Barcelona manán At. Madrid

Vitória kampeaun españól ladauk sufisiente atu hametin tékniku Luis Enrique hodi sai komandu 'blaugrana'.

 


Foto: LLUIS GENE / AFP

Jogadór na’in tolu hosi atake katalaun nian maka marka golu hasoru At. Madrid

 

FC Barcelona ohin manten perseguisaun ba ba líder Real Madrid no tuir nafatin hela pontu ida hodi ‘merengues’ hafoin hala’o jogu no manán kampeaun Atlético de Madrid, ho 3-1, iha jogu 18.

 

Iha Nou Camp, trio sul-amerikanu maka formadu hosi Messi, Suárez no Neymar sai determinante iha vitória katalaun nian, nune’e maka sai nafatin segundu lugár hosi kompetisaun ho pontu tolu vantenjen hasoru ‘colchoneros’.

 

Brazileiru Neymar, ho asisténsia Suárez maka nia loke kontajen iha minutu 12 no iha minuteu 35 uruguaiu maka ‘marka’ hafoin ‘prenda’ hosi arjentino Messi.

 

Ho portugés Tiago iha ekipa titulár, Atlético de Madrid reduz ona iha segunda parte liuhosi jogadór kroata Mandzukic, ne’ebé xuta penalti boot ida iha minutu 57, maibé Messi iha dúvida ba rezultadu iha minutu 87, hafoin halo jagada di’ak ida hosi kombinasaun jogadór na’in tolu iha oin.

 

Vitória FC Barcelona mosu hafoin konturba semana ne’ebé imprensa desportiva lokál fó besik saída hosi tékniku Luis Enrique, tanba problema ne’ebé relasiona ho jogadór sira balun, inklui Messi.

 

Imprensa desportiva hanesan garante katak, maski ho vitória hasoru Atlético de Madrid, Luis Enrique sei la kontinua ho kargu.

Iha jogu dahuluk, Sevilha sa’e ba kuartu lugár bainhira manán iha Almería nia kampo ho 2-0, ho golu sira hosi Iborra no Coke, iha minutu 58 no 63. Ekipa sevilhana konta ho guarda-redes Beto no ho defeza-sentrál Daniel Carriço durante totalidade jogu nian.

 

Surpreza hosi ronda ne’e akontese iha Bilbau, ho Athletic hakfodak ho Elche, ne’ebé manán 2-1 no sai último lugár hosi kompetisaun.

Estatutu  ‘lanterna-vermelha’ agora pretense ba Granada, ne’ebé empata bola ida bainhira simu no joga hasoru Real Sociedad.

 

Iha jogu 18 hosi kampeonatu españól remata segunda-feira ho Rayo Vallecano hodi simu Córdoba, ne’ebé bele estrea portugés Bebé, jogadór emprestadu hosi Benfica durante loke hikas merkadu transferénsia.

 

SAPO TL ho SAPO Desporto

tags: