Messi marka istória ohin dadeer no Suárez mós hanesan

Arjentinu maka sai markadór di’ak liu husi istória Liga Kampeaun iha jogu ida ne’ebé Luis Suárez primeira vez marka golu husi Barcelona.

 

 

Foto: THOMAS COEX / AFP

Messi kompleta "hat-trick" iha Nicósia.

 

Barcelona iha Kuarta-dadeer ba Nicósia hodi halakon APOEL 4-0, iha jogu hahú Lionel Messi halo "hat-trick" no ultrapasa ona marka Raúl nian hanesan markadór di’ak liu husi istória Liga Kampeaun nian.

 

Barça hetan vantajen hafoin joga minutu 27, ho golu ida husi Luis Suárez. Avansadu uruguaiu ba finta João Guilherme no remata ho klase saída Pardo. Ida ne’e maka golu dahuluk husi Suárez bainhira hatais kamizola Barcelona no halo golu di’ak ida.

 

Uruguaiu ne’ebé dominandu holofotes maibé la kleur mosu "suspeitu kostume nian" sira reklama ba nia: iha minutu 38, Lionel Messi desvia remata Rafinha no halo ninia golu 72º  iha Liga Kampeaun. Ida ne’e maka, arjentinu sai markadór istória ne’ebé di’ak liu husi "Champions", ultrapasa golu 71 husi Raúl.

 

Messi rasik marka "golu rua" iha jogu minutu 58, pase husi Daniel Alves. Ekipas rua ne’e remata jogu ho elementu 10, tanba duni sai Rafinha (Barcelona) no João Guilherme (APOEL).

Hafoin duni sai tiha jogadór na’in rua ne’e, Messi halo "hat-trick" hafoin asisténsia husi Pedro, nune’e maka nia golu hamutuk 74 iha kompetisaun.

 

SAPO TL ho Sapo Desporto

tags: