Quinta-feira, 04.08.16

Tókio ilumina Skytree ho kór sira Brazil nian iha onra ba jogu sira

Iluminasaun sei hanaruk to'o loron 22 Agostu, bainhira hahú siklu olímpiku Tókio2020. 

 

Foto: Franck Robichon / EPA

 

Tókio ilumina daudaun ho kór bandeira brazileiru nian, verde ho amarelu, hahú hosi loron-kinta, iha edifísiu aas liu iha nasaun, Skytree, hodi selebra inaugurasaun hosi Jogu Olímpiku sira Rio2016, iha loron-sesta.

 

Skytree sei iha iluminasaun espesial ne'ebé sei muda iha minutu 30 nia laran entre kór bandeira Brazil nian ho kór bandeira Japaun nian, mean ho mutin, hahú hosi loraik to'o kalan fahe rua, durante períudu tomak eventu nian, entre loron 05 no 21 Agostu.

 

Torre, ho aas metru 643, hanesan símbolu ida hosi kapital japuneza, ne'ebé sei hanesan sede hosi Jogu Olímpiku sira iha tinan 2020.

 

Skytree sei iha iluminasaun oinseluk bainhira atleta japunés sira manán medalla osan-mean balun iha Rio de Janeiro.

 

Eventu ne'e hanesan atividade ida ne'ebé sidade rua desidi hala'o hamutuk hodi promove atuál no futuru Jogu Olímpiku sira.

 

Parseria sira inklui instalasaun hosi ekran ho dimensaun boot iha fatin públiku balun ne'ebé ema frekuenta liu iha Tókio, hodi nune'e ema bele asisti diretu prova sira.

 

Durante serimónia enseramentu Jogu sira nian, iha estádiu Maracaña, iha loron 21 Agostu, pasajen hosi bandeira olímpiku Rio de Janeiro ba Tókio sei konta ho prezensa hosi governadora foun eleitu Tókio nian, Yuriko Koike, no primeiru-ministru japunés, Shinzo Abe.

 

Iluminasaun sei hanaruk to'o loron 22 Agostu bainhira sei hahú siklu olímpiku Tókio2020. 

 

@SAPO Desporto

Polísia sira halo greve iha kapital brazileiru tanba Jogu Olímpiku sira

Brazília funsiona hanesan subsede hosi Jogu Olímpiku sira Rio de Janeiro nian. 

 

Foto: Diego Azubel/EPA

 

Polísia sivil sira hosi Distritu Federal aprova ona, iha loron-kuarta ne'e, iha asembleia, paralizasaun jeral ida durante oras 48 nia laran entre loron-kinta no loron-sesta, períudu ne'ebé inklui jogu sira futebol nian iha Brazília iha ámbitu hosi Jogu Olímpiku sira Rio2016.

 

Estádiu Mané Garrincha, iha Brazília, sidade ne'ebé funsiona hanesan subsede hosi Jogu Olímpiku sira Rio de Janeiro nian, simu jogu futeból maskulinu rua loron-kinta loraik, iha estreia ba modalidade nian iha kompetisaun, liuliu jogu entre Irake ho Dinamarka no, ikus maka, jogu entre Brazil ho Áfrika-Súl.

 

Aleinde greve, grupu - ne'ebé hatudu daudaun iha semana hirak ikus ne'e -, aprova ona entrega hosi kargu sira xefia nain no desidi ona halo manifestasaun ida iha loron-kinta iha estádiu Mané Garrincha, durante jogu Brazil nian, haktuir hosi jornal Correio Braziliense.

 

Grupu defende ekipasaun hodi hadi'a saláriu kategoria nian ho reajuste hosi Polísia Federal.

 

Iha karta ne'ebé fó sai iha fulan-Jullu nia rohan, governadór Rodrigo Rollemberg komenta ona katak nia konsidera ekiparasaun salarial justu, maibé nia aviza ona katak negosiasaun salarial "tenki hanoin ba situasaun krizi maka'as" ne'ebé maka Brazil hasoru.

 

Portal G1 hakerek katak funsionamentu hosi eskuadra ida iha estádiu laran, ho arkibankada, bele hetan mós suspensu.

 

Maibé, iha deklarasaun sira ba jornalista sira iha semana liubá, sekretáriu Seguransa Públiku nian hosi Distritu Federal, Márcia de Alencar, la hatudu preokupasaun ho seguransa, afirma katak plantaun sira ba Jogu sira "sei reforsa no garanti maski iha sirkunstánsia sira hosi adezaun ba greve".

 

"Operasaun [iha Jogu Olímpiku sira] halo liuliu iha polisiamentu iha estrada no iha operasaun sira salvamentu nian, halo hosi Polísia Militar no hosi bombeiru sira", nia refere.

 

Jogu Olímpiku sira akontese iha tempu ne'ebé Brazil hasoru resesaun ekonómiku naruk ida no aumentu hosi ema dezempregu sira.

 

Jogu sira hamosu mós preokupasaun maka'as ho seguransa, la'ós de'it tanba istorial hosi kriminalidade violentu iha nasaun, maibé mós tanba fenómenu foun hosi terorizmu "jihadista" ne'ebé akontese iha mundu.

 

@SAPO Desporto

Quarta-feira, 03.08.16

Papa Francisco dezeja "prestasaun di'ak" ida ba atleta sira hotu

Sumu Pontífise fó hanoin katak mundu afetadu hela ho moras "krueldade" nian. 

 

 

Papa Francisco, iha loron-kuarta ne'e, fó korajen ba partisipante sira hosi Jogu Olímpiku sira Rio2016 nian hodi iha "prestasaun di'ak" ida, reforsa solidariedade iha mundu ida ne'ebé iha hela "moras krueldade" nian.

 

Atuál xefe Estadu Vatikanu nian husik ona mensajen ida esperansa nian ba ema hotu, ne'ebé nia defende katak "espíritu hosi Jogu Olímpiku sira bele inspira partisipante sira no espetadór sira hotu, hodi iha prestasaun di'ak ida".

 

Nune'e, papa hein atu ema hotu iha deseju ne'e, la'ós hodi hetan de'it medalla ida, maibé, liuliu, buat ne'ebé di'ak liu: "realizasaun hosi sivilizasaun ida ne'ebé iha solidariedade", iha mundu ida ne'ebé iha hela "moras krueldade" nian.

 

Pontífise insisti ona katak "mundu hamrook ba solidariedade, toleránsia no rekonsiliasaun". "Ita hotu hanesan membru hosi família humanu, la haree ba diferensa kultura, kór kulit nian ka relijiaun".

 

"Ba ema brazileiru sira, ne'ebé, ho nia ksolok no hospitalidade, organiza Festa Desportu nian, ha'u husu atu ne'e hanesan oportunidade hodi halakon momentu susar sira no hodi harii nasaun ida justu liu, seguru liu, aposta ba futuru ida nakonu ho esperansa no ksolok", papa hatutan.

 

Xefe Estadu Vatikanu nian "pinta" tiha ona kuadru triste ida mundu nian, evoka, iha semana liubá, iha nia vizita nonook ba kampu antigu nazi Auschwitz-Birkenau, ne'ebé ema millaun 1,1 resin, entre sira ema judeu millaun ida, ema oho durante Funu Mundial Daruak.

 

"Ho nonook, ha'u reza ona ba vítima sira hotu hosi violénsia ho funu nian. (...) Haree ba krueldade ne'e, iha kampu konsentrasaun ne'e, ha'u hanoin kedas iha krueldade sira ohin loron nian la'ós de'it iha fatin ne'e, maibé iha mundu tomak", hakotu hosi susesór papa Bento XVI nian.

 

@SAPO Desporto

Terça-feira, 02.08.16

Brazil aumenta seguransa iha aeroportu sira

Nasaun anfitriaun hakarak simu lista hosi pasajeiru sira ne'ebé uza aviaun iha oras 72 antes. 

 

 Foto: Lukas Coch /EPA

 

Polísia Federal (PF) Brazil nian hakarak simu ho oras 72 antes, durante mós Jogu Olímpiku sira, lista hosi pasajeiru sira ne'ebé mai hosi estranjeiru ba nasaun ne'e, hatete hosi fonte polísia ida iha loron-segunda ne'e.

 

Durante inaugurasaun hosi sentru internasional ba koperasaun polisial, ne'ebé sei funsiona durante Jogu Olímpiku sira no Paralímpiku sira, xefe Interpol nian iha Brazil no delegadu hosi Polísia Federal, Valdecyr Urquiza Júnior, ne'ebé haktuir hosi jornal Folha de São Paulo, hatete katak prosedimentu tenki hahú hala'o "durante jogu sira".

 

Pasajeiru sira nia naran sei peskiza ho lista internasional ida hosi suspeitu terorizmu nian hamutuk 3.000 no rihun 44 seluk hosi krimi sira seluk.

 

Ajente seguransa estranjeiru sira sei partisipa iha sistema, verifika naran sira kompatriota nian diretu iha lista sira informasaun nian hosi sira nia nasaun orijen.

 

Iha inaugurasaun ba Sentru Koperasaun Polisial Internasional (CCPI), iha Brazília, ministru Justisa, Alexandre de Moraes, no diretor-jeral hosi Polísia Federal, Leandro Daiello, destaka ona katak sistema koperasaun internasional ba Jogu sira hanesan boot liu iha istória nasaun nian no iha Interpol (Organizasaun Internasional hosi Polísia Kriminal).

 

Leandro Daiello refere ona katak sistema ida hanesan uza tiha ona ba Kampeonatu Mundu Futeból nian iha 2014, iha Rio de Janeiro, bainhira "seguransa rekoñesidu hanesan pontu ida importante liu" iha kompetisaun.

 

Tuir xefe Interpol nian iha Brazil, Polísia Federal uza mós sistema ida rekoñesimentu oin nian no imajen sira rekolla iha pontu oioin sirkulasaun nian, hanesan aeroportu sira ka arena desportivu sira.

 

Ministru Justisa hatutan ona katak aumenta mós sistema foun ida rekolla nian no verifikasaun ba impresaun dijital sira hosi pasajeiru sira hotu ne'ebé to'o iha Brazil.

 

"Ami halo ona lisaun hosi uma. Buat hotu modernu liu, buat hotu ne'ebé iha integrasaun ho nasaun sira seluk, informasaun no intelijénsia, Brazil iha. Entaun, ami prepara ba eventualidade ruma", hatutan hosi governante.

 

CCPI ida seluk sei inaugura iha loron-tersa iha Rio de Janeiro.

 

Jogu Olímpiku no Paralímpiku sira sei hala'o entre loron-sesta ne'e to'o loron 18 Setembru.

 

@SAPO Desporto

Rio2016 - Fotos

Os dias antes da abertura dos Jogos Olímpicos 2016 no Rio de Janeiro, Brasil.

Loron sira antes hahú Jogu Olímpiku sira 2016 nian iha Rio de Janeiro, Brazil.


Fonte: Agência Lusa

Segunda-feira, 18.07.16

Siklista Anche Cabral sei hanesan estreia timoroan iha 'cross country' olímpiku

Siklista Anche Cabral, ho tinan 31, hetan foin lalais ne'e supreza boot rua, bainhira hetan konviti hodi halo estreia Timor-Leste nian iha 'cross country' olímpiku no, iha 24 horas nia laran, nia konsege hetan apoiu finanseiru hodi ba iha Jogu sira Rio2016. 

 

Foto@ SAPO Timor-Leste

Foto@ SAPO Timor-Leste

 

Halo ona apelu ida iha rede sosial sira hodi nune'e atleta simu apoiu finanseiru hodi husik nia serbisu durante fulan ida no, maski nune'e, tulun família - ne'ebé ba nia rendiementu - no mós ba iha Rio de Janeiro.

 

"Ha'u senti suprendidu no haksolok tebes. Ba timoroan sira hanesan ba dala uluk maka ami sei kompete iha modalidade hosi "mountain bike" ne'e. Sei la fásil ba ha'u, ha'u ladún kompetitivu hanesan atleta sira seluk, maibé hanesan onra ida reprezenta ha'u nia nasaun", nia hatete ba ajénsia Lusa.

 

Aleinde Anche Cabral, delegasaun timoroan nian ne'ebé sei ba Rio de Janeiro inklui atleta na'in rua seluk, Augusto Ramos ho Nélias Martins, ne'ebé sira na'in rua sei kompete iha metru 1.500 no hanesan "wild cards".

 

Sistema hosi konviti sira hala'o daudaun hodi promova no fó korajen ba desportu iha modalidade oioin iha nasaun sira ne'ebé asesu ba kompetisaun no rekursu sira ladún permiti ba atleta sira iha asesu ba "palku" internasional sira.

 

Iha kazu Timor-Leste nian partisipasaun sira iha edisaun sira ne'e hetan liuhosi konviti sira, ho delegasaun istóriku - ba dala uluk - kompete iha tinan 2000 iha Jogu Olímpiku sira Sydney nian ne'ebé destaka ona maratonista Águeda Amaral ne'ebé konsege hakotu prova.

 

Agora ne'e, destake ba iha siklizmu ne'ebé Timor-Leste sei estreia, hodi marka esforsu sira ne'ebé nasaun dezenvolve hela hodi promove modalidade ne'e, liuliu hosi Tour de Timor ne'ebé halo tinan-tinan no, iha tinan ne'e, hala'o iha fulan-Setembru.

 

Ba Acnhe Cabral supreza hosi konviti hodi partisipa no resposta hosi sidadaun anónimu sira, nasional no estranjeiru sira, ne'ebé liuhosi plataforma ida angariasaun fundu nian halo nia hetan osan liu 5.000 resin.

 

Apoiu ne'e boot tebes no halo atleta sei konsege buat barak duké ida ne'ebé nia hanoin, tanba besik ona hetan osan sufisiente hodi sosa nia bisikleta ida, hodi husik nune'e uza bisikleta hosi belun no treinador, Nelson Santos nian, ne'ebé treina loron-loron entre kilómetru 30 no 50.

 

Funsionáriu hosi Air Timor, kompañia aérea timoroan nian, iha tinan haat nia laran, Anche Cabral kompete ona iha prova oioin iha Ázia no iha Timor-Leste hodi akumula pontu hamutuk 84.

 

"Ha'u sei halo buat ne'ebé ha'u bele. Ha'u la hatene saida maka sei akontese, prova sira hanesan susar maibé ha'u sei tenta buat ne'ebé ha'u bele", nia garanti ona.

 

Atleta timoroan sei kompete iha Sentru Mountain Bike, perkursu ida ho metru 5.400 ne'ebé tama iha Parte Radical no ne'ebé aproveita topografia hosi rejiaun hodi dezafia partisipante sira, ho kalendáriu ne'ebé sei haree hanesan loron sira kompetisaun nian loron 20 no 21 Agostu.

 

Tuir pájina ofisial hosi Rio2016, edisaun iha tinan ne'e konta ho partisipasaun hosi atleta na'in 80 (mane na'in 50 no feto na'in 30).

 

'Cross-country' halo nia estreia olímpiku iha Atlanta96 no marka prezensa ona iha edisaun sira hosi Jogu sira ne'e no ohin loron hanesan disiplina ida hosi disiplina haat siklizmu nian iha prova.

 

ho Lusa

Ciclista Anche Cabral fará a estreia timorense no 'cross country' olímpico

A ciclista Anche Cabral, de 31 anos, teve recentemente duas grandes surpresas, ao ser convidada para fazer a estreia de Timor-Leste no 'cross country' olímpico e depois, em 24 horas, ao conseguir apoio financeiro para ir aos Jogos Rio2016. 

 

Foto@ SAPO Timor-Leste

 

Foi feito um apelo nas redes sociais para que a atleta recebesse apoio financeiro para poder deixar o seu trabalho um mês e, ainda assim, ajudar a família - que depende do seu rendimento - e ainda estar no Rio de Janeiro.

 

"Fiquei muito surpreendida e muito contente. Para os timorenses é a primeira vez que vamos competir nesta modalidade do 'mountain bike'. Não vai ser fácil para mim, não sou tão competitiva como outros atletas, mas é uma honra representar o meu país", disse à agência Lusa.

 

Além de Anche Cabral, a delegação timorense que vai estar no Rio de Janeiro inclui dois outros atletas, Augusto Ramos e Nélias Martins, que vão ambos competir nos 1.500 metros, sendo que todos são 'wild cards'.

 

O sistema de convites está desenhado para promover e encorajar o desporto em várias modalidades em países onde o acesso à competição e a recursos nem sempre permite aos atletas ter acesso aos 'palcos' internacionais.

 

No caso de Timor-Leste as participações nas edições têm sido sempre por convites, com a delegação histórica - a primeira - a competir em 2000 nos Jogos Olímpicos de Sydney, onde se destacou a maratonista Águeda Amaral que conseguiu acabar a prova.

 

Desta vez, o destaque vai para o ciclismo no qual Timor-Leste se estreia, marcando os esforços que o país tem vindo a desenvolver para promover esta modalidade, nomeadamente através do anual Tour de Timor que, este ano, se realiza em setembro.

 

Para Anche Cabral à surpresa do convite para participar seguiu-se a surpresa da resposta de cidadãos anónimos, nacionais e estrangeiros, que através de uma plataforma de angariação de fundos lhe deram mais de 5.000 dólares.

 

O apoio foi tanto que a atleta até vai conseguir ir mais além do que pensava, estando já próxima de conseguir suficiente dinheiro para comprar uma bicicleta sua, deixando de ter que usar a do amigo e treinador, Nelson Santos, em que treina diariamente entre 30 e 50 quilómetros.

 

Funcionária da Air Timor, a companhia aérea timorense, há quatro anos, Anche Cabral já competiu em várias provas na Ásia e em Timor-Leste, acumulando 84 pontos. "Vou fazer o melhor que puder. Não sei o que vai acontecer, as provas são difíceis mas vou tentar o meu melhor", garantiu.

 

A atleta timorense vai competir no Centro de Mountain Bike, um percurso de 5.400 metros inserido no Parte Radical e que aproveita a topografia da região para desafiar os participantes, com o calendário a prever como dias de competição 20 e 21 de agosto.

 

Segundo a página oficial do Rio2016, a edição deste ano conta com a participação de 80 atletas (50 homens e 30 mulheres).

 

O 'cross-country' fez sua estreia olímpica em Atlanta96 e esteve presente em todas as edições dos Jogos desde então, sendo hoje uma das quatro disciplinas de ciclismo em prova.

 

com Lusa

Terça-feira, 21.06.16

Austrália hakarak aumenta seguransa hafoin agresaun ba atleta paralímpiku

Atleta no fizioterapeuta hetan asaltu iha loron-domingu bainhira pasiar ho bisikleta iha parke ida iha Rio de Janeiro. 

 

 

Komité Paralímpiku hosi Austrália husu ona iha loron-tersa ne'e ba organizadór sira hosi Jogu sira Rio2016 hodi aumenta seguransa, hafoin atleta ida no fizioterapeuta ida hetan asaltu iha loron-domingu bainhira sira pasiar ho bisikleta iha parke ida iha Rio de Janeiro.

 

Liesl Tesch, kampeaun paralímpiku vela nian iha Londres2012 no jogadora basket iha kadeira roda, relata ona katak ema agresor sira husu osan ba nia no ida aponta ba nia arma ida.

 

Xefe misaun paralímpiku australianu nian, Kate McLoughlin, garanti ona katak Liesl Tesch ho nia fizioterapeuta, ne'ebé asaltante sira naok sira nia bisikleta, la hetan kanek ida, maibé senti "xokadu no preokupadu".

 

"Ami senti la hakmatek, organizadór sira tenki haree nível seguransa ne'ebé aas, lalais, antes mosu tan situasaun sira perigu nian. Ami hakerek ona ba sira hodi husu", afirma hosi Kate McLoughlin.

 

Iha semana rua liubá, atiradora brazileira hetan tiru iha ulun iha tentativa ida asaltu nian iha Rio de Janeiru, bainhira lori kareta iha zona norte sidade nian, ne'ebé hanesan fatin halo Jogu Olímpiku sira no Paralímpiku sira.

 

Atake ba Anna Paula Cotta, ne'ebé iha hela ospital ho estadu todan, hanesan akontesimentu ida ne'ebé akontese hafoin asaltu ho arma ne'ebé halo hasoru elementu sira hosi ekipa olímpiku españól vela nian, iha fulan-Maiu.

 

Rio de Janeiro sei hanesan palku hosi Jogu Olímpiku sira entre loron 05 to'o 21 Agostu no simu Jogu Paralímpiku sira entre loron sira 07 - 18 Setembru.

 

@SAPO Desporto

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo