At. Madrid 4-0 Olympiakos

Mandzukic ema ne’ebé jogu hahú halo hat-trick vitória formasaun grega. "colchoneros" asegura sira ninia prezensa iha faze oitavu-finál..

 


Foto: AFP

Mandzukic marka golu tolu iha Madrid.

 

Atlético de Madrid manán Olympiakos ohin dadeer  4-0 no garanti hodi hakat ba kualifikasaun oitavu finál husi Liga Kampeaun, duelo jogu ba dala lima husi  grupu A. Golu sira ne’e marka hosi Raúl Garcia (9’) no husi avansadu kroata Mario Mandzukic (38’, 62’ no 65’).

 

Estádiu Vicente Calderón sai hanesan kalan ksolok bainhira haree katak uma na’in pasa ba "oitavu" hosi "Champions" no hanesan mós vitória. Diego Simeone, treinadór "colchoneros", aposta Tiago sai titulár (sai ba intervalu) no haree ninia ekipa marka golu sedu de’it iha minutu sia husi intermédiu kapitaun Raúl Garcia, hafoin Roberto pasa sala bola , antigu jogadór Benfica.

 

Hafoin besik minutu 30, Mandzukic marka golu daruak hafoin kruzamentu eskerda no falla husi defensiva helénica. Iha segunda parte, kroata taka rezultadu ho golu rua hpo kabesa iha minutu tolu nia laran. Primeiru mosu husi kruzamentu direita Arda Turan no segundu iha kobransa bola livre husi Gabi.

 

Iha jogu grupu seluk ba Juventus tenke manán Malmo 2-0, hanesan golu ida husi  Lorente (49’) no Tévez (88’) marka iha inísiu jogu no iha jogu remata.

 

Atlético de Madrid maka lidera grupu A, ho pontu 12. "Vecchia Signora" maka sai segundu lugár, hafoin manán Malmö (ho pontu tolu). Olympiakos maka sai terseiru ho pontu neen. 9 dezembru, Olympiakos no Malmö sei hasoru, Juventus sei simu madrilenu.

 

SAPO TL ho SAPO Desporto

tags: