Segunda-feira, 12.12.16

Dortmund hasoru Benfica iha oitavu-final. FC Porto kontra Juventus

Benfica ho FC Porto hatene ona sira nia adversáriu iha oitavu-final hosi Champions League. 

 

 

Sorteiu hosi Champions League hatudu ona katak Benfica sei hasoru Borussia Dortmund iha oitavu-final no FC Porto sei sukat forsa sira ho Juventus.

 

Sorte ladún barak ba ekipa portugeza sira ne'ebé sei iha misaun ida susar tebes hodi to'o iha kuartu-final Champions nian. Favoritu monu ba kampeaun italianu no klube alemaun, ne'ebé hasoru ona Sporting iha faze grupu sira nian iha Champions League iha temporada ne'e.

 

Atu to'o iha oitavu-final, Benfica sai hanesan klasifikadu daruak iha grupu B, bainhira hetan pontu ualu iha jogu neen.

 

FC porto tama mós hanesan klasifikadu daruak iha grupu B, iha fatin dahuluk maka okupa hosi Leicester.

 

Iha oitavu-final edisaun 16/17 Champions League nian, Benfica ho FC Porto sei joga uluk iha sira nia estádiu, iha loron 14, 15, 21 ka 22 Fevereiru 2017, no jogo daruak sei halo iha estranjeiru iha loron 7,8, 14, ka 15 Marsu.

 

Haree iha ne'e jogu sira hosi oitavu-final Champions League nian:

 

  • Manchester City - Mónako
  • Real Madrid - Nápoles
  • Benfica - Borussia Dortmund
  • Bayern - Arsenal
  • FC Porto - Juventus
  • Leverkusen - Atlético Madrid
  • PSG - Barcelona
  • Sevilha Leicester

 

@ SAPO Desporto

Terça-feira, 08.03.16

Selesaun feto afegaun nian ho kamizola ne'ebé integra véu islámiku

Selesaun feto hosi Afeganistaun aprezenta kamizola ne'ebé integra véu islámiku. 


Foto: Hummel


Federasaun Futeból hosi Afeganistaun aprezenta iha loron-tersa ne'e, iha ámbitu Loron Internasionál Feto nian, kamizola ida hosi selesaun feto nian ne'ebé integra "hijab" ida ka véu islámiku nian.

 

Ekipamentu, ne'ebé sei lansa hamutuk ho ekipamentu mane nian, inklui "hijab" ho objetivu permiti ba feto sira prátiku desportivu, aleinde ajuda kompete iha igualdade iha palku internasionál sira, refere hosi marka responsável.

 

"Ba nasaun ida hanesan Afeganistaun, hatais kamizola selesaun nian hanesan poder ida, dalan ida hodi hametin feto nia konfiansa. Halo nia senti poderozu", hatete hosi eis-kapitã hosi selesaun feto nian Khadila Popal.

 

Antiga futebolista ne'e joga ona iha jogu 20 resin hosi Afeganistaun, nia para joga tanba lezaun ida iha ai-tuur.

 

"Hanesan onra ida sai kapitaun hosi ekipa ha'u nia nasaun nian maibé hanesan mós onra ida hodi bele sai hanesan modelu hodi ema bele tuir, inspirasaun ida ba labarik-feto no joven-feto millaun resin iha Afeganistaun", nia hatutan.

 

@SAPO Desporto

Terça-feira, 19.01.16

João Sousa iha ronda daruak hosi Open Austrália

Tenista portugés halakon kazake Mikhail Kukushkin. 

 

Tenista portugés João Sousa, númeru 33 hosi "ranking" mundiál no númeru 32 hosi pozisaun série, kualifika ona, iha loron-tersa ne'e, ba ronda daruak iha Open Austrália, bainhira halakon tenista hosi Kazakistaun Mikhail Kukushkin, iha enkontru dahuluk hosi "court" 15, ho 6-3, 6-4 no 6-3.

 

Ne'e hanesan ba dala tolu maka tenista portugés hasoru malu ho Kukushkin, númeru 94 hosi "ranking" mundiál, adversáriu ne'ebé nia halakon iha tinan 2011, iha "challenger" hosi Segóvia, iha España.

 

Iha tinan 2014, iha ronda inaugurál hosi Master sira iha Roma, jogagór hosi Kazakistaun ne'e halako João Sousa.

 

Bainhira tama iha ronda daruak, João Sousa sei hasoru malu ho jogadór ne'ebé mana'an iha jogu ne'ebé sei akontese iha tuku 03h30 (oras Lisboa) ne'ebé sei joga hosi kolombianu Santiago Giraldo ho norte-amerikanu Donald Young.

 

@SAPO Desporto

Segunda-feira, 18.01.16

BBC hatete katak tenista na'in 16 koñesidu envolvidu iha jogu kombinadu sira

Kanál televizaun britániku avansa katak tenista na'in ualu hosi tenista na'in 16 ne'ebé sinalizadu tanba investigasaun sei tuir Open Austrália.

 

(Foto: Narendra Shrestha/EPA)


BBC fó sai ohin katak tenista na'in 16 ne'ebé tama iha "top 50" mundu nian iha dékada ikus ne'e, inklui sira ne'ebé manán torneiu sira hosi "Grand Slam", envolvidu iha jogu sira ho rezultadu kombinadu sira.

"Iha dékada ikus ne'e, jogadór klasifikadu na'in 16 iha jogu 50 dahuluk sira hetan beibeik sinál hosi Unidade Integridade Ténis (TIU) nian tanba iha suspeitu katak sira kombina rezultadu sira jogu nian. Tenista sira hotu, inklui sira ne'ebé manán ona "Grand Slam sira" hetan ona autorizasaun hodi kontinua kompetisaun", hatete hosi investigasaun hamutuk hosi BBC no site Internet BuzzFeed News.

Kanál televizaun britániku sustenta alegasaun sira ne'e ho asesu ba fixeiru sekretu sira, ne'ebé inklui investigasaun ida ne'ebé hahú hosi aTP iha tinan 2007.

"Iha relatóriu konfidensiál ida ba autoridade tenístiku sira, iha 2008, ekipa investigasaun defende ona katak tenki halo investigasaun ba atleta na'in 28, maibé indikasaun sira ne'e la halo tuir ida", hatutan hosi BBC no indika katak enkontru tolu ne'ebé kombinadu akontese iha torneiu Wimbledon.

ATP hatam ona kódigu foun ida antikorupsaun nian iha tinan 2009 no, hafoin buka tiha akonsellamentu legál, simu informasaun katak violasaun antigu sira labele hamosu prosesu sira. Maibé, dokumentu sira ne'ebé kanál televizaun britániku hetan asesu hatudu ona katak TIU simu beibeik alerta iha tinan hirak tuirmai kona-bá jogadór balun ne'ebé referensiadu tiha ona ne'ebé la hetan kastigu ruma.

Reportajen hatudu mós katak tenista na'in ualu hosi tenista na'in 16 ne'ebé sinalizadu sei tuir Open Austrália, ne'ebé hanesan "major" hosi dahuluk temporada nian ne'ebé aranka ona iha loron-segunda ne'e.

@SAPO Desporto

pesquisar

 

Setembro 2017

D
S
T
Q
Q
S
S
1
2
3
4
5
6
7
8
9
10
12
15
16
17
18
19
20
23
24
25
26
27
28
29
30

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo