Segunda-feira, 05.06.17

Cristiano Ronaldo, jogador ida ne'ebé la hatene para halo rekord

Cristiano Ronaldo hakotu nia temporada boot iha Real Madrid, maibé konkista sira bele akontese nafatin durante tinan 2017 nia laran. 




Ronaldo hakotu, iha loron-sábadu liubá, nu'udar markador di'ak liu iha Champions League ba époka dalima konsekutivu, ho golu rua iha triunfu Real Madrid nian hasoru Juventus, ne'ebé halo merengue sira hetan Tasa ba dala 12.

 

CR7 soma ona golu hamutuk 12 durante edisaun Champions League ne'ebé agora hotu no halakon ona Lionel Messi, tanba golu rua ne'ebé nia hatama iha final iha Cardiff. Hanoin fali katak, iha faze grupu sira nian, portugés marka de'it golu rua.

 

Internasional portugés tama ona iha grupu limitadu ida hosi jogador sira ne'ebé halo golu rua iha final ida hosi prova milionáriu, hamutuk ona ho Daniele Massaro (AC Milan, 1994), Karl-Heinz Riedle (Borussia Dortmund, 1997), Hernán Crespo (Milan, 2005), Filippo Inzaghi (Milan, 2007) ho Diego Milito (Inter, 2010).

 

Kapitaun hosi selesaun portugeza sai mós nu'udar jogador datoluk, hafoin Andrés Iniesta ho Clarence Seedorf, iha istória UEFA Champions League nian ne'ebé manán final haat.

 

Ho tinan 32, Cristiano Ronaldo hakotu époka iha Real Madrid manán kampeonatu españól, Champions League. Konkista rua ne'e impulsionadu hafoin manán tiha, ba dala uluk, kampeonatu europeu ida ho selesaun portugeza no ne'ebé nia triunfu bele aumenta iha Rúsia iha Tasa Konfederasaun sira, ne'ebé hahú iha loron 17 fulan ne'e.

 

Nune'e, Cristiano Ronaldo konkista ona nia Champions League dahaat, ida dahuluk iha 2007/08 bainhira hamutuk ho Manchester United no hafoin ne'e tolu ho kamizola Real Madrid nian (2013/14, 2015/16 ho 2016/17).

 

Avansadu hosi Real Madrid sai mós jogador dahuluk ne'ebé marka iha final tolu hosi Champions League, halakon Sergio Ramos (defeza úniku ne'ebé marka iha final rua), Raúl González, Samuel Eto'o ho Lionel Messi.


Cristiano Ronaldo hakotu nia temporada boot iha Real Madrid, maibé konkista sira bele akontese nafatin durante tinan 2017 nia laran. Agora daudaun, haree fila fali golu 12 hosi jogador portugés iha edisaun 2016/17 hosi Champions League.

 

 

@SAPO Desporto

Sexta-feira, 21.04.17

Champions: Real Madrid-Atl. Madrid no Mónaco-Juventus iha semi final

Jogu dahuluk sira hosi semi final Champions nian marka ona ba loron 02 no 03 Maio. 

 

 

Sorteiu iha loron-sesta, halo iha Nyon, iha Suísa, hatudu ona kuadru hosi semi final Champions League nian, Real Madrid hasoru nia viziñu Atlético de Madrid, no Mónako simu Juventus iha jogu dahuluk.

 

Real Madrid marka prezensa ba dala hitu konsekutivu iha semi final, Mónako hahú hosi tinan 2004, tinan ida ne'ebé lakon ho FC Porto, maka la to'o iha faze ne'e. Juventus manán ona iha jogu hitu hosi jogu ualu iha semi final, Atlético de Madrid aprezenta vitória tolu konsekutivu iha faze ne'e.

 

Semi final dahuluk halo iha loron-tersa, 02 Maiu, no ida seluk iha loron-kuarta, 03 Maiu, no jogu daruak sira ajenda ona ba semana tuirmai. Real Madrid ho Mónako hahú eliminatóriu hosi semi final iha uma.

 

National Stadium of Wales, iha Cardiff, sei simu grand final iha loron 03 Juñu, tuku 19h45 (oras lokal).

 

@SAPO Desporto

Segunda-feira, 17.04.17

Kuaze efetivu rihun rua ba seguransa Real Madrid - Bayern nian

Hafoin atentadu iha Dortmund, prepara hela medida seguransa maka'as ba jogu iha loron-tersa ne'e hosi Champions League nian.




Notísia ne'e avansa hosi Delegasaun Governu nian iha Madrid. Seguransa ba Real Madrid - Bayern Munique sei garanti hosi ema na'in 1.800, entre sira maka ajente sira autoridade nian no serbisu sira emerjénsia nian ba jogu ne'e.

 

Tuir jornald Record, forsa polísia sira kalkula katak sei ema na'in 79.000 maka sei asisti jogu, entre sira na'in 4,200 resin adeptu alemaun sira, ne'ebé sei hahú to'o iha kapital españól iha loron-segunda.

 

Ne'e hanesan jogu ida ne'ebé konsidera hanesan iha risku maka'as maibé, tanba atake iha semana liubá hasoru autokarru Borussia Dortmund nian, autoridade españól sira iha alerta máximu, hodi nune'e labele akontese buat ida antes, durante no hafoin jogu.

 

Forsa sira seguransa nian sei fahe haleu iha Estádiu Santiago Bernabéu, previstu mós vijilánsia maka's ida iha zona sira ne'ebé iha turista barak iha Madrid, inklui Aeroportu Barajas.

 

@SAPO Desporto

Quarta-feira, 12.04.17

Atentadu sei investiga hanesan insidente ho motivasaun islámiku sira

Informasaun fó sai hosi justisa alemaun. 

 

Foto@ Sascha Steinbach / EPA

 

Justisa alemaun informa ona iha loron-kuarta ne'e katak atake hasoru autokarru Borussia Dortmund nian hetan hela investigasaun hanesan "atentadu terorista" ida ho "motivasaun islámiku sira", hatutan katak iha suspeitu na'in rua no kaer ona suspeitu ida.

 

Porta-vós hosi Ministériu Públiku federal alemaun, Frauke Köhler, indika ona katak kaer ona "ho temporáriu" mane ida, maibé prokurador sira seidauk desidi katak sei husu nia transferénsia ba kadeia ida.

 

Fonte hanesan explika ona katak atentadu bomba hasoru autokarru hosi ekipa futebol Borussia nian - antes hosi jogu Champions League nian hasoru fransés Mónaco - reivindika ona hosi grupu ida extrema eskerda, maibé investigador sira aponta liu ba teoria katak hanesan atake ida hosi "jihadista" islámiku sira nian.

 

Köhler konfirma ona katak hetan ona iha fatin textu tolu ne'ebé hatudu duni pista ba "jihadizmu". Nia hatete katak textu ida eziji atu hasai kasa-bombardeiru alemaun sira Tornado hosi baze ida iha Turkia no taka baze aéreu norte-amerikanu hosi Ramstein, iha teritóriu alemaun nian.

 

Nia hatutan katak kredibilidade hosi textu sira ne'e sei avalia hela.

 

Porta-vós explika ona katak polísia halo ona revista iha apartamentu sira hosi suspeitu sira nian. Frauke Köhler hatete ona katak autoridade sira iha "dúvida substansial sira" kona-ba reivindikasaun ne'ebé halo hosi grupu ida extrema eskerda nian.

 

Explozaun tolu akontese ona iha loron-tersa no kona iha autokarru hosi Borussia Dortmund nian, no defeza españól Marc Bartra, ne'ebé hetan ona operasuan, hetan kanek iha pulsu hosi liman-karuk nian.

 

@SAPO Desporto

Sábado, 18.03.17

Final rua antesipadu iha "kuartu"

Final boot hosi Champions League maka iha Cardiff, kapital hosi nasaun Wales, iha loron 3 Juñu. 


AFP Photo@ Fabrice Coffrini


Iha ona jogu sira ba kuartu-final hosi Champions League. Sorteiu ne'ebé halo iha Nyon, iha Suisa, hatudu final antesipadu rua.

 

Real Madrid sei sukat forsa ho Bayern Munique, iha duelu boot titã nian. Sei hanesan hasoru malu entre portugés sira: hosi parte ida Renato Sanches no ida seluk iha Ronaldo, Pepe ho Fábio Coentrão. Iha kuartu-final ne'e iha mós Juventus - Barcelona. Katalaun sira halakon PSG hafoin rekuperasaun époka ida: transalpinu sira halakon FC Porto ho 3-0.

 

Leicester, ekipa ne'ebé ema hotu hakarak, hasoru Atlético Madrid. "Fox" sira hanesan reprezentante inglés úniku iha prova sira UEFA nian, to'o iha kuartu-final Champions League nian iha nia partisipasaun dahuluk iha prova. Halakon Sevilha.

 

Mónica, hosi Leonardo Jardim, Bernardo Silva ho João Moutinho sei hasoru Borussia Dortmund hodi buka fatin iha meia-final. Dortmund halakon Benfica iha oitavu-final. Monegasku sira halakon ona Manchester City iha enkontru fantástiku rua.

 

Jogu dahuluk sira hosi kuartu-final halo iha loron sira 11 no 12 Abril. Jogu daruak sei halo iha loron 18 no 19 Abril.

 

Final boot hosi Champions League maka iha Cardiff, kapital hosi nasaun Wales, iha loron 3 Juñu.

 

Haree jogu tomak hosi kuartu-final nian:

  • Borussia Dortmund - Mónaco
  • Bayern Munique - Real Madrid
  • Juventus - Barcelona
  • Atlético de Madrid - Leicester City

@SAPO Desporto

Quarta-feira, 08.03.17

Barcelona halo majia no Benfica hatete adeus ba Champions

Kalan nakonu ho golu iha loron-kuarta ne'e hosi Champions League. 

 

 

FC Barcelona tama iha loron-kuarta ne'e ba kuartu-final Champions League futebol nian, bainhira hatama golu 6-1 hasoru Paris Saint-Germain, rekupera hosi lakon ne'ebé hetan iha jogu dahuluk iha "oitavu" ho 4-0.

 

Iha Camp Nou, FC Barcelona sai hanesan ekipa dahuluk iha istória ne'ebé rekupera hosi desvantajen 4-0 iha jogu dahuluk, tanba golu sira hosi Luis Suárez, iha minutu tolu, hosi Lionel Messi, hosi penalidade (minutu 50), hosi Neymar (iha minutu 88 ho 90+1) no hosi Sergi Roberto (minutu 90+5), ne'ebé tau hamutuk ho autogolu hosi fransés Layvin Kurzawa (minutu 40). Edinson Cavani marka golu onra ba fransés sira iha minutu 62.

 

Ho golu marka iha minutu hitu ikus jogu ba dala rua nian, katalaun sira konkretiza ona "mehi" no tau ona "karimbu" hodi liu ba kuartu-final hosi Champions League.

 

Iha jogu seluk kalan nian, Benfica sai hosi Champions League futebol nian, lakon iha Alemaña ho Borussia Dortmund ho 4-0, iha jogu daruak hosi oitavu-final prova nian.

 

Hafoin manán tiha iha jogu dahuluk ho 1-0, Benfica haree sedu ekipa jermániku halakon desvantajen, bainhira Aubameyang loke markador iha kedas minutu haat, rezultadu ida ne'ebé mantén to'o intervalu.

 

Hahú parte daruak, Borussia "taka" eliminatóriu, ho golu sira ne'ebé akontese iha minutu rua nia laran, ida hosi Pulisic (minutu 59) no hafoin ne'e golu ida tan hosi Aubameyang (minutu 61), ne'ebé nia tenta fali iha minutu 85.

 

@SAPO Desporto

Sexta-feira, 10.02.17

Ba Carlo Ancelotti iha de'it ekipa hitu maka bele manán Champions

Bayern nia treinador admiti iha ekilíbriu boot ida entre ekipa sira ne'ebé partisipa iha edisaun hosi prova ne'e. 

 

 

Carlo Ancelotti, Bayern Munique nia treinador, konsidera katak iha de'it ekipa hitu ne'ebé, agora daudaun, iha kapasidade hodi manán Champions League.

 

"Kompetisaun ne'e bele konkista hosi ekipa hitu: Real Madrid, Bayern, Barcelona, Juventus, Atlético Madrid, PSG ho Manchester City", afirma hosi Carlo Ancelotti, iha deklarasaun sira ba Corriero dello Sport.

 

Maibé, treinador hosi "bávaru sira" afirma katak époka ne'e "laiha favoritu boot ida" hodi manán prémiu ne'e.

 

"Iha ekilíbriu boot liu iha edisaun ne'e. Ha'u la konsege aponte de'it ekipa favoritu ida", nia hatutan.

 

Iha loron-kuarta ne'e Bayern Munique sei hasoru Arsenal iha jogu dahuluk hosi Champions League nian.

 

Fonte: SAPO Desporto

Segunda-feira, 12.12.16

Dortmund hasoru Benfica iha oitavu-final. FC Porto kontra Juventus

Benfica ho FC Porto hatene ona sira nia adversáriu iha oitavu-final hosi Champions League. 

 

 

Sorteiu hosi Champions League hatudu ona katak Benfica sei hasoru Borussia Dortmund iha oitavu-final no FC Porto sei sukat forsa sira ho Juventus.

 

Sorte ladún barak ba ekipa portugeza sira ne'ebé sei iha misaun ida susar tebes hodi to'o iha kuartu-final Champions nian. Favoritu monu ba kampeaun italianu no klube alemaun, ne'ebé hasoru ona Sporting iha faze grupu sira nian iha Champions League iha temporada ne'e.

 

Atu to'o iha oitavu-final, Benfica sai hanesan klasifikadu daruak iha grupu B, bainhira hetan pontu ualu iha jogu neen.

 

FC porto tama mós hanesan klasifikadu daruak iha grupu B, iha fatin dahuluk maka okupa hosi Leicester.

 

Iha oitavu-final edisaun 16/17 Champions League nian, Benfica ho FC Porto sei joga uluk iha sira nia estádiu, iha loron 14, 15, 21 ka 22 Fevereiru 2017, no jogo daruak sei halo iha estranjeiru iha loron 7,8, 14, ka 15 Marsu.

 

Haree iha ne'e jogu sira hosi oitavu-final Champions League nian:

 

  • Manchester City - Mónako
  • Real Madrid - Nápoles
  • Benfica - Borussia Dortmund
  • Bayern - Arsenal
  • FC Porto - Juventus
  • Leverkusen - Atlético Madrid
  • PSG - Barcelona
  • Sevilha Leicester

 

@ SAPO Desporto

Quarta-feira, 07.12.16

Rezultadu sira: Ekipa apuradu sira, ekipa sira ne'ebé lakon no sira ne'ebé la promovidu

Hotu ona faze hosi grupu sira Champions League nian. Hatene iha ne'e ekipa sira ne'ebé liu ba oitavu final. 

 

 

Hosi jogu sira loron-kuarta nian, ne'e hanesan rezultadu ikus sira hosi faze grupu sira Champions League nian, nune'e mós bele haree ekipa sira ne'ebé liu, lakon no sira ne'ebé maka ba iha Liga Europa.

 

Benfica ho FC Porto la'o ba oin no Sporting despede hosi kompetisaun europeiu sira nian.

 

Ekipa sira ne'ebé la'o ba oin: Benfica, Nápoles, PSG, Arsenal, Barcelona, Manchester City, Atlético de Madrid, Bayern, Monaco, Leverkusen, Dortmund, Real Madrid, Leicester, FC Porto, Juventus ho Sevilha.

 

Ekipa sira ne'ebé muda ba Liga Europa: Ludogorets, Besiktas, Monchengladbach, Rostov, Tottenham, Legia Varsóvia, Copenhaga, Lyon.

 

Ekipa sira ne'ebé sai hosi kompetisaun europeia sira nian: PSV, Celtic Glasgow, Dinamo de Kiev, Basileia, Dinamo Zagreb, Club Brugge, Sporting, CSKA Moscovo, PSV Eindhoven.

 

@SAPO Desporto

Sexta-feira, 15.04.16

Manchester City-Real Madrid & At. Madrid-Bayern Munique iha semi-final

Sorteiu ba semi-final hosi Champions League, hala'o iha loron-sesta dadeer iha Nyon, iha Suisa, destina ona hanesan kombate ba final hosi jogu sira entre Manchester City-Real Madrid & At. Madrid-Bayern Munique. 

 

 

Merengue sira Cristiano Ronaldo nian vizita dahuluk Inglatera no simu jogu daruak iha Santiago Bernabéu hodi tenta asesu ba final: Atlético de Madrid simu uluk Bayern no hafoin ne'e maka desloka ba Munike iha jogu daruak.

 

Semi-final sira sei joga iha loron 26 no 27 Abril (jogu dahuluk sira) no 3 no 4 Maiu (jogu daruak). Final sira hosi Champions League nian sei hala'o iha Milaun iha loron 28 Maiu.

 

@SAPO Desporto

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo