Quarta-feira, 04.01.17

Arsenal rekupera hosi desvantajen golu tolu no salva pontu ida

Alexis Sánchez, Lucas Pérez no Olivier Giroud marka golu ne’ebé vale empate ida ba 'gunners'.


Foto: ANDY RAIN / EPA

 

Arsenal empata tersa-feira ne’e ho golu tolu iha terrenu Bournemouth, liuhosi jogu ne'ebé kuaze atu lakon ho 3-0.Ekipa uma-na’in hakotu enkontru ne’e ho elementu sanulu.

 

Charlie Daniels loke markadór iha minutu 16, molok Callum Wilson halo 2-0 liuhosi penalidade.

 

Ryan Fraser komplia tan tarefa 'gunners' halo ba 3-0 iha minutu 58. Alexis Sánchez konsege hamenus ba 3-1 iha minutu 70 no Lucas Pérez halo golu ba ekipa londrinu iha 75'.

 

Ekipa uma-na’in hetan redusaun ba elementu sanulu tanba espulsaun ba Simon Francis, ne’ebé maka foti desizaun maka’as liu hasoru Aaron Ramsey, no ikus mai hetan empate.

 

Liu apitu finál, Olivier Giroud halo rezultadu ba 3-3. Arsenal okupa iha pozisaun dahaat tabela nian, ho pontu 41, menus ida duké Manchester City. Bournemouth okupa iha klassifikasaun sia, ho pontu 25.

 

SAPO TL ho SAPO Desportu

Quarta-feira, 14.12.16

Arsenal lakon ho Everton no Chelsea bele hanaruk vantajen iha lideransa

Londrinu loke  uluk golu iha Liverpool, maibé golu rua hosi Everton taka jogu ne’e.


Foto: EPA/PETER POWELL

 

Arsenal laaproveita iha ohin vantajen golu ida iha Liverpool no lakon  2-1 ho Everton, rezultadu ida ne’ebé bele permite ba Chelsea haluan tan ninia vantajen iha lideransa futeból liga ingleza nian.

 

Kazu kona-ba  vitória, pupilu Arsene Wenger iha pontu 37 hanesan ho 'blues' hosi Londres, ne’ebé iha karta-feira joga iha Sunderland, klasifikadu ikus iha prova.

 

Arsenal iha ambisaun klaru  ba  jogu ne’e no  aponta hanesan favoritu hasoru ekipa Ronald Koeman - Everton, ne’ebé sa’e  klasifikasaun dahitu, okupa deit iha klasifikasaun sia kampeonatu nian.

 

Xilenu Alexis Sánchez loke uluk golu iha minutu 20, maibé restu hosi jogu la’o ladi’ak ba Arsenal, hodi molok tama  intervalu, irlandés Coleman halo empata.

 

Buat hotu sai aat liu ba 'gunners' hafoin intervalu: galés Williams fó vitória ba ekipa uma-na’in, iha minutu 86, liuhosi 'falsidade' balun ba golu ida iha jogu ne’ebé  nota deit ho ekilíbriu.

 

Iha ohin moos, kampeaun Leicester lakonsege latuir  vitória estrondoza iha jornada ikus, 4-2 hasoru Manchester City, no lakon ho 1-0 ho Bournemouth.

Golu úniku iha Vitality Stadium hosi  Pugh, iha minutu 44.

 

Relasiona ba kampeaun-surpreza edisaun ikus 'Premier League', ne’ebé 'lakon' iha fatin 14.º tabela nian, ho deit pontu  16, haat  hosi zona degradasaun.

 

SAPO TL ho SAPO Desportu

Quinta-feira, 17.03.16

Wenger: "Barcelona iha jogadór ne’ebé transforma normál sai ba arte"

Barcelona manán Arsenal ho 3-1 iha jogu ba segunda mão dos oitavos de final Liga Campeões nian.


Foto: ANDY RAIN / EPA

 

Treinadór Arsenal, Arsène Wenger, lamenta tebes ho afastamentu 'gunners' nian hosi Liga dos Campeões, no hatete katak  falta efikásia iha nia ekipa rasik hafoin derrota hasoru Barcelona ho 3-1.

 

"Ami iha ipóteze, maibé ami lakonsege. Ho  kualkér forma, ami tenki fó  parabéns ba Barcelona, tamba iha jogadór nain rua, tolu  ne’ebé bele transforma buat  normal sai ba arte",  reasaun tékniku fransés ne’e hafoin eliminasaun Arsenal nian iha Camp Nou.

 

"Ami hala’o jogu ida ho kualidade, bainhira ami halo 1-1 ami lahanoin katak sira atu halo golu, maibé tridente Barcelona marka fila fali. Jeralmente bele hatete katak ami lakon kontra ekipa ida ne’ebé iha jogadór di’ak liu maka ha’u haree tiha ona ", hatutan tékniku Arsenal ne’e.

 

SAPO TL ho SAPO Desportu

Segunda-feira, 25.01.16

Wenger fó-sala Diego Costa hosi espulsu Mertesacker

Arsenál lakon iha uma rasik hasoru Chelsea ho 1-0 no husik  Leicester okupa iha lideransa Liga Ingleza.


Foto: Lusa

 

Arsenál  lakon iha uma rasik hasoru Chelsea ho  1-0 no hosik Leicester iha lideransa  Liga Inglesa. Jogu ne’e  markadu ho espulsaun Mertesacker iha  minutu 20, hafoin iha lanse ho Diego Costa. Wenger, tékniku hosi "gunners", fó -sala ba ispanu-brazileiru ba espulsaun Arsenál nian iha hosi alemaun  .

"Ba  iha forma  jogu  Diego Costa , nia di’ak duni ba ida ne’e ", komesa  dehan  Wenger, antes koa’lia kona-bá  espulsaun.

"ha’u hanoin desizaun  hosi  árbitru ne’e todan liu, maibé  ami tenki hatene simu.  Árbitru lalais liu hola desizaun  fó  kartaun mean", nia hatutan.

Maski lakon , tékniku ne’e  gosta atuasaun hosi nia  pupilu sira.

"Ami iha oportunidade, pelumenus, halo empate. Ami lakon maibé  bele hatete katak  ha’u nia  jogadór  hotu di’ak hela", nia afirma.

 

SAPO TL ho SAPO Desportu

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
14
17
18
19
21
22
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo