Terça-feira, 11.07.17

Ofisial: James Rodriguez iha Bayern Munique

Negósiu ne'e konfirma ona foin lalais ne'e hosi klube bávaru iha rede sosial sira. 

 

 

To'o ona rohan hosi novela ida naruk liu hosi merkadu transferénsia nian. James Rodriguez sei joga iha Bayern Munique iha temporada rua oinmai, tanba empréstimu hosi Real Madrid.

 

Negósiu ne'e konfirma tiha ona foin lalais ne'e hosi klube bávaru iha rede sosial sira. Bayern Munique iha nune'e opsaun hodi sosa jogador ho tinan 25, fiksa iha euro millaun 60.

 

Médiu kolombianu lakon ona fatin iha plantel Real Madrid no iha tinan rua ikus ne'e ladún joga. James iha ona pedidu oioin, entre sira maka iha Manchester United, Arsenal, Juventus. Ikusmai hili kampeaun alemaun ne'ebé nia sei joga iha temporada rua oinmai, ho empréstimu.

 

Iha Bayern Munique, James sei hasoru Carlo Ancelotti, tékniku ne'ebé orienta nia iha Real Madrid. Iha períudu ne'e maka "El Bandido" hetan nia momentu ne'ebé di'ak tebes iha klube merengue, ho komando hosi treinador italianu nian.

 

James Rodriguez nia saída hosi Real Madrid hein tiha ona. Médiu sira Marcos Llorente ho Dani Ceballos ne'ebé to'o iha Real Madrid, kalkula antes ona katak kolombianu sei sai hosi Bernabéu.

 

Iha Bayern Munique, James sei simu euro millaun neen ba temporada ida.

 

James Rodriguez hahú koñesidu iha Engivado hosi Kolómbia, hafoin ne'e sai ba Banfield, iha tinan júnior. Hafoin époka rua, transfere ba FC Porto ho 7,35. Iha Dragaun sai koñesidu durante époka tolu to'o Mónako sosa ho euro millaun 45. Iha Fransa nia hatudu nafatin nia jogu hanesan organizador jogu nian no goleador hodi nune'e konvense Real Madrid hodi fó euro millaun 75 ba nia pase iha époka 2014/2015, hafoin joga ho di'ak tebes iha Mundial2014.

 

@SAPO Desporto

Sexta-feira, 10.03.17

Xabi Alonso loke odamatan hodi sai treinador

Médiu españól fó sai ona katak nia sei la joga tan iha final temporada. 

 

Foto: Peter Kneffel/EPA

 

Xabi Alonso afirma ona katak hanoin hela kona-ba sei kontinua iha ligasaun ho futebol nu'udar treinador. Iha entrevista ba Bayern TV, husu ona ba jogador españól kestaun ida kona-ba sai treinador, maibé nia la kompromete ho resposta ida.

 

"Ha'u labele hatete katak ha'u sei fó treinu, maibé sé maka hatene... Tenki hanoin ho di'ak no tenki preparadu ho di'ak. Kontrola balneáriu no iha relasionamentu di'ak ida ho jogador sira hanesan susar".

 

Xabi Alonso liu ona hosi kampeonatu oioin antes desidi hakotu nia kareira iha Alemaña, iha Bayern Munique. Kona-ba pasajen iha "bávaru sira", internasional españól admiti ona katak nia aprende ona buat hotu ne'ebé nia konsege ona.

 

"Ha'u hakarak aprende buat hotu. Lian, kultura no oinsá Bayern hanesan boot no importante. Ha'u sei hanoin pasajen liuhosi klube ne'e. Ha'u gosta utebol no admira nafatin klube sira hosi aristokrasia futebol nian hanesan Bayern Munique.

 

@SAPO Desporto

Quarta-feira, 08.02.17

Philipp Lahm sei sai iha finál époka ne’e

Jogadór ne’e sei abandona klube, ne’ebé maka hanesan kolega hosi Renato Sanches, maski sei iha kontratu tinan ida hafoin  rejeita kargu hosi  diretór desportivu.


Foto: Lukas Barth

 

Futebolista alemaun Philipp Lahm, kapitaun Bayern Munique, konfirma iha ohin katak sei sai hosi fatin ne’ebá  no abandona klube  ne’e hafoin  rejeita kargu ida hanesan diretór desportivu.

 

“Ha’u deside husik joga futeból iha  finál temporada”, haktuir  jogadór, ho tinan  33, iha  finál jogu entre Bayern no Wolfsburgo ba Taça Alemanha, ne’ebé manán hosi klube Munique ho 1-0.

 

Kapitaun bávaros ne’e afirma ho  konfiante atu “mantein iha nível ezibisionál to’o époka ne’e remata, maibé la’e hafoin ida ne’e”.

 

Jornal desportivu alemaun Bild  hakerek iha ohin katak  atleta ne’e, kampeaun mundu ho servisu Alemaña iha 2014,  iha Brazil, sei sai iha juñu, informasaun ne’ebé  konfirma hosi nia-rasik iha ‘flash interview’ hosi  jogu 501 laterál ho kamizola Bayern nian.

 

Lahm, ho internasionál hosi Alemaña dala 113, inklui ona iha jogu 22 j  époka ne’e  no marka golu rua. Lateral no médiu hamutuk iha  Bayern durante  ninia karreira ho esesaun époka rua, 2003/2004 no 2004/2005, ne’ebé hetan  emprestadu ba Estugarda.

 

Liuhosi  karreira ne’ebé konkista títulu alemaun badala ualu, destake ne’e iha tinan 2013, ne’ebé kapitaun ‘Jigante’ alemaun manán kampeonatu, Taça Alemanha no Liga Campeões.

 

SAPO TL ho SAPO Desportu

 

Segunda-feira, 19.12.16

Bayern manán no fila fali habiit Leipzig

Líder na’in rua  sei hasoru-malu iha kuarta-feira ne’e.


Foto: CHRISTOF STACHE

 

Golu ida hosi Douglas Costa permite iha  domingu ne’e ba Bayern Munique manán ho 1-0 iha terrenu ‘lanterna vermelha’ Darmstadt, ba  jogu jornada 15.ª a Liga alemã, no hamutu fali iha ho  Leipzig iha  lideransa prova nian.

 

Vitória hosi  tetrakampeaun jermániku só konsege iha minute 71, ho golu ida hosi avansadu brazileiru, ne’ebé  iha minutu 90+2  hetan substitui hosi internasionál portugés Renato Sanches.

 

Formasaun bávara fahe  lideransa Bundesliga ho Leipzig, ne’ebé iha  sábadu okupa provizoriu iha komando, manán iha uma hasoru Hertha Berlim ho 2-0.

 

Bayern Munique, ne’ebé assume lideransa ho golu markadu liu, vizita iha kuarta-feira ne’e hasoru  Leipzig, iha enkontru ba jornada 16.ª.

 

 

SAPO TL ho SAPO Desportu

Quinta-feira, 22.09.16

Bayern Munique imparável iha Bundesliga

Arjen Robben taka kontajen  iha minutu 72. Renato Sanches lasai hosi banku Bayern Munique.


Foto: EPA/Andreas Gebert

 

Bayern Munique manán iha kuarta-feira hasoru Hertha Berlim ho 3-0, iha jogu ne’ebé konta  ba jornada dahaat Bundesliga nian, no garante lideransa izoladu iha prova ho pontu 12.

 

Iha  resesaun ba formasaun berlinense, ekipa Carlo Ancelotti lasente difikuldade atu hetan  pontu tolu. Ho Renato Sanches iha banku, bávarus inagura  markadór iha minutu 16  hosi intermédiu Ribéry. Bayern Munique manán tiha ona molok tama ba  intervalu, no  segunda parte  nafatin  hetan domíniu iha jogu ne’ebé ikus mai taka ho golu hosi Thiago Alcántara, halo ba  2-0 iha minutu 68, no Robben, iha minutu 72.

 

Ho  rezultadu ne’e, Bayern Munique kontinua sai lideransa izoladu Bundesliga nian ho pontu  12, liu rua hosi  klassifikadu daruak Colónia.

 

SAPO TL ho SAPO Desportu

Segunda-feira, 15.08.16

Bayern Munique conquista Supertaça alemã pela quinta vez ao derrotar Borussia Dortmund

O Bayern Munique conquistou hoje a sua quinta Supertaça alemã de futebol, ao vencer o Borussia Dortmund, por 2-0, com golos de Arturo Vidal e Thomas Müller.


 


Em Dortmund, o tetracampeão alemão, sem o lesionado Renato Sanches, levou a melhor sobre o finalista vencido da Taça, chegando aos golos na segunda parte, primeiro por Arturo Vidal, aos 58 minutos, e, depois, por Thomas Müller, aos 79.

 

O Bayern, agora sob o comando do italiano Carlo Ancelotti, reeditou os êxitos de 1988, 1991, 2011 e 2013 na Supertaça, depois de três derrotas consecutivas na disputa pelo troféu nas últimas três temporadas.

 

No Borussia Dortmund, o internacional português Raphael Guerreiro não saiu do banco de suplentes.

 

@Lusa

Bayern Munique konkista Supertaça alemaun ba dalimak hafoin halakon Borussia Dortmund

Bayern Munique konkista iha ohin Supertaça futeból alemaun badalimak, hafoin manán Borussia Dortmund, ho 2-0, hosi golu Arturo Vidal no Thomas Müller.


 

Iha Dortmund, tetrakampeaun alemaun, sein Renato Sanches ne’ebé lesionadu, lori jogadór di’ak hotu ne’ebé manán Taça, hetan golu iha segunda parte, primeiru hosi Arturo Vidal, minutu 58, no, hafoin, hosi Thomas Müller, iha 79.

 

Bayern, ne’ebé agora komando hos italianu Carlo Ancelotti, reedita susesu ne’ebé hetan iha 1988, 1991, 2011 no 2013 iha Supertaça, hafoin lakon datoluk tutuir malu durante jogu ba troféu iha époka tolu ikus ne’e.

 

Ba Borussia Dortmund, internasionál portugés Raphael Guerreiro lasai iha banku suplente.

 

SAPO TL ho Lusa

Terça-feira, 10.05.16

Renato Sanches, transferénsia karun liu hosi portugés ida ba estranjeiru

Joven médiu sai hanesan transferénsia daneen ne'ebé "karun" liu iha kampeonatu portugés. 

 

 

Renato Sanches, ne'ebé Bayern Munique sosa iha loron-tersa ne'e, selu euro millaun (ME) 35 ba Benfica, protagoniza ona transferénsia ida ne'ebé karun liu hosi portugés ida ba estranjeiru.

 

Joven médiu, ho tinan 18, sai hanesan transferénsia daneen "karun liu" hosi kampeonatu portugés, iha "ranking" ida ne'ebé lidera hosi avansadu brazileiru Hulk, ne'ebé FC Porto fa'an ba Zenit ho millaun 60.

 

Renato Sanches, ne'ebé bele hetan mós folin euro millaun 45 hosi objetivu sira, agora sai hanesan portugés ne'ebé karun liu, halakon Fábio Coentrão ne'ebé Benfica fa'an ho euro millaun 30 (2010/11) no Ricardo Carvalho ne'ebé FC Porto (04/05) fa'an ho folin hanesan.

 

Iha jeral, folin sira ne'ebé ema bávaru sira gasta halo Renato Sanches tama iha pozisaun neen, hamutuk ho kolombianu Jackson Martinez, ne'eb´eFC Porto fa'an ba españól sira Atletico de Madrid ho folin euro millaun 35.

 

Transferénsia ne'ebé karuk liu hosi futeból portugés kontinua nafatin brazileiru Hulk, ne'ebé muda hosi FC Porto ba Zenit hosi São Petersburgu, ho folin euro millaun 60, ne'ebé parte 40 tuir kritériu sira hosi Komisaun Merkadu ba Folin Mobiliáriu sira nian no kuantidade 20 seluk kontabiliza hanesan responsabiliade finanseiru portista sira nian ne'ebé asumi hosi emblema rusu.

 

Iha ‘top 5’ okupa mós hosi fransés Mangala (54ME), kolombianu Radamel Falcao (47ME) no James Rodriguez (45ME), eis-FC Porto sira no belga Witsel (40ME) hosi eis-Benfica.

 

Renato Sanches to'o iha ekipa prinsipal Benfica nian durante temporada ida ne'e, konta ho golu rua iha jogu dala 34, hafoin kumpri tiha formasaun iha emblema "mean" ne'ebé mai hosi Águias da Musgueira.

 

Ho tinan 18, médiu ne'e hatais ona kamizola selesaun nian ba dala rua no renova tiha ona, iha fulan-Dezembru 2015, nia kontratu ida ho Benfica to'o fulan-Juñu 2021, ho kláuzula ida anulasaun nian ho 80 ME.

 

Iha nia site ofisial Internet nian, Bayern Munique, kampeaun alemaun dala haat, hatete ona kona-bá asinatura kontratu ba temporada lima, hafoin Renato Sanches kumpri tiha ezame médiku sira iha klube bávaru, iha loron-segunda ne'e.

 

Lista hosi transferénsia hamutuk 25 ne'ebé karun liu iha futeból portugés:

 

Naran - Proveniénsia - Destinu - Folin

 

Hulk - FC Porto - Zenit - 60ME
Mangala - FC Porto - Manchester City - 54ME
Falcao - FC Porto - Atl. Madrid - 47ME
James Rodriguez - FC Porto - Mónako - 45ME
Witsel - Benfica - Zenit - 40ME
Jackson Martinez - FC Porto - Atl. Madrid - 35ME
Renato Sanches - Benfica - Bayern Munique - 35ME
Danilo - FC Porto - Real Madrid - 31,5ME
Rodrigo - Benfica - Valência - 30ME
Fábio Coentrão - Benfica - Real Madrid - 30ME
Ricardo Carvalho - FC Porto - Chelsea - 30ME
Pepe - FC Porto - Real Madrid - 30ME
Anderson - FC Porto - Manchester United - 30ME
Alex Sandro - FC Porto - Juventus - 26ME
David Luiz - Benfica - Chelsea - 25ME
Di Maria - Benfica - Real Madrid - 25ME
Enzo Pérez - Benfica - Valência - 25ME
João Moutinho - FC Porto - Mónako - 25ME
Nani - Sporting - Manchester United - 25ME
Marcos Rojo - Sporting - Manchester United - 20ME
Matic - Benfica - Chelsea - 25ME
Markovic - Benfica - Liverpool - 25ME
Ricardo Quaresma - FC Porto - Inter Milaun - 24,6ME
Lisandro López - FC Porto - Lyon - 24ME
Imbula - FC Porto - Stoke City - 24ME

 

@SAPO Desporto

Quarta-feira, 04.05.16

Pep Guardiola: "Hein katak Ancelotti sei konsege buat ne’ebé ha’u lakonsege"

Atlético Madrid kualifika badatoluk iha finál Liga Campeões, maski hetan derrota iha terrenu Bayern Munique, ho  2-1, iha jogu daruak  meias-finais nian.

Foto: EPA/Andreas Gebert

 

Treinadór hosi Bayern Munique assume frustrasaun hafoin eliminasaun iha meias finais Liga Campeões, no deseja sorte di’ak ba nia susessór iha komando tékniku.

 

Iha deklarasaun hafoin vitória hasoru Atlético Madrid ho 2-1 ne’ebé hadook Bayern Munique tama ba  finál iha Milaun, Pep Guardiola koalia ninia passajen ho emblema bávaru no momentu  despedida deseja sorte di’ak ba Carlo Ancelotti.

 

"Ha’u tenta ho maneira hotu iha Bayern, ha’u senti kontente iha ne’e. Hein katak bele manán  Champions iha futuru no ho Ancelotti bele halo buat ne’ebé ha’u  labele halo iha tinan tolu nia-laran. Ha’u lahatene  karik penalidade Muller nian hanesan momentu desizivu. Ami tenta halo di’ak hotu, maibé iha nível ida ne’e komete buat kiik oan ida bele halo diferensa. Ami halo ona buat hotu iha kampu", afirma Pep Guardiola.

 

SAPO TL ho SAPO Desportu

Terça-feira, 12.04.16

Bayern hakarak invade Lisboa

Ekipa alemaun hela ho vantajen iha eliminatória ho Benfica.


Foto: Facebook Bayern

 

Liuhosi  pájina ofisiál iha Facebook fó sai katak  Bayern Munique husu ba  adeptu sira atu ‘invade’ Lisboa iha kuarta-feira ne’e, loron ida ne’ebé hala’o jogu ba daruak  kuartus finál Liga Campeões, kontra Benfica.

 

Formasaun alemaun koloka hanesan foto iha kapa pájina ofisiál imajen Prasa Komérsiu ida ho kór  mean no jogadór Bayern balun.

 

Lembra katak ekipa bávaria manán iha  enkontru dahuluk ho 1-0, golu hosi Vidal.

 

SAPO TL ho SAPO Desportu

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo