo parte hosi merchandising ofisial eventu nian.

 

Bainhira hakotu edisaun Rio de Janeiro nian, primeiru-ministru japunés, Shinzo Abe, hatais Super Maria hodi aprezenta edisaun japuneza eventu nian. Japaun hakarak aproveita okaziaun hodi divulga kultura nipóniku, ne'ebé sira nia pontu forte maka iha videojogu sira no iha "anime".

 

@SAPO Desporto

Sábado, 31.12.16

Maradona ataka fila fali tan Higuain

'El Pibe' kritika fila fali tan transferánsia jogadór ne’e ba Juventus.


Foto: SAPO Desporto

 

Diego Armando Maradona ladeskansa fó  krítika ba Gonzalo Higuain hosi nia tranferénsia ba Juventus. Antigu jogadór ne’e afirma katak  enkuantu nia  hili  kamizola, Higuain hili millaun ne’ebé   oferese ba nia.

 

"Nia haree katak Juventus presiza avansadu ida no faan nia. Ha’u hanoin katak tipu negósiu hanesan ne’e  tenki halo ho fuan. Ha’u metin iha Nápoles, Higuaín assina ba Juventus. tempu muda. Ha’u  opta ba kamizola, nia hili osan ".

 

Maradona lahotu  iha ne’ebá no  afirma katak époka di’ak  ne’ebé  avansadu ne’e halo ho  Nápoles hanesan milagre ida.

 

"Hanesan uluk ha’u hatete, Higuaín hetan  markadu ho golu 36 iha  époka ikus hanesan  milagre ida loos  no prezidente Nápoles hatene ida ne’e  no aproveita hodi halo  negósiu. Loloos, ha’u fiar katak nia bele faan to’o nia feen rasik..."

 

Gonzalo Higuian troka Nápoles ba Juventus  iha  merkadu veraun ho euro millaun  90. transferénsia  avansadu ne’e  ba  Turim hamosu kontestasaun boot  ba jogadór.

 

SAPO TL ho SAPO Desportu

Quarta-feira, 23.11.16

Ministériu públiku españól husu kadeia tinan rua ba Neymar

Justisa españól husu kadeia ba Neymar no eis-prezidente FC Barcelona nian. 

 

 

Ministériu públiku españól husu ona iha loron-kuarta ne'e kastigu kadeia tinan rua ba futebolista brazileiru no tinan lima ba eis-prezidente FC Barcelona nian Sandro Rosell tanba asaun korupsaun sira no fraude iha kontratasaun jogador nian, ne'ebé halo iha Santos.

 

Aleinde kastigu kadeia nian, ministériu públiku hakarak atu internasional brazileiru hetan kondenasaun hodi selu multa ida ho folin euro millaun 10.

 

Maski arkivu tiha ona, tanba falta prova sira, akuzasaun hasoru prezidente FC Barcelona, Josep Maria Bartomeu, ministériu públiku reklama atu selu multa sira ho folin euro millaun 8,4 no hitu hosi parte klube katalaun nian no hosi Santos.

 

Akuzasaun husu mós kadeia tinan rua ba Neymar nia aman no kadeia tinan ida ba nia inan, tanba korupsaun iha negósiu sira oan-mane nian.

 

Ho baze iha investigasaun sei aprezenta kesar ida hosi fundu investimentu DIS, ne'ebé kaer 40% hosi direitu sira Neymar nian no sei konsidera hanesan vítima iha prosesu transferénsia hosi internasional brazileiru nian hosi Santos ba FC Barcelona.

 

"Barça", kampeaun españól dala rua, fó sai ona transferénsia hosi avansadu brazileiru, halo iha Maiu 2013, ho folin euro millaun 57,1, maibé, hafoin investigasaun ida hosi justisa españól, admiti ona katak operasaun ne'e aas tebes, pelumenus, euro millaun 83,3.

 

@SAPO Desporto

Segunda-feira, 14.11.16

Messi lakohi renova ho Barcelona

Jogador aponta ba Manchester City iha tinan 2018. 

 

Foto: D.R

 

Internasional arjentinu, Lionel Messi, rekuza ona renovasaun kontratu ho Barcelona iha fulan-Jullu liubá, avansa hosi jornal españól Marca iha loron-segunda ne'e.

 

Tuir informasaun ne'ebé fó sai hosi jornal Madrid nian, númeru 10 hosi Barcelona hakarak kumpri kontratu ho kalaun sira to'o loron 30 Jullu 2018, no hafoin ne'e maka desidi nia futuru, no rejeita tiha ona proposta ida hosi "culés" hodi renova iha fulan-Jullu.

 

Tuir hakerek hosi publikasaun ne'e, "Messi hatete ona ba Barça iha fulan-Jullu katak lakohi renova", bainhira nia iha férias iha Ibiza ho nia feen Antonella no nia oan sira, no husu ona ba nia aman no ema ida seluk (ne'ebé la identifika hosi jornal) hodi "transmiti nia desizaun ba prezidente Barcelona nian".

 

Prezidente Barcelona nian, Josep Maria Bartomeu, "rekomenda ona kalma" ba Messi no husu nia atu "hanoin dala rua", hodi fó hanoin mós nia kona-ba kláuzula hosi anulasaun ho folin euro millaun 250.

 

Jornal Marca hakerek mós katak bainhira Messi desidi sai hosi Barcelona iha veraun tinan 2018, Manchester City hanesan klube ho posibilidade maka'as hodi kontrata jogador arjentinu ne'e.

 

@SAPO Desporto

Terça-feira, 08.11.16

Nico Rosberg: "Buat hotu bele akontese"

Alemaun hosi Mercedes hela tan halai dala rua hodi sai kampeaun iha F1 maibé nia haktuir katak 'buat hotu bele akontese'.


Foto: Lusa

 

Pilotu Nico Rosberg, líder Mundiál Formula 1, haktuir iha ohin katak 'hela deit  halai dala rua no buat ruma bele akontese', molok  Grande Prémio Brazil nian, iha domingu.

 

Pilotu Formula 1 ne’e iha oportunidade oferese kampeaun iha  GP Méksiko nian, iha 30  fulan outubru, maibé atu hetan títulu hela halai rua antesipasaun  nian presiza liu manán no hein katak Hamilton labele liu iha klasifikasaun  10.º.

 

“Ha’u ba atu hetan vitória, hanesan baibain, maibé [Hamilton] Lewis lalais oituan durante iha findesemana ne’e. dala barak tenki  aseita”.

 

Pilotu alemaun enfrenta GP  Brazil ho otimizmu: “ha’u sei lamuda ha’u nia atetude. Ha’u kontinua tuir buat ne’ebé ha’u halo tiha ona, halai sempre buka hetan vitória”, informa iha komunikadu.

 

Nico Rosberg iha tinan 19 hetan  pontu vantajen ho Lewis Hamilton. Karik manán  GP Brazil nian, iha Autódromo de Interlagos, alemaun ne’e  sei sai kampeaun mundu nian, dook  hosi pozisaun inglés, Lewis Hamilton.

 

SAPO TL ho SAPO Desportu

Terça-feira, 25.10.16

Portugál manán Inglaterra iha jogu dahuluk Europeu sub-20

Iha jogu seluk hosi grupu A nian, Itália no Andorra empata ho golu rua.


Foto: DR


Portugál iha ohin hahú jogu dahuluk Europeu hóquei em patins sub-20 nian, iha Suísa, ho goleadu ida 8-1 hasoru konjénere Inglaterra, iha jogu grupu A nian, maibé lakon tiha ona durante 19.

 

Inglaterra, kontra espetativa hotu, marka iha minutu dahuluk hosi Marco Giancola no konserva vantajen ne’e kuaze parte dahuluk remata, momentu ida ne’ebé maka  Portugál halo empate, iha minutu 20, hosi Pedro Batista.

 

Iha parte daruak, supremasia lusa nian halo hetan vantajen ho naturalidade hotu no vantajen ne’e halo markadór sai boot liu, ho golu hitu tan, hosi Gonçalo Conceiçãoo (22), Gonçalo Nunes (27), Tomás Moreira (29), António Trabulo (35), Rafael Lourenço (38 no 39) no Pedro Batista (40).

 

Iha jogu seluk hosi grupu A nian, Itália no Andorra empata ho golu rua.

 

Iha grupu B nian, Suísa iha ohin sei hasoru Alemaña, enkuantu Fransa hasoru España.

 

Portugál, ne’ebé sai hanesan tetrakampeaun europeu iha eskalaun ne’e, sei hasoru Itália iha tersa-feira ne’e, oras 19:30, no Andorra iha kuarta-feira, oras hanesan.

 

SAPO TL SAPO Desportu

Sexta-feira, 21.10.16

Mourinho: "Iha loron rua liubá Pogba piór, agora ne’e fenomenál"

Treinadór portugés ne'e lansa krítika ba sira ne'ebé kestiona kona-ba ezibisaun fransés nian.


Foto: PAUL ELLIS / AFP

 

Hafoin  vitória ho  4-1 hasoru  Fenerbahçe, ne’ebé  konta ho golu 'rua' hosi Paul Pogba, José Mourinho aproveita  hodi haruka  mensajen ba sira ne’ebé  kritika ezibisaun médiu fransés ne’e.

 

"Loron rua liubá  nia ne’e  jogadór piór iha Premier League, hafoin 48 nia fenomenál. Imi rona, nia  presiza tempu", haktuir  tékniku Manchester United iha  deklarasaun ba BT Sport.

 

"Ha’u iha Itália, Ha’u servisu ona iha Itália. Ha’u koñese di’ak velosidade, intensidade, karakterístika Liga nian ho di’ak. Iha  Itália tinan haat ka lima no fila ba Premier League laós fásil. Ha’u lahein katak nia atu adapta hanesan prega botaun ida ho liman. Maski jogadór topu sira moos  presiza tempu", nia hatutan.

 

SAPO TL ho SAPO Desportu

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

mais comentados

arquivos

tags

subscrever feeds

blogs SAPO

Atletismo