Barcelona halakon Atlético de Madrid ho golu hosi Messi

Ekipa "blaugrana" halakon rivál madrilenu sira iha jogu primeira mão hosi kuartu-finál Taça do Rei.

 

 

Foto: JOSEP LAGO / AFP

Barcelona konsege ona vitória iha minutu finál ninian.

 

Barcelona simu no manán Atlético de Madrid ohin dadeer, 1-0, iha jogu primeira mão hosi kuartu-finál Taça do Rei de Espanha iha futeból, nune’e hetan vantajen ba konfrontu segunda mão nian.

 

Iha jogu ho maior "cartaz" hosi "kuartu", úniku golu ne’ebé marka hosi arjentinu Lionel Messi, iha minutu 85, liuhosi penalidade, ne’ebé eis-guarda-rede sira hosi Benfica Jan Oblak hahú mai defende tiha bola.

 

Ho vitória ida ne’e, katalaun sira fila ho favoritizmu uitoan ba jogu segunda mão nian, ne’ebé sei hala’o iha Madrid, iha loron 28 Janeiru.

Iha jogu kuartu-finál ohin nian, Villarreal manán Getafe, 1-0, enkuantu Málaga empata zero ho Athletic Bilbao.

 

Primeira mão hosi kuartu-finál remata iha loron-Kinta, ho embate entre Espanyol de Barcelona no Sevilha.

 

SAPO TL ho SAPO Desporto

tags: