Primeira-Dama partisipa iha reuniaun ba realizasaun “Torneiu Futeból Tasa Primeira Dama” nian

Primeira-Dama Isabel Ferreira  halo reuniaun, iha loron-tersa kotuk, loron 6 Janeiru 2015, ho Komisaun Organizadora ba “Torneiu Futeból Tasa Primeira Dama nian”, tuir komunikadu hosi GPD. 

 

Enkontru ne’e halo ho objetivu diskuti prosedimentu operasionál sira hodi realiza torneiu refere ne’ebé sei hala’o iha sábadu oin, loron 10 Janeiru 2015 iha Estádiu Munisipál Díli, iha tuku 15h00.

 

Diskuti mós prosedimentu sira maka previstu ba ohin, loron 8 Janeiru 2015, tuku 13h00 iha Sentru Futeból Xanana Gusmão (Kampu Demokrasia) kona-ba sorteiu ba ekipa sira ne’ebé sei joga iha serimónia abertura, hatete fonte hosi Gabinete Primeira Dama.

 

 

Abertura ba torneiu ne’e sei konta mós ho prezensa hosi padre José Taçain ne’ebé sei halo orasaun inisiál, Sekretáriou Estadu Juventude no Desportu, Miguel Manetelo no hosi Primeira Dama Isabel Ferreira. Finál hosi Torneiu atu realiza iha loron 24 janeiru 2015.

 

Eventu ne’e hetan mós apoiu hosi Timor Telecom (TT), SAPO TL hanesan Media Partner, Banku ANZ,  Pepsi, no sira seluk tan.

 

Fotos: Gabinete da Primeira Dama

 

SAPO TL

tags: