Sexta-feira, 07.07.17

"Messi é pago como o melhor do mundo”, diz presidente do Barcelona

Josep Maria Bartolomeu não poupou elogios ao argentino. 




O presidente do FC Barcelona, Josep Maria Bartomeu, disse que o futebolista Lionel Messi “é pago como o melhor do mundo”, dois dias após o anúncio da renovação do contrato com o avançado internacional argentino.

 

“É o melhor jogador do mundo e é pago como o melhor do mundo e da história do futebol. É o jogador de desportos coletivos mais bem pago porque ninguém dá tanto ao seu clube como Leo Messi”, disse Bartomeu em entrevista ao diário Mundo Deportivo.

 

O FC Barcelona anunciou na quarta-feira que chegou a acordo com Messi para prolongar o contrato por mais três anos, até 30 de junho de 2021, devendo oficializá-lo nas próximas semanas, quando o jogador regressar do período de férias.

 

O avançado argentino, de 30 anos, designado melhor jogador mundial por um recorde de cinco vezes (2009, 2010, 2011, 2012 e 2015), terminava o contrato com os catalães no fim da época 2017/2018.

 

O Barça não fez referência aos valores envolvidos, ainda que o diário desportivo Marca avance com uma cláusula de rescisão no valor de 300 milhões de euros, e também não menciona a existência de um período de um ano adicional de opção, noticiado pela comunicação social espanhola.

 

Messi chegou com 13 anos ao centro de formação do FC Barcelona, tendo-se tornado na maior referência do clube catalão, pelo qual marcou 507 golos, em 583 jogos, tendo conquistado, entre outros troféus, quatro Ligas dos Campeões e oito campeonatos de Espanha.

 

@SAPO Desporto

Segunda-feira, 03.07.17

Neymar: "Bainhira ha'u to'o iha Barcelona hanesan tama iha videojogu ida nia laran"

Avansadu brazileiru fó entrevista ida ba televizaun brazileiru ida, fó sai momentu balun ne'ebé nia hetan bainhira nia to'o iha Barcelona. 

 

 

Neymar fó sai katak nia hanoin hanesan mehi bainhira to'o iha Barcelona. Jogador brazileiru afirma ona katak hasoru jogador koñesidu barak ne'ebé halo nia hanesan tama iha jogu ida vídeo nian.

 

Iha entrevista ne'ebé fó ba programa "Caldeirão de Huck", hosi televizaun brazileiru Rede Globo, Neymar afirma ona katak tenki serbisu maka'as hodi bele afirma iha Europa.

 

"Ó hahú buat hotu hosi zero. Buat ne'ebé ó halo ona iha Brazil la vale buat ida iha ne'e. Ó tenki hatudu saida maka ó nia valor. Ó tenki luta... Ha'u hetan susar hodi adapta. Ikusmai, buat hotu la'o ho di'ak tanba ajuda hosi ha'u nia kompañeiru sira, hosi ha'u nia família no belun sira. Ne'e ajuda ha'u hodi mantén fokadu no konsentradu", afirma hosi jogador ne'ebé la fiar bainhira to'o iha balneáriu hosi klube 'blaugrana'.

 

"Ha'u tama iha balneáriu, ha'u haree ba parte ida iha Messi, parte seluk iha Xavi, Iniesta, Piqué, Dani Alves... ha'u hanoin katak ha'u iha videojogu ida nia laran. Loron ida bainhira ha'u joga hela ho nia iha konsola no loron ida seluk tama iha laran. Fulan dahuluk hanesan komplikadu. Ha'u moe ko'alia ho Messi, sira hanesan ha'u nia ídolu sira. Nune'e, ha'u hanesan jogador ida ne'ebé joven tebes", avansadu ne'e refere.

 

Neymar, tinan 25, to'o iha Barcelona iha 2013/2014, mai hosi klube Santos. Iha temporada liubá, avansadu brazileiru partisipa ona iha jogu hamutuk 45 no marka ona golu hamutuk 20.

 

@SAPO Desporto

Terça-feira, 02.05.17

Vídeo: Barcelona hanoin hikas tinan 12 hahú hosi golu dahuluk Messi nian

Katalaun sira fó sai vídeo ida ho komemorasaun 10 di'ak liu hosi Messi.

Iha tinan 12 liubá maka Lionel Messi, iha tempu ne'ebá ho tinan 17, aponta ona golu dahuluk sira ho Barcelona. Iha tempu ne'ebá, arjentinu tama ba Samuel Eto'o nia fatin, iha minutu 43 ho jogu hasoru Albacete, ba Liga Española.

Liutiha tinan 12, jogador agora iha ona marka extraodináriu hamutuk golu 502 ho katalaun sira.

Hodi selebra loron ne'e, klube españól fó sai ona vídeo ida ho komemorasaun sanuluk di'ak liu hosi Messi.

Haree vídeo tuirmai ne'e:



@SAPO Desporto

Quarta-feira, 29.03.17

Piqué ataka Real Madrid no "hamanas" imprensa española

Jogador Barcelona "dispara" hasoru Real Madrid bainhira hatán kona-ba vídeo-árbitru. 

 

 

Gerard Piqué kontinua nia kruzadu hasoru Real Madrid. Barcelona nia defeza ataka fali merengue sira, iha Paris, hafoin jogu amigável entre España ho Fransa, ne'ebé españól sira manán ho 2-0.

 

Iha zona entrevista lalais sira nian, jogador Barcelona nian "dispara" hasoru Real Madrid bainhira hatán kona-ba vídeo-árbitru nian.

 

"Buat hotu rezumu de'it bainhira hatais mutin. Árbitru sira bele halo sala, maibé ne'e ajuda. Iha ínisiu hanesan ladún di'ak tanba tempu hein nian maibé sei sai di'ak. Dala hira ona maka prejudika ami no ami halo kesar? Maibé ne'e agora sei la akontese", nia hatete ba jornalista sira.

 

Barcelona nia defeza garanti katak laiha buat ida hasoru jogador sira Real Madrid nian maibé loos kontra klube no valor sira ne'ebé transmiti.

 

"Ha'u laiha dúvida hosi madridizmu Raul nian maibé ha'u sei la serbisu ba klube. Ha'u la gosta ho valor ne'ebé transmiti. Ha'u gosta jogador sira, ha'u hanesan belun hosi jogador balun. Buat ne'ebé maka ha'u la gosta iha Real Madrid maka haree ema balun iha tribuna, haree oinsá maka sira hetan pozisaun iha nasaun ne'e. Ema ne'ebé maka akuza Messi ho Neymar, no ne'ebé dalaruma iha tratu oinseluk ida ho Cristiano, tuur iha tribuna iha Florentino [Pérez] nia sorin. Hanesan ne'e nafatin", nia akuza.

 

Imprensa española hatete katak Piqué refere ba Marta Silva Lapuerta, xefe hosi serbisu jurídiku hosi Governu españól, no nia deskonfia influénsia iha investigasaun sira ba fraude fiskal.

 

Tuir jornal españól "Marca", departamentu jurídiku Real Madrid nian estuda hela posibilidade hodi halo prosesu jogador ne'e.

 

@SAPO Desporto

Quinta-feira, 09.03.17

Luis Enrique: "Laiha ema ida maka fiar "

Barcelona manán PSG ho  6-1 no hakat ba kuartu finál Liga dos Campeões.


Foto: LUSA

 

Treinadór Barcelona reflete perfeisaun ba ilusaun ekipa katalaun, ne’ebé  konsege rekupera desvantajen 4-0 hosi jogu dahuluk  ‘oitavu’, finál nian ne’ebé halo buat hotu iha kalan ne’e hasoru  PSG ho 6-1.

 

"Ha’u hanoin katak ema ida lafiar. Ekipa impressionante tebes. Ami tenta maka’as no vale duni. Hanesan  finál ne’ebé dala barak akontese iha futebál  no ohin ami nian fali", haktuir Luis Enrique.

 

"Xave ne’e maka efikásia. Golu daneen bele marka hosi adeptu ne’ebé iha fatin seluk mundu nian. Klaru katak ami nia  prezensa iha  kuartu finál ladun di’ak ba  ekipa seluk. Ekipa ualu iha posibilidade saun kampeaun. Husik hela ha’u nia  menisku iha Camp Nou. Hakarak  hatete katak ami iha konfiansa dezde loron ne’ebé ami lakon ho 4-0. Dedikadu ba sira tanba ne’ebé laós Globetrotters, ne’e futebál”, refere treinadór katalaun.

 

FC Barcelona hakat ba kuartu finál Liga dos Campeões, hafoin manán Paris Saint-Germain ho  6-1, rekupera desvantajen 4-0 iha  jogu jogu dahuluk  ‘oitavu’finál nian.

 

SAPO TL ho SAPO Desportu

Quarta-feira, 08.03.17

Barcelona halo majia no Benfica hatete adeus ba Champions

Kalan nakonu ho golu iha loron-kuarta ne'e hosi Champions League. 

 

 

FC Barcelona tama iha loron-kuarta ne'e ba kuartu-final Champions League futebol nian, bainhira hatama golu 6-1 hasoru Paris Saint-Germain, rekupera hosi lakon ne'ebé hetan iha jogu dahuluk iha "oitavu" ho 4-0.

 

Iha Camp Nou, FC Barcelona sai hanesan ekipa dahuluk iha istória ne'ebé rekupera hosi desvantajen 4-0 iha jogu dahuluk, tanba golu sira hosi Luis Suárez, iha minutu tolu, hosi Lionel Messi, hosi penalidade (minutu 50), hosi Neymar (iha minutu 88 ho 90+1) no hosi Sergi Roberto (minutu 90+5), ne'ebé tau hamutuk ho autogolu hosi fransés Layvin Kurzawa (minutu 40). Edinson Cavani marka golu onra ba fransés sira iha minutu 62.

 

Ho golu marka iha minutu hitu ikus jogu ba dala rua nian, katalaun sira konkretiza ona "mehi" no tau ona "karimbu" hodi liu ba kuartu-final hosi Champions League.

 

Iha jogu seluk kalan nian, Benfica sai hosi Champions League futebol nian, lakon iha Alemaña ho Borussia Dortmund ho 4-0, iha jogu daruak hosi oitavu-final prova nian.

 

Hafoin manán tiha iha jogu dahuluk ho 1-0, Benfica haree sedu ekipa jermániku halakon desvantajen, bainhira Aubameyang loke markador iha kedas minutu haat, rezultadu ida ne'ebé mantén to'o intervalu.

 

Hahú parte daruak, Borussia "taka" eliminatóriu, ho golu sira ne'ebé akontese iha minutu rua nia laran, ida hosi Pulisic (minutu 59) no hafoin ne'e golu ida tan hosi Aubameyang (minutu 61), ne'ebé nia tenta fali iha minutu 85.

 

@SAPO Desporto

Sexta-feira, 24.02.17

Barcelona lansa akademia iha Xina

Fatin ne'e sei hetan alunu xinés hamutuk rihun resin. 

 

 

Klube españól Barcelona lansa ona iha loron-sesta ne'e iha Xina akademia futebol ida ba alunu hamutuk rihun resin, iha tempu ne'ebé nasaun ho populasaun barak liu iha mundu kaer ambisaun hodi sai hanesan poténsia ida iha modalidade ne'e.

 

Jogador koñesidu antigu hosi Barcelona Ronaldinho Gaúcho no prezidente klube nian, Josep Maria Bartomeu, vizita ona akademia foun, lokaliza iha illa tropikal Hainan, extremu súl nasaun nian.

 

"Ba ha'u, temperatura, ambiente, ema sira no liuliu rai hosi illa ne'e sei hanesan buat úniku ba dezenvolvimentu futebol nian iha Xina", afirma ona hosi líder klube españól nian.

 

Akademia hahú halo funsionamentu iha tinan ne'e nia rohan no iha kampu futebol hitu. Fatin sei serve mós ba selesaun nasional Xina nian no ba klube prinsipal sira seluk hosi nasaun ne'e hodi halo treinu.

 

Xina, ne'ebé tama iha fatin 86 hosi "ranking" FIFA nian, hakarak harii akademia futebol hamutuk 50.000, to'o tinan 2025, hanesan planu ambisiozu ida hosi Pekin, ne'ebé hakarak tau nasaun iha nível hanesan ho selesaun di'ak sira iha mundu.

 

"Barcelona FC serbisu di'ak tebes ho joven sira, ho profisional sira iha nível aas, ne'ebé mai iha ne'e", afirma hosi internasional brazileiru Ronaldinho. "Ha'u fiar katak sei ajuda maka'as no atu futebol iha Xina sei aprende maka'as", nia hatutan.

 

Akademia iha Xina sei hanesan boot liu entre akademia 20 ne'ebé Barcelona harii iha mundu tomak. Sei hanesan akademia úniku ne'ebé jere diretu hosi funsionáriu sira klube nian.

 

Maibé, fatin ne'e sei hanesan ki'ik liu duké akademia hosi kampeaun xinés nian Guangzhou Evergrande, konsidera hanesan boot liu iha mundu, ne'ebé loke ho parseria hamutuk ho Real Madrid no iha alunu na'in 2.000 resin.

 

Iha 2014, antigu kapitaun hosi selesaun portugeza Luís Figo lansa ona akademia ida hosi modalidade ne'e iha Xina, ne'ebé to'o hala'o iha sidade hamutuk 16 iha Xina, maibé ohin loron iha de'it 10, hafoin investidor prinsipal sai tiha hosi projetu.

 

Iha 2015, prezidente Sporting nian, Bruno de Carvalho, fó sai iha Pekin katak sei harii akademia hamutuk 20 iha Xina, to'o tinan 2018.

 

Benfica iha ona akademia ida futebol nian iha Hangzhou, kapital prósperu ida hosi provínsia Zhejiang, iha kosta leste Xina nian.

 

Treinador no profisional sira hosi futebol portugés hamutuk atus resin serbisu ona iha nasaun ne'e, fahe hosi akademia sira no klube sira. Koñesidu liu maka André Villas-Boas, antigu tékniku hosi FC Porto, ne'ebé orienta Shanghai SIPG, hanesan kandidatu ida hodi manán superliga xineza.

 

@SAPO Desporto

Segunda-feira, 20.02.17

Luis Enrique: "Ha'u la entende hakfuik sira ba André Gomes"

Treinador katalaun sira nian defende médiu portugés iha final susar ida ba vitória (2-1) hasoru Leganés.

 



Luis Enrique, treinador Barcelona nian, la gosta tratamentu hosi adeptu sira ba André Gomes iha jogu loron-domingu ho Leganés, ne'ebé katalaun sira manán maski susar ho 2-1. Internasional portugés simu hakfuik iha momentu ne'ebé nia hetan substituisaun, iha ona minutu ikus sira jogu nian.

"Ha'u la entende hakfuik sira ba André Gomes. Ha'u la entende duni hakfuik jogador sira hosi ekipa rasik", tékniku hatete ba jornalista sira. "Ha'u senti haksolok ho André Gomes, tanba buat ne'ebé halo ita sai forte liu maka apoia malu", nia hatete.

Treinador, ne'ebé simu mós protestu hosi adeptu "culés" sira, simu hasoru protestu no asumi responsabilidade ba momentu atual ekipa nian.

"Hakfuik mai ha'u. Laiha problema ida. Hanesan lójiku atu imi hakfuik mai ha'u hafoin akontesimentu iha Paris. Hakfuik mai ha'u no ha'u sei la falla lanse ruma no ha'u aseita krítika ruma", garanti hosi treinador.

Barcelona tenki terus hodi manán iha estádiu rasik hasoru Leganés, ho 2-1, ho penálti ida hosi Messi ne'ebé rezolve jogu iha minutu rua antes hotu. Antes, katalaun sira lakon ona hasoru PSG ho 4-0, iha jogu dahuluk hosi oitavu-final Champions League nian.

@SAPO Desporto

Barcelona manán Leganés iha oras ikus ho golu hosi Messi

Penalte iha minutu ikus 'salva' FC Barcelona hosi  empate ho Leganés.


Foto: QUIQUE GARCIA

 

Penalidade ida, ezekuta hosi Lionel Messi iha minutu 89, iha ohin permite ba FC Barcelona halakon Leganés, ho 2-1, iha  jogu ba jornada  23.ª liga española.

 

Loron lima hafoin  lakon maka’as hasoru Paris Saint-Germain, ho 4-0, iha Liga Campeões, katalaun sente fila fali  difikuldade boot atu  halakon  Leganés, ne’ebé lamanán durante jogu 11.

 

Iha Camp Nou, Messi fó  vantaje ba FC Barcelona liu minute haat, hafoin pase ida hosi  Luis Suárez, ne’ebé bele  halo  vitória ida  hakmatek ba ‘blaugrana’.

 

Maski nune’e, Leganés kria difikuldade boot no to’o hetan  empate iha minutu 71, hosi  Unai López, hafoin Sergi Roberto lakon bola.

 

Lahó ona André Gomes, substitui iha minutu 80, FC Barcelona to’o duni  vitória, hosi  Messi, liuhosi  markasaun ba penalidade ida, kastigu tanba falta ida hasoru Neymar.

 

Ho vitória ne’e, FC Barcelona rekupera fatin daruak, ho pontu 51, hela ida hosi Real Madrid, ne’ebé iha menus jogu rua, no liu pontua rua duké Sevilha.

 

Molok jogu Barcelona, Celta Vigo sa’e ba okupa iha fatin dasia, ho vitória ida hasoru lanterna-mean Osasuna, ho 3-0, ho golu hosi Sisto ( minutu 23), Jozabed (87) no Iago Aspas (89).

 

SAPO TL ho SAPO Desportu

Quarta-feira, 01.02.17

Juventus sei hanoin iha André Gomes

Klube Turim nian konsidera atu fila fali ba kontratasaun hosi médiu portugés iha veraun. 

 

Foto@ Alejandro Garcia /EPA

 

Juventus la dezisti hosi André Gomes. Maski ultrapasa tiha ona hosi Barcelona iha veraun, emblema Turim kontinua ho interese maka'as iha kontratasaun hosi internasional portugés no bele fila fali ba negosiasaun iha époka nia rohan.

 

Tuir Mundo Deportivo, Juventus konsidera katak fatin ne'ebé husik hosi Paul Pogba bainhira ba Manchester United tenki prenxe, no fiar katak internasional portugés hanesan kandidatu adekuadu tebes.

 

Aleinde ne'e, Luis Enrique nia futuru iha Camp Nou sei iha importánsia espesial iha André Gomes nia futuru, tanba jogador hanesan aposta pesoal hosi treinador. Karik labele kontrata médiu ho tinan 23 ne'e, kampeaun italianu bele avansa ba Rakitic, ne'ebé joga mós iha Barcelona.

 

Internasional portugés iha kontratu ho Barcelona to'o 2021.

 

@SAPO Desporto

pesquisar

 

Fevereiro 2018

D
S
T
Q
Q
S
S
1
2
3
4
5
6
7
8
9
10
11
12
13
14
15
17
18
19
20
21
22
23
24
25
26
27
28

posts recentes

últ. comentários

  • Favor hakerek ho formato lolos:Boavista 0 - 1 FC p...
  • Kona ba ita nia selesaun futsal nian nebe dadaun n...
  • Tun ba posizaun 19 = desceu para a decima nona pos...
  • El sonido de una mágica voz.Veo, en la inmensidad ...
  • VIVA! Viva o BENFICA! VIVA! Viva o BENFICA!
  • VIVA! Viva o BENFICA VIVA Viva o BENFICA</b!!!
  • nossa show de bola, parabéns!Very good mens!
  • Manan na'in ba tinan 2013 mak husi ekipa Eni Timor...
  • acho que esta horario incompleto, porque so estava...

arquivos

tags

subscrever feeds

blogs SAPO

Atletismo