Terça-feira, 21.06.16

Austrália hakarak aumenta seguransa hafoin agresaun ba atleta paralímpiku

Atleta no fizioterapeuta hetan asaltu iha loron-domingu bainhira pasiar ho bisikleta iha parke ida iha Rio de Janeiro. 

 

 

Komité Paralímpiku hosi Austrália husu ona iha loron-tersa ne'e ba organizadór sira hosi Jogu sira Rio2016 hodi aumenta seguransa, hafoin atleta ida no fizioterapeuta ida hetan asaltu iha loron-domingu bainhira sira pasiar ho bisikleta iha parke ida iha Rio de Janeiro.

 

Liesl Tesch, kampeaun paralímpiku vela nian iha Londres2012 no jogadora basket iha kadeira roda, relata ona katak ema agresor sira husu osan ba nia no ida aponta ba nia arma ida.

 

Xefe misaun paralímpiku australianu nian, Kate McLoughlin, garanti ona katak Liesl Tesch ho nia fizioterapeuta, ne'ebé asaltante sira naok sira nia bisikleta, la hetan kanek ida, maibé senti "xokadu no preokupadu".

 

"Ami senti la hakmatek, organizadór sira tenki haree nível seguransa ne'ebé aas, lalais, antes mosu tan situasaun sira perigu nian. Ami hakerek ona ba sira hodi husu", afirma hosi Kate McLoughlin.

 

Iha semana rua liubá, atiradora brazileira hetan tiru iha ulun iha tentativa ida asaltu nian iha Rio de Janeiru, bainhira lori kareta iha zona norte sidade nian, ne'ebé hanesan fatin halo Jogu Olímpiku sira no Paralímpiku sira.

 

Atake ba Anna Paula Cotta, ne'ebé iha hela ospital ho estadu todan, hanesan akontesimentu ida ne'ebé akontese hafoin asaltu ho arma ne'ebé halo hasoru elementu sira hosi ekipa olímpiku españól vela nian, iha fulan-Maiu.

 

Rio de Janeiro sei hanesan palku hosi Jogu Olímpiku sira entre loron 05 to'o 21 Agostu no simu Jogu Paralímpiku sira entre loron sira 07 - 18 Setembru.

 

@SAPO Desporto

Sexta-feira, 06.11.15

Federasaun no asosiasaun hetan akordu saláriu nian iha Austrália

Dirijente klasifika ona akordu hanesan "limiti ida" nebe sei permiti atu "futeból australianu avansa iha profisionalizmu".


Jogadór futeból hosi selesaun Austrália nian, Tim Cahill, iha AFC Asian Cup 2015. EPA@ Dean Lewins

 

Federasaun Futeból Austrália nian (FFA) fó sai iha loron-sesta katak asina tiha ona ho Asosiasaun hosi Jogadór Profisionál sira (PFA) akordu salariál ida, nebe hakotu polémiku nebe dura iha fulan barak nia laran.

 

Adam Vivian, xefe-ezekutivu hosi PFA, klasifika ona akordu hanesan "limiti ida" nebe sei permiti atu "futeból australianu avansa iha profisionalizmu, proteje kareira hosi futebolista sira nian iha kompetisaun aas".

 

Akordu ne'e vale ba futebolista sira hosi kompetisaun sira klube nian no hosi selesaun maskulinu no femininu nian no hakotu ona polémiku ida nebe halo selesaun femininu kansela tiha, iha fulan-Setembru nia klaran, digresaun ida iha Estadus Unidus, tanba konflitu saláriu nian.

 

Akordu foun hatete katak futebolista sira hosi selesaun prinsipál, "Matildas", simu tinan-tinan dolar 41.000.

 

Relasionadu ho A-League, kampeonatu australianu futeból nian, akordu aumenta saláriu mínimu hosi dolar australianu 51.000 ba 55.000 no estabelese limiti saláriu tinan-tinan ida ho máximu dolár australianu millaun 2,6.

 

@SAPO Desporto

Terça-feira, 15.09.15

Médiku australianu sira hakarak bandu modalidade hafoin pratikante nia mate

Iha fulan-Marsu liubá, Braydon Smith, pujilista seluk ida, mate iha uma oras balun hafoin hakotu kombate ida, nebe nia lakon iha kombate ne'e.


 

Asosiasaun ida hosi médiku australianu husu iha loron-tersa ne'e proibisaun ba prátika pujilizmu hafoin pratikante ida hosi modalidade ne'e mate tanba ‘knock-out’ ida nebe hetan iha kombte ida hodi desidi títulu rejionál ida, iha loron-sesta liubá.

 

Davey Browne Jr., ho tinan 28, hetan tuku iha ulun durante kombate ida ho filipinu Carlo Magali no monu la book nia aan, nune'e lori kedas nia ba Ospitál Sydney nian ho estadu krítiku. Família hosi atleta ohin fó autorizasaun atu desliga mákina sira nebe to'o agora mantén nia hodi moris.

 

"Regra sira hosi desportu ne'e maka atleta sira kanek, ra'an sulin ka husik ring ho estraga sira todan iha kakutak, nebe dalabarak bele oho sira. Nune'e maka ami halo kampaña ne'e hodi bandu desportu ne'e", hatete hosi Stephen Parnis, visi-prezidente hosi Asosiasaun Médiku australianu nian.

 

"Ne'e hanesan trajédia ida ba ema hotu. Labele evita mate ne'e no husik sentimentu ida nebe todan tebes", Parnis hatutan.

 

Asosiasaun médiku afirma katak "ne'e hanesan kauza ida ba mate prematuru entre joven sira" no hanesan "golpe úniku ida hodi oho, bainhira sai iha kalan ka durante kombate ida", hodi husu ba autoridade sira hodi hapara ho prátika hosi modalidade ne'e.

 

@SAPO Desporto

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo