Segunda-feira, 20.11.17

Britániku atravesa Timor hosi rohan ba rohan iha menus oras 24 nia laran

Ultramaratonista inglés Scott Cunliffe sai ona, iha final hosi loron-domingu, atleta dahuluk ne'ebé maka halai entre kosta norte no kosta súl Timor-Leste nian, kompleta nune'e kilómetru 125 resin iha menus oras 24 nia laran. 

 

 

Grupu apoiante ki'ik ida, inklui balun ne'ebé akompaña Cunliffe iha prova tomak, hasoru malu iha kalan iha Palásiu Governu nia oin, iha Díli, ne'ebé iha marka ida hosi fatuk ne'ebé marka "kilómetru zero" no sai hanesan parte ikus halai nian.

 

Iha duni tuku 23:15 loron-domingu, liutiha oras 23 no minutu 37 hafoin halai hahú hosi kosta súl, Scott Cunliffe, ho tinan 43, hakotu kilómetru 125, 5 resin entre kosta rua hosi illa.

 

Viajen entre kosta súl, Tasi Mane, iha súl hosi vila Cassa, no Díli, sidade ne'ebé haleu hosi Tasi Feto tuir loloos inklui sa'e no tuun Foho Ramelu ho metru rihun tolu resin.

 

Cunliffe esplika katak ikusmai nia dezisit tanba nia kálkulu dahuluk hosi viajen ne'e aas liu duké kalkula antes (liu kilómetru 15) no sa'e ho tuun Ramelau sei aumenta liután halai ne'ebé liu ona máximu ida ne'ebé maka atleta ne'e halo to'o agora, kilómetru 102.

 

"Ha'u halo kálkulu sala no sa'e ba Ramelau sei aumenta distánsia maka'as duké ida ne'ebé ha'u hanoin katak bele no tanba ne'e ha'u la halo", nia esplika. "Importante maka halo hosi rohan ba rohan. Halo viajen hosi kosta súl to'o Díli. Nune'e objetivu prinsipal maka lori tan aventureiru sira, atleta sira, ema sira ne'ebé gosta halo eskalada, to'o iha Timor-Leste", nia afirma.

 

Maski parte barak hosi estrada sira Timor-Leste nian sei iha rekuperasaun, investimentu sira iha tinan hirak ikus ne'e implika atu estrada barak hetan ona ka sei hetan intervensaun. Nune'e, nia esplika ba Lusa bainhira to'o, katak estrada barak maka iha alkatraun sai hanesan dezafiu boot ida.

"Liuhosi metade iha alkatraun no ne'e kolen tebes. Ha'u gosta liu estrada sira ne'ebé kabeer maibé akontese ona", nia hatete.

 

Cunliffe, ne'ebé uluk nu'udar observador iha referendu independénsia Timor-Leste nian iha tinan 1999 - hafoin serbisu fali iha nasaun iha tinan 2003 no 2008 - agora daudaun halo viajen iha nasaun oioin hodi fó formasaun kona-ba ultramaratona sira no prova sira halai nian ho distánsia naruk.

 

"Halai ultramaratona ida hanesan todan tebes. Ho ritmu maratona ida hanesan ema oituan maka bele halo. Maibé maski neineik, hahú hosi 60 ka 70 bele sai susar tebes", nia esplika.

 

"Prinsipal maka kestaun mental ida, mantén atitude pozitivu ida. Ita tenki pratika, akumula kilómetru sira hodi ita bele prepara aan. Tinan ne'e ha'u halai dalabarak ona. Ó nia isin hahú hetan forsa no kapasidade", nia esplika.

 

Iha kazu ne'e, nia konsege halai ona besik 70% hosi kilómetru 75 dahuluk maibé hafoin ne'e konsege de'it 20% hosi kilómetru 50 ikus sira, ho kolen maka'as iha final hosi korida, nia hatete.

 

Klima ajuda ona, ho madrugada laiha kalohan sira no lalehan nakonu ho fitun sira, lalehan azul durante inísiu loron nian no hafoin ne'e, iha períudu ne'ebé manáns, kalohan ho udan sira ajuda ona halo ambiente fresku.

 

ho Lusa

Quarta-feira, 15.11.17

Ultramaratonista inglés hakarak sai hanesan ema dahuluk ne'ebé atravesa Timor tomak

Ultramaratonista inglés Scott Cunliffe hakarak sai hanesan atleta dahuluk, iha findesemana ne'e, halai iha kilómetru 110 resin entre kosta norte ho kosta súl Timor-Leste nian inklui sae ba Foho Ramelau ne'ebé iha metru 3.000. 

 

 

"Hanesan dezafiu boot ida duni maibé ho nia ha'u hakarak bolu turista sira aventura nian mai Timor, ema sira ne'ebé halai, eskalador sira, ka ema sira ne'ebé hadomi natureza, ema sira ne'ebé maka iha interese iha turizmu kultural ka istóriku", nia esplika ba Lusa iha Díli.

 

Viajen sei hahú iha tuku 00:00 loron-domingu iha kosta súl, Tasi Mane, hosi súl vila Cassa nian, no hotu besik tuku 15:00 iha kapital timoroan, Díli, ne'ebé maka haleu hosi Tasi Feto.

 

Cunliffe ne'ebé maka halai durante tinan sanulu ona - no ho tinan rua esperiénsia iha halai esperiente sira - halo ona prova ida ho kilómetru 102, distánsia ne'ebé maka sei ultrapasa iha Timor-Leste ne'ebé nia dezafiu sira sei tau hamutuk ho "klima, temperatura ne'ebé aas".

 

"Mantén isin iha temperatura adekuadu ida hanesan importante. Konsege kontrola hidratasaun no nutrisaun hanesan importante. Ha'u sei iha karreta ida apoiu nian ho bee malirin ho jelu. Maibé bainhira iha liu humidade sei di'ak liután", nia afirma.

 

"Objetivu maka halai entre oras 15 no 17. Ha'u hein katak bele to'o iha Díli besik tuku 15 loron-domingu nian. Tempu ne'e inklui parajen badak sira hodi haan buat ruma, troka sapatu sira", nia esplika.

 

Cunliffe, ne'ebé uluk nu'udar observador iha referendu independénsia Timor-Leste nian iha tinan 1999 - hafoin serbisu fali iha nasaun iha tinan 2003 no 2008 - agora daudaun halo viajen iha nasaun oioin hodi fó formasaun kona-ba ultramaratona sira no prova sira halai nian ho distánsia naruk.

 

"Halai ultramaratona ida hanesan todan tebes. Ho ritmu maratona ida hanesan ema oituan maka bele halo. Maibé maski neineik, hahú hosi 60 ka 70 bele sai susar tebes", nia esplika. "Prinsipal maka kestaun mental ida, mantén atitude pozitivu ida. Ita tenki pratika, akumula kilómetru sira hodi ita bele prepara aan. Tinan ne'e ha'u halai dalabarak ona. Ó nia isin hahú hetan forsa no kapasidade", nia esplika.

 

Nia fó hanoin katak maski nune'e atleta ida ne'ebé halo prova hanesan ne'e "hasoru beibeik situasaun sira ka buat ki'ik ruma".

 

"Fatuk ida iha sapatu, bainhira ita la hasai kedas, bele sai hanesan problema todan ida iha tempu oinmai. Maibé buat hotu hanesan kestaun mental ida. Halo meditasaun, dalaruma ó halo reza ruma. Dalabarak ha'u hatama múzika", nia hatete.

 

"Parte ne'ebé maka mesak ne'e la inkomoda ha'u. Ne'e hanesan prátika egoísta ida. Ha'u gosta solidaun. Ita gosta espasu mental. Ha'u tenta konsentra máximu iha momentu. Ha'u foka iha respirasaun, hodi bele kalma", nia hatutan.

 

Hafoin ne'e buat hotu hanesan kestaun tátika ida no mós sorte. Ba dala uluk bainhira nia tenta eskala Foho Ramelau hosi súl nia la konsege. Nia ba lahó matadalan no bainhira nia hatene, nia haree katak nia iha besik parte ninin ida.

 

Agora nia hein katak bele iha matadalan hodi sa'e, hosi súl, ba foho ne'ebé aas liu iha Timor-Leste. No hafoin ne'e tuun, halai, to'o Díli.

 

ho Lusa

Quinta-feira, 03.09.15

Eventu SportImpact halibur labarik atus lima resin iha Lospalos

Atu selebra “Desportu ba Moris”, Iha loron-Sábado, 29 agostu, SportImpact organiza eventu multi-desportu ida iha Kampo Futebol Lospalos

 


Labarik no joven 500 resin, no adultu sanulu resin, bele koko gratuitamente desportu 14 ne’ebé lahanesan: atletizmu, badminton, basebol, basketból, ténis de praia, boxe, damas, futeból, jinástija, jogu tradisionál sira, ténis meza, taekwondo, voleiból no zumba.

 


Iha eventu ne’ebé hala’o ona atividade desportiva barak ho rekursu materiál adapatadu. Ko-organizadór sira ne’ebé hetan inspirasaun hosi Manual de Desporto Adaptado konsege ultrapasa difikuldade ne’ebé mosu tanba falta ekipamentu, hodi adapta materiál lokál ne’ebé prodús hikas fali hosi lixu, liu liu iha badminton, basebol, ténis de praia, voleiból, damas, futeból, jogu peaun, ténis meza no disiplina lima hosi atletizmu: haksoit, barreira, estafeta, halai no lansamentu.


Hatudu katak ho boa-vontade, kolaborasaun no determinasaun buat hotu bele halo, eventu ne’ebé organiza hamutu ho organizasaun lokál oioin: Sentru Rejionál Juventude Oekusse, Konsellu Nasionál Juventude Timor-Leste, Asosiasaun Taekwondo, boxe, basketból noVoleiból Lospalos, no profesór oioin hosi Edukasaun Fízika Eskola Nino Konis Santana Lospalos.


SportImpact, iha Sentru Juventude Oekusse, organiza mós kursu ho durasaun loron haat kona-ba “Guia ba Organizasaun Eventus Desportivus”, ne’ebé partisipa hosi reprezentante lokál 33 hosi Sentru Rejionál Juventude Oecusse, Konsellu Nasionál Juventude Timor-Leste, Asosiasaun Taekwondo no Voleibol Lospalos, no seluk tan. Partisipante iha kursu ne’e sira ko-organiza eventu iha loron-sábadu liuba, hodi pratika fali saida maka sira aprende iha workshop no oinsá planea hodi replika eventu iha tempu oin mai.


Tuir SportImpact, organizasaun sira hanesan UNESCO no World Vision Timor-Leste hatudu interese boot hodi apoia SportImpact iha fulan balun iha tinan 2015. Tanba ne’e, futuru kontinuasaun projetu maka ladauk iha serteza tanba falta apoiu finanseiru ba 2016, maski orsamentu uitoan.


Iha tinan 2016 SportImpact hakarak replika inisiativa “Desportu ba Moris” ba nível postu administrativu sira (sub-munisípiu) hosi Timor-Leste no buka parseiru no apoiu finanseiru ne’ebé bele viabiliza projetu.


SportImpact agradese liuliu ba apoiu hosi MOVE- Universidade Católica Portuguesa liuhosi voluntáriu na’in-haat iha part-time, AICEP Portugal Global – Ajénsia ba Investimentu Komérsiu Esternu Portugal, liuhosi estajiáriu ida, Peace and Sport hodi kria no fahe Manual Desportu Adaptadu no ba One World Play Project, ne’ebé oferese bola futeból ‘indestrutível’ liuhosi ChildFund. Ba eventu ne’e SportImpact agradese apoiu ema hotu nian ko-organizadór no voluntáriu sira.


Kona-ba eventu “Desportu ba Moris”


Eventu “Desportu ba Moris” maka hanesan ko-organizadu hosi SportImpact hamutuk ho grupu barak no organizasaun lokál sira, hodi fó oportunidade ba komunidade atu koko desportu oioin iha fatin ida de’it (baibain hala’o iha fatin kampu futeból nian ka estádiu ne’ebé disponível). SportImpact konvida eskola hotu-hotu hosi rejiaun atu lori sira ninia labarik no joven sira. Objetivu maka atu hatudu katak la presiza halo infraestrutura boot ida hodi realiza eventu no insentiva grupu no asosiasaun lokál sira organiza mesak ho inisiativa ne’ebé hanesan iha futuru.


Eventu ne’e mós inklui elementu edukasaun no saúde. To’o agora: kombate ba tabaku iha resintu no halo promosaun hosi komportamentu sira ne’ebé iha relasaun ba foer. SportImpact buka parseiru sira ne’ebé bele tau matan ba eventu sira hanesan kanál di’ak ida no atu hariku ho sira ninia konteúdu rasik.


Iha fulan sira oin mai, SportImpact sei lori projetu ida ne’e ba munisípiu tolu ne’ebé planea tiha ona no agradese apoiu hosi UNESCO ne’ebé sei lori mós projetu ba fatin 4 seluk, bele kompleta país ne’e tomak:


· Lospalos: workshop 24-28/ Ago, eventu 29/Ago
· Maliana: workshop 07-10/Set, eventu 11/Set
· Baucau: workshop 15-18/Set, eventu 19/Set
· Aileu: workshop 28/Sep-02/Out, eventu 03/Out
· Suai: workshop 12-16/Out, eventu 17/ Out
· Viqueque: workshop 26-30/Out, eventu 31/ Out
· Ainaro: workshop 16-20 Nov, eventu 21/Nov
· Same: workshop 30/Nov-04/Dez, eventu 05/Dez


 Kona-ba SportImpact


SportImpact hanesan negósiu sosiál ho misaun atu promove dezenvolvimentu umanu liuhosi desportu. Fundadór maka espesialista sira iha jestaun desportu, empreendedorizmu sosiál no jestaun konflitu, ho esperiénsia internasionál oioin atu dezenvolve desportu iha país sira hanesan Timor-Leste, Afeganistaun, Brazíl, Portugál no Singapura.
 
Atu haten liutan informasaun: Sportimpact  | www.facebook.com/sportimpact.org

 

Kontatu: events@sportimpact.org, Tel. (+670) 7801 4000

Terça-feira, 01.09.15

Finál Torneiu Tasa Primeira Dama 2015

Voleibol de Praia no Torneiu Futsal

 

 

Lista Trofeu sira


VOLEIBO DE PRAIS MISTO (troféu sira ne’ebé patrosina hosi H20 PUMP & Power)

 


Vensedór: TIMOR TELECOM


2º lugar: Embaixada Estadus Unidus Amérika


Melhor Jogador Voleibol Praia Mistu: Elly Soares (Timor Telecom)


VOLEIBOL DE PRAI FEMININO (troféu sira ne’ebé patrosina hosi H20 PUMP & Power)

 

Vensedór: Embaixada Estadus Unidus Amérika


2º lugar: Ministériu Petróleu no Rekursus Naturais


3º lugar: Timor Telecom


4º lugar: GAP-MHS Aviation


Melhor Jogador: Ana Lucinda (Ministériu Petróleu no Rekursus Naturais)


FUTSAL (troféu sira ne’ebé patrosina hosi Startec Enterprises)


Vensedór: Embaixada Brazíl


2º lugar: Limpeno


3º lugar: Timor Telecom


4º lugar: Ministériu Petróleu no Rekursus Naturais


Fair Play: Timor Telecom


Melhor markadór: Marcelo Flor (Timor Telecom), marka golu 16


Melhor jogadór: Sabino Pereira (Timor Telecom), hetan pontu 13


(Romeu Costa hosi Embaixa Brazíl iha pontu hanesan maibé só marka de’it golu 6. Sabino Pereira marka golu 8)

 

Foto: jogu finál no fahe trofeu:

 

Foto: Samuel Soares @SAPO TL

Halo mós sorteiu ba viajen rua (Bali no Singapura)

 

Rezultadu sira ne’e publika ona iha facebook: Gabinete Primeira-Dama Timor-Leste.

  
Quarta-feira, 26.08.15

Eventu SportImpact halibur labarik atus iha Oekusse

Selebra “Desportu ba Moris”, SportImpact iha loron sesta, 14 agostu organiza eventu multi-desportu iha Kampo Futeból Oekusse

 


Labarik no joven atus, no adultu sanulu resin, ho gratuita sira bele koko desportu 15 ne’ebé lahanesan: atletizmu, badminton, basebol, basketból, ténis de praia, boxe, dansa, damas, futeból, jinástika, jogu peaun, ténis meza, taekwondo, voleiból no zumba.


Iha eventu ne’ebé hala’o ona atividade desportiva barak ho rekursu materiál adapatadu. Ko-organizadór sira konsege ultrapasa difikuldade ne’ebé mosu tanba falta ekipamentu, hodi adapta materiál lokál ne’ebé prodús hikas fali hosi lixu, liu liu iha badminton, basebol, ténis de praia, voleiból, damas, futeból, jogu peaun, ténis meza no disiplina lima hosi atletizmu: haksoit, barreira, estafeta, halai no lansamentu.

 


Hatudu katak ho boa-vontade, kolaborasaun no determinasaun buat hotu bele halo, eventu ne’ebé organiza hamutu ho organizasaun lokál oioin: Sentru Rejionál Juventude Oekusse, Konsellu Nasionál Juventude Timor-Leste, Asosiasaun Taekwondo no Voleibol Oekusse, Sentru Loromatan Ba Lian, Sentru Inglés SOLS no profesór oioin hosi Edukasaun Fízika hosi Escola Santo António Maria Oekusse.


SportImpact, iha Sentru Juventude Oekusse, organiza mós kursu ho durasaun loron haat kona-ba “Guia ba Organizasaun Eventus Desportivus”, ne’ebé partisipa hosi reprezentante lokál 23 hosi Sentru Rejionál Juventude Oecusse, Konsellu Nasionál Juventude Timor-Leste, Asosiasaun Taekwondo no Voleibol Oekusse, no seluk tan. Partisipante iha kursu ne’e sira ko-organiza eventu iha loron-sábadu liuba, hodi pratika fali saida maka sira aprende iha workshop no oinsá planea hodi replika eventu iha tempu oin mai.

 

Tuir SportImpact, orsamentu ne‘ebé prepara ba projetu ne’e maka labarak. SportImpact agradese liu liu apoiu hosi AICEP Portugal Global – Ajénsia ba Investimentu no Komérsiu Externu hosi Portugal, liuhosi hala’o estajiáriu ida no ba One World Play Project, ne’ebé oferese bola futeból ‘indestrutível’ liuhosi ChildFund. Ba eventu ne’e SportImpact agradese ba ema hotu ninia apoiu ba ko-organizadór no voluntáriu sira.


Iha tinan 2016 SportImpact hakarak replika inisiativa “Desportu ba Moris” ba nível postu administrativu sira (sub-munisípiu) hosi Timor-Leste no buka parseiru no apoiu finanseiru ne’ebé bele viabiliza projetu.


Kona-ba eventu “Desportu ba Moris”


Eventu “Desportu ba Moris” maka hanesan ko-organizadu hosi SportImpact hamutuk ho grupu barak no organizasaun lokál sira, hodi fó oportunidade ba komunidade atu koko desportu oioin iha fatin ida de’it (baibain hala’o iha fatin kampu futeból nian ka estádiu ne’ebé disponível). SportImpact konvida eskola hotu-hotu hosi rejiaun atu lori sira ninia labarik no joven sira. Objetivu maka atu hatudu katak la presiza halo infraestrutura boot ida hodi realiza eventu no insentiva grupu no asosiasaun lokál sira organiza mesak ho inisiativa ne’ebé hanesan iha futuru.

 

Eventu ne’e mós inklui elementu edukasaun no saúde. To’o agora: kombate ba tabaku iha resintu no halo promosaun hosi komportamentu sira ne’ebé iha relasaun ba foer. SportImpact buka parseiru sira ne’ebé bele tau matan ba eventu sira hanesan kanál di’ak ida no atu hariku ho sira ninia konteúdu rasik.
 
Iha fulan sira oin mai, SportImpact sei lori projetu ne’e ba munisípiu haat:


·       Lospalos: workshop 24-28/ Ago, event  29/Ago
·       Maliana: workshop 07-10/Set, eventu  11/Set
·       Baucau: workshop 15-18/Set, eventu 19/Set
·       Aileu: workshop 28/Sep-02/Out, eventu  03/Out


Kona-ba SportImpact


SportImpact hanesan negósiu sosiál ho misaun atu promove dezenvolvimentu umanu liuhosi desportu. Fundadór maka espesialista sira iha jestaun desportu, empreendedorizmu sosiál no jestaun konflitu, ho esperiénsia internasionál oioin atu dezenvolve desportu iha país sira hanesan Timor-Leste, Afeganistaun, Brazíl, Portugál no Singapura.

 

Atu haten liutan informasaun: Sportimpact  |  www.facebook.com/sportimpact.org


Kontatu: events@sportimpact.org, Tel. (+670) 7801 4000

Sexta-feira, 07.08.15

Eventu kona-ba “Desportu ba Moris”

Eventu “Desportu ba Moris” maka hanesan ko-organizadu hosi SportImpact hamutuk ho grupu barak no organizasaun lokál sira, hodi fó oportunidade ba komunidade atu koko desportu oioin iha fatin ida de’it (baibain hala’o fatin kampu futeból nian ka estádiu ne’ebé disponível).

 

 

SportImpact konvida eskola hotu-hotu hosi rejiaun atu lori sira ninia labarik no joven sira. Objetivu maka atu hatudu katak la presiza halo infraestrutura boot ida hodi realiza eventu no insentiva grupu no asosiasaun lokál sira organiza mesak ho inisiativa ne’ebé hanesan iha futuru.


Eventu ne’e mós inklui elementu edukasaun no saúde. To’o agora: kombate ba tabaku iha resintu no halo promosaun hosi komportamentu sira ne’ebé iha relasaun ba foer. SportImpact buka parseiru sira ne’ebé bele tau matan ba eventu sira hanesan kanál di’ak ida no atu hariku ho sira ninia konteúdu rasik.

 

"SportImpact sei organiza "Desportu ba Moris" iha Munisípiu Oecussi. workshop sei hala’o iha 10 to’o 13 Agostu no eventu iha loron 14, tuku 07:00 otl iha Campo de Futebol de Santa Rosa. 

 

Iha fulan sira oin mai, SportImpact sei lori projetu ida ne’e ba munisípiu haat:

 

- Lospalos: workshop 24-28/ Ago, eventu 29/Ago

- Maliana: workshop 07-10/Set, eventu 11/Set

- Baucau: workshop 15-18/Set, eventu 19/Set

- Aileu: workshop 28/Sep-02/Out, eventu 03/Out

 

Kona-ba SportImpact

 

SportImpact hanesan negósiu sosiál ho misaun atu promove dezenvolvimentu umanu liuhosi desportu. Fundadór maka espesialista sira iha jestaun desportu, empreendedorizmu sosiál no jestaun konflitu, ho esperiénsia internasionál oioin atu dezenvolve desportu iha país sira hanesan Timor-Leste, Afeganistaun, Brazíl, Portugál no Singapura.


Atu haten liutan informasaun: Sportimpact | www.facebook.com/sportimpact.org


Kontatu: events@sportimpact.org, Tel. (+670) 7801 4000"

pesquisar

 

Dezembro 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo