Cristiano Ronaldo mana'an Bola Osan-Mean ba dala tolu

Kapitaun selesaun Portugal nian tama iha istória futeból modernu bainhira mana'an Bola Osan-Mean ba dala tolu.

 

Joseph Blatter kongratula Cristiano Ronaldo. EPA@ Ennio Leanza

 
Internasionál portugés mana'an iha loron-segunda ne0e Bola Osan-Mean ba dala tolu iha nia kareira hodi halakon arjentinu Lionel Messi ho alemaun Manuel Neuer iha votasaun ba jogadór di'ak liu iha Mundu.

Avansadu Real Madrid nian no kapitaun selesaun nasionál Portugál nian simu votu 37.66% hodi halakon Lionel Messi nebe iha fatin daruak ho votu 15.76%, no Manuel Neuer iha fatin datoluk ho votu 15.72%. Nune'e Cristiano Ronaldo tama iha panteaun jogadór sira nebe mana'an prémiu ne'e ba dala tolu hanesan atleta Cruyff, Platini, Van Basten ho Messi.

Iha tinan liubá, Cristiano Ronaldo sai hanesan markadór di'ak liu iha Liga Españól ho golu hamutuk 31 iha jogu 30 nia laran hodi hametin nune'e Real Madrid nia dalan ba konkista Liga Champions ba dala sanulu. Aleinde mana'an Supertasa Europeu ho Mundiál Klube nian, Cristiano Ronaldo sai mós nu'udar markadór di'ak liu iha Liga Champions ho golu hamutuk 17.

ho SAPO Desporto