Kempes: "Ronaldo nia nível di’ak liu Messi"

Mario Kempes elojia momentu atual Cristiano Ronaldo.

 

 

Cristiano Ronaldo hanesan favoritu ba manán Bola de Ouro iha tinan ida ne’e

 

Antigu internasionál arjentinu, relasiona ho futeból mundiál, Mario Kempes, konsidera katak Cristiano Ronaldo nia nível di’ak liu kompara ho Lionel Messi.

 

Iha momentu rivalidade entre Cristiano Ronaldo no Lionel Messi aumenta ho votasaun ba Bola de Ouro ne’ebé mosu opiniaun oioin iha diskusaun kona-ba se maka sei sai jogadór di’ak liu iha mundu.

 

Iha deklarasaun ba diáriu AS, eis estrela futeból arjentinu konfesa katak orsa ne’e daudaun Cristiano Ronaldo nia nível aas liu Messi.

"Ha’u hanoin daudaun ne’e Messi ladun iha momentu di’ak, hanesan mós akontese iha tinan balun liu ba. Ha’u hanoin katak nia joga hela maibé ho nível ne’ebé tun liu duke bainbain ita haree. Ida ne’e maka diferensa entre Real Madrid no Barcelona. Cristiano Ronaldo sente hamlaha liu duke Messi", afirma Kempes.

"Nia laiha sprint ne’ebé hanesan tinan rua ká tolu liu ba. Messi iha uitoan ninia kotuk no sai hanesan pase ba dala ikus nian, ne’ebé hatudu katak sai di’ak liu", hatutan eis internasionál arjentinu kampeaun mundu husi Arjentina iha 1978.

 

SAPO TL ho SAPO Desporto



tags: