Segunda-feira, 06.03.17

Atlético Madrid hetan fila fali vitória ho 'sotake' fransés

'Colchoneros' pratikamente dook hosi luta ba títulu. Griezmann no Gameiro marka golu sira.


Foto: Lusa

 

Atlético Madrid ohin hetan fila fali vitória iha liga española no koloka provizóriu pontu neen hosi Sevilha iha fatin dahaat, hafoin hasoru no halakon Valéncia, ho 3-0, iha jornada 26.ª.

 

Iha  Estádiu Vicente Calderón, hafoin  jogu rua lamanán, ‘colchoneros’ hetan fila fali  vitória   hosi golu fransés sira: Griezmann halo golu rua, iha minutu 10 no  83, no Gameiro moos  marka, iha  48.

 

Tiago, ne’ebé hasoru parajen kleur tanba lezaun, latama iha Atlético Madrid, enkuantu iha  Valéncia João Cancelo sai  titular no Nani, ho problema fíziku, lautiliza.

 

Realidade dook ona hosi  luta ba títulu ( iha pontu 11 hosi líder FC Barcelona), emblema kapitál española kontinua iha fatin dahaat, maibé agora ho pontu neen hosi Sevilha, ne’ebé sei hasoru segunda-feira ne’e iha kampo Alavés.

 

Iha parte seluk, Valéncia okupa iha fatin 13.º, pontu 10 hosi  zona dezpromosaun nia leten.

 

Jogu dahuluk ohin loron nian, Deportivo Corunha manán 1-0 iha fatin Sporting Gijon, penúltimu klasifikadu, no kria dalan ida importante ba manutensaun.

 

Ho  Luisinho iha  ekipa titular ( hetan substitusaun iha minutu 85), Mosquera halo  úniku golu ba jogu ne’e, iha minutu 45+1,  no halo  Corunha pontu tolu hosi zona despromosaun.

 

SAPO TL ho SAPO Desportu

Sexta-feira, 20.01.17

Atlético Madrid kria espasu boot ba meia-finál

Ekipa colchonera halakon Eibar ho 3-0.


 

Atlético Madrid iha ohin kria dalan boot ida ba meias-finais Taça Espanha hafoin manán  Eibar, iha  Vicente Calderón, ho 3-0, vantajen konfortável ba jogu tuir mai iha uma adversáriu nian.

 

Internasionál fransés Antoine Griezmann koloka uluk Atlético iha oin liuhosi markadór iha minutu 28, vantajen ne’e reforsa iha parte daruak ho golu rua, iha 60, hosi médiu arjentinu Angel Correia, no iha 68, hosi  fransés Kevin Gameiro, asendénsia portugeza.

 

Iha  jogu seluk ohin nian ba jogu dahuluk  kuartu finál, Real Sociedad hasoru FC Barcelona.

 

Iha kuarta-feira, Real Madrid lakon iha uma-rasik hasoru  Celta Vigo ho 2-1, enkuantu Alavés manán iha uma Alcorcon, hosi eskalaun tolu, ho 2-0.

Jogu ba daruak sei hala’o iha loron 25 no 26 janeiru tuir mai.

 

SAPO TL ho SAPO Desportu

Terça-feira, 13.12.16

Villarreal okupa fatin dahaat iha España hafoin halakon Atlético

Oblak  no Tiago sai ho lesionadu iha jogu.


Foto: EPA/Manuel Bruque

 

Villarreal iha ohin sa’e ba klasifikasaun dahaat futeból liga española, halakon ho 3-0 iha uma-rasik hosoru Atlético Madrid, iha jogu ne’ebé taka jornada 15.ª kompetisaun nian.

 

Ekipa hosi 'submarinu amarelu' hetan pontu  26, hanesan ho Real Sociedad, só aprezenta deit diferensa globál di’ak liu iha golu ne’ebé marka no sofre, luta maka’as hadau fatin ba asesu 'play-off' iha  Liga Campeões.

 

Iha faze kampeonatu nian – lamanán ona durante jogu tolu -, Atlético Madrid monu liu fali ba fatin daneen, ho pontu  25, hela pontu  12  hosi  líder Real Madrid.

 

Tiago sai titular ba 'Atleti'  no iha responsabilidade balun ba golu dahuluk, aponta hosi Trigueros, iha minutu 28. Hetan  substitui iha minutu 30, ho problema iha ain-tuur.

 

Mexikanu Jonathan dos Santos halo 2-0 iha minutu 38 no iha ne’e  moos hamosu deskontetamentu hosi defeza madrilenu, tanba  lanse ne’e halo aleza  guarda-rede Oblak, obriga Diego Simeone hatuun Moya iha jogu ho nuune’e  menus substituisaun ida.

 

Besik  jogu remata, bainhira 'colchoneros' tenta halo buat hotu atu hetan golu, Villarreal amenta tan ba  3-0 – tentativu hosi  italinu Soriano, iha 90+3.

 

SAPO TL ho SAPO Desportu

Quinta-feira, 28.04.16

Simeone: "Sé maka tama hanesan ka di’ak liu duké sira ne’ebé sai"

Bayern Munique lakon iha España  hosi Atlético Madrid ho  1-0, iha enkontru  ba dahuluk  meias-finais Liga Campeões nian.


Foto: Lusa

 

Diego Simeone elojia prestasaun Atlético Madrid, iha vitória  1-0 ho Bayern Munique. Tékniku colchoneros gosta golu Saúl nian maibé  aviza katak sei  falta  minutu 90 hasoru adversáriu poderozu ne’e.

 

"Jogu ida emosionante tebes ne’ebé  ezije esforsu ida maka’as. Iha  segunda parte ami defende  tamba  adversáriu hatudu jogu ida di’ak liu. Sei iha jogu daruak ne’ebé  kapás liu halo ema hotu atu haree , iha estádiu ida impressionante no hasoru adversáriu ida  poderozu, ho ida ne’ebé tama hanesan ka di’ak liu duké ida ne’ebé sai. Ida ne’e hanesan  duplu dezafiu ba iha ami nia ambisaun", hatete Simeone, hafoin jogu ne’e.

 

Tékniku hosi Atlético Madrid ne’e elojia golu Saúl nian: " Jogada individual ida di’ak tebes. Saúl bele  joga iha pozisaun diferente,  hanesan jogadór ne’ebé kompletu tebes no ha’u kontente  ba golu ne’ebé nia marka. Ne’e  konsekuénsia hosi nia esforsu", haktuir  nia.

 

Bayern Munique lakon iha España hosi Atlético Madrid ho 1-0, iha enkontru dahuluk meias-finais Liga Campeões. Saúl Ñiguez maka marka golu úniku iha jogu ne’e.

 

SAPO TL ho SAPO Desportu

Sexta-feira, 25.12.15

Augusto Fernández maka reforsu hosi A. Madrid

Mediu hosi Celta de Vigo.


Foto: Miguel Riopa

 

Augusto Fernández nu’udar reforsu hosi Atlético de Madrid hahu fulan janeiru.

 

Médiu ne’e ho folin besik euros milloens 6,5, tuir imprensa espanol fo sai. Augusto Fernández maka troka Tiago ne’ebé kanek no sei lajoga durante fulan balun nia laran.

 

Arjentinu-oan ne’e maka sei sai nu’udar reforsu to’o junu 2019.

 

SAPO TL ho SAPO Desportu

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
12
14
15
16
17
19
20
21
22
23
24
25
26
27
28
29
30
31

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo