Quarta-feira, 24.05.17

Chelsea desidi kansela festa títulu nian tanba atake

Klube londrinu nian lakohi "desvia rekursu [polísi] importante sira iha eventu extraordináriu iha estrada sira Londres nian". 

 

 

Chelsea, kampeaun inglés futebol nian, fó sai iha loron-kuarta ne'e katak kansela ona festa komemorasaun títulu nian, ne'ebé previstu ba loron-domingu, iha estrada sira Londres nian, tanba atentadu iha loron-segunda iha Manchester, ne'ebé halo ona ema na'in 22 mate.

 

"Hasoru akontesimentu trájiku sira ne'e, ami hanoin ona katak ladún di'ak mantén parada ba títulu", Chelsea esplika iha komunikadu.

 

Klube londrinu nian lakohi "desvia rekursu [polísi] importante sira iha eventu extraordináriu iha estrada sira Londres nian".

 

Pelumenus ema na'in 22 mate, aleinde atakante, no na'in 59 kanek iha atentadu ida iha Manchester Arena, iha norte Inglatera, iha loron-segunda, iha final hosi konsertu ida hosi kantora Ariana Grande nian, haktuir hosi balansu foun hosi polísia.

 

Atake ne'e halo hosi mane ida mesak, hatete hosi primeira-ministra Theresa May, ne'ebé adianta ona katak autoridade sira estabelese ona identidade hosi atakante, maibé seidauk fó sai ida.

 

Autoridade sira kaer ona mane ida ho tinan 23 ne'ebé deskonfia iha relasaun ho atentadu, reivindika hosi grupu extremista Estadu Islámiku.

 

@SAPO Desporto

Sexta-feira, 28.04.17

Hafoin Casillas, karik Terry bele to'o iha FC Porto

Defeza inglés besik sai hosi Chelsea no média inglés sira hatete katak "dragaun" sira karik bele sai hanesan destinu foun hosi jogador veteranu ne'e. 

 


Bainhira kontratasaun hosi Iker Casillas halo ema barak hakfodak, saida maka bele ko'alia bainhira John Terry iha FC Porto? Defeza inglés hosi Chelsea besik sai no bele duni hametin FC Porto.

 

Tuir avansa hosi jornal "O Jogo", ne'ebé haktuir kanal inglés Sky Sports, jogador veteranu, ho tinan 36, karik besik ona hatais azul iha temporada oinmai.

 

Foto ida ne'ebé jogador fahe iha rede sosial sira, ne'ebé hatudu katak nia aprende hela portugés, fó forsa ba deskonfiansa katak sentral britániku bele troka Inglatera ho Portugal.

 

John Terry fó sai ona katak sei la kontinua joga iha serbisu klube londrinu nian, maibé ne'e la'ós hanesan nia final hosi kareira.

 

António Conte ladún hili nia iha jogu sira, Terry halo de'it jogu hamutuk 11 iha époka ne'e iha Chelsea, la marka golu ida.

 

@SAPO Desporto

Terça-feira, 07.03.17

Chelsea manán iha West Ham

Ho vitória ne’e, Blues mantein pontu sanulu hosi avansun ba klassifikadu daruak, Tottenham.


 

Chelsea manán, segunda-feira ne’e, ho  2-1 iha  uma West Ham ho  2-1,  iha jogu ne’ebé  konta ba  jornada 27ª Premier League nian.

 

Hazard loke  markadór iha  duelu londrinu ho golu ida iha minutu 25, e, tama ba  tempu daruak, Diego Costa halo 2-0  iha minutu 50.

 

Tama ona ba  tempu deskontu, Lanzini hamenus ba 2-1.

 

Ho vitória ne’e, Blues mantein pontu sanulu hosi avansun ba klassifikadu daruak, Tottenham.

 

SAPO TL ho SAPO Desportu

Segunda-feira, 13.02.17

Chelsea empata ho Burnley maibé mantein lideransa konfortável

Ohin loron moos, Swansea hasoru  Leicester, kampesaun iha  títulu, ne’ebé iha  époka ne’e okupa iha fatin  16.º.


Foto: Lusa

 

Chelsea empata iha ohin ho golu ida hosi  vizita ba Burnley, jogu ba jornada  25.ª liga ingleza, prova ne’ebé kontinua lidera nafatin ho konfortável,  ho pontu vantajen  10  ba  Tottenham, iha fatin daruak.

 

Formasaun ne’ebé orienta hosi Antonio Conte,bele aumenta diferensa pontuál ho Tottenham, lakon iha  sábadu ne’e hosi Liverpool, ho 2-0, inaugura markadór iha minutu hitu, hosi intermédiu españól Pedro.

 

Iha  minutu 24, Robbie Brady aponta golu ne’ebé halo empate ba Burnley, rezultadu ne’ebé permite ekipa sa’e ba fatin  12.º tabela nian, iha pontuál (30) hanesan ho Watford no Southampton.

 

Ohin loron moos, Swansea simu Leicester, kampeaun iha títulu, ne’ebé  époka ne’e okupa iha fatin  16.º.

 

Iha jornada  25.ª liga ingleza taka iha segunda-feira ne’e ho resesaun Bournemouth ba Manchester City, ne’ebé, karik  vitória, bele 'katak' hosi lima ba fatin daruak.

 

SAPO TL ho SAPO Desportu

Segunda-feira, 21.11.16

Chelsea sai lideransa iha Premier League

Golu solitáriu hosi Diego Costa fó  vitória ba Chelsea no lideransa iha Liga Ingleza.


Foto: EPA/Nigel Roddis

 

Golu solitáriu ida hosi  internasionál españól Diego Costa iha ohin fó votória ba Chelsea iha uma Middlesbrough (1-0) no ‘lori’ londrinu sira sai  lideransa izoladu iha futeból Liga Ingleza nian.

 

Tama deit ba  parte finál tempu dahuluk nian, iha minutu 41, ne’ebé maka  avansadu ne’e aproveita konfuzaun ida iha área kontráriu, liuhosi kantu, konsege  dezvia bola ho sesesu  ba baliza Victor Valdés.

 

Ne’e sufisiente ona ba  Chelsea sai ho  vitória iha Riverside Stadium, maski Middlesbrough lafó ameasa ba defeza no tenta halo jogu ho‘blues’, ne’ebé nunka bele deskansa iha rezultadu nia ‘leten’ to’o  apitu finál.

 

Vitória ne’e halo Chelsea okupa iha dahuluk kampeonatu nian, ho pontu 28, liu ida  duké Liverpool no Manchester City, enkuantu iha pozisaun haat  maka Arsenal, ho 25, no iha lima Tottenham, ho 24. Manchester United, José Mourinho nian, iha neen, ho pontu 19 hanesan  duké Everton.

 

Ba  lideransa Chelsea moos kontribuiu hosi  ‘nulu’ ne’ebé Liverpool lakonsege halo iha sábadu, iha vizita ba Southampton, ekipa ne’ebé  joga  portugés sira hanesan José Fonte no Cédric Soares sai titular.

 

Ho nune’e, iha jornada 12.ª  ‘kandidatu sira’  hetan sorte lahanesan, ho vitória ba Chelsea, Manchester City no Tottenham, enkuantu Liverpool, Arsenal no Manchester United hetan empata, ne’e ikus entre sira.

 

Ba  kampeaun Leicester, adversáriu FC Porto iha Liga Campeões, okupa iha 14.º, hafoin lakon iha uma Watford nian ho (2-1).

 

SAPO TL ho SAPO Desportu

Segunda-feira, 31.10.16

Chelsea manan Southampton no kontinua lidera ho pontu ida

Golu ida hosi médiou belga Eden Hazard nomós hosi avansadu internasionál seluk, Diego Costa maka fó ona vitória hosi ‘onze’ Antonio Conte nian.

@SAPO Desporto


Chelsea ohin metin ona ho kuartu lugar hosi Primeira Liga ingleza futeból, tanba manten pontu ida hosi líder tolu, hafoin manan Southampton  ho 2-0 durante jogu 10.ª jornada nian.

 

Golu ida hosi Eden Hazard, iha minutu neen, no Diego Costa – ne’ebé izola ba iha lideransa markadór nian sira, ho tentatiba ualu – iha minutu aos 55, maka sai nu’udar triunfu hosi ‘onze’ Antonio Conte nian.

 

Formasaun londrina, ne’ebé iha ronda ikus manan Manchester United, ekipa José Mourinho nian iha duni sira-ninia kampo rasik, ho 4-0, soma ona ho vitória haat tuituir malu no kontinua lidera ho pontu ida liu.  

 

Prova ne’e lidera hosi ekipa tolu, Manchester City (4-0 ba West Bromwich), Arsenal (4-1 ba Sunderland) no Liverpool (4-2 ba Crystal Palace), ne’ebé soma ho pontu 23, hafoin iha sábadu sira manan hosi sira-ninia kompromisu ronda 10 nian.

 

Tottenham (1-1 ba iha resesaun kampean Leicester, adversáriu FC Porto nian ba iha Liga dos Campeões) maka kintu, ho pontu 20.

Iha jogu seluk ne’ebé hala’o ohin, Everton, ne’ebé komanda hosi Romelo Lukaku, izola ihasestu postu, ho pontu 18, hodi hasoru no manan West Ham ho 2-0.

 

Avansadu belga nian ne’e, marka golu iha minutu 50, no ida ne’e hanesan ninia golu dahitu iha kompetisaun no Ross Barkley ba daruak, iha 76.

 

SAPO TL ho SAPO Desportu

Terça-feira, 16.08.16

Diego Costa oferese vitória ba Chelsea

Manchester City, hosi Pep Guardiola, manán ona Sunderland liuhosi  tanjensiál  2-1, benefisia hosi autogolu ida iha minutu ikus hodi konsege pontu tolu.


Foto: epa05487935

 

Chelsea manán ohin iha uma  West Ham nian, ho 2-1, grasa ba golu Diego Costa, iha minutu 89, ne’ebé ‘salva’ estreia treinadór italianu Antonio Conte nian iha enserramentu ba jornada dahuluk futeból Liga ingleza nian.

 

Vitória difísil ‘blues’ nian hahú dezeñadu iha minutu 46, ho golu ida hosi internasionál belga Eden Hazard, liuhosi penalidade, tamba  kastigu iha falta lateral direitu ida ne’ebé komete hosi Michail Antonio.

 

West Ham demora liu halo reajen, maibé, joga liu iha meiu-kampu kontráriu, konsege halo empata iha sekuénsia kantu diretu ida iha direita ne’ebé maka monu ba  remate serteiru defeza galés James Collins, iha minutu 77.

 

Lanse ne’e  halo tarde tebes  Chelsea, maski nune’e, fila  lidera fali ho golu Diego Costa – Collins fó liu fatin ba nia atu remata, tama iha  área – festeja ho emosaun, iha estreia ba treinadór Antonio Conte.

 

Iha  primeira jornada ne’e, Manchester United, hosi José Mourinho, manán ho 3-1 iha  uma Bournemouth, enkuantu iha jogu boot Liverpool nian konsege manán ho 4-3 iha uma  Arsenal nian.

 

SAPO TL  ho SAPO Desportu

Terça-feira, 09.02.16

Termina ona époka ba Zouma

Defeza ne’e sei halo operasaun.


Foto: JACK GUEZ

 

Zouma sofre aleijadu iha semana ikus liu- bá  iha ain-tuur parte loos nian bainhira hasoru Manchester United. Iha  segunda-feira ne’e fó-sai ona katak nia tenki halo operasaun.

 

“Ha’u sei hala’o operasaun iha semana ida ne’e no fila bele forte liu tan”, hato’o  fransés ne’e hosi  twitter.

 

Fransés ne’e sei deskansa durante fulan neen nia laran, ho nune'e nia sei labele haforsa Chelsea  iha temporada  ida ne’e. Iha  époka ne’e, internasionál gaulés kumpre ona jogu 32 no hatama golu rua.

 

SAPO TL ho SAPO Desportu

Sexta-feira, 18.12.15

Liafuan ikus hosi Mourinho: "haú hakarak hela"

Treinadór portugés despede ona hosi komandu tékniku  blues nian.


Foto : GLYN GIRK

 

Iha segunda-feira liubá, Chelsea lakon ho Leicester ho 2-1, soma hamotuk nia derrota iha kampeonatu ba dalasia ona, no hela deit pontu ida ba zona despromosaun nian.

 

Buat ida ne’ebé  halo treinadór portugés  ne’e labele kontinua tan nia misaun iha klube londrinu. Iha  konferénsia  imprensa ikus ba públiku, José Mourinho hatete katak nia lata’uk dezafiu sira no, sei lata’uk, no  refere tan katak" haú hakarak hela".

 

SAPO TL  ho SAPO Desportu

Quinta-feira, 17.12.15

"Mourinho nunka presiza atu ema ida defende nia, nia maka di'ak liu iha mundu"

Emprezáriu portugés fó hanoin fali trajetu admirável hosi Mourinho hodi fó hanoin razaun tansá maka nia hanesan 'Special One'.


Foto: Jorge Monteiro/Lusa


José Mourinho sai hosi komandu tékniku Chelsea nian ba dala rua iha nia kareira la hasai "naroman" ba nia kareira naruk nu'udar treinadór futeból nian, konsidera hosi Jorge Mendes, 'Special One' nia emprezáriu, iha loron-kinta ne'e, ne'ebé bainhira halo deklarasaun ba diário "A Bola" hatete katak Mourinho sai nafatin hanesan "treinadór di'ak liu iha mundu" maski sai ona hosi Chelsea.

 

José Mourinho kontinua nafatin hanesan nia aan rasik no sai nafatin hanesan treinadór di'ak liu iha mundu maski sai ona hosi Chelsea", Jorge Mendes hahú hatete.

 

"Bainhira José Mourinho husik Chelsea ba dala uluk, nia hatán ona ba dezafiu boot ida no halo ona buat ida ne'ebé iha mundu futeból laiha ema ida maka fiar atu halo, nia lori Inter Milaun mana'an Champions League, kampeonatu italianu no Tasa Itália nian, akontesimentu ida admiradu tebes; hafoin ne'e nia ba Real Madrid husik konkista istóriku ida hosi Liga Española, halakon rekord sira hasoru Barcelona, no mós Tasa Rei nian", hatutan hosi emprezáriu portugés ne'ebé iha relasaun metin tebes ho treinadór hosi Setúbal ne'e.

 

"Ohin, José Mourinho hanesan treinadór kampeaun inglés nian iha títulu no tanba ne'e sei la presiza ema ida hodi defende nia tanba, ha'u repete, nia iha kareira maravilla ida ne'ebé ema sei ko'alia nafatin", hatutan hosi Jorge Mendes.

 

@SAPO Desporto

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo