Quinta-feira, 21.09.17

Colômbia e China preparam acordo no futebol

Colômbia e China poderão fechar um acordo de cooperação no futebol, que incluiria a compra de participações em equipas colombianas, por firmas chinesas, apontou o vice-presidente da Federação Colombiana, em declarações à agência espanhola EFE. 

 

 

Jorge Fernando Perdomo reuniu hoje com Cai Zhenhua, Presidente da superliga chinesa, a prova máxima do futebol na China, parte de uma série de encontros que decorre até sábado.

 

A comitiva colombiana, que inclui sete das principais equipas do país, também reuniu com o vice-presidente da Associação Chinesa de Futebol, Lin Xiaohua, e com 12 equipas da primeira divisão chinesa. As reuniões visam acordos nas áreas do investimento, competição e formação.

 

"É uma semana muito importante para o futebol colombiano e esperamos que também o seja para o futebol chinês", disse Perdomo, citado pela agência EFE.

 

Entidades colombianas convidaram as empresas chinesas a investir em clubes do país. "É um facto que o capital estrangeiro sempre será bem-vindo ao futebol profissional colombiano", disse o vice-presidente da Federação Colombiana de Futebol.

 

Foi ainda proposto que empresas chinesas patrocinem equipas do campeonato colombiano.

 

Perdomo recordou que há 21 empresas chinesas a operar na Colômbia, que poderiam ver o futebol como uma forma de se promoverem no país.

 

Os representantes colombianos consideram ainda que, caso a seleção do país se qualifique para o mundial na Rússia, em 2018, parte da preparação seja feita na China, e que equipas chinesas façam a sua pré-temporada na Colômbia.

 

A Federação Colombiana convidou ainda treinadores chineses a estudar na Universidade do Futebol do país.

 

Perdomo enalteceu o trabalho dos onze jogadores do país que alinham em clubes chineses, considerando-os bons embaixadores do país.

 

Os antigos jogadores do FC Porto Jackson Martínez e Fredy Guarín são dois dos futebolistas colombianos a competir na China.

 

Lusa

Sexta-feira, 24.02.17

Barcelona lansa akademia iha Xina

Fatin ne'e sei hetan alunu xinés hamutuk rihun resin. 

 

 

Klube españól Barcelona lansa ona iha loron-sesta ne'e iha Xina akademia futebol ida ba alunu hamutuk rihun resin, iha tempu ne'ebé nasaun ho populasaun barak liu iha mundu kaer ambisaun hodi sai hanesan poténsia ida iha modalidade ne'e.

 

Jogador koñesidu antigu hosi Barcelona Ronaldinho Gaúcho no prezidente klube nian, Josep Maria Bartomeu, vizita ona akademia foun, lokaliza iha illa tropikal Hainan, extremu súl nasaun nian.

 

"Ba ha'u, temperatura, ambiente, ema sira no liuliu rai hosi illa ne'e sei hanesan buat úniku ba dezenvolvimentu futebol nian iha Xina", afirma ona hosi líder klube españól nian.

 

Akademia hahú halo funsionamentu iha tinan ne'e nia rohan no iha kampu futebol hitu. Fatin sei serve mós ba selesaun nasional Xina nian no ba klube prinsipal sira seluk hosi nasaun ne'e hodi halo treinu.

 

Xina, ne'ebé tama iha fatin 86 hosi "ranking" FIFA nian, hakarak harii akademia futebol hamutuk 50.000, to'o tinan 2025, hanesan planu ambisiozu ida hosi Pekin, ne'ebé hakarak tau nasaun iha nível hanesan ho selesaun di'ak sira iha mundu.

 

"Barcelona FC serbisu di'ak tebes ho joven sira, ho profisional sira iha nível aas, ne'ebé mai iha ne'e", afirma hosi internasional brazileiru Ronaldinho. "Ha'u fiar katak sei ajuda maka'as no atu futebol iha Xina sei aprende maka'as", nia hatutan.

 

Akademia iha Xina sei hanesan boot liu entre akademia 20 ne'ebé Barcelona harii iha mundu tomak. Sei hanesan akademia úniku ne'ebé jere diretu hosi funsionáriu sira klube nian.

 

Maibé, fatin ne'e sei hanesan ki'ik liu duké akademia hosi kampeaun xinés nian Guangzhou Evergrande, konsidera hanesan boot liu iha mundu, ne'ebé loke ho parseria hamutuk ho Real Madrid no iha alunu na'in 2.000 resin.

 

Iha 2014, antigu kapitaun hosi selesaun portugeza Luís Figo lansa ona akademia ida hosi modalidade ne'e iha Xina, ne'ebé to'o hala'o iha sidade hamutuk 16 iha Xina, maibé ohin loron iha de'it 10, hafoin investidor prinsipal sai tiha hosi projetu.

 

Iha 2015, prezidente Sporting nian, Bruno de Carvalho, fó sai iha Pekin katak sei harii akademia hamutuk 20 iha Xina, to'o tinan 2018.

 

Benfica iha ona akademia ida futebol nian iha Hangzhou, kapital prósperu ida hosi provínsia Zhejiang, iha kosta leste Xina nian.

 

Treinador no profisional sira hosi futebol portugés hamutuk atus resin serbisu ona iha nasaun ne'e, fahe hosi akademia sira no klube sira. Koñesidu liu maka André Villas-Boas, antigu tékniku hosi FC Porto, ne'ebé orienta Shanghai SIPG, hanesan kandidatu ida hodi manán superliga xineza.

 

@SAPO Desporto

Quinta-feira, 19.01.17

Empreza xineza Alibaba sei sai hanesan patrosinador ofisial Jogu Olímpiku nian

Empreza xineza hosi komérsiu eletróniku Alibaba, iha loron-kinta ne'e, sai hanesan patrosinador ofisial hosi Jogu Olímpiku sira nian, hafoin taka akordu ida ho Komité Olímpiku Internasional (COI). 

 

 

Empreza xineza informa ona, liuhosi komunikadu, katak patrosíniu sei dura to'o tinan 2028 no sei konverte iha distribuidor ofisial hosi serbisu sira armazenamentu dijital no komérsiu online, nune'e mós hanesan ko-fundador ida hosi Kanal Olímpiku.

 

Ho akordu ne'e, Alibaba sei halo parte hosi lista ki'ik hosi patrosinador sira ne'ebé halo parte iha The Olympic Program (TOP), ne'ebé reprezenta nível aas liu hosi kolaborasaun entre empreza sira ho movimentu olímpiku.

 

Akordu ne'e ko'alia mós iha Suisa hosi prezidente COI nian, Thomas Bach, no hosi diretór sira Alibaba nian, entre sira maka fundador no Grupu Alibaba nia na'in, Jack Ma.

 

"Hanesan aliansa revolusionáriu no inovadora ida no sei ajuda ami hodi impulsiona efisiénsia iha organizasaun ba Jogu Olímpiku sira to'o tinan 2028", esplika hosi prezidente COI nian.

 

Ba Alibaba nia fundador, ne'ebé hanesan mane ida ne'ebé riku liu iha Xina, kolaborasaun ne'e halo ho baze iha "valor sira" ne'ebé fahe no iha hanoin komun hodi "liga mundu no halo riku ema sira nia moris".

 

@SAPO Desporto

Quinta-feira, 28.01.16

Luís Figo asisti ona iha Xina torneiu hosi akademia ne'ebé ho nia naran

Espansaun lalais hosi Winning League akontese hamutuk ho interese maka'as hosi Governu xinés ba futeból no aumentu hosi kbiit finanseiru hosi klubu prinsipál lokál sira nian. 

 

 

Antigu kapitaun hosi selesaun portugés futeból nian, Luís Figo, asisti iha loron-kinta ne'e iha Chengdu, sudueste Xina nian, torneiu datoluk hosi akademia xineza hosi modalidade, ne'ebé uza nia naran, Winning League/Figo Football Academy.

 

Luís Figo to'o iha kapitál provínsia Sichuan hafoin asina tiha iha loron-kuarta iha Hohhot, iha norte Xina nian, akordu ida parseria estratéjiku nian ho klube lokál, Nei Mongol Zhongyou F.C.

 

Portugés sai hanesan prezidente honoráriu hosi konjuntu ne'ebé kompete iha liga daruak xineza nian no nia jestaun sei kaer hosi Winning League.

 

Lansa ona iha Pekin iha primavera tinan 2014, ho diresaun hosi tékniku portugés Joaquim Preto, akademia ne'e implantadu ona iha sidade 14 iha Xina.

 

Hamutuk, ho alunu na'in 4000 resin, entre tinan haat to'o tinan 13, fó ona serbisu ba treinadór portugés na'in 60 no treinadór sira ne'e iha diploma hosi Federasaun Portugés Futeból nian no hosi UEFA.

 

Espansaun lalais hosi Winning League akontese hamutuk ho interese maka'as hosi Governu xinés ba futeból no aumentu hosi kbiit finanseiru hosi klubu prinsipál lokál sira nian.

 

Tuir relatóriu ida hosi FIFA ne'ebé fó sai iha loron hirak liubá, iha tinan 2015 Superliga xineza sai hanesan merkadu boot daneen ba transferénsia nian, lakon de'it hasoru kampeonatu prinsipál europeu sira nian.

 

Klube xinés sira gasta ona euro millaun 155 resin iha kontratasaun sira, aumentu ida ba 68% hasoru tinan 2014 no karik sei aumenta tan iha tinan ne'e.

Iha loron-kuarta, Jiangsu Suning ofisializa ona kontratasaun hosi médiu internasionál brazileiru Ramires, eis-Benfica ne'ebé joga iha Chelsea, ho negósiu ida ne'ebé imprensa britániku avalia iha euro millaun 27 resin.

 

Iha loron hanesan, Shanghai Greenland sosa ona eis-jogadór FC Porto nian Fredy Guarin, hosi Inter Milaun ho millaun 13.

 

Superliga xineza kompete mós ho naran koñesidu seluk hosi adeptu portugés sira nian: médiu internasionál Ruben Micael, ne'ebé aliña ba Shijiazhuang Everbrigh.

 

Apoia hosi lideransa iha Xine, "mehi xinés" ba futeból liuhosi etapa tolu: kualifika ba faze finál Mundiál nian, hala'o Mundiál ida ba dala uluk no loron ida sei manán Mundiál ne'ebé nasaun aziátiku ida seidauk hetan.

 

Semana ne'e, multinasionál xineza Ledman fó sai ona katak klube sanulu di'ak liu hosi Liga Portugés II futeból nian sei simu, tinan-tinan, jogadór xinés ida.

 

Folin hosi patrosíniu ne'e, agora daudaun, hanesan "segredu" ida, hatete hosi prezidente firma nian, Martin Lee, iha Pekin.

 

@SAPO Desporto

Segunda-feira, 28.12.15

Su Bingtian eleitu nu'udar atleta xinés tinan 2015

Aziátiku ne'ebé di'ak liu iha 100 m maka eleitu atleta tinan nian iha Xina haktuir hosi lista ne'ebé elabora hosi ajénsia Xinhua.


Foto: Pedro Ugarte

Velosista Su Bingtian, aziátiku dahuluk ne'ebé kumpri halai metru 100 la to'o segundu sanulu no kualifika ona ba finál ida hosi distánsia sira iha Mundiál sira, eleitu ona nu'udar atleta tinan ne'e nia iha Xina, haktuir hosi lista ne'ebé elabora hosi ajénsia Xinhua.

 

Su Bingtian, ho tinan 26, halai hektómetru iha segundu 9,99 dala rua iha tinan 2015: ida dahuluk iha Meeting Eugene nian, iha Estadus Unidus no ba dala rua iha semi finál sira hosi Mundiál iha Pekin ne'ebé permiti nia kualifika ba halai desizivu, ne'ebé halo nia tama iha fatin daualuk no ikus liu.

 

Ema konsidera ona nia iha Xina hanesan herói nasionál no hanesan promesa boot ida ba Jogu Olímpiku sira Rio2016, Su Bingtian integra mós estafeta iha metru 4x100 ne'ebé halo konkista ba medalla osan-mutin iha Mundiál ikus ne'e, iha halai ida ne'ebé mana'an hosi Jamaika.

 

@SAPO Desporto

Quinta-feira, 12.11.15

Akademia Benfica nian iha Xina hahú iha semana ne'e

Instituisaun ne'e destinadu ba labarik no adolesente sira no iha akompañamentu hosi treinadór sira Benfica nian, entre sira maka diretór tékniku ida.


 

Sport Lisboa e Benfica loke ona iha semana ne'e nia akademia futeból dahuluk iha Xina, nebe sei hanorin ba joven lokál sira "filozofia ida nebe uza iha joven sira hosi klube ne'e" iha Portugal.

 

"Hanesan nasaun emerjente ida iha futeból, Xina hakarak hetan konseitu no métodu efetivu sira treinu nian", afirma ona iha komunikadu nebe diretór-jerál hosi sentru estájiu Benfica nian iha Seixal, Nuno Gomes, haruka ba Lusa.

 

"To'o tinan ne'e nia rohan sei iha tan parseiru iha Ázia", hatete hosi antigu internasionál portugés, nebe kontratadu tinan ne'e hodi jere eskalaun sira iha formasaun Benfica nian.

 

Hanesan instituisaun privadu ida, nebe destinadu ba labarik no adolesente sira, no iha akompañamentu hosi treinadór sira Benfica nian, entre sira maka diretór tékniku ida.

 

Ho alunu na'in 300 nebe maka tau ona naran, eskola futeból nebe funsiona hamutuk ho parseiru lokál ida, implementa iha Hangzhou, kapitál ida nebe prósperu iha provínsia Zhejiang, iha kosta leste Xina nian.

 

 

Inisiativu hosi atuál kampeaun portugés akontese ho interese ida nebe aumenta hosi públiku no governu Xina nian ba futeból.

 

Iha 2014, nasaun aziátiku lansa ona "planu ida reforma globál futeból nian", nebe determina, iha medida sira seluk, inkluzaun hosi modalidade hanesan komponente obrigatóriu hosi disiplina Edukasuan Fízika iha eskola primáriu no sekundáriu hamutuk 50.000.

 

"Iha-ne'e, iha investimentu boot ida iha futeból. Ne'e aumenta maka'as tebes", afirma hosi tékniku portugés ida, nebe hahú iha fulan haat liubá diriji eskola ida modalidade nian, iha sidade xineza ida Kantaun nian.

 

Lisensiadu iha Desportu iha Universidade Luzófonu no ho tinan 15 esperiénsia hanesan formadór, João Nunes to'o ona iha Xina ba dala uluk hodi fó treinu iha Winning League/Figo Football Academy.

 

Akademia futeból ho naran hosi antigu kapitaun selesaun portugés nian hahú ona iha 2014 no implementa ona iha sidade xineza hamutuk 14, fó serbisu ba treinadór portugés sira hamutuk na'in 45.

 

"Mehi xinés" ba futeból, motivadu hosi Prezidente Xi Jinping, iha etapa tolu: kualifika ba faze finál Mundiál nian, organiza Mundiál ida, no bele mana'an Mundiál ida, nebe hanesan mehi ida nebe nunka hetan hosi nasaun aziátiku ida ne'e.

 

Hanesan objetivu sira nebe konfiante tebes ba nasaun ida nebe iha fatin 81 iha ranking FIFA nian no nia partisipasaun iha Mundiál sira rezumu iha edisaun 2002, nebe hala'o iha Koreia-Súl no Japaun.

 

Iha tempu ne'ebá, selesaun xineza lakon jogu tolu nebe nia halo no la konsege hatama golu ida.

 

@SAPO Desporto

Quarta-feira, 19.08.15

Xina desblokeia Internet ba jornalista sira durante Mundiál atletizmu nian

Hanesan akontese tiha ona durante Jogu Olímpiku sira Pekin2008, kapitál xineza nian sei iha rede espesiál ida ba jornalista sira.

 

AFP@ Thierry Zoccolan


Xina fó sai ona iha loron-kuarta ne'e katak sei desblokeia site sira hanesan Google, Facebook, Twitter ho Youtube iha sidade Pekin hodi nune'e jornalista sira bele uza rede sosiál sira durante halo reportajen ba Kampeonatu sira Mundu Atletizmu tinan 2015 nian.

Hanesan akontese tiha ona durante Jogu Olímpiku sira Pekin2008, kapitál xineza nian sei iha rede espesiál ida ba jornalista sira, hodi nune'e jornalista sira sei la prejudikadu ho blokeiu atuál sira.

Iha tinan 2008, halo de'it desblokeiu parsiál, nune'e atleta ho jornalista sira aprezenta ona kesar balun tanba sira labele uza site balun.

Atu bele tama ba rede, tenki hakerek kódigu sira nebe sei simu iha akreditasaun pesoál hosi jornalista sira, nune'e sidadaun xinés sira sei labele tama iha rede sosiál sira.

Maski sai hanesan nasaun ida ho ‘internautas’ barak liu iha mundu, Xina hanesan mós nasaun ida nebe iha kontrolu maka'as ba konteúdu sira internet nian.

Kampeonatu sira Mundu nian, iha kapitál xinés, sei hala'o entre loron 22 no 30 fulan-Agostu.

@ SAPO Desporto

Sexta-feira, 31.07.15

Prezidente xinés promete "fantástiku" jogu invernu iha 2022

Prezidente xinés, Xi Jinping, ohin agradese ba Komité Olímpiku Internasionál hodi hili Pequim no Zhangjiakou hodi akolla jogu sira invernu nian iha 2022, promete katak Xina sei organiza kompetisaun ida "fantástiku, estraordinária no di'ak tebes".

 

AFP@ Manan Vatsyayana


"Lori governu nia naran no povu Xinés sira, permite atu hau hato'o ba Komité Olímpiku Internasionál (KOI) katak ita nia folin ba ninia konfiansa no apoiu forte durante tinan hirak ne'e", hakerek Xi Jingping iha karta ida ba prezidente COI, Thomas Bach.

Iha votasaun ne'ebé realiza ona iha Kuala Lumpur hosi membru Komité Olímpiku Internasionál (KOI), Pequim ho Zhangjiakou, sidade ne'ebé situa besik kilómetru 150 hosi kapitál Xina nian, kandidatu úniku ba organizasaun jogu sira, Almaty, no Kazakistaun.

"Ami kumpre ami nia kumprimisu sira no hamutuk ho povu sira hosi nasaun sira seluk no Komité Olímipiku Internasionál, ami testemuña adventu ho faze foun iha dezenvolvimentu desportu olímpiku iha ivernu no espíritu olímpiku", afirma karta prezidente xinés.

Pequim sei sai sidade dahuluk hodi akolla jogu tipu rua, hafoin hetan organizadu iha 2008 Jogu Olímpiku veraun nian.

Ema barak mak konsentra iha Zhangjiahou no iha Pequim ho ksolok ba KOI nia eskolla, fó sai tuku 18h00, ora lokál, iha serimónia ida ne'ebé transmite diretu hosi televizaun xineza.

@SAPO Desporto

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
12
14
15
16
17
19
20
21
22
23
24
25
26
27
28
29
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo