Segunda-feira, 09.01.17

Vensedor sira hosi Gala FIFA nian

Cristiano Ronaldo sai nu'udar Jogador Di'ak liu iha Mundu, Fernando Santos lakon ho Claudio Ranieri iha prémiu Treinador Tinan nian. 

 

Foto@ Ennio Leanza /EPA

 

Iha loron-segunda ne'e halo iha TPC Studios, iha Zurike, Gala FIFA nian. Cristiano Ronaldo sai nu'udar Jigador Di'ak liu iha Mundu, Fernando Santos lakon ho Claudio Ranieri iha prémiu Treinador Tinan nian.

 

Lista hosi vensedór sira Gala FIFA nian:

  • Jogador di'ak liu: Cristiano Ronaldo (Portugal ho Real Madrid)
  • Treinador di'ak liu: Claudio Ranieri (Leicester)
  • Jogadora di'ak liu: Carli Loyd (Estadus Unidus)
  • Treinadora di'ak liu: Silva Neid (Alemaña)
  • Prémiu Puskas/Golu di'ak liu: Mohd Faiz Subri (Malázia)
  • Prémiu Kareira: Falcão (Futsal/Brazil)
  • Prémiu Fair-play: Atletico Nacional (Kolómbia)
  • Prémiu ba Adeptu sira di'ak liu : Liverpool ho Borussia Dortmund

 

@SAPO Desporto

Cristiano Ronaldo manán prémiu FIFA nian nu'udar jogadór di'ak liu iha mundu

Jogador portugés halakon konkorénsia Lionel Messi no Antoine Griezmann. 

 

Foto@ Ennio Leanza /EPA

 

Portugés Cristiano Ronaldo manán, iha loron-segunda ne'e, prémiu nu'udar jogador di'ak liu iha mundu, ne'ebé fó hosi FIFA, halakon konkorénsia hosi Lionel Messi ho Antoine Griezmann.

 

Avansadu luzu, ne'ebé konkista ona iha tinan 2016 Champions League, Euro2016 ho Mundial Klube sira nian, halibur nune'e galardaun ho Bola Osan Mean hosi 'France Football'. Prémiu rua sei la entrega hamutuk.

 

Ronaldo hetan distinsaun nu'udar ida ne'ebé di'ak liu iha mundu hosi FIFA ba dala haaat, hafoin hetan ona iha tinan 2008, 2013 ho 2014. Nune'e hela de'it galardaun ida hodi halo hanesan ho Lionel Messi, ne'ebé manán dala lima.

 

Iha prémiu ba treinadór di'ak liu, Fernando Santos, ne'ebé manán Euro2016, lakon no prémiu ne'e fó ba italianu Claudio Ranieri, kampeaun inglés hosi Leicester.

 

Hanoin hikas tinan Ronaldo nian iha link ne'e.

 

@SAPO Desporto

Segunda-feira, 05.12.16

Griezmann hakarak iha Messi nia "jeitu" no CR7 nia "kapasidade serbisu nian"

Jogadór fransés elojia ona rival sira ne'ebé halo parte ba prémiu jogadór di'ak liu iha mundu. 

 

Foto@ Paco Campos / EPA

 

Antoine Griezmann, finalista ida entre finalista na'in tolu ne'ebé konkore ba prémiu jogadór di'ak liu iha mundu ne'ebé fó hosi FIFA, aponta ona kualidade di'ak sira hosi rival na'in rua ne'e.

 

"Hosi Messi, ha'u hakarak iha nia jeitu, fasilidade hodi halo buat sira iha kampu. Remate ida, pase ida...parese ba nia buat hotu hanesan fásil. Hosi Cristiano ha'u hakarak iha kapasidade serbisu nian. Serbisu maka'as loron-loron hodi hadi'a beibeik", hatete hosi jogadór fransés ba kanal RTL.

 

Griezmann hatete mós katak nia simu hanesan normal hipóteze maka'as katak Cristiano Ronaldo konsidera hanesan di'ak liu: "Nia halo ona époka di'ak ida, Manán ona Europeu, Champions...".

 

@SAPO Desporto

Sábado, 03.12.16

Fernando Santos hanesan finalista ida entre na'in tolu

Treinadór portugés nomeadu hamutuk ho Zidane ho Ranieri ba galardaun. 

 

 

Fernando Santos tama entre treinadór na'in tolu di'ak liu tinan 2016 ba FIFA. Selesionador portugés hanesan finalista ida hosi prémiu "Treinadór di'ak liu tinan 2016" ne'ebé sei fó hosi organizasaun ne'ebé kaer futebol mundial iha loron 09 Janeiru 2017. "Adversáriu" na'in rua seluk hosi tékniku luzu nian iha luta ba prémiu ne'e maka Zinedine Zidane ho Claudio Ranieiri.

 

Konkista ba Kampeonatu Europa nian ho Portugal hanesan "trunfu" boot ida Fernando Santos nian iha nomeasaun ba ida ne'ebé di'ak liu iha tinan ne'e. Treinador lori ekipa luzu hodi hetan konkista inéditu ida hasoru Fransa ne'ebé joga iha sira nia uma iha final iha Saint-Denis.

 

Selesionador nia dalan ho Portugal la hahú di'ak, Fernando Santos to'o iha komando tékniku Portugal nian ho kastigu tanba insidente sira bainhira sai nu'udar selesionador Grésia nian. Hafoin jogu rua kastigu nian, portugés kaer ekipa no manán dala hitu iha jogu hitu. Iha Europeu, kampaña to'o final hetan beibeik asidente ho apuramentu ida iha faze grupu sira nian iha fatin datoluk ne'ebé hakotu ho konkista istóriku ida ba futebol portugés nian.

 

Iha portugés nia dalan ba troféu treinadór di'ak liu tinan nian iha Zinedine Zidane ho Claudio Ranieiri. Fransés to'o iha lista hafoin konkista tiha Champions League ho Real Madrid. Ekipa "merengue" ba Milaun hodi halakon Atlético Madrid iha penalidade. Iha kampeonatu españól, Zidane lakon ona títulu ba Barcelona hosi Luís Enrique nian.

 

Ranieri hanesan finalista mós hafoin konkista tiha Premier League ho Leicester City. Tékniku italianu halo ona asaun estraordináriu ida ne'ebé ema ida la imajin no lori títulu kampeaun nian hosi eskalaun dahuluk ne'ebé inéditu ba formasaun "foxes" nian. Aleinde troféu kampeaun nian, Ranieri garanti mós prezensa dahuluk hosi ekipa nian iha faze grupu sira Champions League nian.

 

Finalista na'in tolu ne'e hili hosi lista ida ho kandidatu na'in 10 ne'ebé iha lista ne'e antes inklui: Diego Simeone (Atlético de Madrid), Luís Enrique (Barcelona), Pep Guardiola (Bayern Munique/Manchester City), Chris Colema (Wales), Didier Deschamps (Fransa), Mauricio Pochettino (Tottenham Hotspurs) ho Jurgen Klopp (Liverpool).

 

Fernando Santos hanesan treinador portugés daruak ne'ebé maka nomeadu ba treinadór di'ak liu tinan nian. Antes selesionadór ne'e, Mourinho de'it maka konsege nomeasaun iha okaziaun tolu: 2010 (nia manán prémiu), 2011 ho 2012.

 

@SAPO Desporto

Ronaldo, Messi ho Griezmann tama iha lista ba prémiu jogadór di'ak liu

Vensedór sei fó sai iha loron 09 Janeiru iha Zurike. 



 

Cristiano Ronaldo, Lionel Messi ho Antoine Griezmann hanesan finalista na'in tolu hodi konkore ba prémiu jogador di'ak liu iha mundu ne'ebé fó hosi FIFA, fó sai hosi organizmu ne'ebé kaer futeból mundial iha loron-sesta ne'e.

 

FIFA antes fó sai tiha ona lista ida ho naran 23, ne'ebé agora hamenus ba jogadór koñesidu hosi Real Madrid, Barcelona ho Atlético Madrid, Vensedór sei fó sai iha loron 09 Janeiru iha Zurike.

 

Portugés Cristiano Ronaldo manán ona iha tinan ne'e Champions League, no sai dala ida nu'udar markadór di'ak liu iha kompetisaun, no Kampeonatu Europa nian iha selesaun portugeza.

 

Fransés Antoine Griezmann joga di'ak mós iha Europeu, to'o iha final, no iha Champions League, maibé iha kompetisaun rua ne'e nia lakon iha jogu sira ne'ebé todan, kuriozu tebes hasoru ekipa sira Cristiano Ronaldo nian.

 

Lionel Messi hetan tinan ida ne'ebé ho nível ne'ebé aas, ho golu hamutuk 26 aponta bainhira konkore ba títulu españól hosi Barcelona. Ajuda mós Arjentina to'o iha final Kopa Amérika Sentenáriu nian, maibé ekipa "pampas" monu iha enkontru ikus hasoru Xile.

 

@SAPO Desporto

Sexta-feira, 25.11.16

Kuwait bele la halo parte iha Tasa Ázia 2019 nian

Selesaun Kuwait bele la halo parte hosi kompetisaun bainhira hetan nafatin suspensaun hosi FIFA. 

 

AFP Photo@ Yasser Al-Zayyat

 

Selesaun Kuwait nian bele la halo parte hosi Tasa Ázia 2019 bainhira iha loron 18 Dezembru sei iha nafatin suspensaun hosi FIFA tanba introdusaun governamental nian iha entidade desportivu nian.

 

Konfederasaun Áziatiku Futebol nian estabelese ona prazu ida semana tolu ba Kuwait hodi rezolve lei ida ne'ebé governu halo ne'ebé afeta independénsia hosi órgaun desportivu sira nian.

 

Kuwait bele sai hosi kompetisaun internasional sira bainhira governu kontinua ho lejislasaun foun ne'ebé FIFA konsidera hanesan intervensaun hosi governu iha entidade desportivu sira nian.

 

Iha Outubru, FIFA ho Komité Olímpiku Internasional (COI) suspende ona Kuwait tanba haree katak autoridade sira hosi nasaun ne'e iha intervensaun iha organizmu desportivu sira, nune'e hanesan suspensaun daruak iha tinan lima ikus ne'e.

 

Tasa Ázia 2019 sei halo iha Emiradu Árabe Unidu.

 

@SAPO Desporto

Quarta-feira, 02.11.16

Adeptu sira sei vota hodi hili jogador di'ak liu iha mundu hosi FIFA

Partisipasaun hosi públiku, liuhosi votasaun online, hanesan novidade ida ba prémiu hosi FIFA. 

 

 

Kandidatu na'in 23 ba futebolista di'ak liu iha mundu ba tinan 2016 sei hetan partisipasaun hosi públiku, ho votasaun online, novidade ida ba prémiu hosi FIFA, ne'ebé fila ba modelu ida hosi prémiu úniku.

 

To'o tinan 2009, organizmu aas hosi futebol ne'e, tinan-tinan, fó prémiu jogadór di'ak liu tinan nian, maibé iha tinan 2010 FIFA halibur prémiu seluk koñesidu, Bola Osan-Mean, hosi revista franseza France Football, hodi hili "ho lian ida de'it" ida ne'ebé di'ak liu.

 

Tinan ne'e, distinsaun sira sei hanesan singular, ho FIFA iha semana fó sai nomeadu sira ba treinador sira, iha femininu (fó sai iha loron-tersa) no maskulinu (iha loron-kuarta) no jogador sira (feto iha loron-kinta no mane sira iha loron-sesta).

 

"Di'ak liu ba tinan 2016", iha kategoria oioin, sei iha, hanesan uluk, votasaun hosi kapitaun no selesionador sira, maibé iha 50%, no persentajen sira seluk sei iha públiku "nia liman laran" no hosi painel ida hosi jornalista hamutuk na'in 200 resin hosi mundu tomak.

 

"Akontesimentu ne'e iha ligasaun ho futebol no ho partisipante sira ne'ebé hadomi tebes futebol: jogador sira, treinador sira no adeptu sira. Hanesan eventu foun ida, ho abordajen oinseluk hodi selebra jogu ida ne'ebé ema hotu hadomi", refere hosi prezidente FIFA, Gianni Infantino.

 

Kona-ba lista hosi France Football, ne'ebé atribui mesak Bola Osan-Mean, númeru hosi jogador kandidatu sira iha faze dahuluk ne'e maka na'in 50 no iha lista ne'e iha naran hosi internasional portugés sira Cristiano Ronaldo, Pepe ho Rui Patrício.

 

Kapitaun hosi selesaun portugeza, Cristiano Ronaldo, ne'ebé iha tinan 2016 manán ona Champions League ho Real Madrid no manán títulu europeiu ho Portugal, manán ona iha 2008 prémiu hosi FIFA no iha tinan 2013 no 2014 manán prémiu hamutuk entre organizmu ne'e ho France Football.

 

Iha tinan 2008, Cristiano Ronaldo hetan mesak prémiu rua, manán nu'udar futebolista di'ak liu iha mundu hosi FIFA no mós Bola Osan-Mean hosi France Football.

 

Distinsaun hosi Bola Osan-Mean akontese hahú hosi tinan 1056 - Eusébio manán iha tinan 1965 no Luís Figo manán iha tinan 2000 -, no hosi FIFA akontese dezde tinan 1991 ho Figo hetan prémiu iha tinan 2001.

 

@SAPO Desporto

Quarta-feira, 03.08.16

Federasaun Indonézia nian muda diresaun

Mudansa akontese hafoin iha fulan liubá FIFA halakon suspensaun tanba injerénsia governamental. 

 

 

Federasaun Indonézia Futeból nian fó sai ona iha loron-kuarta realizasaun hosi kongresu estraordináriu ida iha Jakarta hodi renova nia Diresaun, liutiha fulan hafoin FIFA halakon suspensaun tanba injerénsia governamental.

 

Membru na'in 15 hosi diresaun, inklui prezidente Nyalla Mattalitti, prosesadu iha kazu korupsaun nian ne'ebé la relasionadu ho futebol, sei substitui iha loron 17 Outubru, iha reuniaun ida ne'ebé sei inklui reprezentante sira hosi FIFA no hosi Konfederasaun Aziátiku Futebol nian.

 

Indonézia hetan bandu durante tinan ida nia laran hodi labele partisipa iha kompetisaun internasional sira tanba iha dezakordu entre ministru desportu no Liga futeból inan kona-ba ekipa autorizadu sira hodi joga iha divizaun dahuluk nian.

 

Iha fulan-Maiu, FIFA hasai tiha ona suspensaun hafoin simu tiha garantia sira hosi autoridade indonéziu sira nian kona-ba reforma ba nia organizasaun.

 

@SAPO Desporto

Quarta-feira, 11.05.16

Indonézia hetan akordu hodi hapara suspensaun hosi FIFA

Governu ho Federasaun Futebol Indonézia nian hetan ona akordu ida. 

 

 

Ministru Desportu hosi Indonézia, Imam Nahrawi, fó sai iha loron-kuarta ne'e katak Governu hetan ona akordu ho federasaun futebol (PSSI, iha sigla ho lian indonéziu) hodi rezolve problema ne'ebé hamosu suspensaun ne'ebé maka FIFA fó.

 

Iha fulan-Maiu 2015, FIFA suspende ona futebol indonéziu hosi kompetisaun internasional tomak tanba intromisaun hosi Governu iha PSSI, konflitu ida ne'ebé bele hapara ona.

 

"Iha kalan ikus ne'e, hafoin asina tiha dokumentu ida ne'ebé hapara kastigu sira, ha'u haruka ona karta ida ba FIFA hodi nune'e organizmu ne'e hetan koñesimentu ba akordu ne'e", fó sai hosi Imam Nahrawi.

 

Akordu ne'e mos antes hahú Kongressu hosi FIFA, ne'ebé hahú iha loron-kinta, iha Sidade Méxiko, ne'ebé karik bele halakon suspensaun ba futebol indonéziu.

 

Iha fulan-Abril, autoridade indonéziu sira hasoru malu tiha ho prezidente foun FIFA nian, Gianni Infantino, no agora hetan ona akordu ho federasaun, ne'ebé kompromete ona aplika reforma sira ne'ebé Governu husu.

 

Entre motivu prinsipal sira hosi problema entre Governu ho federasaun iha saláriu sira ne'ebé simu tarde no falta planu asisténsia médiku sira ba jogadór sira, falla sira ne'ebé halo autoridade governamental sira tenki halo intervensaun.

 

"Governu fiar katak PSSI sei kordena ho autoridade sira, klube sira no FIFA kona-bá implementasaun hosi reforma total ida iha futebol indonéziu", hatutan hosi ministru.

 

Iha loron-tersa, Imam Nahrawi fó sai ona katak hala'o hela diálogu hodi tenta kontrata portugés José Mourinho hodi treina selesaun futeból hosi nasaun aziátiku ne'e.

 

Imam Nahrawi fó sai katak nia ko'alia ona ho Prezidente Indonézia nian, Joko Widodo, no líder hosi komité olímpiku nasaun nian, Erick Thohir, maski nia admiti katak "la'ós hanesan asuntu fásil ida".

 

@SAPO Desporto

Quarta-feira, 27.04.16

Prezidente FIFA nian hakarak jogu partikular entre Koreia rua

Gianni Infantino hakarak tulun hodi promova aproximasaun entre nasaun rua ne'e. 




Prezidente FIFA nian hatete iha loron-kuarta katak nia hakarak promove jogu futebol partikular ida entre selesaun rua hosi Koreia, hodi hakbesik nasaun rua ne'e no hamenus tensaun entre governu Seul no Pyongyang.

 

"Ita tenki hamutuk iha jogu futebol ida. Ha'u senti prontu hodi tulun iha buat ne'ebé maka bele halo", Gianni Infantino hatete iha vizita ba Seul.

 

Tensaun militar entre nasaun rua iha península koreanu aumenta ona ho teste nuklear ida, iha fulan-Janeiru, no lansamentu hosi misil balístiku ida liutiha fulan ida.

 

Iha 2005, Koreia rua ne'e iha konflitu ida iha jogu partikular futebol ida iha Seul. Iha fulan-Outubru 1990, hala'o mós enkontru "amigavel" rua, ida iha Seul no ida seluk iha Pyongyang.

 

"Dalaruma, mehi sira sai hanesan realidade", hatete hosi prezidente FIFA nian.

 

Infantino ko'alia mós ba aumentu hosi númeru selesaun sira iha mundial ida hosi 32 ba selesaun 40 iha edisaun tinan 2026.

 

"Hanesan importante aumentu númeru hosi selesaun sira iha Mundial, tanba ami tenki inkluzivu liu. Selesaun ualu sei hanesan justifikavel", afirma ona hosi dirijente hodi admiti katak Ázia bele hetan tan vaga neen.

 

@SAPO Desporto

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo